معليش اسمحوا لي، عندي كثير أسئلة بحكم أني جديد على المسلسل. من فترة طويلة حاولت أني أشوفه لكن بسبب المشاهد الدموية الصريحة نفرت منه. لكن ناصر جبرني أعطية فرصة و أشوفه و أقنعني و فعلاً... سويت مراثون الأسبوعين اللي راحوا شفته من الموسم الأول حتى الرابع.
لكن فيه أمور لا تزال مبهمة بالنسبة لي، على سبيل المثال، موضوع توأم Lannisters مثلاً و اللي صاير بينهم... حسب فهمي أن أبوهم و أمهم أولاد عم، ليش الناس ما شافوا الموضوع بنفس الطريقة؟ بمعنى ليش ما حتى أبوهم اعتبر زواجه من بنت عمه جريمة زيها زي اللي صاير بين ولده و بنته؟ خصوصاً أنه عند الغرب، زواج أبناء العم محرم. هل عائلة Lannister كلها مبينة على كذا من تحت لتحت؟
الشي الثاني، ليش Stannis Baratheon كان يبغى يقضي على Robb Stark خصوصاً أن سبب نزوحه لـKing's Landing كان معروف، اللي هو عشان يرجع خواته و يثأر لأبوه و يرجع لـWinterfell (ما عنده أي رغبة بالإستيلاء على العرش)، طبعاً غير أن العائلتين كانت صديقتين؟
ثالث شي (خصوصاً لزاك بحكم أنك مهتم بالكتب)، من أي موسم بدا المسلسل ينحرف عن محتوى الكتب؟ و هل الإختلاف جذري ولا بسيط في حدود نفس إطار الكتاب؟
[ فبراير 20, 2015, 05:53 AM: تم تحرير المشاركه من قبل: GALAVANT ]
--------------------
.
.
المشاركات: 5990 | من: Saudi Arabia | تاريخ التسجيل: أغسطس 2007
|
مرسله في
فيصل بخصوص ستانس براتثون هو عنده نظام انت مو معي انت ضدي ولا تنسي انو روب عرض تحالف مع بيريلي اخو ستانس ووقت ماتقابلوا كانت كاتلين مع بيريلي وطلبت منه يتصالح مع اخوه وهالشي مايرضيه لانو يبي الممالك كلها حتي الشمال عشان كذا كان يبي يصفي روب وجوفري وملك الحزز الحديدية مع انو روب وملك الجزر همهم فقط الشمال ما يطمحون لعاصمة
بالنسبه لموضوع زواج جوانا و تايون لانستر ، صح كانوا اولاد العم بس نظره العلاقه بين اولاد العم تظل عاديه مقارنه بعلاقه الاخوان هو تايون اتزوجها لانه كان واقع لشوشته في بنت عمه ، تقريبا كان سمعته سيئه كان بمثابه خروف في يد زوجته ، حتى في اشاعات انها كانت ع علاقه جنسيه مع الماد كينغ والد دينيريس اما سيرسي و جايمي هما حاله شاذه في العيله ، كانوا مايشين ع منطق خلقنا و كبرنا مع بعض ، فحياتنا لازم تكون مشتركه في كل شي هذا غير انهم متأثرين بثقافه التارغرينز اللي كانوا يتزوجون بين بعضهم البعض و ما يدخلون الغريب - حفاظا ع الدم من الاختلاط - ، لان موضوع التنانين مرتبط بالسحر و اهالي فاليريا كانوا عندهم قدره بالتحكم بالتنانين من خلال سحر المرتبط بالنار و الدم بس بعد طوفان فاليريا ، التارغرينز اللي طلعوا من فاليريا من تنبئ وحده منهم ، و قله من العوائل الثانيه بقيه العوائل اختلطوا لما طلعوا مع فاليريا ، الا التارغرينز و هالشي يخلاهم الوحيدين في ويستريس اللي مرتبطين بالدراغنز
بخصوص ستانيس زي ما قالك لوست ، هو موضوع مو معي انت عدوي هذا غير انه كان يحس ان كات وقت اللي راحت تتفاوض معهم ، كانت مياله لصف رينلي بس روب ما كان همه لا بالشمال و لا بالعاصمه ، كان همه بالانتقام لدم والده حتى موضوع كينغ اوف دا نورث بس المهايط اللي معه ، هما اللي كبروها في راسه
بخصوص الاختلافات ، هما السيزن الاول اللي يعتبر نسبيا اكثر وفاء للكتب باقي المواسم لها نصيب من التحريفات ، السيزن الثاني كل خط دينيريس في كارث تحريفات و من بنات افكار ديفيد اند دان ، نفس الشي موضوع سفريات لورد بايلش الا ما له اثر تواجد في الكتاب الثاني ، كمان روب و جايمي ما لهم تواجدهم في الكتاب الثاني بس ينسمع عن اخبارهم ، بعد موضوع نيد كات اخذت جايمي وراحت لبيت اهلها و كان ابوها لسه عايش في السيزن الثالث بعد كان في تحريفات بدخول ديينريس لاستابور و موضوع سير بايسترون و كيف كشف هويته لها الريد ودينغ في تفاصيل مختلفه ، عم كات و زوجه روب ما كانوا معهم ، و في الكتب زوجة روب جين - تاليسا في الكتب - لسه عايشه و حتى جورج قال انها بترجع في مقدمه كتابه الجديد و عيلتها كان لهم تحالف مع اللانسترز كثير في تحريفات صارت بس اللي بيعملوا في السيزن الجاي كوم ثان ، كأن بيصير مسلسل مستقل عن الكتب
[ فبراير 20, 2015, 02:10 PM: تم تحرير المشاركه من قبل: ZAK I ]
صح معك حق. موضوع تحالف Robb مع Renly راح عن بالي تماماً.
زاك
يعني الموسم الجاي بيكون مختلف إختلاف جذري عن الرواية؟
و بخصوص Arya و رحلتها لـBraavos، هل هذا يعني أنها بتنضم لجماعة Faceless Men؟ أنا شخصياً متأمل لها بدور كبير، و أحس إذا عائلة Stark بقى لها أمل أنها ترجع تحكم Winterfell فهو بيكون على يدها...
--------------------
.
.
المشاركات: 5990 | من: Saudi Arabia | تاريخ التسجيل: أغسطس 2007
|
مرسله في
السيزن المفروض يمشي ع الكتاب الخامس و الرابع اللي فيهم تقديم لشخصيات جديده مهمه و محركه للاحداث اللي عاملينه انهم لاعبينها safe و مركزين ع الشخصيات اللي ابتدوا فيها ، و تقريبا نص الاحداث اللي في الكتاب الخامس و الرابع بيشليوها لانها للشخصيات الجديده ، اساسا هالكتابين يدورن في نفس الوقت الزمني ، و لكثره الشخصيات و التفاصيل ، قسم الاحداث ع كتابين بحيث قدم دورن و شخصيات دورن ، و تعمق اكثر في شخصيات الغريجويز المعروفه و قدم شخصيات جديده منهم طبعا هالاختزال بيصير مع تحريف في بعض القصص المرتبطة بالشخصيات المستمرة ايام ما اعلنوا عن الشخصيات الجديده للسيزن الخامس ، رده فعلي ان هذي الشخصيات الثانويه الجديده و لسه اخبار الشخصيات الرئيسيه الجديده بيعلنوا عليها ، طلعوا هذول هم الشخصيات الجديده بس مثلا دورن اللي بيقدموها السيزن الجاي ، من الوثائقي اللي نزلوه واضح انهم بيركزوا ع الغرادن واترز بس و بينسوا احداث عاصمه دورن صانسبير كمان شخصيات دورن المفروض يكون لها اكثر من خط في الاحداث ، في المسلسل شايلين كذا شخصيه و مخلين بس الشخصيات اللي لها علاقه بالاحداث اللي صارت بكينغز لاندينغ بس كمان الغريجوز اكبر مهزله اللي صار في قصتهم ، لو في شي جديد بيطلعوا به بمشاهد و شخصيات قويه جذابه ع التلفزيون هالسيزن فهو خط الغريجويز كمان بتر خط يونغ غريف مش حلو ابدن ، هذا بحد ذاته اذا قصته حقيقيه او حتى فايك بتكون من اكبر مفاجئات السيزن - اريا تقريبا رحلتها في برافووس بتقضيها في منزل الابيض و الاسود و يكون بمثابه training لها مع قصص faceless للان ما في اي اشاره ، من بين الستاركز اللي بيفزع للعيله ، جغرافيا الاقرب لهالشي هي سانسا سانسا تقريبا الشي اللي وقفت عليه السيزن اللي فات هو اخر شي لها في الكتب كل الاحداث السيزن الجاي بتكون جديده ، احتمال تاخذ بلوت ستونهارث بانتظار ان جورج ينزل كتابه الجديد او ترجع لونترفل ، خاصه ان الممثله تقول في شي قوي و مفاجئ بيصير مع سانسا هالسيزن ، بس ما يندرى ع هياط الكاست سانسا في الكتب من الشخصيات الحلوه و شخصيا عندي احسن من اريا ، بس هي مظلومه تلفزيونيا سواء الكتابه او حتى الممثله مش مساعده
[ فبراير 20, 2015, 08:52 PM: تم تحرير المشاركه من قبل: ZAK I ]
الموضوع مغلق
إرسال هذه الصفحه لصديق!
لطباعه هذا الموضوع
![[Razz]](tongue.gif)
![[rofl]](graemlins/rofl.gif)
ورجع لي ملكيتي الخاصة وضياعي الخاص بي
![[worried]](graemlins/worried.gif)
![[eyelove]](graemlins/eyelove.gif)
![[Mad]](mad.gif)
