رد مقتبس:

---

المرسل الأصلي هو Strider:
Lover استعجل شوي بحضور الحلقات لانه الحلقة خرافية
كيف الاحداث تداخلت ببعض و ادت للنتيجة اللي شفناها .. اشي روعة
كيف دايما يختموا الحلقة الاخيرة بحدث مشوق حتى يخلونا عنار ايش يصبرنا شهر

---

سترايدر ابشرك بديت اكمل المسلسل

من شوي خلصت حلقة ريد

حلقه متكامله وممتعه وذكرتني بأجواء حلقات السيزن الاول

* سبويلرز *

لقاء ريد بأمها كان حدث غير متوقع بالمره .. اللي يخليني اقتنع انها ممكن تكون فعلاً تقول الحقيقه وبأنها ام ريد هو التشابه الرهيب بينهم كشكل .. واللي يخليني احس انها تكذب بنفس الوقت هو ان اللقاء تم بشكل سريع .. يعني فجأه امها ظهرت بدون مقدمات! .. مادري في شي مو مخليني اقتنع بموضوع ام ريد ..

بس راح اسلم بأن هالانسانه كانت مثل ماتقول ام ريد .. جدة ريد ماتنلام لما خذتها وربتها بعيد عنها .. حتى لو كان هالتصرف فعلاً خاطئ .. ريد كانت بتكون انسانه مشوهه لو عاشت مع امها ..

اما مشهد ركض الذئاب بالغابة وكيف كانوا يتسابقون بالظلام وطريقة وصف ام ريد لحياتهم كان فعلاً روووووووووعه ومن احلى المشاهد اللي تنفذت بهالسيزن على الاطلاق .. مشهد غريب ومختلف عن اي شي شفته بالمسلسل .. مشهد سينمائي متكامل

بس نفسي اعرف شنو قصة القصر اللي ساكنين فيه جماعة الذئاب تحت الارض؟ احس ان هالقصر وراه سر وقصه كبيره راح نعرفها بالحلقات الجايه .. ليش اندفن تحت الارض ومن اللي كان عايش فيه!!

مشهد سنو بأول الحلقه وهي هاربه من حرس الملك وبعدها توقف عند احد الاشجار وتشوف اعلان القبض عليها ذكرني بمشهد فلين رايدر بفيلم ديزني تانجلد



ماكان ناقص غير انها تعصب وتقول اووف منهم ليش راسمين خشمي غلط



وشخصية الفار جاز من فيلم سندريلا ماتوقعت خييييير شر انهم يستعرضونه بالمسلسل



جاز من اظرف الشخصيات بافلام ديزني

بالدبلجة المصرية للفيلم مسمينه اراجوز .. واختصاره جوز



بس غريبه انه الفار جاز نشوفه على هيئة انسان بستوري بروك .. والكلب بانجو من قصة 101 مرقش نشوفه كلب حقيقي بستوري بروك! .. هل معقوله يكون جاز اساساً بالفيري تيل لاند قبل لايتعرف على سندريلا كان انسان ونتيجة للعنه او سحر معين صار فار .. ولما انتقل لستوري بروك رجع لاصله؟! .. نفس جيمني كريكت .. كان انسان بالفيري تيل لاند وبعدها حولته البلو فيري لجدجد ليل .. ولما انتقل لستوري بروك رجع لاصله كإنسان .. اذا اعتقادي صحيح بكون جداً متحمس اعرف قصة جاز قبل لايلتقي بسندريلا وقبل لايصير صديقها ..

واحلى شي بالحلقه هو ان ريد (أتوقع) بدت تعرف كيف تتحكم باستإذابها ..

اما الحقير الملك جورج شخصية مستفزه وقمة بالحقاره .. اتمناله يموت شر موته الحقير .. خاطري يعرضون لنا المشهد اللي دايماً يذكر ديفد فيه لما كانت الفرصه سانحه له بأنه يقتله لكنه ما قتله .. هالمشهد احس انه صار بالمعركة الاخيرة الضخمه اللي صارت قبل لايتولى الحكم هو وسنووايت بأول مشهد شفناه من اول سيزن ..

وفرحت لما بدا هينري يتواصل مع ارورا .. خلاص الحين بيكونون هالاثنين هم صلة الوصل بين ستوري بروك والفيري تيل لاند .. يعني كأنهم وكالة اخبار رويترز بس بشكل ثاني

حلقة جميلة وممتعه