الموضوع مغلق

الموضوع مغلق ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم الـفـنـي » ســـاحــة الفـــن الغـــربــــي » دليل إصدارات ديزني • الجزء الثاني من عام 2012 إلى 2015 (الصفحه 569)

إرسال هذه الصفحه لصديق!

الموضوع متكون من صفحات: 1  2  3  ...  566  567  568  569  570  571  572

الكاتب الموضوع: دليل إصدارات ديزني • الجزء الثاني من عام 2012 إلى 2015 [ L.O.V.E.R ] سوبر مصمم رقم العضويه 3004 مرسله في                    بالنسبة لقناة ديزني حتى لو نص برامجها "فعلاً" خايسه بالوقت الحالي الا ان هالخطوة كانت منتظرة بشكل مرعب من كل مشتركين osn فرحتهم بهالتحول بمنتدياتهم شي عجيب!! وماينلامون الصراحه اذا كانت في قناة اولى انها تنشاف HD فأكيد بتكون ديزني على راس القائمة الشركة اللي صورتها مليانه سحر وجمال وابهار الصورة الحين صارت تلق وتلمع والترجمة العربية صارت روعه ومكتوبة بنفس خطط وحجم الترجمة بقنوات osn الثانية يعني شي مرتب و روعه .. + عندي احساس ان القناة بالتدريج راح تتغير للافضل والدليل البرامج الجديدة الاخيرة اللي انضافت .. وطبعاً الخبر الاحلى بيكون لما فقرة ديزني جونيور ترجع .. ومبدئياً عندنا خلال السنة الجديدة مسلسل الاسد الملك مشاهدته بالاتش دي بتكون فرصة رهيبه!! + صور سكرين شوت خذتها بنفسي لجودة القناة عشان تشوفون الوضوح: على فكره هالممثله الصغيرة عجيبة ملامحها تموتني من الضحك لول احس بيكون لها مستقبل بالكوميديا لما تكبر + طبعاً نجم افتتاح الـ HD كان فيلم علاء الدين وملك اللصوص تخيلوا بس تشوفون الفيلم بأنقى صورة له!! لا وفوق هذا انقى صوووت عربي له وكامل بدون تقطيع!! يعني اللي شاف الفيلم على قناة ديزني يومها فهو شاف شي استثنائي مايتقارن بمشاهدته للفيلم من خلال شريط الفيديو القديم!! حاولت اخذ لكم سكرين شوت لبعض المشاهد واحط لكم مقارنه بين صورة قناة ديزني ونسخة البلوراي اللي نزلت مؤخراً تقريباً الجودة وحدة .. حطوا بالاعتبار ان جودة القنوات التلفزيونية مهما كانت HD فهي تظل اقل من البلوراي بسبب الارسال بس اللغز اللي مازال محيرني هو اغنية الليلة عيد وكرنفال!! ديزني عمرها بحياتها ما تركت جزء صغير بأعمالها من غير لاتدبلجة الفيلم كل ابوه يتدبلج وبعدها لما ينزل على شريط فيديو تقطع منه والجزء اللي اتكلم عنه هنا هو الجزء اللي يظهر فيه خنزير بالاغنية مازال مش موجود!! وعشان يغطون النقص حطوا الكوبليه اللي بعده بشكل فني غرررريب حده بحيث يحس المشاهد ان هالجزء مو ترقيع وخلاص .. الا فعلاً جزء اصلي من الاغنية!! مادري اذا فاهميني لول يعني لما تشوفون الفيلم ماراح تحسون ان في جزء ماتدبلج!! ماراح تحسون بأي ترقيع .. المقطع اللي حاطينه راكب عالصورة بشكل خيالي كأنهم متعمدين هالحركه من البداية!! + في شي بعد جداً زعجني!! شهالحركة الجديدة البايخه اللي صارت تسويها قناة ديزني بعد لما تعرض فقرة الافلام؟!! تخيلوا صارت تقطع الفيلم من النص وانتو مندمجين وتحط فاصل مش عادي!! اغنية كاااملة داخله عرض من فروزن او وات ايفر وشوية اعلانات شهالحركة السخيفه .. اغنية كاملة من فيلم ماله خص يدخل عرض بنص فيلم ثاني @@ لووول هالقناة يبيلها اعادة ترتيب من اول وجديد اللي ماسكها حالياً لازم ينطرد -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  [ L.O.V.E.R ] سوبر مصمم رقم العضويه 3004 مرسله في                    عندي مواضيع وايد ابي اتكلم فيها معاكم بس ماعندي وقت والتفاعل باخر فترة بالدليل مايشجع + شباب!! شفتوا المقابلة اللي سوتها اسعاد يونس قبل كم يوم رووووووووووعه لاتفوتكم!! استضافت فيها المخرج الفني للنسخة العربية لفيلم الاسد الملك وتكلم خلال جزء صغير من المقابلة عن ظروووف وكواليس دوبلاج الفيلم وردود افعال شركة ديزني عن الدبلجة سوالف واسرار روووعه راح تكتشفونها بكلامه ولايفوتكم اللي قاعد جنبه هذا هو زوج المغنية الدينماركية المقيمة بمصر نينا جول الرهيبه اللي غنت دايرة الحياة بالنسخة الاولى قبل لاتتغير لنسخة جالا الحديدي للاسف المهم شوفوا كلامه مع ادارة ديزني وسؤاله لهم عن سبب اختيارهم لصوت نسائي ثخيــن وشبه رجالي لاداء الاغنية بالنسخة الانجليزية وجوابهم عليه هالانسان على فكرة هو المسؤول عن الشكل الفني الراااائع اللي ظهرت فيها افلام التسعينات كلها!! الاسد الملك وحكاية لعبة وبوكاهونتاس وعلاء الدين وملك اللصوص وغيرهم .. هالانسان دااااهيه ماشاءالله .. ابتدا يشتغل على ارضيه مش موجوده وصناعه مجهوووله ومع جيهان الناصر وعصام السيد وكذا شخص ارسوا قواعد الدبلجة العربية لديزني القواعد اللي مشوا عليها كل الاجيال اللي جات بعدهم هالناس اسااااطير .. بس الاغبيا بدال لايحطون مقطع لنسخة نينا حطوا جالا طبعاً بالفيديو الاغاني مقطوعة .. حبيت بعد انهم مانسوا يذكرون ياسر شعبان وجيهان الناصر -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  طبيعي مراقب رقم العضويه 11956 مرسله في                    ناصر هذي قناتك؟؟ مالت اليوتيوب؟ المهم الحلقة ابداااااااااااع ميت اسمع لاين كنج بصوت نينا ؟؟ الضيف كان بيبدع بالكلام وتحسه رجل له الحق يمثل ديزني وسعاد يونس تتكلم جنها راعية بواب عماره مافي تجانس ههه المشاركات: 44721 | من: الـكـويـت | تاريخ التسجيل: أكتوبر 2003  |  [ L.O.V.E.R ] سوبر مصمم رقم العضويه 3004 مرسله في                    لا بدر هذي قناة ادهم اللي يشارك معانا بالدليل بس بأخر فترة صرت ماسكها معاه وانزل فيها بعض الفيديوهات ونتعاون كلنا فيها + سمير حبيب تفاجأت فيه من خلال المقابلة مثقف وراقي هالانسان ويتكلم عن شغله بديزني يشغف وحب مش شايف الموضوع دبلجة خربوطه وخلاص لاااا تحس انه مشتغل على هالافلام من قلبه عشان جذي نسخ ديزني العربية الاولى دخلت قلوب الناس وصدقوها وحبوها مثل الاصلي + تقريباً هذي اوضح نسخه لاغنية دايرة الحياة بصوت نينا https://www.youtube.com/watch?v=EO6J2frztg4 مالها نسخه صافية لانها مانزلت الا على شريط فيديو قديم -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  Mohab Nawras عضو نشيط رقم العضويه 91890 مرسله في                    انا لسة شايف اللقاء بتاع سمير حبيب ويتكلم في شغله مع ديزني وقال انهم اشترطوا عليه انه مايبقاش في IPM انا قولت دي شركة IBM بتاعت الكومبيوتر اتاري الكلمة اختصارا ل ان شاء الله بكرة معلش هههههههههه ياريت لو نبطل IPM لكن نعمل ايه احنا بندن في مالطا -------------------- هاكونا ماتاتا حكمة نغمها لذيذ هاكونا ماتاتا انسى الماضي اللي يغيظ المشاركات: 100 | تاريخ التسجيل: ديسمبر 2015  |  طبيعي مراقب رقم العضويه 11956 مرسله في                    ناصر انتوا كفانز ديزني عاجبكم اكثر شي صوت نينا؟ مادري يوم سمعت حسيت مادري شعور انه عادي كنت متوقع اسمع صوت اثقل واثخن صوت تحسه لمرة كبيرة بالعمر سمرة فهمتني؟ فجاة طلع مادري بس اكيد انتوا اخبر المشاركات: 44721 | من: الـكـويـت | تاريخ التسجيل: أكتوبر 2003  |  [ L.O.V.E.R ] سوبر مصمم رقم العضويه 3004 مرسله في                    بدر نينا صوتها غريب ونطقها للهجة المصرية تحسه اغرب وهالغرابه والغموض احس عطت سحر خاص للاغنية صوتها بكل بساطة تحسه مثل صوت الارض وجداً راكب على جو افريقيا عالعموم انا وناس وايد تضايقوا يوم غيروها لانها شكلت جزء من ذكرياتنا تخيل شي تكبر عليه وبعد فتره يستبدل بصوت جديد يمكن تحب النسخة الجديدة اللي سوتها جالا الحديدي عاد هذي صوتها صوت وحده مصارعه فنانة اوبرا حقيقية https://www.youtube.com/watch?v=7hwUHQOyTL8 -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  طبيعي مراقب رقم العضويه 11956 مرسله في                    الصوت الثاني حلو لكن مافي اي ميزة حلو وبس الصوت الاول غريب مكسر مادري شلون ! انا الصوت الي كنت متخيله عليه ولاواحد فيهم صوت وحدة تحس افريقية سمرة شعرها عجايف متينه صوتها قووووووووووي جذي فهمت؟ عالعموم شكرا لانك ذكرتني بمسرحية لاين كنج وشلون ببداية المسرحية يمرون يمنا بين الكراسي الفيلة والزرافات وانا يقوموني يحسبوني قرد ابي اروح لندن المشاركات: 44721 | من: الـكـويـت | تاريخ التسجيل: أكتوبر 2003  |  [ L.O.V.E.R ] سوبر مصمم رقم العضويه 3004 مرسله في                    هههههههه مادري ليش تخيلت جواهر مالت الكورنيش اسكت يا بدر اسكتتتتت شقول وشخلي عن مسرحية الجميلة والوحش اللي تنعرض حالياً بقطر ضمن جولتها العالمية رحت لها مرتين وبكره بروح لها للمرة الثالثه اقسم بالله تجربه عمري ماراح انساها شهالسحر شهالجمال شهالروعه تذكرت وانا قاعد هناك مسرحية هدى حسين اللي رحت لها بالتسعينات جميلة والوحش وبغيت ازوع الديكورات التنفيذ الاستعراضات الاغاني المؤثرات خرافه من الخرافات ياتني البجيه وانا هناك لول تذكرت نفسي وانا عمري يمكن 11 او 12 سنة تذكرت روبورتاج كانوا حاطينه تلفزيون قطر اول ما افتتحت المسرحية بامريكا وكان حدث ضخم يومها انسحرت لدرجة ان كان اقصى احلامي اني بس اشوفها على شكل تصوير فيديو كامل مش اكثر جان امسك هالورقة والقلم واكتب للتلفزيون رجاءً ارسلولي نسخة من مسرحية الجميلة والوحش التي عرضتوا مقطعاً منها وحطيت 30 ريال بالرسالة .. مبلغ كنت تعبااان عليه وتحويشة العمر لول ولصقت هالطابع وارسلتها نطرت يومين ثلاثه اربعه ولا احد عبرني او رد علي .. جان اتصل فيهم واقولهم ليش مارديتوا على رسالتي حطيت لكم فيها فلوس شريط الفيديو عشان ترسلون لي المسرحية ولا تقولي اللي ردت مايحطووون فلوس بالظرف تنباق قبل لاتوصل والمسرحية ماعندنا تصويرها بالكامل بس مقطع جان اتحطم واتكدر .. والحيييين وبعد يمكن 20 سنه حضرتها لايف شعور حلو ماينوصف -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  طبيعي مراقب رقم العضويه 11956 مرسله في                    سحر هالمسرحيات شي ثاني يخليك كانك داش فلم لايف اكشن ماحسيت بهالشي؟ شي شي غريب تحس المسرح بثواني يتحول عالم لي عالم لي عالم وكل شوي يتحول شي غريب والممثلين مفصولين عن لجمهور بتاتا عايشين بأدوارهم وصور اصواتهم مايصير تصور؟ وبليز لاتيب طاري هدى لوول مايصير تقارن بشي مايتقارن كلش كلش مافي مجال المسرح بالعرب غير عن المسرح بالغرب مثل ما الفلم بالعرب غير عن الفلم بالغرب وهكذا بكل المجالات مافي مقارنة ومابالك مسرحيات هدى بقطر افشل مسرحيات تدري منو الكاتب؟ تيسير عبدالله ؟؟؟ بالله هذا عمرك سمعت انه يكتب مسرحيات؟ هذا اعلامييييي بس الظاهر بقطر مافي كتاب مادري شسالفة المسرحية الوحيدة عروس البحر اغانيها نوعا ما شي حلو تعال نصور مسرحية البنات والساحر الي متوثقة عرضت بقطر؟؟ شلون جذي اللبس والديكور والمجاميع شي يخرع مع انه سنة 1991 وبعدها المسرحيات كلللللللللهم موحلوين مع انهم بعد مو قبل المفروض يكونون احلى؟ شي غريب المشاركات: 44721 | من: الـكـويـت | تاريخ التسجيل: أكتوبر 2003  |  [ L.O.V.E.R ] سوبر مصمم رقم العضويه 3004 مرسله في                    بدر تقصد مسرحية هدى اللي انعرضت بقطر ايام الغزو؟ اتصور هي البنات والساحر هالمسرحية تصورت بقطر فعلاً ضخامة انتاجية مرعبة وقتها ومعاك حق كل مسرحيات هدى عندنا كانت لوعة ماحبيت لها الا مسرحيتين حسيتهم حلوين ومتعوب عليهم عروس البحر وكوت وتوت وبالاخص كوت وتوت كنت اعشقها .. اذكر لما حضرت العرض كيف كنت مبهووور من ستايل القصة الهندي ولبس هدى وجو المسرحية بخصوص برودواي الجميلة والوحش فعلاً كانوا مانعين التصوير لكن اخوك صورها غصبن عنهم لين ماشبع حطيت كل شي بالسناب يومها حسافه مالحقت تشوف الهوس على اصوله خخ انا اللي فاجأني بدور شلون قدروا ينفذون مشاهد الفيلم بهالحرفنه!! شي يخررررررررع!! مشهد تحول الوحش لامير الوحش طاااار عن الارض وصار بالسما وتم يدور بالسما وهو ميت ودخااان وحاله مثل الفيلم بالضبط ومشهد البداية لما العجوز جاته القصر وبعدها تحولت لساحرة جميلة يوقف القلب من روعته وكل المسرحية بصوب واللوحة الغنائية للاثاث المسحور "اغنية بي اور غيست" بصوووووووووب ثاني المسرح انقلب انقلب صار كرنفال ملاعق وشوك وصحون ترقص واشياء تطير حواليك وزجاجات نبيذ تتطشر عالمسرح شي ماينوصف كانت تجربة من العمر بدور!! مستحيل اخلي المسرحية تخلص من عندنا من غير لا استهلكها لاخر قطره واحلل وجودها بقطر وازوها اكثر من مره واحلى شي ان هيئة السياحة عندنا انفتحت شهيتها على استقطاب مسارح البرودواي!! حاطين العرض القادم اللي راح يستضيفونه بقطر بشهر مارس تخيل شنو؟ مسرحية شريك .. فيلم دريم وركس عن الغول الاخضر هالمسرحية كسرت الدنيا بامريكا وفازت بالتوني اواردز ونزلوها على بلوراي من كثر مانجحت جداً متحمس احضرها واعيش جو الفيلم لايف .. -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  طبيعي مراقب رقم العضويه 11956 مرسله في                    واي ابداع ابداع مسرحيات برادوي عورتي قلبي .. ابي احضر وياك بالنسبة للبنات والساحر لا موبالغزو انعرضت عندكم اخر 91 اهي نعرضت عندنا قبل الغزو بس مالتكم غييييييييير التصاميم والديكور شي مرعب على سنة 91 المشاركات: 44721 | من: الـكـويـت | تاريخ التسجيل: أكتوبر 2003  |  SA3OOD عضو مستمر رقم العضويه 88565 مرسله في                    ناخذ فاصل و بغيت أسالكم عن الديناصور منو دشه فيكم ؟ أنا بدخله باجر للمرة الثانية عشان اشوفه فضمير أكثر شي شدني بالفيلم القصة و تصوير الطبيعة و الخلفيات كنت موقع اشوف فيلم هزلي و خفيف لكن ما توقعت اني اشوف تحفة ثقيلة غيرت رايي بالفيلم و متحمس ل اصدراته و العابه [ ديسمبر 19, 2015, 06:43 AM: تم تحرير المشاركه من قبل: SA3OOD ] -------------------- Roo7 Disney المشاركات: 2027 | من: U @ E | تاريخ التسجيل: نوفمبر 2009  |  A M I R عضو نشيط جدا رقم العضويه 90355 مرسله في                     ^ تصدق سعيد فيلم الديناصور متحمسله اكثر من انسايد اوت مدري ليش بس حاس بشي لطيف تجاه الفيلم وتحمست له كثيييير خصوصا من بعد رايي احمد عنه لانه قال كلام كثييير حلو عالفيلم !!! ونفسي اسافر فاقرب فرصة عشان اشوفة بجانب ستار وارز اللي هابين فيه -------------------- المشاركات: 1978 | من: K.S.A - Jeddah | تاريخ التسجيل: أغسطس 2011  |  SA3OOD عضو مستمر رقم العضويه 88565 مرسله في                    حدك كله و لا أنسايد آوت كل واحد و له بريقه الخاص لكن الي أقصده أن فيلم الديناصور ما خذ حقه كقيلم قوي و يقدر ينافس انسايد آوت اعلامياً لكن حقيقة الفيلم قوي و فيه رسالة واستمتعت وايد و أنا أشوفه غير انه روح بيكسار فيه تحسه لايق عليه يكون ضمن مجموعة بيكسار -------------------- Roo7 Disney المشاركات: 2027 | من: U @ E | تاريخ التسجيل: نوفمبر 2009  |

الموضوع متكون من صفحات: 1  2  3  ...  566  567  568  569  570  571  572

الموضوع مغلق

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1