مرسله في
شفت الفلم أنه شو ما تقدم أنجي حلو خخخخخ مدري هل هالشعور لحالي بس كأنه خلص بسرعة او مدري مافي تناسق بالمشاهد مدري كيف أشرحلكم
تعابير وجه أنجي لا يقاوم أحلى مشهدين بالفلم ككل هي لما بكت وقت ما عرفت أنه أجنحتها بح يالله صراخها
ولما رجعولها wow
كمان إيش سالفة ديزني هالسنة من بعد فروزن و صارت true love kiss غير عن المعنى العام صار girl power لول
الفلم مو قد hype إللي صار و عتبي على أنجي أنها كسولة بأفلامها و مقلة حرام أحلى سنين عمرها يضيعوا و مانشوفلها أفلام ولا زفت لأنه أخر فلم شفتلها كان salt طاح حظها
كلنا ميتين قهر على قلة أنجي ورفضها لأقوى الأعمال من 2010 وإحنا منكشحين
وين العز إلي كنا فيه قبل ووين ألحين , قبل بالسنه فيلمين و3 و4 وكل فيلم أقوى من الثاني
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
وبالنسبة لاول مشاهدة اكيد بتحس بشي مو طبيعي بالمشاهد اللي ورا بعض وبسرعة بسرعة بس عن نفسي بالمشاهدة الثانية للامانه ماحسيت فيه واستانست عالفيلم اكثر من اول مرة ونفس الشي المشاهدة الثالثه
عموما كل شي انحذف بينزل باصدار البلوراي وبنشوف شنو مهببين
[ أغسطس 25, 2014, 03:08 PM: تم تحرير المشاركه من قبل: A M I R ]
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
توني من ساعه ونص راجع من البريد رحت أستلم هديتي من الغالي السمي أورفن :
أحمد مشكووووور ألف ألف ألف مشكوور على الهديه الأكثر من رائعه والنادره إلي مو موجوده في أي مكان غير بتايلند وخلصت
شكراً جزيل الشكر وإن شاء الله أهديك شي تتمناه من زمان وأفرحك مثل مافرحتني
على فكره ...
المخدتين وحده لي ووحده لعامر ونفس الشي الحلاوه المصاص 2 لي و2 لعامر
ماحبينا نقول له أنا وأحمد خلها له مفاجأه لما يدخل الموضوع لول
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
تووووه من ربع ساعة صحيت من النوم والا اشوف احمد مكلمني عالواتساب يقلي روح شوف الموضوع حق الفيلم ولما دخلت وشفت الصورة قلت يا حظه صار عنده المخدات وكذا خخخخخخخ
ولا اقرا اخر سطرين واتفاجئ
يعني والله مدري شقول احمد ((اورفن)) شي لا عالبال ولا عالخاطر والله العظيم جد جد خجلتني وفاجئتني وفرحتني فوق ما تتخيل جداااااا الله يفرحك دنيا واخره فديتك ماقصرت
ونردها لك بالافراح
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
العفو احمد وعامر احمد وياراسك انا مادخل المنتدى وكنت اتريا ردك عالخاص اذا استلمتهم والحين اكتشفت انك مستلمنهم من فترة وسوري والله لو كنت ادري أنكم تبون كنت طلبت اكثر ، كنت طالب كمية هذيل أخر شي تمو عندي واحمد لحق يطلبهم
في كل حياتي ما شفت الا 4 أعمال حق ديزني. الأول كان سنووايت لما كنت صغير والدبلجة بالمصري والعمل الثاني هو روبوتس ومادري اذا كان من ضمن أفلام ديزني أو لأ. والثالث كان باتمان ريتيرنز ونمت داخل الفيلم . والعمل الرابع والي شفته وابهرت فيه هو " ماليفسنت " لول دايمًا أشوف هالنوعية من الافلام شي مزعج للعين وشي ممل. من فترة قررت أشتري مالفيسنت وأشوفه متى ما طق في راسي. وفعلاً شفته أمس. وانبهرت فيه حييييل يمكن الي حمسني اشوف العمل انجلينا جولي. مع ان مو من محبيها لكن أحب تمثيلها واخراجها في أعمال معينة.
العمل مدته بالضبط ساعة و29 دقيقة. مادري ليش توقعت هالعمل المفروض يكون أطول من جذي. ما حسيت بأي ملل وانا انتقل ما بين المشاهد. وهالشي حمسني أشوف الفيلم بشغف لحد النهاية. يا جماعة الخير اذا فيه افلام من هالنوعية ومن ديزني وما تكون مملة رجاءً قولولي والقصة تكون من كلاسيكيات دزيني بس مجددة أفضلها أكثر يعني نظام سنووايت ووو. العمل رهيب والألوان روعة. وحتى انجلينا مع قرونها طالعة روعة وصغيرة كأنها بنهاية العشرين.
في عندي عدة مآخذ على العمل رغم روعته لكن في أشياء لاحظتها وما عجبتني والمفروض عالم مثل عالم ديزني وفيلم انتاجه اعتقد ضخم مع بطلة مشهورة وقوية كان المفروض يتلافون هذي الأخطاء، حبيت اتناقش فيها وياكم واستفسر عن كذا شغلة بالاضافة لرأيي في القصة بمطارح معينة:
1- حبيت إن " ماليفسنت " بالأصل مسالمة ومالها شغل بالشر والحقد، وكانت بنية طيبة تتعامل مع " ستيفان " جنية عايشة بحالها ومالها شغل بالمملكة الثانية لا من قريب ولا من بعيد. وبس حست إن الخطر قرب صوبها سخرت كل الطاقات الي عندها حتى تحافظ على مملكتها.
2- حبيت في هالفيلم إن الحقد البشري والطمع والجشع بالسلطة والجاه ممكن انه ينسي أحلى ايام الوئام بين ستيفان ومالفيسنت. ولما صارت اللحظة الي قرر ان سيتفان يذبحها ما قدر وحس بتأنيب الضمير وقصقص جناحها عوضا عن هالشي.
3- وايد حبيت مشهد الاحتفال لما تدخل ماليفسنت عليهم وتقولهم ليش ماعزمتوني وبالاخير ستيفان يقولها شغلة وبعدين تسوي مالفسينت حركة في فيسها انها زعلت ومرة وحدة تعطيكم هذي الضحكة الشريرة الخبيثة. اعترف لكم اني خفت منها بهذي اللحظة بالذات. مع الروج الاحمر الي حاطته انجلينا والحركات الي تسويها خرعتني واقنعتني انها جنية ساحرة شمطاء
4- أما ارورا لما تكون بالمهد يا قلبي يا بنتي والله ما بوس وتعض من 48 ساعة متواصل بدون ملل ولا كلل ههههه فديتها اموت على اليهال الي جذي. واحلى شي لما تقولها مالفسينت أيها الوحش الصغير بس والله احس مو من قلبها. الفيلم بين من وجهة نظري ان مالفسينت كانت أرق وحدة على ارورا وكانت مثل الظل لها وتحفظها وتلحفها وكل شي تسوي لها لدرجة انها طلبت ان اللعنة تزول عنها لكن للأسف ما زالت الا بقبلة بأخر الفيلم.
5- من ناحية ثانية حسيت فيه وجهة نظر نقدية للفيلم، وهو إن المفروض ما ننغر بالشكل الخارجي للشخص. أنا قبل لا أشوف الفيلم كنت مفكر ان مالفيسنت أنواع الشر والحقد وانها لوثت الفيلم وارورا ولعوزتها لكن اتضح العكس. احس كانوا يبون يوصلون حتى ان الي شكله شرير يمتلك قلب طيب وصافي بس ماعطيناه فرصة انه يبين هالخير الي فيه.
6- عندي عتب على الجنيات الثلاث الي رافقوا ارورا لحد سن الـ 16 ماحبيت شكلهم وهم صغار الحجم ويطيرون. حسيت أشكالهم كوبي بيست ويبين من عند الرقبة كأنه فعلا ملعوب فيهم بالفوتشوب أو برنامج تركيب الوجوه مادري ماحسيت كان فيه ابداع بشكلهم.
7- الأمير فيليب اي طلع فجأة بين الادغال حق ارورا كذلك ماحبيت انهم اقحموه اقحام بدون تمهيد. يعني فجأة شافها وفجأة راح وعطها قبلة الحب الحقيقي لكن ممكن اطوف هالشغلة لما الساحرات بينوا ان قبلته مو حقيقية لكن بالنهاية طلعت حقيقية.
8- الاضاءة والمؤثرات والألوان روعة. لكن فيه مطارح معينة ومشاهد ما كان له داعي كل هالبهرجة القوية. خاصة أول لقاء بين مالفيسنت وجيش الملك بأول الفيلم لما حاولوا يقتحمون مملكتها. حسيت الجنود فوتوشوب أو خداع بصري حسيت انهم مجموعة بسيطة من الممثلين ما حسيت بمصداقية وانا اشوف هالمشهد وما أقنعتي.
9- أبي نفس جناح مالفسينت عجيبين هههههه وحسيت بعوار ظهر لما قامت من نومها وشافت ان جناحينها طاروا لول حسيت معاه بعوار لحظي نتيجة اندماجي وياه هههههه. العمل رائع رغم الهفوات الي فيه لكن ما أقدر ما أقول عنه الا انه روعة وحاز على اعجابي وانا نادر ما احب قصص من هالنمط.
10- الي حبيته أكثر وأكثر انهم غيروا بالقصة الحقيقية ودخلوا سيناريوهات جديدة وحطوا حبكة درامية حلوة تشد وسلطوا النظر على مالفيسنت أكثر من ارورا.. وهالشي كان من صالح انجلينا أكيد وبنفس الوقت اكتشاف جديد من جمهور محبي هالقصص.
==========
قبل بداية الفيلم كان فيه تريلرات حق افلام منهم مارفل وماحبيته لأن نوعية افلام البطل الخارق ما تشدني لكن لاحظت انهم بيسوون فيلم سيندريلا وكاتبين سوون 2015 والتريلير عبارة عن وميض يتكون ويتشكل على شكل حذاء سندريلا وايد حبيت.. ان شالله يكون حلو وقد النطرة لأن الوحيد الي تحمست له. عقبال ما يسوون فيلم حق سنوايت مع حبكة درامية جديدة
حمزة
[ سبتمبر 02, 2014, 09:20 AM: تم تحرير المشاركه من قبل: حمـزة ]
إرسال هذه الصفحه لصديق!
لطباعه هذا الموضوع
![[Big Grin]](biggrin.gif)
![[heartpump]](graemlins/heartpump.gif)
![[bgrlaugh]](graemlins/bgrlaugh.gif)
![[Frown]](frown.gif)
![[Mad]](mad.gif)
![[dance]](graemlins/dance.gif)
![[rofl]](graemlins/rofl.gif)
![[eyelove]](graemlins/eyelove.gif)
:
![[Eek!]](eek.gif)
![[nut]](graemlins/nut.gif)
![[cleverman]](graemlins/cleverman.gif)
![[rose]](graemlins/40.gif)
![[Razz]](tongue.gif)
![[girlie]](graemlins/girlie.gif)
![[Smile]](smile.gif)
