الموضوع مغلق

الموضوع مغلق ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم الـفـنـي » ســـاحــة الفـــن الغـــربــــي » دليل إصدارات ديزني • الجزء الأول من عام 2007 إلى 2012 (الصفحه 318)

إرسال هذه الصفحه لصديق!

الموضوع متكون من صفحات: 1  2  3  ...  315  316  317  318  319  320  321  ...  642  643  644

الكاتب الموضوع: دليل إصدارات ديزني • الجزء الأول من عام 2007 إلى 2012 HolyAngemon عضو متميز رقم العضويه 89162 مرسله في                     لا لا لا لا كل شوي أعيد التريلر و أتمرمغ عالأرض من الضحك أول ما أسمع صوت بومبا الحقونييي بموووووت + أحمد اف ليش فيرجين مجرمين عندكم بهالشكل -------------------- ♬♥ a h l a m ♬♥ • • W.A.S_Signature • المشاركات: 17752 | من: K.S.A | تاريخ التسجيل: فبراير 2010  |  A M I R عضو نشيط جدا رقم العضويه 90355 مرسله في                     انا اصلن نفسي اعرف ايش الحكمة انهم يغيروا الاصوات في الاعلان ؟! [ نوفمبر 20, 2011, 09:18 AM: تم تحرير المشاركه من قبل: TS3 . Amir ] المشاركات: 1978 | من: K.S.A - Jeddah | تاريخ التسجيل: أغسطس 2011  |  abdullah Raf3a عضو نشيط رقم العضويه 88913 مرسله في                        لا لا لا لا لا لا لا لا لا لا لا لا لالا الأسد الملك .. ملك كل الإصدارات .. يطلع إعلانه زباله بهذا الشكل ؟؟؟؟؟؟ لييييييييش؟؟؟ شباب خلاص .. لااااااازم نتواصل مع الشركه الأم شخصياً .. ماعاد نبغى جسر بيننا وبينهم .. لازم نتكلم معاهم ونخليهم يهتمون باصدارات ديزني العربيه.. ويعرفون ان ديزني فانزها طحوش مو بس اطفال وان الغباء الي يستغبونه علينا ترانا نلاحظه .. يعني ترا ابداً مو مقبول الي صار ! يعني حتى لو اطفال خمس سنين ترا والله بيلاحظون الفرق !! (اقصد بالشركه الام الي هي الفرع الرئيسي لروتانااللي بالامارات) الوضع زاد كثيييييييييييير عن حده زي ماقال وسيم ايش يخلينا نضمن انه لو بكره نزل جزء جديد لأحد كلاسيكيات ديزني ان اسامي الشخصيات مارح تتغير؟؟؟؟؟ وبخصوص المقطع الصغييييير الي بين كوفو وكيارا!! هذا كارثه!!!!! فين راحوا الأولاد الي بشركة مصريا ميديا ؟؟؟ ليش صرنا اغلب الافلام نسمع اصوات بنات بشخصيات الاولاد؟؟؟ على الأقل عندكم الولد الي من خمسه شهور اشتغل معاكم على فيلم بالشركه (كريم ناجي) .. ترا سهله توصلون له مره ثانيه وانا اشوف انه انسب صوت لكوفو حالياً .. حسبي الله ونعم الوكيل .. مودي صار زي الزفت الحين -------------------- غيّر تفكيري للأبد http://www.twitvid.com/OKG36 المشاركات: 560 | من: jeddah | تاريخ التسجيل: يناير 2010  |  HolyAngemon عضو متميز رقم العضويه 89162 مرسله في                     ^ ^ و مين قلك ما صارت لا صارت بالجميلة و الوحش الفرن مدري ايش كان اسمه بالجزء الأول صار اسمه بالجزء الثالث الشيف بوء -------------------- ♬♥ a h l a m ♬♥ • • W.A.S_Signature • المشاركات: 17752 | من: K.S.A | تاريخ التسجيل: فبراير 2010  |  abdullah Raf3a عضو نشيط رقم العضويه 88913 مرسله في                        (((((((( ايوه صح !!! وكمان ريشه صار اسمها فيفي !!!!!!! -------------------- غيّر تفكيري للأبد http://www.twitvid.com/OKG36 المشاركات: 560 | من: jeddah | تاريخ التسجيل: يناير 2010  |  HolyAngemon عضو متميز رقم العضويه 89162 مرسله في                     فيفي عبده مالت عليهم -------------------- ♬♥ a h l a m ♬♥ • • W.A.S_Signature • المشاركات: 17752 | من: K.S.A | تاريخ التسجيل: فبراير 2010  |  abdullah Raf3a عضو نشيط رقم العضويه 88913 مرسله في                        ههههههههههههههههههههههههههههههههه ياليت نكون احنا دليلهم لأي جزء جديد من ديزني .. ياليت يصحون ويفتحون عينهم ويشوفونا .. ترا والله العظيم اننا احنا شلة ديزني كنز بالنسبه لشركة مصريا ميديا .. كل واحد فينا عنده معلومات عن افلام تعبي ارشيفات مصريا ميديا ثلاث مرات! بس مين يسمعنا ؟ -------------------- غيّر تفكيري للأبد http://www.twitvid.com/OKG36 المشاركات: 560 | من: jeddah | تاريخ التسجيل: يناير 2010  |  HolyAngemon عضو متميز رقم العضويه 89162 مرسله في                     مالت عالبقر توهم متصلين لي يقولونلي كارز نزل صرخت عليهم و قلتلهم تو الناس لووول ماكنت أدري شرشحتي اليوم لها مفعول سريع -------------------- ♬♥ a h l a m ♬♥ • • W.A.S_Signature • المشاركات: 17752 | من: K.S.A | تاريخ التسجيل: فبراير 2010  |  HolyAngemon عضو متميز رقم العضويه 89162 مرسله في                     Just in طبعا لا يفوتكم ايش اكتشفت عن توزيع روتانا بس اصحى بقلكم -------------------- ♬♥ a h l a m ♬♥ • • W.A.S_Signature • المشاركات: 17752 | من: K.S.A | تاريخ التسجيل: فبراير 2010  |  abdullah Raf3a عضو نشيط رقم العضويه 88913 مرسله في                        مبروووووك الفيلم ياوسيم مابغيييينا منتظر رأيك عن الفيلم وبلييييز شرشحه بشويش هالمره ههههههههه البوستر شكله مزعج .. مو مريح للعين زي حق توي ستوري او تينكر بيل الي ورانا هو حمدان هذا نصه احمر ونصه ازرق وكلهم بدرجة قاتمه ! ان شاءالله باشتري نسختي الاربعاء .. -------------------- غيّر تفكيري للأبد http://www.twitvid.com/OKG36 المشاركات: 560 | من: jeddah | تاريخ التسجيل: يناير 2010  |  [ L.O.V.E.R ] سوبر مصمم رقم العضويه 3004 مرسله في                    لول فيرجنكم حراميه احمد!! --------- وسيم .. حبيت الشرشحه .. والف مبروك عليك كارز 2 .. ان تصل متأخراً خيراً من ان لا تصل ابداً لول انا للحين ماشفت الفلم .. مادري ليش حاس ببرود ناحيته --------- عبدالله .. عاد اكثر واحد قلت انه بيزعل هو انت وصدق احساسي لول لانك اكثر واحد فينا تحب الاسد الملك شفت الاصوات شلون بايخه؟ اعلان دقيقه وحده ماراح يتعبكم دبلجوه صح عالاقل واكثر من اللي سويناه مع مصريه ميديا شنسوي بعد؟ -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  [ L.O.V.E.R ] سوبر مصمم رقم العضويه 3004 مرسله في                    اليوم رفيجي ابراهيم يقولي ان اول مره تصير بموقع التويتر ان 3 اشياء تتعلق بشركة وحده تكون بالتوب تريندج .. وهي قائمه اتوقع بما اني مو مشترك بالتويتر لاكثر 10 مواضيع يتكلمون فيها الناس من حول العالم بنفس اليوم وتدل على شعبية الشي اللي يتكلمون فيه سواء بالسلب او الايجاب * فارس وفادي: اغلب الردود يقول رفيجي تتمحور حول رغبة الناس بأن اجازتهم تكون طويله نفس اجازة فارس وفادي لول * البحث عن نيمو: كل الناس يطالبون بجزء ثاني للفلم * آب: الظاهر كان ينعرض على قناة ديزني وقتها والناس بموقع التويتر اغلبهم كانوا يتابعونه بنفس الوفت .. وعن التويتر يقولي رفيجي الامس جاهم بجامعة نورث ويسترن دكتور من احد الشركات المهمه اللي تقوم باحصائيات معتمده بمختلف المجالات وتبيعها على شركات مهمه مثل مايكروسوفت وبيكسار وامازون وتويتر وغيرهم وقالهم بأن التويتر صار شي مرعب وخاصية التريندج بإمكانها تهدم شعبية منتج معين وترفع منتج ثاني لسابع سما .. تخيلوا ان شركات انتاج الافلام صارت لما تحب تفتتح فلم لها تروح وتدعوا اهم الناس اللي لهم شعبية بتويتر ويلاحقونهم الناس حتى لو ناس عاديين مو مشهورين .. عشان اذا اكتبوا بأنهم رايحين الفلم الفلاني تزيد شعبيته وتتسلط عليه الاضواء من المتتبعين بتويتر مره كانوا عازمين ناس عاديين من تويتر لافتتاح فلم برونو ولما ماعجبهم الفلم اكتبوا هالشي بتويتر والحقوهم باقي الناس وصار اكثر موضوع يتكلمون عنه ساعتها بشكل سلبي لين ما التريندج دمر الفلم تدمير وكان السبب بفشل الفلم من الناحيه الجماهيريه الدكتور بتكون عنده محاضره ودعوه مفتوحه للكل بكره اظن بفندق دابلو احتمال احضرها احس بستانس بالمعلومات اللي راح يذكرها -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  HolyAngemon عضو متميز رقم العضويه 89162 مرسله في                     الله يبارك فيكم ناصر و عبدالله أف اخيرا انفك النحس اعلان سندريلا عالبلوراي شي ثاااااني ........... طبعا صحوني من النوم يتصلون لي يقولولي نزل .. قلت مدري أكمل نوم و الصباح رباح ما قدرت رحت لبست و 10 دقايق الا انا عند روتانا لسه ما دخلت المحل الا هو هو هو البياعين ما صدقو .. ياحرام عكرت حياتهم من كثر ما كنت أتصلهم كل يوم قلتلهم بدري يطعمكم الحج و الناس راجعة رحت أخذ الفيلم كان في واحد سوداني جديد حاطينه يشتغل بالمحل يدل الناس عالأفلام المهم شافني مسكت الفيلم و جلست أدور على افلام ابيض و أسود ابيها و لايقلي ماتبي Rio قلتله لا لا انا ما اشتري الا ديزني وجهه صار المهم قعدت اسولف معه و أقله طيب انا من 1 نوفمبر و انا اتصل و الفيلم نزل برا المفروض روتانا تكون مظبطه الوضع لأن معروف موسم العيد و الحج الدنيا تنقلب فوقاني تحتاني لازم يكون في تنسيق و ترتيب ولا يقلي هو التأخير كله من فيفا انا قلت شنو فيفا .. قلتله لحظه لحظه شنو فيفا قلي فيفا هي الشركة اللي متعاقده معها روتانا عشان تلف عالمحلات و توزع الأفلام قلتله يعني مو روتانا هي نفسها توزع الأفلام قلي لأ النسخ تكون بمخازن روتانا بس تتسلم لشركه توزيع اسمها فيفا هي اللي توزعهم عالمحلات و هالشركه اللي دايما تسبب بالتأخير قلي هالشركة اتعاقدو معها من سنه وحده بس .. و الشركه اللي قبلها ما كان فيها اي تأخير قلتله طيب روتانا على علم بهالوضع ليش ما تتصرف قلي مدري و الله قلتله اخ بس لو تدري ايش كنا متدلعين مع شركة التوزيع القديمه الخيول قلي الخيول ؟ انا كنت شغال بالخيول قلتله والله ؟ يعني طلعت مخضرم واحنا ما ندري و صرنا نتكلم كيف كانت الخيول ماكله عصرها بالطول و العرض و كل شي منظم و مرتب و توزيعهم كان لا يعلى عليه و بس أنا و طالع قلي البياع تعال لما ينزل الاسد الملك خذ الستاند الكبير حق كارز اللي حاطينه على باب المحل شايفني ميت عالفيلم من كثر ما أتصل قلتله لا ايش بسوي فيه و كيف رح أحطه بالسياره .. خليه لكم يكفي بوستر ................... للحين مدري متى بشوف الفيلم بس مبدئيا الخميس على فكرة شباب الظاهر كان في ديسك ثاني بس مشيول لأنه عالقرص مكتوب Feature و هالكلمه ما تكنتب عالديسك الا اذا كان في ديسك ثاني مكتوب عليه Bonus حتى لما حطيته بالجهاز كتبلي Cars 2 Disc 1 و هو بالعادة اذا الفيلم ديسك واحد ما يحط الا اسم الفيلم .. و اذا دسكين يكتب DISC 1 و DISC 2 لأني انصدمت من محتوى القرص مافيه شي بس يالله فيلم خايس ما يستاهل اضيع كم ساعة من عمري أشوف البونز حقونه -------------------- ♬♥ a h l a m ♬♥ • • W.A.S_Signature • المشاركات: 17752 | من: K.S.A | تاريخ التسجيل: فبراير 2010  |  HolyAngemon عضو متميز رقم العضويه 89162 مرسله في                     اليوم انعرض تنه ورنه و العاب بيكسي هولو على قناة ديزني بأمريكا يقولون كثير حلو و مسلي الظاهر ديزني بتنزله دفيدي ومارح يكون بونز فيتشر مع فيلم سر الاجنحه مثل ما نزلو Prep & Landing و هو 22 دقيقة فلا تستغربون ديزني تنزل هالشورت باصدار لحاله -------------------- ♬♥ a h l a m ♬♥ • • W.A.S_Signature • المشاركات: 17752 | من: K.S.A | تاريخ التسجيل: فبراير 2010  |  [ L.O.V.E.R ] سوبر مصمم رقم العضويه 3004 مرسله في                    على فكره وسيم كل فانز بيكسار ماكلين حصى على ديزني هوم إنترتينمنت بسبب موضوع دسك البونز فيتشرز حق كارز 2 يقولون بأنهم صايرين جشعين زياده عن اللزوم لان تخيل برا حتى مش نازل دسك البونز مع نسخة البلو راي العاديه لازم تشتري اغلى نسخة وهي نسخة الثري دي عشان تقدر تشوف البونز .. واغلب الناس ماعندهم تلفزيونات ثري دي ومش مهتمين بهالخاصيه فديزني كأنها قاعده تلوي ذراعهم عشان يشترون غصب نسخة الثري دي بالبودكاست الخاص بفانز بيكسار اللي اسمعه من الايتونز كلهم كانوا يقولون نتمنى المووووووت لتقنية الثري دي!! وبصراحه معاهم حق .. حركه خسيسه من ديزني!! وعندنا نفس الشي اذا شريت البلو راي ماراح تحصل معاه البونز .. لكن الاسوء انك حتى اذا شريت الثري دي ماراح تحصل معاه البونز يعني لا احنا ولا الفانز اللي برا مترقعين مع كارز 2 وبخصوص انك بتشوفه الخميس .. لول والله كنت افكر اشوف الفلم معاك .. بس اخاف بعد ماشوفه ويعجبني تجي وتحطمني وتسبه وتخليني اغير رايي فاحسن شي اشوفه براحتي خخ وفرحت وايد بخبر تنه ورنة .. وفعلاً ماستبعد انه ينزل ديفيدي نفس Prep & Landing اييييي صح بخصوص Prep & Landing .. اسمحولي اذيتكم بسيرة رفيجي ابراهيم لول .. بس لازم اقولكم رايه عن Prep & Landing تذكرون لما قلت لكم انه شرا نسخة روتانا من مطار دبي وندم بعد ماعرف ان مدته 20 دقيقه بس؟ الامس متصل وهو مبهووور من اللي شافه .. يقول جد ماتوقعت اني احبه لهالدرجة يقول ياليت لو كل المسلسل يكون نازل عشان اشتريه .. قعد يمدح فيه لدرجة ان سعابيلي كلها طاحت .. يقول وايد وايد وايد حلو ومستواه يتقارن بمستوى انميشن بيكسار مش ديزني تون العادي حمسني عليه وقررت اجيبه من امازون لانه دام نسخة روتانا مافيها لا دبلجة ولا ترجمه ليش اخذها؟ اخذ نسخه اجنبيه من برا الباكجنج مالها روعه ومرتب .. بس انا خاطري اعرف شي واحد محيرني !! الحين Prep & Landing يعتبر فلم قصير مدته 20 دقيقه؟ ولا اللي منزلينه عباره عن حلقه وحده بس من مسلسل كامل؟ لاني ماتوقع انه مسلسل!! -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |

الموضوع متكون من صفحات: 1  2  3  ...  315  316  317  318  319  320  321  ...  642  643  644

الموضوع مغلق

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1