مرسله في
لوفرررررر!! ردك مو طبيييييييعي اول شي الصور راااااااااااائعه ودخلتني جو مع القصه وقدرت احط نفسي مكانك بسهوله واتخيل الاحداث وهي تصير بواقعيه اكثر مما لو كانت مجرد كتابات!
واقسم بالله عيوني دمعت من كثر الضحك .. الله يسعدك يارب من زمااااان ماضحكت كذا من قلللللب
...........
يعني اقدر اقول ان الأسد الملك كان بدايتك مع ديزني وبدايتك مع الدبلجه العربيه المصريه وبدايتك مع تجميع الأفلام الأًصليه ! واو !!! اثّر في حياتك كثييير هالشبل الصغير ! وأحلى شي رد الاستاذه عاليه عليك .. شوف كيف خلتك تتعلق بهذي الأفلام بذكرى حلوه من كلمات حلوه من قلمها .. وان شاءالله رح نلاقيها ونوصلها وانت بنفسك رح تتكلم معاها وبالتلفون كمان
(المعجزات الي حصلت لنا خلال السنتين الي فاتوا مو سهله ابداً وخلتني اؤمن ان اي امنيه مهما كان حجمها ممكن تتحقق .. والمعجزات الي رح تصير لنا في خلال السنين الجايه أبداً ابداً مو طبيعيه ورح تخلينا نؤمن اكثر بان الاحلام تصيييير حقييقه فوق ارض الواقع ومو بس في الأفلام .. الحمدلله يارب على هذي النعمه 3>) .. تفائلوا بالخير تجدوه ..
مرسله في
حمدان : ههههههههههههه .. شفت كيف ؟؟ هذي ذكرى حلوه في قصه حلوه انضافت للدليل لوووول من جد اتفرجت الثاني قبل الأول !!؟ ههههههه اهم شي ما اتلخبطت معك احداث الأفلام !!
يالله كلها كم يوم وتستلم نسختك العربيه الجدييييده من الثلاثه اجزاء كلها وتسترجع فيها أحلى الذكريات ان شاءالله
مرسله في
هههه لووول فديت الملكه اللي مخلتك تعتبر الفيلم فصحى أكثر من انه مصري <<< لوول يبي يجيب طاري الملكه وبس
هههه و الله ذكريات تجنن لما الواحد يتذكر يضحك و أحيانا يندم على أشياء سواها ينحرج يرجع يذكرها أو يفكر فيها
و أقولها للفانز الجدد اللي صارو فانز لديزني من فترة قصيرة بأنه فيكم الحين تكونون ذكرياتم الخاصه مع أفلام ديزني ورح يجي يوم بعد كم سنه تتذكرون هالايام مثلنا الحين
مرسله في
نااصر حبيت ردك واايد وذكرياتك واايد حلوة حبيت سالفة الرسايل بينك وبين عااالية يحليلها الصوور اللي حاطها واو ,,,جد ياليت شركة الخيوول ترجع والمقاال اللي حاطه من مجلة ميكي والله خاطري ألقى لو بس عدد واحد من هالمجلة , ياليت أحصل حد يبيعها لي لأنه جد تحمست أقراها
............
عبدالله إيه من صجي شفت الثاني قبل الأول بعد ماشفت الأول كذا مرة عرفت أنه هو الأول وشريط الفيديو كان الثاني وفهمت عقبها السالفة
--------------------
المشاركات: 348 | من: الإمارات العربية المتحدة | تاريخ التسجيل: أكتوبر 2010
|
مرسله في
ليتني اعرفك يا نويصر يوم انك ترسل لها رسالتك اللي متقيوي فيها و مسوي صايدها أجل عرفت ما ترمين اليه؟! الله يرمي حصاه في راس العدو بس
بما انكم تحكون عن ذكرياتكم مع The Lion King خلوني أشغل الـsoundtrack و أعود بالماضي للوراء و أشارككم اللي أذكره...
في صباح يومٍ من أيام فصل الربيع الجميلة... !! لا لا أمزح المهم... أذكر وقتها فعلاً ما كان فيه لا خيول ولا بعارين كنا تونا راجعين من أمريكا صارلنا يمكن سنة أو سنتين... كان عمري 7-8 سنوات و كان في محل عندنا بالخبر كبير للألعاب اسمه Toy Town كان هذا مثل Toys R Us الحين، و كان يجيب أشرطة فيديو لأفلام Disney و غيرها أول بأول طبعاً التسجيل أغلبه، و تحديداً لأفلام Disney كان بكامرا يد و مهزوز و ماكل هوا، لكن ميزته انه نزل بنفس وقت صدور الفلم بالسينمات في أمريكا! و كنت مبهور لأن يوم كنا في أمريكا كنت أشوف الأفلام بالسينما مع أهلي و كنت أذكر اني أنتظر شهور و تنزل! لكن هذا نزل بوقت سريع! لكن الصورة رايحة في عين أمها، مقارنة بالأشرطة الأصلية اللي عندي من أول... أذكر و ان كاني مانيب واهم، الأفلام كانت انتاج شركة اسمها هديل أو شي زي كذا... المهم اني اشتريت الفلم أنا و كانت معي ماماتي، و كانت تقول: خلصنا من Aladdin يجينا هذا؟ خخخ كنت فعلاً وقتها توني بديت أطلع من غيبوبة Aladdin لكن مش كلياً لأن فكرة انو فلم عبارة عن حيوانات تحكي ما دخلت مزاجي لكن فعلاً اشتريته و كنت متحمس، و لما رجعت البيت أتذكر شغلته على التلفزيون حقنا و أتذكر أول ما طلعت التلفزيونات اللي شاشتها كبيرة مرة (كبيرة مرة بالنسبة لهذاك الوقت) شغلته و قعدت أطالعه أنا و اخوي الكبير و كنا في انبهار لا متناهي! وقتها مدري وش صار... الزبدة اني انسلخت تماماَ من Aladdin و ارتديت عبائة The Lion King بالكامل و "فتت بالجو"! بعدها صار كل شي يتعلق بأدواتي المدرسية عبارة عن The Lion King دفاتر، أقلام، مساحات، برايات، هندسة، lunch box، الشنطة بكبرها... كل شي كل شي هو للأمانة أنا كل سنة هذا حالي، على حسب الفلم الدارج وقتها تصير كل أشياء المدرسة منه لدرجة ان ماماتي أو أي أحد يجيب لي قرطاسيتي يجيبها على أساس فلم Disney للسنة و أذكر كنت مصدر غيرة لزملائي الطلاب لما أجيهم كل سنة بثيم فلم السنة لكن طبعاً كلهم أصدقائي و لا يزالون لليوم هذا نلتقي و كل شي... أذكر وقتها كان عندي قلم من فوق فيه مثل اللعبة تتركب على الأقلام عبارة عن Rafiki متربع و كان حجمه كبير و شكله فظيع... يوم من الأيام انسرق مني، و يا قهر شيب براسي و أنا في طفولتي البريئة بس قلت الا أطلعه يعني أطلعه ما أرجع البيت الا و هو معي... و فعلاً دورته في كل الصف و في شنط زملائي و لقيته في درج واحد من الطلاب و أخذته منه بالقوة خخخ
أممممممممم... و بس! هذا اللي أذكره طبعاً عدى عن رحلة تجميع الألعاب اللي تحصل كل سنة... كان عندي كل الـAction Figures اللي من شركة Matel و Pride Rock كبيرة كانت شوي معموله خصيصاً لهم
الزبدة اني كنت خاش جو و بس و هذا حالي كل سنة مع كل فلم ينزل!
--------------------
.
.
المشاركات: 5990 | من: Saudi Arabia | تاريخ التسجيل: أغسطس 2007
|
لول تسلمون والله حمدان وفيصل وسعيد .. وذكرياتكم مع الاسد الملك كانت مميزه بعد
فصول ذكرتني بسوالف اغراض المدرسه لما كنا لازم نطقم على اخر فلم جديد نزل لديزني .. كانت احلى فتره عندي بالسنه لما تقرب المدارس واروح المكاتب واحصل شنط وقلامه ودفاتر وملفات عليها صور الاسد الملك او احدب نوتردام او هرقل .. كنت اكشخ فيهم بالمدرسه
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
شباب توني راجع من فيديو الصقر وتوقعوا شنو لقيتهم منزلين .. الجزء الثاني من الاسد الملك (عهد سمبا) النسخه العربيه ونازل على بلوراي وديفيدي!! .. ولما سألتهم عن الجزء الاول والثالث .. قالوا احتمال كبير بكره ينزلون
وااااو نزل قبل وقته .. على طول خذته .. بس ماراح اعلن عن الفلم بأنه نزل رسمياً الا اذا نزلت الثلاثيه بالكامل .. للحين ماشغلته اول ماخلص الرد باخذ فره سريعه عليه .. لكن كل اللي اقدر اقوله ان عهد سمبا من الاجزاء اللي انا شخصياً ماكنت معطيها حقها ابداً .. وجا الوقت اللي لازم اشوفه وامخمخ عليه عدل
كسيكول لازم اعترف ان الفلم صورته حلوه .. وقصته قويه مو هشه نفس بعض السيكولز .. صراع بين عائلتين من الاسود .. كأنه بالضبط الفلم الوثائقي اللي نزلته ديزني عن الاسود .. افريكان كاتس .. رفيجي شافه وقال الفلم ذكرني بالجزء الثاني للاسد الملك اكثر من الاول .. يعني توفقوا فيها ..
كدبلجه عربيه الفلم نزل والدبلجة كانت بقمتها بأخر التسعينات .. بنفس وقت طرزان ومولان .. وكفايه بس اللي مسويه صوت ارملة سكار الممثله الفظيعه اللي اموت فيها هاله فاخر .. وفعلاً هاله قدمت اداء فاخر بدور زيرا .. وخصوصاً لما غنت .. غنت بشكل جداً حلو واغنيتها من اروع الاغاني بالفلم
افتتاحية الفلم على اغنية ليل كانت تجنن .. واعتبر هالاغنيه منافس قوي لاغنية دورة الحياة بالنسبه لي مع ان الكفه تميل اكيد لدورة الحياة بالنهايه .. اداء ياسر شعبان فيها ياخذ العقل .. وبعد هالاغنيه اموووت على اغنية سمبا وكيارا (اللي يعيش ياما حيشوف يفهم حاجة يلقى ألوف مايفهمهاااش .. في شيء واحد عندي اكيد .. دنيتنا بتمشي بعيد مابتستناش) الله على الذكريات بس
>
[ نوفمبر 27, 2011, 12:48 AM: تم تحرير المشاركه من قبل: [ L.O.V.E.R ] ]
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|