الكاتب
الموضوع: دليل إصدارات ديزني • الجزء الثاني من عام 2012 إلى 2015
[ L.O.V.E.R ]
سوبر مصمم
رقم العضويه 3004
مرسله في نوفمبر 16, 2013 08:07 PM
شباب لايفوووتكم عرض شبكة OSN خصوصاً محبين ديزني العرب اللي يفضلون يتابعون افلام ديزني مدبلجه او مترجمه بالعربي اكيد تعرفون خدمة osn المشاهده عند الطلب .. صح؟! يحطون كل فتره مجموعه من الافلام الجديدة والقديمة وانتو تطلبون اللي تحبون تشوفونه .. بعضهم تدفعون عليهم فلوس وبعضهم مجاني هالفكره طوروها بالكااامل وضافوا لها اشياء رهيبه!! قبل شهر اعلنت osn عن خدمة المشاهدة عند الطلب لكن هالمره بشكل موسع اكثر .. افلام اكثر + مسلسلات اكثر مع كل المواسم سموها OSN On Demand Extra الاضافه القوية اللي سووها osn هالمره مع الاكسترا .. هو انشاء قسم خاص فقــط لانتاجات شركة ديزني وقناة abc بس هالخدمة محتاجة احدث جهاز من osn .. واشتراك شهري بقيمة 10 دولار الجهاز الجديد فيه مكان للانترنت + مساحة كبيرة للتخزين .. لان الخدمة الجديدة تتطلب منكم تحميل الافلام مباشرة من النت هالمره مش مثل قبل تطلبونها وتوصل لكم عن طريق الساتلايت المهممممممممم نجي للنقطه اللي تهمنا كفانز لديزني تخيلوا انهم حاطين بقسم ديزني فوق ال 50 فيلم دفعه وحده للتحميل وكل الافلام اللي عندهم مدبلجة ومترجمة بالعربي خلوني اوريكم بعض الصور اللي خذتها عشان انقل لكم الصورة عدل .. لان لازم لازم هالخدمه ماتفوتكم!! هذا هو قسم ديزني وقناة abc اذا اخترنا قناة abc تطلع لنا قائمة فيها عشرات المسلسلات بجمييييع مواسمها وكلها HD ومترجمة شوفوا مواسم ديسبريت هاوس وايفز ولما ندخل قسم ديزني بنلاقي فوق ال 50 فيلم منوع مابين الانميشن واللايف اكشن والديكومنتري حاطين هرقل وسندريلا وطرزان الخ .. وكلهم HD ومدبلجين بالمصري تخيلوا انهم معربين حتى "افلام والت ديزني تقدم" وبعض عناوين الافلام .. صحيح انها مش لوجوهات رسمية .. لكن احسن من ماميش لول مثلاً فيلم مولان حتى فيلم حورية البحر 2 حاطينه مدبلج بالمصري HD اهم شي تأكدنا الحين من الاسم الرسمي للفيلم بالعربي بعد ماكنا نتهاوش انا ووادهم على تسمية الفيلم اول مانزل DVD خخ انا كنت اسميه العودة الى البحر وهو مصر يسميه العودة الى المحيط عشان اغنية تحت المحيط بس الاحلى من هذا كلللللللللله شنو تتوقعون؟!! حاطين فيلم ماسبق وشفناه "انا عالاقل لول" ابداً مدبلج بالعربي فيلم الموشن كابتشر James and the Giant Peach .. اللي ديزني سوته بعد نجاح نايت مير بيفور كريسماس واااااو متخيلين دبلجة هالفيلم شنو روعه روعه روعه!!! هالفيلم تدبلج على ايام دبلجة حكاية لعبة 3 وتانجلد .. يعني ايام عــــــــز الدبلجة المصرية وحاطين بأخر الفيلم الكاست اللي دبلج تخيلوا هالاسماء بس بفيلم اغلبنا للحين ماشاف دبلجته .. الاخراج الغنائي جيهان الناصر .. السيناريو العربي زينب مبارك والاخراج لاسماء سمير اللي كانت محتكرة كل الدبلجات الفصحى ساعتها اي صح الفيلم فصحى لكن فصحته تجنن .. مش مليقه ودمها ثقيل نفس الفصحى مالت هاليومين!! لان وقتها كانوا هم اللي يقررون كل فيلم يتدبلج بأي طريقه من غير ماتطلب ديزني .. فالنتيجة كانت تطلع روعه لانهم يدبلجون بالفصحى بنفس .. وبرغبه شخصية منهم مثل فيلم اكابود والسيد تود ونايت مير بيفور كريسماس .. والاحلى بعد انهم حطوا اسم الفيلم بالمقدمه .. وصرنا عارفين الحين اسمه الرسمي .. جيمس والخوخة العملاقة الخدمة الجديدة من osn جداً قويه وحلوه وانصحكم تشتركون فيها مادري اذا اللسته راح تتغير بعد فتره ولا لا لانهم ماخلوا شي لديزني ماحطوه فيها!! تخيلوا بس .. فلابر - برنسس داياريز - هوكس بوكس - ترون - تريجر ايلاند - سويس فاملي روبنسون انهبلت على اللسته .. افلام قدييييمة ونادره ومن روائع ديزني بجد .. وكلهم موجودين مع الترجمه و HD والله حسيت نفسي رجعت على ايام قناة ديزني القديمة وغير هذا حاطين الفيلم الوثائقي اللي سوته ديزني بسنة 2009 مترجم Waking Sleeping Beauty يتكلم عن النقله المخيفه اللي صارت بتاريخ استديوهات ديزني وكيف كانوا بالقاع وبعدها كيف وصلوا للقمة مابين 1984 و 1994 اذا تحبون تقرون اكثر عن هالخدمه ادخلوا موقعهم:http://www.osn.com/Announcements/2013/october/ondemandextra_ar_ae.aspx كل شي روعه وفوق الوصف لكن في شي ضايقني واتصلت على خدمة العملاء بـ osn وبلغتهم فيها حسيت ان جودة الصورة ببعض الاحيان وانا اتابع تصير سيئه ولا كأنها HD .. عكس الافلام اللي اطلبها سابقاً عن طريق الساتلايت تكون واضحه ونظيفه حسيت ان هالشي من تأثير تحميل الفيلم من الانترنت قالوا بنشوف وبنجرب ننزل كذا فيلم على كذا جهاز ونحاول نصلح المشكله اذا اتضح ان في مشكله فعلاً بس يلا مافي شي كامل المهم اني جداً مستانس عالخدمه ومكيف عليها لول --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
SA3OOD
عضو مستمر
رقم العضويه 88565
مرسله في نوفمبر 16, 2013 09:16 PM
اشتركت فيها اول ما نزلت و انبح صوتي و انا اقول بس محد عطاني ويه هههههه هو عيبه الوحيد انا ما يعتمد عالشبكة يعتمد التحميل من النت يعني طريقة عمله شرات الابل تي في بس قمت ما انش من يلسة التلفزون مولية في مسلسلات الايه بي سي الي ما لحقت اشوفهم اهني الاو اس ان على اهتمامها بافلام ديزني و ع فكرة الافلام تتغير كل فترة -------------------- Roo7 Disney
المشاركات: 2027 | من: U @ E | تاريخ التسجيل: نوفمبر 2009
|
[ L.O.V.E.R ]
سوبر مصمم
رقم العضويه 3004
مرسله في نوفمبر 16, 2013 10:36 PM
يا العيار وين انبح صوتك .. اذا عالواتساب ترى ماتنحسب الخدمة فعلاً روعه متحمس احضر الفيلم الوثائقي وهوكس بوكس وجيمس والخوخة العملاقة متى تبدا اجازتي السنوية بس ببدع فيها هالسنه --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
Adham Eljaber
عضو نشيط
رقم العضويه 90865
مرسله في نوفمبر 16, 2013 10:47 PM
وااااو !! روووووعة !! مع أني مازلت أشوف ان العودة الى المحيط أحلى متأكد أنهم ما ترجموا العنوان وخلاص ؟! جرب شغل النبيلة و الشارد لو موجود و شوف الاسم عشان نشوف إذا يخرفوا اي اسم أو يكتبوا الرسمي بس رووووعة !! أتمنى يكون موديل جهازي تشتغل عليه :-( والله بازعل لو لا جايمس تدبلج ؟! طيب ليش من زمان يجي على أو اس ان و أم بي سي 3 مترجم ؟ لازم ارجع اليوم أشوف إذا عندي ولا لا @@ --------------------
المشاركات: 794 | من: ¥Under The Sea¥ | تاريخ التسجيل: ديسمبر 2012
|
[ L.O.V.E.R ]
سوبر مصمم
رقم العضويه 3004
مرسله في نوفمبر 16, 2013 11:51 PM
رد مقتبس: متأكد أنهم ما ترجموا العنوان وخلاص ؟! جرب شغل النبيلة و الشارد لو موجود و شوف الاسم عشان نشوف إذا يخرفوا اي اسم أو يكتبوا الرسمي لا طبعاً مش تخريف العناوين "العربية الرسمية" لافلام ديزني من يوم يومها تنكتب مثل ماهي لما تنعرض عالشوتايم مش شي جديد ولا غريب الافلام جايه دايركت من ديزني حتى الكاست العربي ينحط بالكامل بنفس الشكل اللي نشوفه بالديفيديهات الرسمية والنبيلة والشارد مش موجود بالقائمة بس لما انعرض مره عالشوتايم كان بنفس الاسم osn مو لعبه لول رد مقتبس: أتمنى يكون موديل جهازي تشتغل عليه :-( اذا جهازك مش اخر موديل نزل ... اللي معاه مكان لفيشة الانترنت .. معناته جهازك ماينفع لازم تبدله وتدفع ثمن الجهاز الجديد + قيمة اشتراك ديزني --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
Adham Eljaber
عضو نشيط
رقم العضويه 90865
مرسله في نوفمبر 17, 2013 12:30 AM
لااا اقدر ابدله و ادفع الفرق ولا لازم ابيعه و بعدين اشتري الجديد ؟ خاصي الافلام بفلوس ؟ ليش بفلوس و بعدها تدفع على كل فيلم تشتريه @@ --------------------
المشاركات: 794 | من: ¥Under The Sea¥ | تاريخ التسجيل: ديسمبر 2012
|
[ L.O.V.E.R ]
سوبر مصمم
رقم العضويه 3004
مرسله في نوفمبر 19, 2013 02:20 AM
دخلنا الاسبوع الثاني وللحين مانزل بلوراي جامعة المرعبين وديفيدي صوفيا بقطر شكلي بطلبهم من ايدو بلا مذلة الانتظار!! --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
Adham Eljaber
عضو نشيط
رقم العضويه 90865
مرسله في نوفمبر 19, 2013 02:48 PM
ترى صوفيا رجع ثاني بري اوردر بائدة @@ بعد ما طلبت نسختي !! ثانيا غريب انه الشحن ل3 افلام (ثلاثي حورية البحر) نفس سعر فيلم واحد :-( الديفيدي دفعت عليه 90 ريال !! حسبتهم دائماً أرخص من الأسواق --------------------
المشاركات: 794 | من: ¥Under The Sea¥ | تاريخ التسجيل: ديسمبر 2012
|
SA3OOD
عضو مستمر
رقم العضويه 88565
مرسله في نوفمبر 19, 2013 04:26 PM
منو منكم شاف حلقة ياسمين على قناة ديزني واو آخر حلقتين لصوفيا أبداع -------------------- Roo7 Disney
المشاركات: 2027 | من: U @ E | تاريخ التسجيل: نوفمبر 2009
|
[ L.O.V.E.R ]
سوبر مصمم
رقم العضويه 3004
مرسله في نوفمبر 19, 2013 06:56 PM
مو حاله .. مو كافي اللي صاير فينا حتى على ديفيدي صوفيا بهدولنا تخيلوا بس .. المفروض ديزني كانت تنزل عندنا الفيلم الاول لصوفيا ببداية السنة لكنها بأخر لحظة كنسلته من الجدول بينما باقي الدول "حتــى اليونان" نزل عندها والحين يوم ان ديزني قررت تنزل الديفيدي الثاني لصوفيا عندنا وهو جاهز ومتعرب ومتدبلج بالكامل تقوم وتأجله بينما بباقي الدول صار له اسبوع نازل عندهم حتى بلوراي كارز الثري دي تخيلوا انه الدسك معاه الدبلجة ودبلجة جديدة 5 سماعات ونازل بكل مكان حتى بأمريكا الدبلجة العربية نازله فيه الا احنا الغوا طرحه فجأة عندنا افففف اليوم العصر اتصلوا فيني ايدو عشان يقولون لي ان صوفيا مش عندهم وانهم راح يرجعون الفلوس لحسابي وراح يطرشون بس بلوريهات جامعة المرعبين العادي والثري دي انبطت جبدي الصراحه لاني كنت ناطر ديفيدي صوفيا ومتحمس له اكثر اذا تأخر صوفيا اكثر من اسبوع بطلبه من امازون --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
[ L.O.V.E.R ]
سوبر مصمم
رقم العضويه 3004
مرسله في نوفمبر 19, 2013 06:59 PM
رد مقتبس: المرسل الأصلي هو ROO7 DISNEY: منو منكم شاف حلقة ياسمين على قناة ديزني واو آخر حلقتين لصوفيا أبداع سعود يابختك ماخذ راحتك مع المسلسل لول مو مثلي اسجلهم وامنتجهم وبعديييين اتهنى فيهم واشوفهم متحمس لحلقة ياسمين وخاطري اعرف من اللي دبلجت صوتها .. الظاهر انها نفسها اللي سوت صوتها بنسخة الجزيرة الحلقة نازله بالديفيدي المنحوس وتعتبر هي الحلقة الرئيسية فيه بس بما انك شفتها شرايك بالاغنية اللي غنتها ياسمين؟ وصوتها؟ --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
SA3OOD
عضو مستمر
رقم العضويه 88565
مرسله في نوفمبر 19, 2013 07:16 PM
أبغي أحس باحساس قناة ديزني زمان و اشوف الحلقات دايركت بدل الدي في دي و لو عالكوالتي الزفت دور ياسمين كان بسيط و طلعت فاخر المشاهد بس الاغنية تدبلجت بطريقة حرفنية و ممتازة و اذا "فروزن" تدبلجت أغانيه بنفس الجودة بكون طاير من الفرحة .. بس صوت ياسمين الغنائي جريب وايد من "نهى قيس" -------------------- Roo7 Disney
المشاركات: 2027 | من: U @ E | تاريخ التسجيل: نوفمبر 2009
|
[ L.O.V.E.R ]
سوبر مصمم
رقم العضويه 3004
مرسله في نوفمبر 20, 2013 03:07 AM
بنت ديزني الوحيدة "ديان ديزني ميلر" توفت اليوم الصله المباشرة اللي كانت تربطنا بوالت صج زعلت عليها --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
HolyAngemon
عضو متميز
رقم العضويه 89162
مرسله في نوفمبر 20, 2013 08:08 AM
رد مقتبس: المرسل الأصلي هو [ L.O.V.E.R ]: بنت ديزني الوحيدة "ديان ديزني ميلر" توفت اليوم الصله المباشرة اللي كانت تربطنا بوالت صج زعلت عليها OMG من يومين كنت اشوف بامبي و طلعت مقدمتها للفيلم كنت احب ظهورها بالأصدارات الماسية لما تقدم الكلاسيكات القديمه من متحف ابوها خساره كانت حبوبه و طيبه و طريقه كلامها قريبه للقلب و خصوصا لما تتكلم عن والت من بين كل اللي يذكرون تاريخ والت و يسردونه ماحبه غير من ديان احسه منها غير كلامها و مشاعرها .. بنته الله يرحمها و ياريت لو في تسجيلات او لقاءات مو منزلينها من قبل ينزلوها ديزني بأصدارات جايه جد زعلت عالخبر -------------------- ♬♥ a h l a m ♬♥ • • W.A.S_Signature •
المشاركات: 17728 | من: K.S.A | تاريخ التسجيل: فبراير 2010
|
[ L.O.V.E.R ]
سوبر مصمم
رقم العضويه 3004
مرسله في نوفمبر 20, 2013 08:19 AM
فعلاً كان ظهورها قبل بداية كل فيلم كلاسيكي سواه ابوها والت بالاصدارات الماسيه له هيبه ووقع كبير الحين عرفت قيمة هالشي بعد ماتوفت ماتنلام لما كنت تعصب وتزعل ليش ان فقراتها كانت ماتنحط ببعض اصداراتنا الماسيه وسيم لول انا اللي مزعلني صج هو ان مع وفات ديان تكون اخر صله مباشرة لنا مع والت انتهت .. قبلها كان في روي وابوه .. ديزني الحين لازم تحط اهداء لروحها بنهاية فيلم فروزن او سيفنج مستر بانكس --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|