الكاتب
الموضوع: دليل إصدارات ديزني • الجزء الأول من عام 2007 إلى 2012
[ L.O.V.E.R ]
سوبر مصمم
رقم العضويه 3004
مرسله في نوفمبر 21, 2011 11:58 AM
اووه وناسه .. تخيلوا شنو لقيت بأمازون الاصدار الماسي من فلم النبيلة والشارد على بلو راي وديفيدي راح ينزلون ببريطانيا ومعاهم دبلجة عربيه!! هم مش كاتبين الاوديو عربي لكن دام حطوا الترجمه عربي معناته خلاص بتكون نسختهم معاها دبلجة عربيه واتوقع الجزء الثاني انطلاقة سهم بيكون نفس الشي .. نفس الاصدار الماسي اللي نزل السنه اللي فاتت بنفس الوقت لبامبي .. والاحلى انهم راح ينزلون دابل باك نفس بامبي بالضبط اذا فكرتوا تاخذونهم مع بعض .. بيحطونهم بغلاف كرتون مشترك الديفيدي البلو راي اكبر سكيـــب على نسخة روتانا حتى لو انزلت عندنا قبل بريطانيا باسبوع .. مايهم .. اهم شي اشوف تغليف حلو وبوكلت يبرد القلب وفوق هذا كله ارخص من اسعارهم استانس لما تنزل نسخ بريطانيه معاها دبلجة عربيه --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
HolyAngemon
عضو متميز
رقم العضويه 89162
مرسله في نوفمبر 21, 2011 12:58 PM
لوووول نصور خليتني أشك بنفسي كأنك متأكد اني بكره الفيلم لا ان شالله بيعجبني بخصوص ديسك البونز ايه والله الفانز وايد متضايقين من هالشي لأنها سياسه حقيرة الصراحة نفس الشي سووه أول ما نزل البلوراي و بطلو يحطون بونسزز مع الدفيدي و الحين السيناريو قاعد يعيد نفسه مع الثري دي ........................ ناصر Prep & Landing مكسر الدنيا بأمريكا يعشقونه عشق مش طبيعي و أكثر من مره كان تريدنج تويت بالتويتر ........................ وااااااااااااااااو مثل السنه الماضية لما نزل بامبي معناها خلاص كل سنه الأصدار الماسي اللي بينزل اول السنه و فيه عربي بيكون اصدار بريطانيا يعني بعد بيتربان ان شالله السنه اللي بعدها و هالشي طبعا يقلنا من الحين ان المنيو مارح يكون المنيو الغبي التافه اللي يحطونه لدول اوروبا الفقيرة فعلا خبر روووووعه -------------------- ♬♥ a h l a m ♬♥ • • W.A.S_Signature •
المشاركات: 17727 | من: K.S.A | تاريخ التسجيل: فبراير 2010
|
HolyAngemon
عضو متميز
رقم العضويه 89162
مرسله في نوفمبر 21, 2011 01:09 PM
ناصر Prep & Landing هذا اللي نازل special عن الكريسمس و مش مسلسل انعرض بال 2009 أيام الاميرة و الضفدع و كنت أشوف اعلاناته لما طلع برنامج dreams come true حق الفنانين اللي يتكلمون عن أفلام ديزني مثل تنه ورنه اللي توه انعرض كان special -------------------- ♬♥ a h l a m ♬♥ • • W.A.S_Signature •
المشاركات: 17727 | من: K.S.A | تاريخ التسجيل: فبراير 2010
|
[ L.O.V.E.R ]
سوبر مصمم
رقم العضويه 3004
مرسله في نوفمبر 21, 2011 01:37 PM
رد مقتبس: المرسل الأصلي هو W.a.S.i.M.o.O.o.O.o.O.o.O: ناصر Prep & Landing هذا اللي نازل special عن الكريسمس و مش مسلسل انعرض بال 2009 أيام الاميرة و الضفدع و كنت أشوف اعلاناته لما طلع برنامج dreams come true حق الفنانين اللي يتكلمون عن أفلام ديزني مثل تنه ورنه اللي توه انعرض كان special اهااا تسلم وسيمو الحين فهمت .. والله كنت متوقع ان Prep & Landing يطلع فلم قصير مش مسلسل ويقول رفيجي ابراهيم انهم حاطين بالديفيدي 5 افلام قصيره خاصه عنهم .. مدة كل واحد تقريباً 5 دقايق يقول افكارهم رووعه .. اللي فهمته من كلامه ان Prep & Landing يتكلم عن قزمين من الاقزام اللي يساعدون بابا نويل واحد فيهم عجوز طاعن بالسن وصار له يخدم فوق ال 100 سنه .. والثاني متدرب جديد صغير بالسن حاطينه معاه عشان يستفيد منه وان وظيفتهم هي انهم يروحون بيت كل طفل قبل لايوصل بابا نويل بعربته اللي يجرونها الأيائل .. ويجهزون له المكان يقول الفلم جداً رائع ومؤثر ويصلح لكل العايله مش للاطفال بس والافلام القصيره الخمسه عباره عن قصص بسيطه لكن روعه وان طريقة عرض بابا وماما نويل بالافلام مثل طريقة عرض الخدامه السمره بمسلسل توم اند جيري .. يعني مايطلع الا نص جسمهم .. وجههم مايطلع وايد تحمست اشوفه .. بحاول اجيبه قبل الكريسمس عشان اعيش الجو --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
[ L.O.V.E.R ]
سوبر مصمم
رقم العضويه 3004
مرسله في نوفمبر 21, 2011 01:42 PM
اصدار جديد ماله علاقه بديزني بس يستاهل تشوفونه فلم السنافر نزل الاسبوع اللي فات ديفيدي وبلو راي وثري دي مدبلج بالعربي نفس طريقة دبلجة هاو ترين يور دراجون وشريك .. شركة مصريه مدبلجته باللغة العربيه الفصحى مع اني نعست وانا اشوف الفلم بالسينما بس حبيته لما شفته مدبلج .. اللي عامل صوت شرشبيل هو الممثل عادل خلف .. اللي عمل قبل مع ديزني صوت عجوه و زازو .. اذا بتشترونه انصحكم تشترون النسخه البريطانيه بامازون حاطين الثلاث اقراص بغلاف واحد وكلهم مدبلجين وبسعر رمزي .. احسن من اللي ينباع بالوطن العربي هنا نسخة الثري دي بروحها .. والبلو راي والديفيدي بروحهاhttp://www.amazon.co.uk/Smurfs-Blu-ray-DVD-Region-Free/dp/B003TFDUMS/ref=sr_1_20?s=dvd&ie=UTF8&qid=1321871891&sr=1-20 --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
HolyAngemon
عضو متميز
رقم العضويه 89162
مرسله في نوفمبر 21, 2011 02:16 PM
ايه و كل سنه في جزء خاص انعرض واحد ثاني السنه الماضية و في واحد جديد بينعرض الشهر الجاي رح أنزله HDTV Rip و أشوفه بالكريسمس + بخصوص السنافر مدري ليش متحمس أشتريه اتوقعت يكون مدبلج بالمصري دامه من انتاج سوني و سبق و دبلجو هورتون بالمصري بس مدري هل على بالهم الفيلم فشل عشان كذا ما عادو التجربه الا ان تجربتهم مع هورتون كانت موفقه و مش سيئة أبدا -------------------- ♬♥ a h l a m ♬♥ • • W.A.S_Signature •
المشاركات: 17727 | من: K.S.A | تاريخ التسجيل: فبراير 2010
|
abdullah Raf3a
عضو نشيط
رقم العضويه 88913
مرسله في نوفمبر 21, 2011 02:59 PM
لوفر : بغيت ابكي يوم شفت الاعلان .. ويوم سمعت صوت بومبا اتبطحت ضحك .. كيف كان وجه الممثل يوم سوا صوته ؟؟ تحسونه فاعص وجهه وطابق رقبته على صدره وهو يتكلم! الملامه على ديزني .. اظن هي الي عندها كل ملفات الصوت وهذي الاشياء! .. لايقولون الحين نفس قصة سندريلا؟ انهم ماقدروا يفصلون الموسيقى من الصوت راحوا غيروا الاصوات!! لول ................................. فيفا!! مين فيفا؟؟ اول مره اسمع عنهم ياجعلهم العلّه .. حسبي الله عليهم وعلى روتانا .. قلة ادب وربي فيفا هذا اسم حديقة حيوانات عندنا هنا في جده هههههههههههههههههههه .. وربي انقهرت من الخبر ياوسيم .................. يالبيهم السنافر .. شفت فيلمهم وماعجبتني القصه يعني كنت متوقع اكثر بكثير من كذا .. بس انه كان مسلي يعني حلو انك تشوف الشخصيات الي كنت تقعد تشوفهم بعد صلاة العصر على قناة البحرين وانت عمرك سته او خمسه سنين هههه ويقولون بيسوون لهم جزء ثاني وثالث كمان! لو مافيها ازعاج اتمنى اي احد يساعدني اشتري النسخه .. لاني مالي في المواقع هذي ابداً .. بس قولولي ايش احتاج عشان اقدر اشتري منها ؟؟ بطاقة فيزا اظن؟ اقدر اجيبها ان شاءالله (حبايبي امي وابويه ههههه) .. ايش كمان؟ -------------------- غيّر تفكيري للأبد http://www.twitvid.com/OKG36
المشاركات: 560 | من: jeddah | تاريخ التسجيل: يناير 2010
|
[ L.O.V.E.R ]
سوبر مصمم
رقم العضويه 3004
مرسله في نوفمبر 21, 2011 03:34 PM
عبدالله .. الله يخليلك الوالد والوالده يارب والله احسن شي تسويه انك تبدا تشتري من النت .. عالاضل تضمن انك تلقى الشي اللي تبيه .. وبسعر اقل بأحيان كثيره بس لو تفكر تشتري من امازون .. اقترح عليك تنتظر لحد يوم الجمعه الجاي .. ليش؟ لانه راح يصادف اكثر يوم العالم كله ينتظره من سنه لسنه .. يوم الجمعه الاسود وهو يوم واحد بالسنه تعمل فيه امازون خصومات خياااليه لـ 90% من الاشياء المعروضه بموقعها كل شي يطيح سعره للنص !!! والناس مجهزين نفسهم عشان يهجمون عالموقع بهاليوم ويلحقون ياخذون اغراضهم بأسعار مخفضه قبل لاتخلص بموقع blu-ray.com حاطين لسته بكل اصدارات البلو راي اللي راح يصير عليها تخفيضات واسعارهم قبل وبعد الجمعه الاسود http://www.blu-ray.com/deals/?e=1 انا عن نفسي بانتهز الفرصه وباطلب كذا شي بهاليوم .. اما الطريقه وكيف تشتري من هالمواقع .. انصحك تدخل منتدى اسمه بوابة الإنترنت الرقمية وتدخل قسم التجارة الالكترونيه وهناك بتحصل شروحات شامله ومبسطه عن الموضوع اهم شي بس يكون عندك فيزا واذا بغيت تطلب من امازون او اي موقع اجنبي لازم يكون عندك حساب بأرامكس .. اما اذا بتطلب من موقع عربي مثل ايدو مب لازم ارامكس .. اطلب وحط عنوانك مباشره وخلاص وخل فيفا هالسلحفاه تنفع روتانا --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
[ L.O.V.E.R ]
سوبر مصمم
رقم العضويه 3004
مرسله في نوفمبر 21, 2011 03:50 PM
والله رفيجي ابراهيم قالي عن الموضوع بروح اسأله وبقولك << كم مره قلت ابراهيم اليوم والله مادريت الا منه .. يقول اغلب البضايع عندهم بيشملها الخصم الكبير اللي بيصير وفي ناس من فتره بدت تحجز --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
// BanDar //
عضو فعال جدا
رقم العضويه 87745
مرسله في نوفمبر 21, 2011 05:13 PM
خساااره توقعت فلم Prep & Landing بينزل مدبلج بس خاب ظني وفلم السنافر ماظنتي بشوفه لو حاطين الدبلجه عاميه احسن من الفصحى وموقع امازون ودي اطلب cd حق عازف الكمان حازم فارس نازل صارله شهرين تقريبن وللحين مانزل عندنا http://www.amazon.co.uk/Hazim-Faris/dp/B005JOAICM المقطوعات رووووووووعه وتم تسجيلها في اسطنبول بتركيا مع فرقة الفنان التركي ابراهيم تاتليسس يشمل الألبوم 13 محطة موسيقية ذات عناوين شيّقة لقصص عاشها وأثّرت فيه واستعرض فيها جانببً كبيرً ومختلفً من الآلات الموسيقية الشرقية والغربية اللي امتزجت لتمثّل لوحة فنية جميلة ذات طابع حديث غني بالألحان الشرقية المتنوعة مقاماً وايقاعا ولحناً فرسمت كل آلة فيه شخصية مختلفة عن غيرها لتحقق الشخصية المرسومة في القصة بمرافقة باقي الآلات الموسيقية التي وُضعت بشكلٍ دقيق وعلمي لتتناسب وشكل القصة المطلوب. بحاول اسجل بأمازون واطلبه --------------------
المشاركات: 12999 | من: k.u.w.a.i.t | تاريخ التسجيل: فبراير 2009
|
[ L.O.V.E.R ]
سوبر مصمم
رقم العضويه 3004
مرسله في نوفمبر 22, 2011 10:44 AM
معليه بندر كلنا خاب ظنا بعد .. حلاته لو كان نازل مدبلج دام انه بهالقوه والاهميه بخصوص السي دي شكله روعه .. بشوف لو نزل بالايتونز ستور ولا لا عشان اخذه ---------- الامس مادري اللي قبله نزل ساوندتراك The Muppets بحاول اسمعه اليوم بالليل وانا بجولتي المسائيه المعتاده بالسياره بس فيصل اشتراه وكلمني .. وشكله كان راح يطير من كثر ما استانس على الساوندتراك .. سمعني مقطع قصير لاغنيه بالفلم وتحمست عاد انا متوقع وايد من الاغاني الموجوده واحس ان الاكاديميه بترشح عالاقل اغنيه من الفلم بالاوسكار واصلاً لمصحلتهم يرشحون اي اغنيه من المابتس عشان يتواجدون عالمسرح ويأدونها امام الجمهور .. لان مجرد ما انتشرت اشاعة تقديم المابتس للاوسكار الناس انجنت من الفرح .. فأفضل شي دام ان الموضوع طلع اشاعه هو انهم يرشحون لهم اغنية ويطلعونهم عالمسرح .. كذا راح يضمنون نسبة مشاهدة عالية للحفل ---------- بنفس اليوم نزل ساوندتراك فلمي المفضل لهالسنه the artist شريته وناطر اسمعه اليوم بالسياره .. بس جد روعه لايفوتكم لا الفلم ولا الساوندتراك ماله .. موسيقة الفلم رهيبه رهيبه --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
[ L.O.V.E.R ]
سوبر مصمم
رقم العضويه 3004
مرسله في نوفمبر 22, 2011 10:45 AM
'The Muppets' is not just one of the best films of the year, it is an affirmation that we can indeed occasionally find our way home again, and that some things shouldn't change. مراجعات النقاد بدت تنزل على موقع روتن توميتوز .. الفلم ماخذ لحد الان علامه كامله ماشاءالله 100% .. 23 مراجعه ايجابيه مقابل صفر مراجعة سلبيه للفلم النقاد طايرين بالفلم ويقولون ان الفلم مش بس ضحكهم وذكرهم شكثر يحبون المابتس .. يقولون الفلم نزل الدموع من عيونهم واثر فيهم بعد متحمس متحمس متحمس .. بكره بيبدا العرض العام للفلم بامريكاhttp://www.rottentomatoes.com/m/the_muppets/ --------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
[ ف ]
عضو فعال
رقم العضويه 81979
مرسله في نوفمبر 22, 2011 01:30 PM
الSoundtrack من أحلى Soundtracks اللي نزلت هالسنة و ان ما كان أحلاهم بدون مبالغة! يكفي أني ما كنت متحمس للفلم أبد، لكن بعد ما سمعته صار حماسي له في قمته فيه كثير ذكريات حلوة رجعها لي كانت شبه منسيّة كل track فيه أحلى من الثانية و السحر اللي بأغاني أفلامهم القديمة ما زال موجود و بأفضل حالاته The Muppets, I can't wait to go back to my childhood [ نوفمبر 22, 2011, 01:32 PM: تم تحرير المشاركه من قبل: [بس دقيقة] ] -------------------- . .
المشاركات: 5990 | من: Saudi Arabia | تاريخ التسجيل: أغسطس 2007
|