مرسله في
انشحنت نسختي من بريف وباجر بتوصلني ياسلاام برجع من الامتحان واول ما اجي اجوفه واصل الحمدلله يوم الخميس انجليزي يعني باجر بمخمخ عالفلم
المشاركات: 1327 | من: ابوظبي | تاريخ التسجيل: يونيو 2012
|
ذكرتني بايام اول لمن كنت اشتري شريط الفديو اول يوم دوام بالاسبوع وما اشوفه الا الويك اند واكون طووووووول الاسبوع افكر بالفيلم افكر بالقصة افكر بالشخصيات ... والى اخره
والله زمااااااااااااااااااان
انا مادري مع انو البلوراي يدعس الفديو من ناحية الجودة بس سبحان الله شريط الفديو له لذته الخاصة
[ ديسمبر 05, 2012, 01:50 AM: تم تحرير المشاركه من قبل: Amir YF ]
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
تقرير Blu-ray و 3D و DVD النسخة العربية من فيلم: "أسطورة مريدا"
تم أول أمس شراء أربع نسخ من الفيلم من خلال موقع أيدو .. نسختين بلوراي مشترك (بلوراي عادي + بلوراي ثلاثي الأبعاد) .. ونسختين ديفيدي .. اثنين لي واثنين لصاحبي شبح الصمت .. وتم استلام الافلام الأمس الصبح .. يعني قبل موعد صدورهم الرسمي بيوم واحد ..
نسخة البلوراي المشتركة (بلوراي + بلوراي ثلاثي الأبعاد)
الغلاف الأمامي:
الغلاف الخلفي:
صورة مقربه على اللغات والترجمات:
شكل الأقراص داخل العلبة:
قائمة اختيار لغة القرص (تصميم البلوراي العادي والثلاثي الأبعاد موحد):
القائمة الرئيسية:
المميزات الإضافية لقرص البلوراي العادي:
القرص الثلاثي الأبعاد يحتوي فقط على فيلم "لا لونا"
إختيار المشاهد:
البلوراي جداً رائع ومرضي .. لفتني تصميم القائمة الرئيسية .. تصميم فخم ومبهر ومن احلى التصاميم اللي شفتها لحد الآن ببلورايهات بيكسار .. فيه لمسة جمالية راقية والموسيقى روعه ومعطته لمسة ساحرة .. جداً حبيت فكرة الأوراق المتساقطة والريح ومنظر سهام وقوس مريدا .. يعني فعلاً تحسون كأنكم قاعدين بقلب الغابة اللي دايماً تزورها مريدا مع حصانها .. لوحة فنية متكاملة ابدعوا فيها ..
ثانياً تفاجأت بكثرة المواد الإضافية .. 12 ميزة إضافية حاطينها بالقرص العادي! واو .. يعني بالكثير كنت متوقع فقرتين او ثلاث عن كواليس الفيلم! .. والأحلى التعليق الصوتي الممتع للمخرج وفريق العمل على الفيلم .. قلت بشغل التعليق الصوتي مع الترجمة واشوف دقيقه وبعدها اسكره واكمله بوقت ثاني .. بس مالقيت نفسي إلا وساحب الفيلم لحد مشهد مبارزة السهام من كثر ما إستمتعت بتعليقاتهم وسوالفهم
في معلومات انصدمت لما عرفتها ومعلومات مسلية ماكنت متخيلها لول .. مثلاً تخيلوا قصر ديزني اللي طلع بإفتتاحية الفيلم .. قال المخرج انه كان يفكر يلعب باللوجو ويحط قلعة الملك فيرغوس بدل قصر ديزني .. ولمبة بيكسار لما تقفز على الحرف .. كان يفكر انه يغير الصوت المعتاد لخطوات اللمبة وقفزاتة ويحط أصوات مزامير تيمناً على المزامير الاسكتلندية .. لول افكارة مجنونه!
ولما ظهر المشهد اللي كانت تتكلم فيه مريدا عن ارضها ببداية الفيلم والكاميرا تلف حوالين المناظر الطبيعية وفجأه تقترب الكاميرا من قلعة فيرغوس .. تعرفون هالمشهد؟ .. قال المخرج بأنه حاول يستلهم هالبداية من مقدمة فيلم جولي آندروس ذا ساوند أوف ميوزك .. كان حاط هالفيلم براسة لحظة ما أخرج بداية بريف!
وجربت اشغل جزء من مقدمة الفيلم عشان اشوف كيف بيظهر بالثري دي .. وكان شي مذهل الصراحه .. وتجربة فعلاً تستحق أن الواحد يخوضها .. الثري دي جداً قوي خصوصاً مع المناظر الطبيعية الرهيبة بالفيلم .. هالتقنية تاخذك بكل سهولة من مكانك وتنقلك لقلب اسكتلندا القديمة .. لازم بعد ما اشوف الفيلم مدبلج بالعربي تكون ثاني مشاهده لي بالثري دي!
فيلم موردو مسلي واستمتعت فيه والاحلى اني تعرفت اكثر على ماضي هالدب .. جزء من الفيلم مكتمل تماماً نفس الفيلم .. وجزء منه معمول بشكل لوحات ثابته .. فيلم خفيف وحلو .. وقبل لا انسى .. كل الإعلانات الموجودة بالبلوراي سبق وشفناها .. يعني لا جديد من ناحية الإعلانات ..
نسخة الديفيدي
الغلاف بالكامل:
شكل القرص داخل العلبة:
قائمة اختيار لغة القرص:
القائمة الرئيسية:
المميزات الإضافية:
إختيار المشاهد:
طبعاً القائمة ثابتة ومش متحركة نفس قرص البلوراي .. والمواد الإضافية عددها قليل ولا يذكر بالمقارنة مع البلوراي العادي ..
الكاست العربي
بعد إنتهاء الفيلم ظهر الكاست العربي اللي إشتغل على النسخة العربية .. طريقة عرض الكاست هالمرة مميزة ومو مثل العادة مجرد لوحة سودا صامتة ومكتوبة بخط عادي وخلاص .. هالمرة الكاست ظهر بخط قريب للخط الإنجليزي اللي إنكتب بالشارة النهائية للفيلم وبنفس اللون مع نفس الأشكال الرمزية الصغيرة ..
والشكر الموجة لروح ستيف جوبز تم تعريبة ووضعة مع الكاست العربي .. حبيت هالحركة منهم .. وحسيت بأنهم حابين يقولون للعالم كله بكل اللغات شكثر ستيف جوبز يعنيلهم وشكثر هم ممتنيـن له .. كنت أتمنى لو تم تعريب مثلاً الرسالة اللي انحطت بالشارة النهائية لفيلم الجميلة والوحش لروح هاورد أشمان وحطوها مع الكاست العربي عشان الكل يقرا ويعرف هالشخص وماينسون الناس اللي قدمة لديزني ..
حتى فكرة وضع الإسم العربي الرسمي للفيلم بالكاست حركة جداً رائعة منهم .. ويارب إنها تستمر وماتتوقف بكل الأفلام الجديدة اللي نجهل إسمها العربي الرسمي .. عالاقل هالمرة ماخلونا متوهقين مع الإسم العربي للنسخة العربية من بريف .. نفس ماصار لنا مع تانجلد اللي لليوم محتارين ومش عارفين كيف نسمي نسختنا العربية بأي اسم!
خذت لكم لقطات من الكاست العربي اللي ظهر بنهاية الفيلم:
ومع صدور فيلم أسطورة مريدا اكون اخيراً ختمت مجموعتي الكاملة من أفلام بيكسار باللغة العربية على أقراص البلوراي
كل أرشيف بيكسار صار محفوظ عندي الحين بالعربي بأحلى وأعلى جودة
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
مرسله في
ناصر ليش كل اصدار متكرر مرتين , حبيت الترتيب والالعاب روعة ناصر انت ديزني الخليج الاول وبعدك الحيط
المشاركات: 44721 | من: الـكـويـت | تاريخ التسجيل: أكتوبر 2003
|
اليوم الصبح قلت خلني اروح محل فيديو الصقر اللي جنب بيتنا عشان اشوف اذا بريف نزل ولا لا .. وطبعاً كنت مستبعد نزوله اليوم .. لانه بالعادة يتأخر توزيع الفيلم خارج الامارات عالاقل يوم او يومين .. لكن المفاجأة كانت لما شفت اعلانات بريف تارسه المكان من اوله لاخره! .. ستاندات ضخمه وبوسترات عملاقه وبوسترات معلقة بالهوى .. وعدد كبير جداً من نسخ بريف موزعة على أرفف المحل!
صج انبهرت وحسيت نفسي قاعد بإحتفالية كبيره بمناسبة نزول الفيلم اليوم .. شعور ماحسيته الا يوم نزل افاتار وتوي ستوري 3 بالمحلات! .. المهم قلت بصور لكم كم صورة عشان انقلكم لقلب الحدث خخ .. بس اسمحولي على ردائة التصوير لان مثل ماتعرفون ماعندي لا بلاك بيري ولا ايفون ولا اعترف فيهم وفديت جوالي الحتر .. ولحد يعيب ههه
في البداية وعند مدخل المحل كانوا حاطين ستاندين كبار لبريف عاليمين وعاليسار .. مع ستاند واحد لسر الاجنحة:
اول ماجيت كانت الساعه 10 ونص الصبح وكانوا للحين قاعدين يضبطون اعلانات بريف ..
صورة للبوسترات اللي تنتظر دورها بالتعليق:
عامل بالمحل يعلق أحد بوسترات بريف:
بوستر كرتوني لبريف يعلق بالسقف:
تخيلوا كانوا ماراح يعلقون البوستر الكرتوني!!
لكن حضرتي نطيت لهم وقلت لا لا مايصير مو على كيفكم لازم تعلقونه بيكون شكل المحل احلى خخ .. وقال العامل اوكي وجاب الدرج وركب
لحظة تعليق البوستر الكرتوني بالسقف:
جزء من ديفيديهات بريف المعروضة بأماكن مختلفة من المحل:
بلوريهات بريف وسر الاجنحة:
بلوريهات بريف الثلاثية الأبعاد:
وقبل لا اطلع عطوني بوسترين مجاناً لبريف وسر الاجنحة خخ
شوفوني مستانس عليهم:
بعد مارجعت البيت فتحت البوسترات وحطيتهم عالارض عشان تشوفونهم:
كان يوم رهيب لا ينسى
بس اللي فاجأني وانا بالمحل هو ان اغلب الزباين اللي دخلوا ماطلعوا الا وبيدهم نسخة من فيلم بريف .. واغلبهم اشتروا نسخة الديفيدي .. واللي استغربت منه وماتوقعته هو اني اشوف 3 رجال كبار بالعمر شنبهم ابيض والله .. ومبين عليهم ناس راقيين ومرتبين .. كلهم وقفوا قدام ديفيديهات بريف وخذوا نسخة معاهم واطلعوا !!
هذا وهم توهم باديين يبيعون الفيلم .. ماصار لهم ساعه معروضين وكم نسخة طارت .. ومن زباين كبار بالعمر وغير متوقعين بالمره! .. فمابالكم بعد اسابيع وشهور؟ .. وتقولون مقاطعه؟ .. يبئى أبلوووني لو تأثرت المبيعات .. مالت على حظنا يوم ديزني بدت تدبلج بالفصحى انهدوا وقاموا يشترون .. بس والله فديت فانز ديزني النسخ العربية .. استانست لما شفتهم وكنت بسولف معاهم خخ بس استحيت ..
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
ياسلام وناسه شبح الصمت توه يقولي الموضوع وصل 100 رد
ومع هالرد صار الموضوع 101 مرقش
رد مقتبس:المرسل الأصلي هو طبيعي: ناصر ليش كل اصدار متكرر مرتين , حبيت الترتيب والالعاب روعة ناصر انت ديزني الخليج الاول وبعدك الحيط
بدووور
ترى اللي عندي موجود عند اغلب اللي تشوفهم يشاركون معانا بالدليل .. وفي ناس عندهم بلاوي متلتله ماشاءالله وكولكترز جامدين لديزني .. بس الفرق هو اني خذت صوره وحطيتها بالموضوع وهم للحين ماصوروا شي من مجموعتهم .. يمكن خايفين نعطيهم عين خخ
رد مقتبس:المرسل الأصلي هو M.I.N.I.S.T.E.R. O.F. E.V.I.L: منظرهم جنب بعض يرد الروح
فديته سنووايت عمهم كلهم منور الصورة دفيدي و بلوراي
سنووايت مافي مهرب منها
لازم تطلع بكل صورة خخ
بس والله صدقت مافي احلى من انك تصف افلامك الاصلية وتشوفهم جنب بعض
والاحلى ان في بينهم نسخ تعبت على ماجبتهم مو موجودين لا بأمازون ولا عندنا بالمحلات
مثل كارز 1
حفينا على ماعرفنا وين الدبلجة العربية بأي بلد وعلى مالقينا موقع يشحنه لنا من غير ماينصب علينا
وهذا اللي يخليني اقدر مجموعتي اكثر
مالقيتهم بسهوله
رد مقتبس:المرسل الأصلي هو M.I.N.I.S.T.E.R. O.F. E.V.I.L: شباب شفتو اعلان بلوراي بيتربان 2 ؟
يعطيك العافية نصور عالتغطية الروعه للاصدار بصراحة بعد منظر الفيلم بالمحل و الستاندات و البوسترات بلا مقاطعة بلا هم ودي اروح اخذ الفيلم و اخذلي بوستر و بس هالمره