مرسله في
ما حبيت الفينالي بطريقة ما!! اوكي حطوا كل الأحداث الي كنا متوقعينها و نستناها تسير.. لكن ما حبيت ابدا الحلقة مادري هو غلط في الإخراج و الا ملل في الأحداث في المشاهد حسيت فيها شي غلط.. احلى مشهد اخر مشهد في الحلقة و ان شالله تورمند ما يكون مات و باقي الأحداث مارح اتكلم عليها عشان لا احرقها للي ما شاف الحلقة لسه بانتظار ارائكم
الهدنه كانت خطه خورافيه اولها يجيب الزومبي عشان جيمي يشوفه بعد مااقتنع جيمي كليا انو الحرب ضد التنانين خسرانه وبنفس الوقت هو عارف اخته لعينه ما تامنها بكذا يفرق بينهم ويضعف سيرسي اكثر وينقذ اخوه من التبعيه لها وهالشي صار جيمي رفض عناد سيرسي والغدر بعد التحالف وهي غير مقتنعه تماما باي تعاون وجيمي اقتنع انو لا حرب مع داني بتنجح ولا نكث العهد بيفيد
وفعلا هو جيش لانسترز ايش بيفدهم ؟ داني وجون عندهم جيوش وتنانين والشمال كامل قادرين فعلا ع مواجهه الموتي بدون لانسترز
الحوارات موثره جدا
جيمي تاثر بحوار جون وصدقه وخفظه لعهد وكلام برين له انو الولاء مو مهم الان الوضع اختلف موتي ضد احياء
ثيون تاثر من شخصيه جون والحوار بينهم وهالشي خلاه يصحي موخرا ويواجهه خوفه وتردده بين كونه ستارك او جروجوي ويقرر اخيرا ينسي اخطاءه ويحاول تصحيحها
لورد بيليش والنهايه الختاميه لخبثه وعبثه بدا الفوضي بالاختين ليسا وكاتلين وبدا بالتحريش بين الخوات والعوايل واشعال الحروب بين ستارك ولانسترز تقرب من ليسا الوحيده وصفي زوجها وابعدها عن اختها والاستفاده من لعبه العروش اللي بين العوايل يشعل الفوضي ويستفيد
الان هو بيده سانسا حاول يبعدها عن اخوه جون وكذلك اريا لكن غلطته انو درس سانسا اساليبه وطرقه الدروس بدت من يوم ماهربها من العاصمه وهي تعلمت اخيرا وطبقت كل شي عليه حوارهم مره قوي كانت تتعلم منه وهو اللي يحسب انه يستغلها الفرق انها صنعت العداله من افعاله وهو كان يصنع الفوضي من افعاله سانسا واريا ما هم زي امهم وخالتهم رغم الغيره والاختلاف بينهم اتحدوا سوا وبكذا انهو شخصيه ياما انتظرنا نهايتها
المحاور اللي مهدوا لها تقارب جون وداني الي تحالف وعلاقه حب هالعلاقه مهدده جدا بمشاكل قادمه
الشمال رافض كليا الركوع الي داني حقيقه جون كوريث شرعي بدل من داني حرق داني لاهل سام هل بيرضي يركع لها او يختلف مع جون بسببها تيريون ونظراته لدخول جون لداني
ثيون والانتقام من عمه الحرب ضد الموتي تحالف الغدراين سيرسي ويورن مع القوات المرتزقه القادمه
مرسله في
^ ^ ^ اوكي الأحداث كلها متوقعينها صراحة! اكيد سيرسي مارح تتحالف مع احد هي حتى قرينها مستعدة تخسره في سبيل العرش و بيليش كان واضح انو نهايته قربت و صراحة دا بالنسبة لي احلى مقطع في الحلقة الحبكة كيف يتهيأ انها محاكمة لاريا و بعدين يتوجه له الاتهام و فجعته كانت مميتة و احلى احلى احلى شي لما أريا ذبحته بدون ما تضيع وقت و لا حتى ترمش و جون و داني كمان كان جداً متوقع و واضح الانجذاب لكن حقيقي قرف و ما تلبق له و المخرج اختار في نفس اللحظة يذكرنا انها عمته و ذا هاوند و بريان لما سالها على أريا جيمي احسن شي عمله في حياته انو ترك سيرسي و تيريان ما اعرف ايش اتفق مع سيرسي في لقاءهم لما عرف انها حامل و هل له علاقة بجون او داني لانه كان مو حابب العلاقة ابدا
بس انا صراحة كنت متوقعة يصدمونا بحدث او شي ما كنا متوقعينه او twist !! ما اعرف حسيت ببرود في الحلقة!! بالنسبة لي الحلقة الي قبلها قطعاً نتفوق عليها بمليون مره و اهم اهممممم شي انو تورمند ما يموت...
و اعتقد مفروض جون يوحدهم كلهم و يكون الملك و خلاص نرتاح لانه ستارك و تارغبربان و بسير يركزو عالحرب و يقتلو سيرسي و يخلص GOT 8 بسلام
كل الحلقة على بعضها رائعة واستمتعت فيها ، طول الوقت اشوف كم بقى وتنتهي وماودي تنتهي 😭 جيمي (قلووووب) سيرسي مسحت بمثل اللانستر دائماً يوفون بوعدهم الأرض ،
الموتى والتنين ووصولهم كان مرعب ورهيب ,
بيليش هههههههههههههه وناااسة اللي صار له وكيف صار له 😍
لاحظوا ان احداث الموسم السادس والسابع قوية جدا واقوى من المواسم اللي راحت كلها لكن لو تسأل اي واحد عن المستوى بيقولك انه يفضل المواسم السابقة عن هذا الموسم الكتابة و الحبكة ضعيفة جدا و هذا مشكلة خناقة المؤلف مع مخرجي المسلسل
[ سبتمبر 01, 2017, 12:18 AM: تم تحرير المشاركه من قبل: iDoc ]