شباب ترى انا توني مستوعب ان السحر اللي اطلقته ريجينا كان مايشمل عالم الفيري تيلز كله .. كان مقتصر بس بالغابه المسحوره اللي عايشين فيها بعض الشخصيات .. مثل سنو والامير و ريد وغيرهم .. بس المناطق الثانية المحيطه بالغابه المسحوره ماتأثرت بهالسحر .. مثل بلاد العجائب .. عشان كذا كان بائع القبعات الوحيد اللي كان متذكر ريجينا ومتذكر ماضيه ومن يكون ..
هالشي يخليني افكر بأن في عوالم ثانية ممكن تكون فيها شخصيات كثيره ماتأثرت بالسحر .. مثل المكان اللي جا منه المصباح السحري .. مدينة اغربة .. ومثل ماذكرت قبل بلاد العجائب ..
بخصوص الشخصيات الجديده
بالبونز فيتشرز اللي بالبلوراي ذكروا قصص بعض الشخصيات الخيالية اللي مرت بالمسلسل كقصص عاديه لها شعبيه .. لكن الغريب انهم ذكروا قصة حورية البحر من بينهم وهي ماطلعت بالموسم الاول .. فهل معقوله يكون هذا تلميح صغير بأنها راح تطلع بالموسم الثاني؟
وبخصوص شخصية الساحر أوز ..
الفانز كلهم متأكدين بأنه راح يطلع بالموسم الثاني خصوصاً بعد ما اعلنت ديزني عن صدور فيلم خاص يتكلم عن هالشخصية ببداية 2013 .. شخصية أوز جداً غنية وممكن يخلونه شرير من نوع مختلف يتميز بذكاءه مش قدرته عالسحر لانه بفيلم الساحر أوز كان يخوف دورثي وأصدقائها عن طريق اختراعته ولا هو ماعنده اي قدره سحرية مثل ريجينا او رامبل .. فبتكون شخصيته جداً مميزة بينهم .. ولو اني ماشوفه شرير لكن افكاره واختراعاته لازم تتوظف بهالاتجاه ..
على فكره عارفين ان الساعه الموجوده بمدينة ستوري بروك هي عباره عن ساعة مصممه بالكمبيوتر ؟ .. يعني الساعه مالها أي وجود بموقع التصوير لول
شباب في سؤال بعد يدور في بالي ..
تتوقعون مدينة ستوري بروك كانت عالقة بأي سنه قبل لاتنفك اللعنة بأخر حلقه ويتحررون منها؟
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
نصور شنو الي مسوينه بالموقع جد سحر على الاخر شلون طلع الدخان وانتشر بشاشه بعدين شفت مشاهد حورية البحر جايبين مشاهد الفيلم على البلوري وطالعه خيال وتجنن جد حمستني على بلوري حورية البحر وان شاء الله يعرضون حلقه عنها
[ سبتمبر 26, 2012, 11:32 AM: تم تحرير المشاركه من قبل: شبح الصمت ]
-------------------- المشاركات: 624 | من: qatar | تاريخ التسجيل: أكتوبر 2010
|
رد مقتبس: بعدين شفت مشاهد حورية البحر جايبين مشاهد الفيلم على البلوري وطالعه خيال وتجنن جد حمستني على بلوري حورية البحر وان شاء الله يعرضون حلقه عنها
شبح الصمت اتفق معاك .. اللي ماعنده بلوراي وانس ابان تابم فاته نص عمره .. المواد الاضافية اللي فيه خيااال .. احلى شي الاخطاء الظريفه .. مت عليها من الضحك لول .. وحبيت الفقره اللي جابوا فيها كل الممثلين وكل واحد قعد يتكلم عن فيلمه المفضل من افلام ديزني
ايما الهبله لما كانت صغيره ماكانت تعرف تفرق بين سنووايت والاميرة النائمة .. وجينفر او ماري مارجريت تقول انها كانت قبل المسلسل بسنتين متنكره بلبس سنووايت بعيد الهالوين .. ماكانت تدري انها بعد فتره بتمثل دور سنووايت الحقيقيه بمسلسل! .. واللي استغربت منها ريجينا لول .. تقول ان شريرتها المفضلة هي ارسوله .. وتقول انها وايد متأثره بحركات جسمها وضحكتها وهالشي ممكن المشاهدين يلاحظونه بأول مشهد لها بالسيزن الاول
واحلى شي اني قدرت اشوف كواليس تصوير المسلسل .. مو معقووول التعب اللي يتعبونه بكل حلقه!!
الازياء بس بروحها تطلع الروح .. حطوا فقره كامله عن ملابس بيل وكيف المصمم الخاص بالمسلسل اشتغل على هالشخصيه من البدايه للنهايه .. لحد ماشفناها بالحلقه .. كل شغله .. كل تفصيله صغيره .. يرجع للمؤلفين عشان ياخذ رايهم فيها .. صج صج شغله تزهق وتطلع الروح @@
ونفس الشي المؤثرات الخاصة واو .. شلون بس الممثلين قادرين يملثون في مكان خالي لونه اخضر بأخضر وينجحون بإيصال مشاعرهم لنا وكأنهم شايفين الخلفيات اللي احنا شايفينها بالنتيجه النهائية!!! .. صج هالمسلسل خيال!!!
ونص المواد الاضافية فيها مشاهد من افلام ديزني .. طبعاً هذا اكثر شي حبيته .. حسيت بالانتماء اكثر الحين للمسلسل
بس اللي استغربته ان مشاهد فيلم حورية البحر اكثر مشاهد ظهرت بالبونز!! .. بين كل مشهد ومشهد يحطون مشهد من حورية البحر!! .. واضح ان قصة حورية البحر بتكون موجوده بالسيزن الثاني على هالتركيز المكثف للفيلم .. واللي حبيته اكثر هو اني اول مره اشوف مشاهد من فيلم حورية البحر عالبلوراي .. روعه روعه روعه .. هالفيلم بيكون دمار شامل عالبلوراي .. واضح ان ديزني مجهزه نسخة HD محترمه للفيلم
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
رد مقتبس:المرسل الأصلي هو Angie-Q8: ترا نزلت حلقة بس مافيها أحداث جديدة , بس تذكير سريع بالشخصيات وأحداث الموسم الأول , أستمتعت فيها عمل ضخم وذكي
انجي انتي فاهمه السالفه غلط هالحلقه الي شفتيها هي الحلقه التذكيريها اللي تسبق عرض بداية كل موسم جديد وهالحلقه ينزلونها للناس الي ماعندهم وقت يرجعون يشوفون الموسم السابق من اول وجديد
والحلقة الاولى من الموسم الثاني بتنعرض اليوم باليل
[ سبتمبر 30, 2012, 11:50 AM: تم تحرير المشاركه من قبل: شبح الصمت ]
-------------------- المشاركات: 624 | من: qatar | تاريخ التسجيل: أكتوبر 2010
|
بحاول اشوف الحلقة التذكيرية اليوم بالليل عشان اكون خلاص جهزت نفسي عدل للسيزن الثاني
شباب في معلومات خفيفه وحلوه حاب اشارككم فيها مادري اذا تعرفونها ولا لا
--------------------
في المواد الاضافيه اللي بالبلوراي استغربت لما عرفت ان مدينة ستوري بروك مدينة حقيقية اصلاً .. يعني مش مثل ويستريا لين في مسلسل ديسبريت هاوس وايفز .. عباره عن مدينة مركبه تركيب وموجوده بموقع استديوهات تصوير!
بالبونز حطو تقرير مفصل عن ستوري بروك .. المدينة فعلاً مدينة حقيقيه وموجودة بأحد الولايات اللي مو حاضرني اسمها الحين .. والمدينة الحقيقيه عندها اسم ثاني طبعاً مش ستوري بروك ..
وتخيلوا هالمدينة كل مايحين فيها موعد تصوير حلقات المسلسل كل اهالي المدينة يستعدون لإستقبال العاملين بالمسلسل عشان يجون ويرتبون المكان ويقعدون يفكون تركيب لافتات المحلات ويحطون مكانها بشكل مؤقت لافتات مدينة ستوري بروك اللي تطلع بالمسلسل .. مثل لافتت مطعم ريد وجدتها .. هالكافيه حقيقي وموجود بالمدينة وصاحبة الكافيه طلعت بالتقرير وقالت ان صناع المسلسل بقمة الطيبه والذوق والناس تعودوا يشوفونهم كل يوم ..
والشغل بالكافيه مثلاً مايتوقف حتى اثناء تصوير المسلسل في ناس تدخل وتقعد وتشتري بشكل عااادي .. وياما ناس عاديين طلعوا بالكافيه اثناء الحلقات واحنا ماندري عنهم
وطلعوا الممثلين بالتقرير وهم يتمشون بالمدينة مع الناس ويسولفون وياهم اثناء استراحة التصوير .. المدينة شي خيالي ماتنوصف! مدينة كتكوته والكل يحب بعض فيها وكل اهالي المدينة مستانسين على ان مدينتهم تطلع بالتلفزيون بشكل اسبوعي لول .. بس طبعاً في اماكن مش موجوده فعلياً بالمدينة مثل متجر غولد .. وتخيلوا ان عملية ترتيب المدينة بكل مرة قبل مرحلة التصوير تستغرق مدة 10 ساعات عشان يحولونها من المدينة العادية لمدينة ستوري بروك!
صار حلم من احلامي الحين اني ازور هالمدينة لما اروح امريكا
--------------------
في معلومة ثانية سمعتها عن وحده من فانز وانس .. تقول بأنها بالصيف اللي فات كانت بديزني لاند .. وهناك لقت المؤلفين الاثنين العباقرة اللي ماسكين مهمة تأليف المسلسل .. تقول انها لما تعرفت عليهم من اشكالهم ظلت تمشي وراهم وتتجسس عليهم عشان تعرف شعندهم جايين ديزني لاند ومعاهم اوراق وادوات تسجيل وسالفه لول
تقول اكتشفت بالاخير بعد ماظلت وراهم واسألت عنهم انهم جايين عشان يعملون بحث ويستلهمون القصص والتفاصيل اللي بتطلع بالسيزن الثاني .. تقول شافتهم داخلين 3 العاب!
الموضوع مغلق
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[Eek!]](eek.gif)
![[super]](graemlins/super.gif)
![[nut]](graemlins/nut.gif)
.. فكرتها روعه ![[applause]](graemlins/applause.gif)
![[thinking]](graemlins/thinking.gif)
![[eyelove]](graemlins/eyelove.gif)
![[heartpump]](graemlins/heartpump.gif)
![[Big Grin]](biggrin.gif)
![[Razz]](tongue.gif)
.. وجينفر او ماري مارجريت تقول انها كانت قبل المسلسل بسنتين متنكره بلبس سنووايت بعيد الهالوين .. ماكانت تدري انها بعد فتره بتمثل دور سنووايت الحقيقيه بمسلسل! .. واللي استغربت منها ريجينا لول .. تقول ان شريرتها المفضلة هي ارسوله .. وتقول انها وايد متأثره بحركات جسمها وضحكتها وهالشي ممكن المشاهدين يلاحظونه بأول مشهد لها بالسيزن الاول ![[worried]](graemlins/worried.gif)
![[rofl]](graemlins/rofl.gif)
![[crying]](graemlins/crying.gif)
