منتــدى الســالميــه: Cinderella

»	منتــدى الســالميــه » القسم الـفـنـي » ســـاحــة الفـــن الغـــربــــي » Cinderella — Have Courage and Be Kind (الصفحه 14)

إرسال هذه الصفحه لصديق!

الموضوع متكون من صفحات: 1 2 3 ... 11 12 13 14 15 16 17 18

الكاتب

الموضوع: Cinderella — Have Courage and Be Kind

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

احمد قعدت اتمشى بروحي بالصالة لين ما اخترت هالمكان كان اروعهم [Big Grin]

عاد الامس خلص الفيلم على الساعه 2 الفجر

وماكان عندي وقت اكتب .. على طول رجعت البيت ونمت لان وراي دوام

الفيلم ماخيب توقعاتي ولا حتى 1%

عمل يحطك بمود حالم طووول الوقت .. عمل ساحر يفتح النفس

من احلى الافلام اللي قدمت الفيري تيلز بشكل راقي مثل مانحلم نشوفها عالشاشة الكبيره

مابي ابالغ لكن والله العظيم ولا عنصر من عناصر الفيلم حسيته اقل من الباقي ..

الكل كان منسجم وذايب في بعض

السينماتوغرافي والازياء والموسيقى والتمثيل والاخراج والسيناريو

الازيااااء يا ناس .. الازياء بروحها داهيه [nut]

لاحظوا مشهد حفل الامير كيف كانت ازياء المدعوين كلها روعه لكن لما دخلت عليهم سندريلا كان فستانها يشع بينهم

والحان باتريك دويل بكل مشهد كانت مليانه عذوبه وسحر

هالانسان من ايام ساوندتراك بريف وانا مجنون بشغله

وليلي جيمس [eyelove]

اختيار اكثر من رااائع لسندريلا .. جسدت الشخصية بنعومه وجمال وبراءة .. حتى صوتها وهي تغني حلو من كان يتخيل!!

وكيت بلانشيت ماتقدر تشيل عيونك منها لما تطلع عالشاشة

صح انها قدمت زوجة الام بطريقة مختلفة وكاريكاتورية عن اللي شفناها بفيلم الانميشن .. لكن كانت روعه والمصيبه اني تعاطفت معاها

اكثر شي حبيته بالفيلم الرسالة اللي يوصلها

اتصور لو كان عندي بنت صغيرة او حتى ولد صغير كنت بكون فرحان جداً واحنا طالعين من الفيلم

لاني بحسهم استفادوا درس عن الشجاعة والطيبة

واللي هي ثيمة الفيلم

واكيد حبيت الاشارات الصغيرة اللي تشير للفيلم الكلاسيكي القديم لول

الفيران مطلعينهم بشكل روعه وناضج مش طفولي .. يتكلمون بلغه مش مفهومه بس فجأة تحس انهم قطوا كلمه ولا كلمتين ينفهمون

همهمات سندريلا وغائها لاغنية اسمع صوت العندليب [Big Grin]

فستان امها الوردي .. ووايد اشياء ثانية

وفي مشاهد كنت مفتون فيها .. مثل مشهد الساعه 12

دقات الساعه تخوف وتشلع القلب من مكانه وبإمكانكم تحسون بالتوتر اللي حسته سندريلا بهاللحظه

مشهد تحول اليقطينه لعربة .. واو

بس اللي اجملهم فعلاً كان مشهد تحول الفستان .. هذا عاد اللي واو من قلــب [eyelove]

افضل مشهد بلا منازع!!

حبيت شلون انهم ماخلوا الفستان يظهر بسرعة بضربة عصا وحده وخلاص

خلونا نشوف سندريلا تدور والرذاذ السحري يلف حول جسمها بكل اريحيه لحد ماتكون الفستان الاسطوري

والت ديزني نفسه لو كان عايش وشاف تنفيذ هالمشهد اتوقع بيكون راضي كل الرضى عنه

وبيكون فخور فيه [applause]

لانه والت كان معروف ان مشهده المفضل من كل افلامه هو مشهد تحول فستان سندريلا بفيلم الانميشن

اما المشاهد الثانية اللي ابهرتني صج هي مشاهد القصر والاحتفالات والالعاب النارية والحفله وشكل الدرج ..

باختصار كل مشاهد القصر

ديزني بهالفيلم رفعت بار افلامها المقتبسة الحديثه لسابع سما

والفرق بينه وبين بقية افلامها المقتبسه اللي قدمتها بالسنوات الاخيره شاسع مو بسيط .. وفي فجوه كبيره بينهم

سندريلا اكثر من مجرد حلم وتحقق بالنسبه لمحبين الفيري تيلز [heartpump]

فيلم يخليك تطلع من السينما وانت حاب الدنيا

من افلام النهايات السعيده اللي تعطيك طاقه وحماس

بخصوص فروزن فيفر

الفيلم كيوووت ماتوقعت احبه خصوصاً بعد راي مورغان اللي حطمني شوي [Big Grin]

حركة العطسة عبقرية لول والاغنيه مهضومه

فيلم قصير وممتع ويخليك مبتسم طول الوقت

--------------------

المشاركات: 27170 | من: ~ NeverlanD ~ | تاريخ التسجيل: يوليو 2002 |

أرسل ملاحظه لمشرف الساحه عن هذه المشاركه

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

جنتل ولطيف مع الاطفال [applause]

طيب انا شاب لكن اعترف الفستان هذا فيه شي غريب وملفت

شلون الوانه تشع وتبرق بأكثر من لون؟ وكل شبر فيه يسبح مع الهوى بكل خطوه؟

فظيع [heartpump]

كيوت مع بعض سواء داخل ولا خارح الفيلم

بينهم جاذبيه طاغيه [nut]

الساريلا

افكر احضر الفيلم مره ثانيه [heartpump]

--------------------

المشاركات: 27170 | من: ~ NeverlanD ~ | تاريخ التسجيل: يوليو 2002 |

موسيقي

مراقب الساحة الفنية
رقم العضويه 2114

This user is from Kuwait

مرسله في

اليوم بدشه مره ثانية [Big Grin]

--------------------

المشاركات: 14288 | من: Kuwait | تاريخ التسجيل: يونيو 2002 |

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

طلال انجوووي مقدماً [rose]

بس تعال انتوا عرضكم يشمل فيلم فروزن القصير؟

لاني مستغرب في بعض الصالات قاطعينه!!

وهالشي مو من محقهم طالما ديزني مسوقه لسندريلا على انه يشمل فلمين مع بعض

والجمهور داخل يشوف فروزن معاه

+

اختي من شوي راجعه من الدوام ولاتقولي تبي تروح سندريلا بالسينما

ولا اقول لها من وين طالعه الشمس انتي والسينما مثل الماي والزيت

تقول لان البنات بشغلها حروها من كثر مايتكلمون عن الفيلم ..

كل وحده تقول للثانيه شفتي سندريلا؟ دخلنا عالم ثاني واحنا نشوفه!!

والحين هي متحمسه وشكلي باخذها سينما الفي اي بي باللؤلؤة

الفيلم صاير حديث الساعه وناسه [Big Grin]

+

الفيلم صعب يحافظ عالمركز الاول للاسبوع الثاني

لان الجزء الثاني من فيلم The Divergent بينعرض هالاسبوع وغير ان عنده شعبيه سابقه الفيلم بينعرض ثري دي

ماقصر سندريلا بيض بوجهنا بأول اسبوع [rose]

اتمنى بس يجيب ارقام حلوه لديزني حتى لو ماتجاوز ارباح الافلام السابقه

--------------------

المشاركات: 27170 | من: ~ NeverlanD ~ | تاريخ التسجيل: يوليو 2002 |

R Y A N
عضو فعال
رقم العضويه 90308

This user is from Quatar

مرسله في

الفلم صج حديث الناس هالأسبوع

صدت جو خرافي ناصر ماشالله اتخيل وانت طالع من اللؤلؤه بهالوقت المكان بكبره ساحر [heartpump]

--

لفتني كذا شخص من الي اعرفهم شافوا الفلم
الشي الوحيد الي ما مدحوه أهو اختيارهم لليلي جيمس

يقولون في مشاهد كان تبين fake بالقو وماتعرف تمثل بس اهني ماحد علق so اتوقع آراء شخصيه قليله

--------------------

المشاركات: 4196 | من: قطر وكلي فخر 3> | تاريخ التسجيل: يوليو 2011 |

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

ريان خذها من واحد يعتبر سندريلا "نسخة ديزني الانميشن" اميرة احلامه

تدري لو شفت غلطه وحده بليلي جيمس؟ كنت ماراح ارحمها

بس ليلي جسدت سندريلا مثل ما انا متخيلها بالضبط عالحقيقه .. فيها براءة وجاذبية ومليانه حياة

مشهد الحصان .. لما التقت بالامير

تتذكره ريان؟

من يصدق انها اول مره تركب حصان بحياتها؟ والله العظيم اني حاولت اصيد عليها اي غلطه

لكن البنت تعرف تمثل انها خياله درجة اولى وماتخاف!!

مشهد تمزق الفستان .. شفتها لما قالت لكيت بلانشيت هاو كود يو ؟

والله صدقتها!!

فجأة انقلبت ملامحها الساذجة الطيبة لملامح اي انسانه طبيعية تتعرض لمثل هالموقف

عيونها ترجف وشفايفها ترجف من القهر

ليلي فظيييعه والاهم ان فانز سندريلا نفسهم فرحانين وطايرين فيها بعد ماكانوا متخوفين منها ..

اخذ شهادة هالناس فيها ريان لانهم احرص ناس على صورة سندريلا

[ مارس 18, 2015, 01:23 AM: تم تحرير المشاركه من قبل: [ L.O.V.E.R ] ]

--------------------

المشاركات: 27170 | من: ~ NeverlanD ~ | تاريخ التسجيل: يوليو 2002 |

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

ليلي جيمس ومقابلة مع الناقد بيتر ترافيرز من مجلة رولنج ستون

ريتشارد مادن والمخرج اثناء زيارتهم الامس لاسبانيا لافتتاح وتسويق الفيلم

شاركوا هناك بهالبرنامج وخلوهم يدخلون في كتاب فيري تيل ضخم

الحركه كيوت بس احسهم توهقوا خخ

--------------------

المشاركات: 27170 | من: ~ NeverlanD ~ | تاريخ التسجيل: يوليو 2002 |

A H M A D
عضو فعال جدا
رقم العضويه 87758

This user is from Bahrain

مرسله في

من مصمم الفستان ؟!

الفيلم بصوب والفستان بصوت ثاني [eyelove]

--------------------

When the evening falls
And the daylight is fading
From within me calls
? Could it be I am sleeping
For a moment I stray
Then it holds me completely
Close to home, I cannot say
Close to home, feeling so far away

[heartpump]

المشاركات: 8459 | من: Bh-Rain | تاريخ التسجيل: مارس 2009 |

Roo7Qtr
عضو جديد
رقم العضويه 91468

This user is from Quatar

مرسله في

قريت ان ليلي جيمس و ريتشارد مادن بيصورون فيلم في 2016 مع نفس المخرج وبيكونون روميو وجوليت [nut]

الله يخلي ديزني الا ما تاخذ ممثل توه طالع الا وسوت منه نجم.

--------------------

المشاركات: 47 | من: قطر | تاريخ التسجيل: أغسطس 2014 |

[ L.O.V.E.R ]

سوبر مصمم
رقم العضويه 3004

This user is from Quatar

مرسله في

الخبر روعه محمد

والله كنت افكر بيني وبين نفسي وانا اشوفهم باللقاءات وبالفيلم انهم ثنائي كيوت [heartpump]

وبيكون وناسه لو ارتبطوا عاطفياً صج مع بعض [Big Grin]

+

اليوم قعدت افكر بالفيلم وتذكرت كم مشهد يجننون راح عن بالي اذكرهم بالردود فوق

وتقريبا كلهم من نهاية الفيلم

* اللي ماشاف الفيلم لا يكمل لانه في حرق *

مشهد العليه

لما كيت بلانشت تقول لسندريلا "بس انا امك" وسندريلا ترد عليها "ماكنتي امي ولا راح تكونين امي"

رد قوي وبنص الجبهه

مشهد ظهور الامير لما كان متخفي بين الحرس [smoke]

مشهد سندريلا لما تشوف زوجة ابوها وتقول لها "سامحتك" وبعدها تمسك يد الامير وتطلع من البيت

لحظة مؤثره

المقدره على المغفره والصفح هي القوه والطيبه الحقيقيه

كلام العرابة الطيبة لما قالت بنهاية الفيلم ان سندريلا ماكانت تشوف العالم مثل ماهو عليه

لكن مثل ماهو بيكون عليه لو شفته مع محبه وطيبه وشوية سحر

فيلم جميل وحوار اجمل يختمون فيه الفيلم

[ مارس 17, 2015, 05:31 PM: تم تحرير المشاركه من قبل: [ L.O.V.E.R ] ]

--------------------

المشاركات: 27170 | من: ~ NeverlanD ~ | تاريخ التسجيل: يوليو 2002 |

Angie_S

عضو مستمر
رقم العضويه 91565

This user is from Kuwait

مرسله في

الفيلم لي يوم الأثنين جاب 135 مليون دولار

+

شفت الفيلم ,, ردي لما أقعد إن شاءالله لازم رد بمستوى الفيلم LOL

[ مارس 17, 2015, 05:30 PM: تم تحرير المشاركه من قبل: Angie_S ]

--------------------