مرسله في
سليم مدري كم مداخيل الحفل و لا كم كلف بس الاكيد بيكون كلف كثييير لانه بنوا المسرح و كل المعدات هني اللي جابوها ضف الى ذلك الكورس الكبير و الفرقة الكبيره و التصوير و الاخراج كله عليهم .
--------------------
المشاركات: 15649 | من: نفسيه سودة وثقالة دم | تاريخ التسجيل: مايو 2001
|
مرسله في
راح ابدأمن الاخير ايه سليم تكاليف ومصاريف حفلات جوليا اكبر من العائدات من ثمن البطاقات وجوزها بمول الحفلا لبغطي المصاريف هيدا عادة مابعرف اذا بحفلات الجنوب كان في جهة اخرى هي الممولة ما بستبعد هالشي لانو الحفلة لذكرى حب تموز فالطبيعي وقت بتكون الحفلة ممولة من حدا عندو تجوه سياسي تكون الحفاة محسوبة عليه
انا ما بنكر انو جوليا عندها محبين وناس جايي تحضرها وناس جايي من برا تحضرها والها شعبية بس شي ومنو يمكن بيطلعوا 25% من الجمهور والباقي جمهور حزب الله لخلق هي الهالة حول اسمها وهيدا قصدي بالبروباغندا هيدا ماحكيت عن الدعوات اللي توجهت للوجوه المعروفة بس هيدا عادي بكل الحفلات بتصير
موضوع عجقة السير وجوليا سكرت الطرقات وكلو نازل يحضر جوليا هون النكتة ياعمي الحفلة صارت نهر السبت ونهار السبت وكل سبت بكون ضغط السير خانق من بيروت باتجاه الجنوب لانو كل يللي من الجنوب وبيشتغلو ببيروت بكونو نازلين يقضوا الويك اند بضيعن بعد الانصراف انا مرة صارت معي انا مهندس وكان عندي ورشة بصيدا بمول وبالمول ممنوع تشتغل الا من عشية واضطريت انزل السبت بعد ال 5 علقيت بعجقة سير مميتة اكتر من 3 ساعات والكل بلبنان بيعرف هيدا الشي
على فكرة انا ما بنتمي لولا خط سياسي يمكن بميل لجماعة المجتمع المدني وانتخبتن لانن ضد الطائفية وضد كل الطبقة السياسية الفاسدة يللي جوز جوليا جزء منها
وعفكرةانا نصي سوري ونصي لبناني امي سورية وبيي لبناني يعني القضية السورية بتعنيلي انا اهل امي بسوريا وخالتي راحلها شبين متل الوردة بسبب النظام المجرم واحد قبل حرب سوريا قتلو المسؤول عنو بالعسكرية وهو عم يضب غراضو اجا نقله لمحل تاني قتلو برصاصة تركو عالارض لتاني نهار لصفي دمه وهيدا كان صديق طفولتي
والتاني بوقت الحرب عمره 19 سنة اخدو عالاجباري وبعد يومين جابولها ياه جثة
يمكن طلعت عن مسار الموضوع كتير المقصد اني لا يمكن تتقبل حدا يحكيلك ويغنيلك الوطن والوطنية وانت عارف شو بفكر وشو توجهو وهو داعم لجهة بعيد تمام البعد عن القيم الانسانية وعندو غل طائفي ضد طائفة تانية
وجوليا هي اللي فوتت حالها بهاللعبة كان فيها تعمل متل ماجدة وفيروز وغيرن ويكون انتمائن بس للبنان
مرسله في
جوليا ملكة وصوتها باللايف بيسطل سطل. ما بيهمني مواقفها ولا مواقف أي حدا. المهم أغانيها الرائعة. نيال الأردن الليلة 😍
المشاركات: 182 | من: Uranus | تاريخ التسجيل: يونيو 2018
|
إرسال هذه الصفحه لصديق!
لطباعه هذا الموضوع
![[battingeyelashes]](graemlins/battingeyelashes.gif)
![[eyelove]](graemlins/eyelove.gif)
![[Big Grin]](biggrin.gif)
![[heartpump]](graemlins/heartpump.gif)
![[rofl]](graemlins/rofl.gif)
