الموضوع مغلق

الموضوع مغلق ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم الـفـنـي » ســـاحــة الفـــن الغـــربــــي » Once Upon a Time — Season 3 (الصفحه 5)

إرسال هذه الصفحه لصديق!

الموضوع متكون من صفحات: 1  2  3  4  5  6  7  8  ...  36  37  38

الكاتب الموضوع: Once Upon a Time — Season 3 [ L.O.V.E.R ] سوبر مصمم رقم العضويه 3004 مرسله في                    ترجمة الحلقة 1 http://subscene.com/subtitles/once-upon-a-time-third-season/arabic/794009 متوافقة مع: Once.Upon.a.Time.S03E01.720p.HDTV.X264-DIMENSION Once.Upon.a.Time.S03E01.HDTV.x264-LOL Once.Upon.a.Time.S03E01.HDTV.XviD-AFG بقلم المبدع علي رمضان -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  [ L.O.V.E.R ] سوبر مصمم رقم العضويه 3004 مرسله في                    تسلللللللم ايدك يا بطل يا ولد رمضان ماتوقعت ان الترجمة تنزل بهالسرعه بأول يوم للسيزن 3 وخلال ساعات بسيطة من نزول الحلقة!! شكلي عيل بشوف الحلقه الاولى قبل الويكند سعابيلي بدت تنزل -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  Angie-Q8 عضو نشيط جدا رقم العضويه 90667 مرسله في                     بشوف الحلقة ألحين , ماني قادرة أنطر LOL -------------------- المشاركات: 1363 | تاريخ التسجيل: أبريل 2012  |  [ L.O.V.E.R ] سوبر مصمم رقم العضويه 3004 مرسله في                    انجي حاب اعرف رايج قبل لا ابدا الحلقه يارب ماتخيب ظنج ماقدرت اتعمق اكثر بأراء الناس عالنت .. بس بشكل عام اشوف الكل يمدحها وحابها وياليت اللي يعرف يجيب التقييمات الاسبوعيه يقول لنا ريتنج هالحلقه خاطري اعرف قبل لا ابدا -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  Angie-Q8 عضو نشيط جدا رقم العضويه 90667 مرسله في                     ناصر الريتنغ أقل من ريتنغ برمير السيزون الثاني بـ28% بس للحين يعتبر من أكثر المسلسلات اللي تجيب مشاهدة حق الـabc والحلقة مكتوب عنها وايد ريفيوهات ايجابية , قريتهم على السريع بس عشان أتحمس أكثر LOL -------------------- المشاركات: 1363 | تاريخ التسجيل: أبريل 2012  |  [ L.O.V.E.R ] سوبر مصمم رقم العضويه 3004 مرسله في                    انجي الله يبشرج بالخير لول .. المسلسل مع ولا بدون الريتنج مكمل ان شاء الله للسيزن الرابع فالريتنج مو مهم كثير بهالمرحله لما يكون المسلسل بموسمه الثالث حسب مافهمت من علوش اهم شي الريفيوهات كلها ايجابيه ----------- قاعد اشوف الحلقة التذكيرية الحين ضروري الكل يشوفها الحلقة فيها مقابلة مع مبتكرين وانس .. ادوارد كيتسس وادم هورويتز مستعرضين الاحداث القديمه بشكل رهيب .. شابكين كل ماضيهم وحاضرهم بالترتيب وبطريقة مفهومه مثل لوحة بازل كبيرة بدت ملامحها تتضح اكثر واكثر -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  Angie-Q8 عضو نشيط جدا رقم العضويه 90667 مرسله في                     أقرا الرد لوفر مافي سبويلر ماعدا اللي مظلل بالأبيض برمير روعة روعة ماكنت أبيه يخلص المسلسل دخل جو ثاني سوداوي درامي ماكان موجود بهالقوة بالسيزونات الماضية النيفرلاند شي مرعب وبيتر بان أوف ماتوقعت بيطلعونه جذي وأكيد وراه أسرار تخرع ظهور الحوريات الأول رائع , طلعوا بشكل كريبي وأشوفه مناسب أنا لوشفت حورية بالصج ممكن أموت من الخرعه LOL بالنسبة لي البرمير أحلى من برمير الموسم الثاني بمليون مرة , سوداوي درامي واضح ومليان أكشن وأحداث وشخصيات جديدة مثيرة للاهتمام ورجعت ريجينا اللي أحبها أحلى شي لما تشجع تشارمنغ يذبح الحورية وشلون تبتسم LOOL عسل أحبها للحين مو قادره أبلع هنري لا هو ولا أبوه LOL ناطرة رايكم -------------------- المشاركات: 1363 | تاريخ التسجيل: أبريل 2012  |  [ L.O.V.E.R ] سوبر مصمم رقم العضويه 3004 مرسله في                    ردج كله سبويلرات حسبي الله على ابليسج انجي يعني الحوريات بيطلعون كريبي خساره كنت ابيهم بشعر احمر وذيل اخضر وكيوت وحلوين وهينري اي والله احسه يتصنع لول كان شكله مناسب وكيوت وينبلع بالسيزن الاول بس الحين كبر واخترب وراحت برائته المهم واو حبيت رايج وتحمست احضر الحلقه اضعاف قبل -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  Angie-Q8 عضو نشيط جدا رقم العضويه 90667 مرسله في                     LOOOOOOOL سوري حسيت مافي أي سبويلرز , وقصدي ظهورهم الأول كريبي يعني شلون عرفونا عليهم أول مرة بس شكلهم حلووو -------------------- المشاركات: 1363 | تاريخ التسجيل: أبريل 2012  |  iDoc دكتور السالمية رقم العضويه 74592 مرسله في                    بريمير روووووووووووووووووووووووووعة -------------------- المشاركات: 47828 | تاريخ التسجيل: أكتوبر 2006  |  .L عضو نشيط جدا رقم العضويه 90286 مرسله في                 حلوة الحلقة متحمسة للسحر بس برضوا كنت افضل الموسم التاني الا بسحر ف ستوري بروك على انهم يروحوا العالم التاني حسيت الجو اتغير عليا -------------------- المشاركات: 1178 | تاريخ التسجيل: يوليو 2011  |  .... Amr ALi .... عضو متميز رقم العضويه 26891 مرسله في                    رهيييييييييييييبه الحلقه رائعه بكل معنى الكلمه دخلونا بجو جديد وتشويق ولا كانه اول حلقه بمسلسل جديد بداية قوية ارجوا انها تستمر الحلقات على نفس المستوى .. -------------------- اللهم احسن خاتمتنا المشاركات: 23847 | من: مصر | تاريخ التسجيل: أبريل 2005  |  [ L.O.V.E.R ] سوبر مصمم رقم العضويه 3004 مرسله في                    ترجمة الحلقة التذكيرية http://subscene.com/subtitles/once-upon-a-time-third-season/arabic/796139 متوافقة مع: Once.Upon.a.Time.S03.Special-Journey.to.Neverland.720p.hdtv.x264-Bajskorv Once.Upon.a.Time.S03.Special-Journey.to.Neverland.HDTV.XviD-AFG بقلم المبدع علي رمضان -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  [ L.O.V.E.R ] سوبر مصمم رقم العضويه 3004 مرسله في                    لااااااااااااااااااااااااااااااااا ليش خلصت الحلقه على اهم لحظه -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |  [ L.O.V.E.R ] سوبر مصمم رقم العضويه 3004 مرسله في                    انتهيت من المشاهده الثانية للحلقة الاولى .. والله العظيم مو لانه بس مسلسل المفضل .. بس صج بريمير خاااارق ومن اروع حلقات وانس لحد الان .. مو مبالغه ولا تطبيل .. بس بجد كانت غنيه بالاحداث وكل حدث يساوي الثاني بالاهمية .. وهذا مو غريب على اللي كتب هالافتتاحية البطله للسيزن .. ادوارد كيتسز وادم هورويتز .. مبتكرين المسلسل .. الحلقات اللي يكتبونها بنفسهم دايماً تكون حلوه .. الله يستر بس عالحلقه الثانية لان اللي كاتبتها ماتعجبني حلقاتها .. عالعموم اللي صار بالبريمير يعتبر مثل ماقال عمرو علي تغيير 180 درجة بمجرى المسلسل .. كأنه مسلسل جديد وقوي بادي بنفس الاسم والشخصيات لكن بمكان اخر وهدف مختلف هالمره .. ** الرد كله حرق للاحداث ** نييييفر لاند اعوذ بالله من هالمكان الموحش .. غموض واسرار وظلام دامس يخوف يحيط بهالمكان من كل اتجاه .. حبيت كيف خلوا هالمكان الساحر اللي تعلقنا فيه بافلام الكارتون بهالسوداوية << هالسيزن شكله بيخليني اتعقد واغير الاسم اللي حاطه بخانة البلد اللي صار له سنين موجود بملفي الشخصي بالمنتدى لول افتتاحية السيزن على مشهد ولادة ايما كان جداً مؤثر .. استغربت لما الكهربا كانت راح تنطفي لحظة ما انولد هينري .. يمكن بسبب القوه السحرية الموجودة فيها .. بس منظر ايما وهي تحاول تصد عن هينري عشان ماتشوفه وينكسر خاطرها عليه يعووور القلب .. شكلها الولاده كانت قبل لاتطلع من السجن لان الشرطية كانت معاها بغرفة العمليات .. وبخصوص لما قالت ما اقدر اكون ام .. تتوقعون هالجمله ممكن تعني ان ايما احتمال تصير ام للاولاد التايهين بالنيفر لاند؟ لان ويندي بالقصه الاصلية لما جاتهم صارت بمثابة ام لهم .. وبكذا ايما تقدر تحميهم بقوة ايمانها من ظل بان!! .. اكيد هالجمله اليتيمه لايما ما انقالت عبث او بس عشان يكسرون خاطرنا وخلاص .. يمكن في لها مغزى ماراح نفهمه الا بعدين .. وبخصوص ايما لما قالت لريجينا احنا جايين ننقذ ابني .. انقهرررررررررت على ريجينا المسكينه .. لايكون ايما عبالها انها الام الوحيده اللي تخاف على هينري؟ .. ريجينا ربته وكبرته وعطته الحب والاهتمام وفوق هذا كله كلنا شفنا لما كانت راح تضحي بحياتها عشانه بنهاية السيزن 2 .. يعني ريجينا امه بعد .. وماجات الرحله هذي عشان ترجع هينري لايما وتطلع هي من المولد بلا حمص لول .. فلاعاد تنسى نفسها هالايما وكل شوي تعاير ريجينا ولدي وولدي وبخصوص الحوريات اووووه قاااااااااد .. ظهورهم كان روعه روعه روعه .. حبيت كيف كانوا كريبي مثل ماقالت انجي وبنفس الوقت حلوين .. بالضبط ذكروني بالحوريات اللي ظهروا بفيلم قراصنة الكاريبي ولما صادوا وحده منهم توقعت انها تكون اريل .. بس خساره خخ من المشاهد اللي حبيتها واستانست فيها بعد مشهد ضرب سنو وريجينا ههههه .. عجيب هواش الحريم .. بس اللي صار يأكد لنا ان هالشله على اتم الاستعداد للقضاء على بعض بأي لحظه .. مش لانهم بسفينة وحده ورايحين لانقاذ هينري معناته انهم صاروا اصدقاء!! والكابتن هوك مش حاب ابداً فكرة انهم يخلونا نحبه من ناحية انه انسان رومانسي .. وبنفس الوقت ننسى بأنه قاتل وشرير بعد .. تذكرون لما حاول يقتل بيل لما كانت محبوسه بقصر ريجينا؟ بنت بريئه ماسوت له شي كان بيقتلها وعادي عنده .. فواحد مثله ماقدر اصدق اي تصرف يبدر منه .. وبنفس الوقت ماقول انه مافيه جانب طيب بشخصيته .. لانه علاقة الابوه اللي كانت تربطه مع بيي اكيد تعني شي بالنهاية .. بس محاولة قتله لبيل مخليتني اميل اكثر لاعتباره انسان شرير .. ننتقل الحين للنيفر لاند مشهد رامبل والولد التايه كان حده غريب وكلامهم مليان ألغاز .. اللعبة اللي مسكها رامبل وتأثر وبكى لما شافها شنو قصتها معاه بالضبط؟ عندي فضول اعرف!! .. قريت تحليل اكثر من فان لوانس يقولون فيه ان رامبل احتمال كان واحد من الاولاد التايهين قبل لا يكبر ويتزوج ميلا وينجب بيي .. وهاللعبة صنعها بنفسه على ذيك الايام .. واحتمال ان هاللعبة اهداها له ابوه قبل لايموت او يتخلى عنه او اياً كان .. احنا لحد الان مانعرف اي شي بشكل كافي عن ماضي واحد من اهم شخصيات وانس .. رامبل!! .. ماندري كيف كانت طفولته مع ابوه .. شصار معاهم .. وليش رامبل لما كبر وقبل لايصير القاتم كانت شخصيته ضعيفه ويبكي بسرعه معيبه كرجل!! اما بطل الحلقه بلا منازع واللي ابدعوووو باختياره للدور .. الولد اللي لعب دور بيتر بان بس قبل خلوني اقول هالنقطه اللي صج قاهرتني من نفسي .. احد مساوء ان الواحد يقرا عن الكاستنج قبل لايبدا السيزن هو انك تكون عارف وجوه الممثلين من اول لحظه بالمسلسل والشخصيات اللي بيلعبونها .. وهذا اللي صار معاي اول ماشفت هينري مع هالولد .. عرفت على طول انه بيتر بان ماغيره .. فكنت متوقع انه لقاء هالولد مع هينري كان فيه شي مو طبيعي .. وانه بيصير حدث غير متوقع وبيكشف عن هويته الحقيقيه وبأنه بيتر بان .. بس عموماً استمعت بمشاهده وتمثيله .. رهيب هالممثل .. كيف رسم خطين مختلفين بدقايق بسيطه .. قبل كم دقيقه كان الولد الساذج البريء اللي خايف ومش عارف شيسوي .. فجأة يكشف عن وجهه الثاني ويطلع الشرير اللي بداخله .. طريقة الآنا بكلامه وغروره وهو يقول اسمه لهينري جداً تشبه حركات ريجينا لول .. ولما تجمعوا الاولاد بأخر المشهد وقال ليتس بلاي وناسه .. تمنيت لو ان المشهد ماخلص .. بس صج يعني شنو يبي بالضبط من هينري؟ والمصيبه ان صورة هينري عنده من قبل حتى لا ينولد .. من لما جابوا بيي وهو صغير للجزيرة .. في تحليلات كثيره قريتها عن علاقة بيتر بان بكل اللي صاير .. في ناس تقول ان بيتر بان عالق بهالجزيرة من سنوات ومش قادر يطلع منها الا لما الغبار السحري او البيكسي داست يشتغل .. وهالغبار السحري مستحيل يشتغل الا اذا لقى شخص يؤمن بقدرات هالغبار ويصدقه .. عشان هالسبب جاب هينري .. وفي ناس تقول بأن بيتر بان اساساً يعرف يستخدم الغبار السحري .. لكنه كان وده يختبر الايمان الصادق بهينري وان هل هينري ممكن يخلي هالغبار يشتغل وعلى اساسه يغادر بيتر بان الجزيرة ويقعد هينري مكانه؟ على اساس ان لازم يكون في طفل موجود بالنيفر لاند يكون مؤمن بقوة السحر .. ولما بيتر يروح لازم يجي واحد ثاني مكانه .. وفي نظريه تقول ان ممكن بيتر بان يطلع اخو رامبل ستيلسكن لول بس الشي اللي قريته وثار اهتمامي صج هو الكهف اللي كانوا بيروحون له .. هو كهف الصدى .. يقولون ان هالكهف موجود بنفس الاسم بقصة توم سوير للكاتب مارك توين .. وقبل سنه قالوا مبتكرين المسلسل بأن القصة الكلاسيكية الوحيدة اللي ممكن يضمنونها بمسلسلهم وماتنتمي لعوالم الفيري تيلز هي قصة توم سوير!! .. الكهف بعد طلع بفيلم ديزني بيتر بان وكانت له خصائص غريبة مثل قدرة بيتر بان فيه على اتخاذ اي صوت يختاره لاي شخصية بباله .. وبالفيلم قلد صوت هوك وهو بالكهف .. فهل ممكن يطلع بيتر بان خارج نيفر لاند هو نفسه الولد توم سوير؟ كل شي جايز .. وبخصوص الانتشانتد فورست يمكن اقل مشاهد حبيتها بالحلقه هي اللي كانت تتعلق بهالجزء .. اكثر شي استانست عليه كيف نيل كان يوصف لهم نظرة الناس بكوكب الارض على انهم مخلوقات خيالية لووول .. وكيف قال لمولان عن الفيلم اللي سووه عنها .. اعتقد بعد هالحلقه كل اللي ماشافوا فيلم مولان لديزني بيصير عندهم فضول يشوفونه خخ .. تسويق حلو من ديزني للفيلم .. واول ماطلع الممثل البديل لروبين هود وسمعت صوته بالاخص حسيت نفسي متشتت .. للحين ببالي الممثل اللي لعب الدور بالسيزن الثاني .. بس عموماً كان دوره بسيط بذاك السيزن .. وبسرعه نسيت الفرق بين الممثلين وحبيت الممثل الجديد مع الوقت .. واشوفه حتى انسب للشخصيه من اللي قبله .. بس غريبه وين الاميرة ماريان .. شصار بينهم من ساعتها؟! وضحكتني ارورا اول ماجابوا مشهدها وهي منبطحه ونايمه الاخت هههه .. حشى ماتعوق عندها الرقده لول وبخصوص تمارا وغرير .. الله يرحمهم افتكينا منهم .. مع ان تمارا كسرت خاطري وهي تكلم رامبل وكأنها ندمانه على اللي سوته .. كانت تبي رامبل يسامحها عشان تعيش بس بالنهاية خذت نصيبها .. مادري احس ان فيها طيبه تمارا بالرغم من كل اللي سوته .. نظرتها قبل لاتموت تعور القلب .. عموماً بداااية مشجعه ومحمسة لسيزن واضح انه بيكون بمستوى الاول اذا ماكان احسن ولكم وااانس [ أكتوبر 06, 2013, 08:54 PM: تم تحرير المشاركه من قبل: [ L.O.V.E.R ] ] -------------------- المشاركات: 27170 | من: ~ NeverlanD ~ | تاريخ التسجيل: يوليو 2002  |

الموضوع متكون من صفحات: 1  2  3  4  5  6  7  8  ...  36  37  38

الموضوع مغلق

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1