دوك انت سرعة الانترنت عندك كم؟ انا حملت حلقة وانس على الجودتين العاديه وال HD بظرف سبع دقايق
+
وناسه الترجمة الانجليزية نزلت من شوي اخيراً .. وفي ناس وايد طالبين ترجمة الموسم الثاني بمنتدى subscene.com .. عفيه عليهم لول .. ان شاء الله بس علي رمضان نفسه اللي ترجم الموسم الاول يرجع ويترجم هالموسم .. ماشاءالله عليه مبدع وترجمته حلوه وواضحه
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
مرسله في
مستحيل تكون في بداية أقوى من أول مشهد الواحد ينشد , مافي ولا مشهد حشو ولا ماله معنى , حتى بالنظرات الواحد لازم يدقق , دخلت بعالم السحر من أول ثانية وندمت إني مانطرت كم حلقة بدال التعذيب اللي بعيشه بالإنتظار
الحلقة روعة ورعة روعة , ماشاءالله عليهم لا أحسدهم , ماصدقنا يسوون لنا مسلسل جذي
S02Ep01
شفتوا مشهد البداية . الموسيقى طريقة التصوير صوت المطر ؟ شي خياااالي حتى شكيت قلت يمكن مو هذا المسلسل LOL الفكرة روعة وبداية غامضة مثل ماتعودنا بكل حلقات OUAT بالموسم الأول , , وقصر الأميرة النائمة روعة , إبداع في التفاصيل وشكله بنص الصحرا ساحر , لون السما والصحرا ودرجات ألوان ملابسهم شي يجذب ويخلي الواحد يحس بالأشياء كأنها حقيقة والشبح اللي طلع شكله مميز وممكن كفكرة يضحك بس طريقة تصميمه مطلعته شي مرعب !! وحتى حركته وصوته شي مميز وتحسون فعلاً من عالم ثاني , فهمتوني ؟ LOL
ايما للحين أقل شخصية أحبها هي حتى كممثلة مو وايد تعجبني , من أيام هاوس , وماحبيت ردت فعلها لما تأكدت من القصة وإنه سنو وتشارمنق أمها وأبوها الصدمة اللي مثلتها غريبة LOL بس طبعا سنو كانت روعة وهنري ياحليله كبر وحبيت ردت فعله لما شاف الكل رايحين عند ريجينا عشان يذبحونها , أنا كنت دايما اقول هنري معقولة يكره ريجينا ؟ تظل أمه اللي ربته , وفعلا طلع يحبها وقالهم she is still my mom
مستر غولد ياهلا ومرحبا بالزين كله بس بيل باطه جبدي وشكل واسطتها قوية , مادري متى تتعلم اللهجة الأمريكية , ما أحبها من أيام لوست بس يلا عشان مستر غولد نحبها , عشان عين تكرم مدينة LOL ومشهد ظهور ريجينا روعة وكله حماس صج حقيرة وعليها نظرات تخوف بس تنحبببب ولها كاريزما خيالية وما أتخيل أحد غيرها بدور الملكة , مبدعة بس مافهمت سالفة القلادة ومن وين خذاها غولد بس عجبني شكل الـsoul sucker واستانست أول ما ريجينا صارت معاهم ضد غولد حسيتهم قروب حلو , اي حبيبتي ديروا بالكم عليها LOL بس بعدين قلبت عليهم مافي فايدة
وبالنسبة لستوري بروك , المنطقة مقطوعه عن العالم ولا شنو قصتها ؟ مو أي أحد يقدر يدشها صح ؟ زين ألحين بعد ماانكسرت اللعنة , يقدرون يطلعون وينحاشون ؟
المهم البداية رووووووووووعة , ألحين ايما وسنو بعالم والباقي بعالم والفكرة ممتازة وماني قادرة اتخيل الأحداث وشنو ممكن يصير وأكيد في شخصيات بتطلع وبننصدم بأسرار ومفاجآت جديدة, وشكلي بكره مولان من الحين , ابتسمي شوي على الأقل !!
من مثلي يحب ريد ؟؟ يارب يكون لها دور أكبر هالموسم ونشوفها بمعظم الاحداث , لها حضور حلو وفعلا شكلها جنها ذيب
وسامحوني على الكلام المخربط بس دايخة بنام وماحبيت ما أكتب ردي التفصيلي بعد ماطلبه لوفر >>> بيموت إذا ماقراه يعني LOL
[ أكتوبر 01, 2012, 08:15 PM: تم تحرير المشاركه من قبل: Angie-Q8 ]
رد مقتبس:المرسل الأصلي هو Angie-Q8: مستحيل تكون في بداية أقوى
ارحميني انجي اقسم بالله بس قريت هالجمله وحسيت نفسي بموت خلاص وبتهور واشوف الحلقه وانا بهالحاله الكسيفه .. عاد اليوم مانمت الظهر واحس نفسي متكسر .. مابي اخرب علي البريمير واشوفه وانا بهالحاله بعد كل هالنطره
رد مقتبس:المرسل الأصلي هو Angie-Q8: الحلقة روعة ورعة روعة , ماشاءالله عليهم لا أحسدهم , ماصدقنا يسوون لنا مسلسل جذي
احسديهم يا ماما كأنه بيأثر فيهم .. لو بيأثر فيهم شي كان اثر فيهم كلام الناس وانبهارهم من عبقريتهم بكتابة لوست! ذيلا داهيه فعلاً .. شفتهم بالبونز اللي بالبلوراي وحبيتهم اكثر .. يشتغلون على كل تفصيله صغيره حتى اللي مالهم شغل فيها من الملابس لحد رموش الممثلات .. كتابتهم عبقريه ومايقعدون مكانهم عشان يجيهم الالهام .. تخيلي عشان السيزن الثاني اللي بين يدنا يطلع قوي ومتماسك من ناحية الكتابة راحوا ديزني لاند وسوو ريسيرج!!!
احنا محظوظين فيهم وبهالمسلسل العبقري
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
اليوم شفت الحلقة وجد مب عارف شنو أقول ووين أبدأ , ماتوقعت أبداً اللي شفته , مؤلفي المسلسل صدموني صدمة قوية ومؤلمة , اللي شفته جد كان عجب عجب يا ناس مب موجود بهالعالم , جد انسحرت من أول مشهد بالحلقة واندمجت على طول , هذا مسلسل ولا شنو , جد بحياتي ماحسيت هالإحساس مع بريمير من قبل , والله انبهرت , وأحاسيسي كلها انشدت مع الأحداث اللي كانت موووولعة نااار ,,, الحلقة مليانة مفاجآت سواء بالبداية , بالنص وحتى النهاااية ,,, حبيت مجرى الأحداث كيف بدا وكيف انتهى , والله فرحان حددي , من زمان ماشفت بريمير دسم ومشبع بهالشكل , وايد أشياء صارت , ووايد أشياء انقلبت , الله يعينا كيف بنصبر عالحلقة الياية ,, أدري للحين مب عارف أتكلم عن الحلقة , بس لاتلوموني بعدني متفاجأ ومنصدم من القنبلة الرائعة اللي شهدتها
حسبي الله على ابليسكم خليتوني اشوف مقدمة الحلقه لين ماطلع شعار المسلسل وسكرت الفيديو .. لوول شسالفته اللي طلع بالمقدمه؟! اول ماحطوا الكاميرا على وجه الحصان قلت احنا اكيد بالفيري تيل لاند .. شوي الا يطلع صوت هرن سياره .. لووووول قلت بقلبي شدخل! راح يجنني هالمسلسل @@
بس وناسه البدايه غريبه وغير متوقعه!
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
الموضوع مغلق
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[Eek!]](eek.gif)
![[applause]](graemlins/applause.gif)
![[crying]](graemlins/crying.gif)
![[heartpump]](graemlins/heartpump.gif)
![[Frown]](frown.gif)
![[dance]](graemlins/dance.gif)
![[Confused]](confused.gif)
![[worried]](graemlins/worried.gif)
![[Cool]](cool.gif)
![[Razz]](tongue.gif)
![[Mad]](mad.gif)
![[Big Grin]](biggrin.gif)
![[nut]](graemlins/nut.gif)
حتى شكيت قلت يمكن مو هذا المسلسل LOL الفكرة روعة وبداية غامضة ![[Roll Eyes]](rolleyes.gif)
هي حتى كممثلة مو وايد تعجبني , من أيام هاوس , وماحبيت ردت فعلها لما تأكدت من القصة وإنه سنو وتشارمنق أمها وأبوها ![[kiss]](graemlins/kiss.gif)
![[super]](graemlins/super.gif)
