و أخيرا و أخيرا و أخيرا شفت الفيلم .. و طبعا ما قدرت اشوفه الا بره الكويت بسبب القمع و التحكم بعقولنا و شنو نشوف و شنو ما نشوف .. ما علينا .. المهم .. مثل ما سبق و قلت لكم بروح اشوفه في دبي .. رحلة سريعه مدتها 3 ايام ..
أول يوم كان راحه .. تسوق خفيف .. و جوله في دبي
ثاني يوم رحت على طول للسينما في سيتي سنتر ديره المول المفضل عندي .. و وصلت السينما و شفت الاعلان الجميل هذا جدامي و ارتحت ان الفيلم لازال يعرض
رحت على طول و حجزت و الحمدلله كان الفيلم بيبدي بعد نص ساعه و حجزت التذكره على طووول
و خلال انتظاري قعدت اشوف الجمال هذا اللي جدام عيني .. اعلانات الفيلم بكل مكان بشكل يشوق و يخليك ما تتحسف انك طقيت كل هالدرب علشان اتيي تشوف الفيلم و تعيش التجربه بكل تفاصيلها
يا جمالهم يا جمالهم
و طبعا دخلت الفيلم و قعدت انطر الفيلم يبدي و كل شي تمام .. برودة الصالة معقوله .. و الهدوء يعم المكان .. الجمهور الموجود قليل و هادئ .. كل شي مضبوط ..
الى أن حانت لحظة عرض الفيلم .. و إذا بهم فجأة يدخلون .. عايله مكونه من اب و زوجته و اطفالهم .. الكل هادئ ماشالله عليهم .. الا الصغير .. بلش نوبة البكاء و الصياح و اللطم و النباح .. و انا بلش يرتفع ضغطي اكثر و اكثر و اكثر ..
شت .. وات هابند .. ما كنا حلوين ؟؟.. المهم .. الفيلم بدا .. و مرت اول 10 دقايق و انا امانة ماني قاااااادر نهائيا اركز مع الفيلم .. و المصيبه الكبرى ان الام تشرح للولد كل شوي شنو قاعد يصير بالفيلم .. و الياهل قزرها كل شوي يعيد نفس الكلمه ( شنو يقول ؟ ) .... ( شنو يقول ؟ ) ... ( شنو يقول ؟ ) .... و الأم تشرح تشرح تشرح .. و انا اعيط اعيط اعيط
المهم جان اقوم .. و اشيل قشي و اروح اقعد بعيد عنهم .. تبا لهم و لولدهم
و اهني عاد قدرت اركز .. شنو هالجمال .. شنو هالفخامه .. شنو هالسحر في هالفيلم الجميل .. بس عندي بعض الملاحظات :
1- الفيلم فيه وايد اغاني بمناسبة و من غير مناسبه خاصه في مشاهد القريه حسيت اني مليت
2- مشاهد الشمعه و الساعه و الابريق و هالشخصيات الخياليه كانت وايد سريعه احس ما عطوهم حقهم خاصه في بداية ظهورهم
3- بعض الاحيان كان اداء إيما في دورها ك بيل جدا بارد و ريأكشناتها تحر
4- حبيت اللحظات الرومانسيه في الفيلم و حبيت بعض الاضافات في القصه
الفيلم حلو بشكل عام بس مادري ليش احس مشاهدته في البلوراي احلى و اوضح خاصه اني شفته 2D بس كان ظلمه اغلب الوقت
و في الختام احب اقول ان كانت تجربه جميله ..و طبعا ما يصير اطلع من الفيلم بدون ما اخذ ذكرى منهم .. و كان في عرض على البوبكورن و البيبسي تاخذ تصميم خاص على لوقو الفيلم و الورده
و بس والله
--------------------
المشاركات: 547 | من: Kuwait | تاريخ التسجيل: أبريل 2015
|
انا في خاطري مثل هالتذكارات كل ما اروح السينما ما اجوف شي يمكن ألاقي بس لأفلام غير ديزني التذكار الوحيد الا اخذه تذكرة السينما بس اما أكواب مثل دلين ما لقيت عندنا بس في السينما الجديدة تبع VOX اعتقد جدي اسمها بس بعيدة عليي .. صراحة ما ادري اذا جديدة او لا بس توني سامع عنها بس عليكم بالعافية حق لا تقولون حسدتكم
[ أبريل 13, 2017, 07:16 AM: تم تحرير المشاركه من قبل: ahmedy1194 ]
-------------------- المشاركات: 182 | من: البحرين | تاريخ التسجيل: يناير 2015
|
إرسال هذه الصفحه لصديق!
لطباعه هذا الموضوع
![[heartpump]](graemlins/heartpump.gif)
![[Mad]](mad.gif)
![[crying]](graemlins/crying.gif)
![[eyelove]](graemlins/eyelove.gif)
![[Frown]](frown.gif)
![[rofl]](graemlins/rofl.gif)
![[Big Grin]](biggrin.gif)
