حبيت تعليقك على الشخصيات الشريرة في فرينج ... صح لو يخلونهم جم حلقة ... راح يكون فيه حماس اكثر ...
مستر جونز ... الحلو بشخصيته إنه طلع بحلقة ... و دوره كان شبه صغير ... و ما كان عليه التركيز ...
بس يعد ما ركزوا عليه اكثر ... الحلقات بكبرها صار طعمها غير ... و جرعة الحماس تدوبلت ...
أما بالنسبة لـ"آلفريد هوفمان" ... شخصيته دخلت قلبي <<<
ما ادري شفيني هاليومين أستانس على الشخصيات الشريرة ... صاير دموي زيادة عن اللزوم ...
المهم نرجع لمحور الحديث ... بما إنه آلفريد كان عايش طول هالفترة بدون ما يشيخ ...
ممكن يرجعونه من الموت ... ليش لا؟؟؟ (مع إني استبعد)
و عشان نكمل الدائرة مثل ما يقولون ... الأوبزيرفر ... يعتبر من الشخصيات الغامضة ... (المايلة اللشر بنظري) مع إنه سبق و إنذكر إنه neutral ...
+ نسيت شنو اسمه ... المجموعه إللي كانوا يدورون أعضاء جسمه ... إلين ما لقوا الراس ... همن هالشخصية لي ألحين ما قالوا كلمتهم النهائية بخصوصه ...
(إذا ذاكرتي لي ألحين تجمّع)
و على العايلة المصونه ... "بيشوب(ف)" ... على قولتك ...
أحسهم جد سرقوا نجوميه أوليفيا ... فرينج قصته صايرة كلها تدور حوالينهم ...
و أتوقع الآتي أعظم ... أكيد في أشياء ثانيه بخصوص البيشوبز ... اتوقعع تتمطط لي السيزن الياي <<< إذا صار فيه سيزن ياي ...
و على التخطيط المسبق لفرينج ... إللي يفكر فيه جي جي أبرامز ... انا مع هالشي 100%
راح يخلي المسلسل له طعم ثاني ... خصوصا إنه راح نعرف القصص وين راح توصل ...
دايما أتذكر جي كي رولينج و هاري بوتر ... لما قالت إنه كاتبه آخر chapter بالكتب من اول ما فكّرت بالقصه
و البرييك ... فعلا نعمه ... مو علشان ما أحب المسلسل ... بس جد لوست يبيله جو إلين ما نتعود على dose الحماس و الإثارة ... و تفكيك الألغاز و التحليلات ...
ps همن خارج الموضوع ...
توني أستوعب إنه فيه احد بالسالمية يطالع ترو بلود ... و انت واحد منهم ... لا و فانز متعصبين بعد ...
شفت الموضو و بصراحه روووعه ... بس استحيت أرد فيه ... بما إني ما شفت المسلسل ...
بس شريت الروايات من مده ... و خلصت أول وحد Dead Until Dark ... و ببلش بالروايه الثانية فريبا ...
و همن المسلسل ... راح أشوفه ... و أرد عليكم بالموضوع ...
[ فبراير 02, 2010, 08:36 PM: تم تحرير المشاركه من قبل: Paparazzi ]
المشاركات: 516 | من: Kuwait / Scotland | تاريخ التسجيل: نوفمبر 2008
|
^ قبل ما اعقب على ردك، عن جد تغطية هالسيزن من فرينج غير غير ، لانك صرت تطالعه
اتذكر التغطية الموسم الاول لول ، كنت تقريبا احاكي نفسي زي الاهبل ، اللهم تنينو الي كان ينقذني بعض المرات
ما تتخيل قديش مبسوط انك تطالعه و اب تو ديت
-
رد مقتبس:زاكو .. احين تقول ردي إكس لارج ... ردّك طلع اربع إكسات لارج ...
والله زيك ، اقول بكتب رد صغير مختصر مفيد الاقي نفسي كاتب معلقة شعرية
جد اغار من الي يقولوا رأيه في سطرين ثلاث
رد مقتبس:أما بالنسبة لـ"آلفريد هوفمان" ... شخصيته دخلت قلبي <<<
ما ادري شفيني هاليومين أستانس على الشخصيات الشريرة ... صاير دموي زيادة عن اللزوم ...
ما الومك انا زيك و اكثر ، كثير عاجبتني شخصية الفريد ... دايما احب الشخصيات الشريرة مع جرعة هدوء و تكتيك على الساكت
النظارات و ستايل تسريحة الشعر ... معطي للشخصية رونق خاص
ما اتوقع بيرجع مرة ثانية ، شو الاخ جيرمي بنثام
رد مقتبس: و عشان نكمل الدائرة مثل ما يقولون ... الأوبزيرفر ... يعتبر من الشخصيات الغامضة ... 'المايلة اللشر بنظري ' مع إنه سبق و إنذكر إنه neutral ...
المراقبيين في الاول كنت اقول محايدين ، بس مع نهاية الحلقة 2 هالسيزن ، الكلام العجوز اياه عنهم
و حلقة المراقبيين و كيف اتعاملوا مع ابن ربعهم 'اوغست ' ، خلتني اعيد النظر فيهم ... و اكيد الهم مصلحة خاصة
رد مقتبس: + نسيت شنو اسمه ... المجموعه إللي كانوا يدورون أعضاء جسمه ... إلين ما لقوا الراس ... همن هالشخصية لي ألحين ما قالوا كلمتهم النهائية بخصوصه ...
اسمه توماس او توما على ما اعتقد ، و على فكرة جمعوه و خلص و هو الي بين في حلقة grey matters
هو ذاته الي دبر خطف ولتر و لزق قطع الذاكرة الثلاثة حتى يعرف مكان البوابة الزمنية بين العالمين
اكيد راجعين له على اواخر هالسيزن
رد مقتبس: و على العايلة المصونه ... "بيشوب(ف)" ... على قولتك ...
أحسهم جد سرقوا نجوميه أوليفيا ... فرينج قصته صايرة كلها تدور حوالينهم ...
و أتوقع الآتي أعظم ... أكيد في أشياء ثانيه بخصوص البيشوبز ... اتوقعع تتمطط لي السيزن الياي <<< إذا صار فيه سيزن ياي ...
مثل ما قلت سابقا، ان جي جي يقول ان عصب هالسيزن هو عيلة بيشوب و تحديدا العلاقة بين الابن و الاب
و معك حق سرقوا نجومية اوليفيا ، بس في كام حلقة سطعت نجمها تحديدا البرميير و الحلقة الثالثة
و اهو الحلقة الي جاية بتكون عنهاو على حسب ما يقولون كمان على اواخر السيزن
بيكون لها دور فعال بقصة جنود الكورتكسفان و البوابة الزمنية بين العالمين الي حكى عنها وليام بيل
و بالنسبة للثالث ، حسب تلمحيات جي جي ، ان بيرجع التركيز على اوليفيا و تحديا علاقتها بزوج امها
خاصة انهم اسسوا هالستوري لاين من بداية السيزن الاول و قايل انهم بيرجعوا يتطرقوا لها في الثالث
و بخصوص التجديد ، اقولك 90 في المئة بيجددوا ، الريتينغ مرتفع كثير اخر فترة ، اخر حلقة وصل لتسع ملايين
مع اني متأكد الحلقة الي جاي بيرجع ينخفض
و مع ان انه كان في 5/6 ملايين ، فوكس مبسوطة جدا بالنتائج تقول نتائج سهرة الخميس مرتفعة باكثر من 52 في المئة عن السنة الماضية
رد مقتبس: توني أستوعب إنه فيه احد بالسالمية يطالع ترو بلود ... و انت واحد منهم ... لا و فانز متعصبين بعد ...
شفت الموضوع و بصراحه روووعه ... بس استحيت أرد فيه ... بما إني ما شفت المسلسل ...
بس شريت الروايات من مده ... و خلصت أول وحد Dead Until Dark ... و ببلش بالروايه الثانية فريبا ...
و همن المسلسل ... راح أشوفه ... و أرد عليكم بالموضوع
ترو بلود ، الثالث عندي بعد لوست و فرينج ، اجواء التوبيك ترو بلود كانت روووعة
في الاول كان يطالعه بس تنينو و ماجد... نصحوني فيه و شفت اول موسم في اقل من يوم
قصة المسلسل تقريبا 80 من الكتب و 20 في المئة اضافات جديدة و تغيرات ... سمعت ان الكتابة قاعدة تجهز لكتاب جديد ... راح ينزل قريبا
حاول تشوفه قبل جون ، عشان تنضم للشلة ، لان ما بقلك لمته هنا في السالمية قديش فضيييعة
[ فبراير 02, 2010, 10:47 PM: تم تحرير المشاركه من قبل: ،zak ]