جدًا متحمس لعودة المسلسل خصوصاً بعد أحداث آخر حلقة
+
يقولوا شغالين على حلقة ميوزيكال لهادا الموسم
يعني حنشوف إيما و ريجينا و رامبل و باقي الشلة و هم يغنوا !!!!!
عجل انا ليش مستعجل؟ من الحلقة الاخيرة تبع النص الاول ترى اول مرة اطالعه اول بأول.. اول مرة جفته اونلاين ومن زود ما عجبني كل ما اقول بوقف الماوس يشغل ثاني حلقة من جدي سالفة الانتظار جديدة عليي والحلقة الا يغنون فيها احسها فن بس سمعت ان هالشي قالوه من قبل وما صار ان شاء الله هالمرة فيه.. تحمست ليها
--------------------
المشاركات: 182 | من: البحرين | تاريخ التسجيل: يناير 2015
|
طبعًا مافي أحلى من إنك تتابع المسلسل أول بأول كدة تكون ذكريات مع كل حلقة تتذكرها بعد ما تخلص المسلسل
+
حاب أتكلم عن آخر حلقة بس قبل ما أبدأ حاب أتكلم عن كم نقطة من المواسم السابقة :
1- في الموسم الثاني الأمير فيليب حبيب أرورا طلع شبح أخذ روحه صح ؟ في الموسم الثالث لقيناه رجع بدون ما نعرف كيف لازم نعرف كيف قبل ما ينتهي المسلسل
2- في أول حلقة في المسلسل سنووايت قالت لديفيد إن الملكة أعطتها التفاحة المسمومة علشان أعتقدت بإنها أجمل منها و طبعًا ريجينا أعطت التفاحة لسنو علشان تنتقم منها لأنها كانت السبب في موت خطيبها دانيال و ديفيد و سنو كانوا عارفين سبب إعطاء رجينا التفاحة لسنو ، فليش سنو قالت له كدة ؟ هل في قصة ورا هالجملة ولا بس أنقالت كدة ؟
3- بالنسبة ل " جيفرسون / مات هاتر " اللي ظهر في الموسم الأول و الثاني قبل لعنة ريجينا كان محبوس في بلاد العجائب .. كيف خرج منها ؟ و هل كان من اللي تعرضوا للعنة لأنه كان عكس يتذكر كل شي صار له عكس كل اللي أصابتهم باللعنة !
4- أوغيست لليوم ما عرفنا كل اللي صارله بعد ما ساب إيما و هم صغار كيف عرف بموضوع الكاتب ؟ و من فين جاب الآلة الكاتبة اللي كانت معاه ؟ و كيف عرف بإن اللي كان مع إيما هو بيلفاير ولد رامبل ؟
5- في الموسم الثاني رامبل كان عنده دمعة من ريجينا في ستوري بروك أعطاها سنووايت علشان تعرف مكان ريجينا لما كانت مخطوفة ... ايش قصة هالدمعة ؟ و كيف رامبل أخذها ؟ ... ما أتذكر إذا جاوبوا على هالسؤال ولا لأ !
6- إيش قصة حرب الغيلان ؟ إيش كان سببها و مين بدأها ؟ لو تتذكروا كمان كان في حربين مع الغيلان .. الأولى اللي رامبل هرب منها بعد ما كسر رجله .. و الثانية اللي ماتت فيها أم بيل !
7- ميييين أبو ليلي ؟ هو دراغون أكيد مافي غيره
8- دكتور ويل أكيد كان في الإنشانتد فوريست وقت لعنة ريجينا لأنه تأثر بيها .. بس ليش هناك وقتها ؟
[ مارس 12, 2017, 05:47 AM: تم تحرير المشاركه من قبل: Mazen.Abdullah ]
--------------------
المشاركات: 635 | من: Disneyland | تاريخ التسجيل: يوليو 2011
|
حاب أتكلم عن الحلقة 10 قبل ما أشوف حلقة اليوم فاللي ما شافها لا يكمل قراية
الحلقة كانت تفجيييييرية
شخصية المجهول اللي حيقتل إما صدمة @@
جديون ولد رامبل و بيل .. من يوم ما كان يطلع في أحلام بيل و أنا مو متطمن له أصلاً
بس ليش يبا يقل إما ؟ و إيش سر المكان اللي البلاك فيري أخذته فيه ؟ و هل كل الأطفال اللي خطفتهم صار فيهم زي جديون و كبروا بسرعة ؟ @@
كنت حاس إن البلاك فيري ظهورها ما كان عبث .. لازم نعرف ماضيها
+
رامبل و بِل أول مرة من فترة أتعاطف معاهم
+
الساوندتراك في الحلقة رهييييب
+
الإيڤل كوين اتمسح بكرامتها الأرض في الحلقة و مشهد ديڤيد لما يواجهها مسخرة
بس أكيد راجعة و دورها ما أنتهى .. و لو تلاحظوا السوار اللي حطه رامبل في يدها علشان ما تهرب منه ظل موجود معاها بعد ما جديون حولها لثعبان
+
علاء الدين و ياسمين أكيد راجعين و قصتهم ما أنتهت
+
الإيڤل كوين تمنت إن أمنية إيما اللي هي إنها ما تكون السيڤيير تتحقق و طبعًا إما ماكانت حتكون سيڤيير إلا لو رجينا ما ألقت لعنتها و بكدة صارت الأمنية مستحيلة لأنه تغيير للماضي .. و طبعًا تغيير الماضي مستحيل و ما أحد نجح يغيره قبل كدة >> بإستثناء زلينا
فبدل لا يتغيير الماضي في هالعالم تم خلق واقع مزيف رجينا فيه ما نجحت في إلقاء اللعنة و تم نفيها للأبد و بالتالي تغيرت الأحداث و إما ما صارت السيڤيير و كبرت مع أهلها عادي كأميرة
الفكرة رهيبة بصراحة و خلتنا نشوف كيف ممكن تكون الأحداث لو لعنة رجينا فشلت و ما أنتقلوا لستوري بروك
أهم شي أشكال ديڤيد و سنو بعد ما عجزوا
بس الصدمة فعلاً في آخر مشهد لما طلع روبين هود @@
طبعًا كل الشخصيات هنا المفروض مصيرها نفس مصيرها في العالم الأصلي " مع تغيير في الأحداث طبعًا "
يعني المفروض روبين يكون ميت @@ و حتى لو كان عايش المفروض نشوفه معجز زي سنو و ديڤيد لأنه كان في عمرهم في العالم الحقيقي و تعرض للعنة رجينا بس ظل مجمد في الجزء اللي حمته كورا علشان كدة ما كبر
مسكينة رجينا لها حق تنصدم
عاد روبين يستهبل .. شايفهم فاتحين بوابة سحرية و مش عارف ايه و يقولهم هاتوا مجوهراتكم هادي عملية سرقة
+
بمناسبة بيلفاير .. نفسي يجيبوا فلاش باك له في الواقع المزيف كيف رجع للإنشانتد فورست و قابل إما ؟
و رامبل مسكين في هالعالم .. خطته في إنه يلاقي ولده فشلت .. بس في النهاية رجع بطريقة ما .. بس أكيد ما سامحه زي العالم الحقيقي و ظل محبوس في الزنزانة إلين ما رجينا الحقيقية حررته
أهم شي لما يقول لإما رايح أدمر بعض القرى الوهمية خخخ
+
يالله متحمس أعرف إيش حيصير و كيف إما و رجينا حيرجعوا لستوري بروك .. عاد الله يعين رجينا الكل وراها دحين بعد ما قتلت " الملك " ديڤيد و " الملكة " سنووايت
عندي إحساس إنهم حيتعاونوا مع رجينا المنفية حق هالواقع
[ مارس 05, 2017, 04:15 PM: تم تحرير المشاركه من قبل: Mazen.Abdullah ]
--------------------
المشاركات: 635 | من: Disneyland | تاريخ التسجيل: يوليو 2011
|
1- سنو كيف كانت مدرسة إبتدائي و دحين مدرسة متوسط ؟
2- خطف الإيڤل كوين لآرتشي و تنكرها في شخصيته ذكرني بكورا لما خطفته في السيزن 2
3- لاحظتوا في مشهد الحفلة بحلقة سندريلا إن الفار جاس " أو بلي بعد لعنة رجينا " تحول لإنسان ؟ هادا يفسر وجوده كإنسان في ستوري بروك في السيزن. الأول و الثاني يعني أي حيوان سبق و تحول لإنسان ظهر كإنسان بعد اللعنة
أحب إهتمامهم بأدق التفاصيل
--------------------
المشاركات: 635 | من: Disneyland | تاريخ التسجيل: يوليو 2011
|