جماعة الجولدن جلوب تهمهم الأسماء أكثر من الدور نفسه.. يعني لو كنا منصفين سارا بولسن واللي يمثل دور داندي أحق بالترشيح... بس جيسيكا و كاثي لانهم مشهورين عطوهم الترشيحات مع انهم للأمانه كان الهم مشاهد رائعة هالسيزن .. بالنسبة لهالحلقة .. ستانلي واقفلي بالبلعوم ياريت يتخلصون منه و يريحونا من قرفه ... واللي مقهور منها أكثر هي ازميرالدا ... يعني عاشت معاهم وحبتهم وفي نفس الوقت عارفة انه ستانلي قاعد يخطط يقتلهم كلهم ،،، لما جيمي يعرف ما أعتقد بيكمل معاها.. داندي عكس ستانلي مع انه يمكن يكون أبشع شرير بتاريخ المسلسل لكن الممثل متقمص الشخصية بشكل فظيع.. تخلي الواحد يستمتع بتمثيله .. وأصلا الشخصية مكتوبه بشكل أقوى بوايد من شخصية ستانلي.. بيت و دوت كانت عيوني على وشك انها تدمع بآخر حوارهم مع بعض تعابير ويه سارا شي خيالي ... كل كلمه تحس فيها وتقولها على رواق عشان توصل الاحساس للمشاهد .. على فكرة سمعت انه سارا بولسن من الممثلات اللي يندمجون بالأدوار و يعيشون الشخصية .. السنة الماضية كانوا لازم يوقفون التصوير ويشيلون عدساتها اللي كانت لابستهم لانها كان تبكي لما كانت تصور المشاهد وعيونها تحمر... هالسنة كانت تضيع بين الشخصيتين وتنهار وتطلع برا التصوير ومحد يرجعها الا راين شخصيا هالحلقة أشوفها خطوة لورا مقارنة بالحلقة الماضيه بس نهايتها حلوه و ان شالله ما يكون مصير جيمي نفس مصير المرحوم ميب
-------------------- [ المشاركات: 7335 | من: الامارات | تاريخ التسجيل: يوليو 2003
|
رد مقتبس:نا صج اللي اخاف من مستقبلها ازميرالدا طيبة وهبلة وعلى نياتها
بالعكس مب سهلة ازميرالدا ... لو كانت طيبه كانت بتخبر الكل عن نوايا ستانلي .. لكنها جبانه أو في داخلها هدفها مثل هدف ستانلي.. عندي احساس انه نهاية هالسيزن بتكون مأساوية .. لأنه الفريكس أساسا كان الهم فترة زمنية معينة معروفين فيها وبعدين انتهوا ونهاياتهم كانت سيئة.. أعتقد جزء منهم بيروحون مع بيبر و سيستر يونيس على الأسايلم ...
رد مقتبس:اليوم بلشت في سيزن 2 بعد مانتهيت من سيزن 1
مايقارن بمسلسلاتي الي احبها بس افضل المعروض حاليا
طبيعي عالحلقة الخامسه بتلاقي نفسك خلاص مهووس بالمسلسل.. الجزء الثاني تحفة فنية و أذكر اذا مب غلطان الحلقة العاشرة تصويرها شي خرافي.. النهاية بعد ممتازة و الله يعينك على صريخ لانا بنانا طول السيزن عطنا رايك بالحلقات أولا بأول ..
رد مقتبس:كان دورها وتكسير الروس مع جسيكا حلاوة الموسم [nut]
تكسير ولا تقطيع الروس ؟ لين الحين أذكر راس كاثي بيتس اللي كان محطوط بالغرفه
-------------------- [ المشاركات: 7335 | من: الامارات | تاريخ التسجيل: يوليو 2003
|
اعترف حاب المسلسل بس احس اجباريا دشيت جوة لانه ماعندي شي ثاني اشوفة
اهو موخايس بس بنفس الوقت كلا شد اعصاب مايحطولك جانب حلو مثلا ههه
عندي سوال حبيبه ساراة الزيبيان الي تموت باول حلقات السيزن 2 شنو اسمها الاصلي؟ انا متاكد شايف لها دور ثاني ممتاز بس ناسي اي عمل
المشاركات: 44721 | من: الـكـويـت | تاريخ التسجيل: أكتوبر 2003
|
مرسله في
طبيعي اسمها كليا دوفال Clea Duvall .. ممثلة أنا شخصيا أحبها.. تمثل من زمان و طلعت بعشرات الأفلام والمسلسلات،، يعني أكيد انت شايفها كذا مره .. أشهر أعمالها مثل ما قال لوست The Faculty وطلعت بعد بمسلسل كارنفال وفلم Girl Interrupted اللي مع انجلينا جولي ...
-------------------- [ المشاركات: 7335 | من: الامارات | تاريخ التسجيل: يوليو 2003
|