الموضوع مغلق

الموضوع مغلق ملفي الشخصي | الدليل تسجيل الدخول | بحث | مســـاعدة | الألعاب | قائمة الإداريين | الصفحه الرئيسيه

» منتــدى الســالميــه » القسم الـفـنـي » ســـاحــة الفـــن الغـــربــــي » Once Upon A Time — Season 6 (الصفحه 7)

إرسال هذه الصفحه لصديق!

الموضوع متكون من صفحات: 1  2  3  4  5  6  7

الكاتب الموضوع: Once Upon A Time — Season 6 ahmedy1194 عضو نشيط رقم العضويه 91652 مرسله في                     " and they lived happily ever after " خلص الموسم بنهاية حلوة ومناسبة للأبطال الا تعودنا عليهم من زمان المفروض اقول رايي عن الحلقة بس انشغلت الحلقة كانت حلوة وكنت مدقق على كل لحظة فيها يعني احتياط حق اذا احد ما جاف الحلقة للحين .. كلامي الا عقب فيه حرق للأحداث مع ان كلامي مو دقيق عدل بس احتياط ما ابغي اخرب على احد حرق للأحداث البلاك فيري على ودي اذبحها يوم تجدب وإيما تصدقها وله عاد يوم تقنعها تحرق الكتاب .. يعني شهالقلب الأسود الا عليش اشكال سكان الغابة المسحورة كانوا يكسرون الخاطر يوم حسوا ان خلاص فات الأوان .. تأثرت وياهم من قلب وله عاد هينري دائمًا حاس بشعوره حزة ما يقول شي ومحد يصدقه .. يمثلني صراحة حزة ما اقول شي ومحد يصدقني وشي حلو بعد ان جابوا كل العوالم الا شهدناها في الأجزاء الستة كامل يعني جابوا طاريهم وخلوا لقطات حقهم يعني كأنها صدق نهاية حق القصة الا تعودنا عليها قبل لا ندش قصة جديدة بس الا مستغرب منه ان من اول حلقة وانا عبالي ان علاء الدين بيقعد واجد ما توقعت ان ظهوره محدود وله عاد النصف الشرير من ريجينا وإلا هي الملكة الشريرة يعني الحين المسلسل عليه صورتها وفِي الأخير حصلت نهايتها السعيدة وراحت في حال سبيلها .. بس زين جابوها في اخر حلقة حسيت ليها وحشة هوك وديفيد .. مادري ليش هوك للحين يستغرب من ردود ديفيد اذا وافقه الرأي مع ان هالحركة صارت أكثر من مرة رامبل في هالحلقة أبهرني .. يعني لأول مرة يسمع قلبه وما خله مغريات الشر تأثر على قراره .. كل همه كان عائلته مصير غيديون كان صدمة .. بس في نفس الوقت شي حلو حق بل ورامبل علشان يربونه مرة ثانية عقب ما فقدوا هاللحظات بالنسبة لصور بل الا راوتهم البلاك فيري حق ولدها رامبل مادري ليش حسيتهم فوتوشوب يعني كلش صورة بل مو راكبة عدل ويا المناظر سنووايت وديفيد الثنائي الا تعودت اجوف مشاعر الحب والصدق والتفائل منهم من اول ما عرفتهم بفتقدهم ألحين عقب ما انتهى هالموسم ريجينا وزيلينا .. في اخر الأيام أحاسيس الإخوة زايدة عندهم وحبيت هالشعور الا يكنونه حق بعض عقب ما كان بينهم كراهية انزين الحين خلصت من جزء الأبطال الا عرفناهم ليش سوو ريبوت للقصة وهالمرة صوب هينري؟ يعني هينري شصار ليه بالضبط وشلون ترك بنته في الغابة المسحورة وهو راح العالم الحقيقي؟ وستوري بروك شصار عليها اذا هو راح سياتل؟ وشلون هي جت للعالم الحقيقي؟ .. يعني تايغر ليلي ساعدتها مثلاً؟ .. اذكر قالت ليها روحي ودي الكتاب حق امش .. وليش غيروا شكل الكتاب .. حسيته مودرن يعني مختلف عن الكتاب الكلاسيكي الا يبين عليه كتاب حق قصص قديمة وفيري تيلز .. ومن بتكون زوجة هينري؟ .. عندي احساس ثاني مو متأكد منه ان هي وره روحة البنت للعالم الحقيقي ادري طولت في الأسئلة بس شسوي تحمست في النهاية حبيت أشكر الأخ مازن على تغطيته للمسلسل من أول الموضوع ولطرحه الترجمات من المبدع علي رمضان وإلا استمر في ترجمة المسلسل من أوله لين ألحين وأشكر كل الأعضاء الباقي الا شاركوا في طرح التغطيات استمتعت بكتابة ردودي عن المسلسل حقكم كل أسبوع وبس خلاص ما عندي شي ثاني أقوله -------------------- المشاركات: 182 | من: البحرين | تاريخ التسجيل: يناير 2015  |  سعـود عضو متميز رقم العضويه 12040 مرسله في                     الفينالي رهيب رهيب تحس كل احداث المسلسل رجعت بلمح البصر وبطريقة حلوة سبويلرز ماحبيت انه ايما رجعت تعيش بعد بوسة هنري لول لو خلوها خلاص ماتت كان بيكون نهاية بيرفكت تضحيتها بنفسها مشهد يعور القلب (حسيت بغلقة وكأني اشوف حياة الفهد في جرح الزمن لول) (بس تمثيل هوك ماكان قد المشهد او بالاحرى تحس المخرج والمؤلف ماعطوه مساحه مع انه المفروض يتأثر بموت ايما ورجوعها للحياة مره ثانية) رامبل وصراعه مع نفسه لما مسك قلب غيديان اخر ١٠ دقايق كنت مبتسم لاشعورياً وياسلام لو انهوا المسلسل على كذا وبنفس الوقت ضحكت على بنت هنري بآخر الحلقة (أم الشطحة ) أكيد بالانتظار. [ مايو 20, 2017, 04:42 AM: تم تحرير المشاركه من قبل: SauD° ] -------------------- المشاركات: 16177 | من: Riyadh | تاريخ التسجيل: أكتوبر 2003  |  ahmedy1194 عضو نشيط رقم العضويه 91652 مرسله في                     تصدقون ان المسلسل وحشني عدل لدرجة ان من يومين صرت أتابعه مرة ثانية من أوله صار خاطري اجوف قصصهم مرة ثانية من جد احلى مسلسل مر عليي وتعلقت فيه بزيادة يعني حتى الجزء السابع .. صح في البداية كنت مو متقبلنه بس من ألحين صاير متحمس ليه أتمنى يكون حلو بس ما أتوقع بيكون بقد حلاوة الا قبله وخصوصًا إن أهم الأشخاص ما راح يكونون موجودين غير ريجينا وهوك ورامبل ستلسكن هينري وبنته دلين جدد .. هينري الأولي راح خلاص بس انا مو مستبشر خير من سالفة إيما بتكون بس أول حلقة ليكون بيقتلونها علشان ينهون دورها؟ هذا تفكيري يعني أدري الموضوع هادئ من زمان بس صار خاطري اكتب فيه .. بالنسبة ليي اكثر موضوع اكتب فيه هو هذا -------------------- المشاركات: 182 | من: البحرين | تاريخ التسجيل: يناير 2015  |  Mazen.Abdullah عضو نشيط رقم العضويه 90184 مرسله في                       له وحشة المسلسل حاب اتكلم شوية و بشكل سريع عن آخر كم حلقة من الموسم السادس الحلقة الغنائية كانت تجنن من أحلى حلقات وانس حبيت انهم حطوا سبب لغناء الشخصيات علشان ما يطلع الموضوع ملخبط هوك و زلينا و إما صدموني في الحلقة أغانيهم هي الأروع سنو و شارمينق و رجينا قتلوني ضحك + بالنسبة للفينالي كان بيييييرفكت و نهاية حلوة جدًا للشخصيات جدًا أستمتعت بكل ثانية فيه عيني دمعت في النهاية لما تجمعوا كلهم على طاولة وحدة لأنها آخر مرة نشوفهم سوا رامبل كبر بعيني كثير بعد الفينالي أول مرة أحس رامبل جد تغير للخير من قلبه أتمنى هادا الشي ما يخرب في الموسم الجاي بالنسبة لعدم موت شارمينق بعد ما طاح من ساق الفاصوليا و ما مات لو في حلقة ثانية كنت ما حبيت اللي صار بس لأنه آخر ظهور للشخصية تأثرت لما صحي و حطوا فلاش باك لمشهد البداية في الموسم الأول أما بالنسبة لإما عندي إحساس إن رؤياها لسة ما تحققت لو تلاحظوا المشهد اللي شافته في الرؤية مختلف تمامًا عن مشهد مواجهتها لجديون و اللي يخليني أشك أكثر هو عودة إما في الموسم السابع في حلقة وحدة بس ممكن نشوف المشهد اللي في الرؤية يتحقق في الحلقة + أما بالنسبة لخط أحداث الموسم الجاي حبيت طريقة تقديمهم له في فينالي الموسم السادس و ذكرتني بنهاية الموسم السادس من لوست نفس الفكرة طول الوقت نحسب نفسنا نشوف فلاش باك و في النهاية ننصدم بإن الأحداث اللي شفناها تصير في المستقبل + الموسم السادس كان يجنن و عن نفسي أقدر أقول إنه أحلى موسم بعد الثلاثة مواسم الأولى أتمنى الموسم الجاي يكون بنفس المستوى و أفضل كمان يلا كلها ثلاثة أسابيع و نرجع لعالم وانس الساحر اللي ما ينمل منه و أكثر شي مخليني متحمس له هو ظهور تيانا قصة الأميرة و الضفدع ممكن تضيف كثير للمسلسل و ممكن من خلالها يفسروا ليش قبلة الحب الحقيقي هي اللي تفك أي لعنة + في النهاية حاب أعتذر عن تقصيري خلال التغطية و أشكر لكل اللي تابعوها و شاركوا فيها [ سبتمبر 13, 2017, 11:28 PM: تم تحرير المشاركه من قبل: Mazen.Abdullah ] -------------------- المشاركات: 635 | من: Disneyland | تاريخ التسجيل: يوليو 2011  |

الموضوع متكون من صفحات: 1  2  3  4  5  6  7

الموضوع مغلق

لطباعه هذا الموضوع

إذهب إلى: إختر الساحة:   القسم: القسم الـفـنـي -------------------- ســـاحــة الفـــن العـــربــــي ســـاحــة الفـــن الغـــربــــي   القسم: القسم التقـنـي و الإداري -------------------- ســــاحـــــة الكمبيوتر وتقنية الإتصالات ســاحــة المراقبين والمــشرفين   القسم: القسم الإداري -------------------- ســــاحــــة المـحــذوفـــــــات

إتصل بنا | منتدى السالمية دوت نت


UBB.classic™ 6.7.1