الكاتب
|
الموضوع: ¨'*•~-.¸¸,.-~* ][ CinEma CaFe][ ¨'*•~-.¸¸,.-~*'
|
[ L.O.V.E.R ]
سوبر مصمم
رقم العضويه 3004
|
مرسله في
كويتي كول
ماتنقعت ونطرت الفيلم كل هالمده عشان اشوفه كوبي
حتى لو صافي يبقى كوبي بالاخير
انشالله اول ماينزل السينما ياخذ وياي عيال خالتي الصغار وبنروح
تمويه خخ
والظاهر انا بروحي اللي اشوف افلام ديزني بالمصري .. شوفوها ترى تموت من الضحك
وساعات حتى احلى من الانجليزي
فيلم جوني ديب اليديد شكله فظيع .. ذكرني بشعر كرويلا ديفيل اللي بمئة مرقش ومرقش
خليفه الصوره اللي بتوقيعك مالها حل الصراحه
شندلرز لست من الافلام اللي ناوي عليها بالفتره اليايه ..
وفيلم ساندرا شكله يدور الراس
ويشبه فيلمها مع كيانو ريفز .. من صجكم حلو !! [ أغسطس 04, 2007, 12:20 AM: تم تحرير المشاركه من قبل: [ LOVER ] ]
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
|
|
Kuwaity^Cool
عضو فعال
رقم العضويه 10667
|
مرسله في
من صجك الفيلم مو تصوير سينما
الصوره واضحه 100%
بس اخذ يهال معاك منعا للأحراج
يمكن اذا رحت بروحك تلاقي كل اللي بالصاله يهالوو لوووول [ أغسطس 03, 2007, 11:38 PM: تم تحرير المشاركه من قبل: Kuwaity^Cool ]
--------------------
المشاركات: 6194 | من: k u w a i t | تاريخ التسجيل: أغسطس 2003
|
|
|
علوووش
عضو متميز
رقم العضويه 17300
|
مرسله في
ما تابعت ساندرا لأن مرة تابعت the lake house خلص الفيلم وما عرفت وش السالفة لوووول
--------------------
المشاركات: 37010 | من: Australia | تاريخ التسجيل: أغسطس 2004
|
|
|
randomly
Smart Star 2
رقم العضويه 13811
|
مرسله في
[ LOVER ]
ودي أناقشـك بالفيلم نصـور بس للأسـف لسه ماشفتـه
متحمس له ومتأكد إنه راح يكـون روعـة دام إنه خلاك تكتب رد بعد غفـوة شتوية طويلـة خخخ
حتى ماقريت ردك كله خوفاً إني بخرب على عمري أحـداث الفليم
ستانلي كوبريك من المخرجين الي مسيرتهم في الإخـراج تقريباً خالية من العيوب
شفـتله The Shining / Dr. Strangelove / Lolita وكل واحد أروع عن الثاني
والقصص المبنية في القرن الثامن عشر يغلب جو جميل وشاعري على مشاهدها
حـاول تشـوف Amadeus وصـدقني راح تعشق الفيلم !!
إن شاء الله بس تحصل Schindler's List وتشوفه لأنه فيلم عالأقل راح ينرسخ في بالك لشهـور
عبود بهيجة سار يدوره في الفيرجين وقالو له إن الفيلم ممنـوع لول
--------------------
المشاركات: 7100 | من: || Dubai || | تاريخ التسجيل: فبراير 2004
|
|
|
Kuwaity^Cool
عضو فعال
رقم العضويه 10667
|
مرسله في
انزلت صورتين يدد من فيلم انيمي شكله قووووووووي بطولة جيم كاري اسمه Horton Hears a Who
بينزل شهر 3
شكله عجيب
--------------------
المشاركات: 6194 | من: k u w a i t | تاريخ التسجيل: أغسطس 2003
|
|
|
علوووش
عضو متميز
رقم العضويه 17300
|
مرسله في
مهضومين الصور كويتي ويحليلهم النمل بحبهم لووول
--------------------
المشاركات: 37010 | من: Australia | تاريخ التسجيل: أغسطس 2004
|
|
|
[ L.O.V.E.R ]
سوبر مصمم
رقم العضويه 3004
|
مرسله في
randomly
ايي شوفه خليفه وابصم لك انه بينال اعجابك
وعادي اقرا رايي بالفلم لو تبي لاني ماحرقت شي .. لول لاني ادري ان في اعضاء للحين ماشوفوه
اغلب اللي يشاركون بالسالميه مايشوفون الافلام القديمه
وSchindler's List جاري البحث عنه
وفي فيلم لستيفن سبيلبرغ اطلعت روحي وانا ادوره مترجم Empire of the Sun
اذا يأست مالي الا التورنت
Kuwaity^Cool
شكله كيوووووووت الفلم
انا عني ثاني اكثر فيلم انميشن ناطره هالسنه بعد راتاتوي فيلم Bee Movie
اللي من بطولة جيري سانفيلد ( ورينيه زالويغر )
بس مايذكركم هالفيلم براتاتوي شوي
بنت تصادق نحله صغيره
شاب يصادق فار صغير
مادري صدفه .. ولا كالعاده يجاكرون افلام ديزني ويقلدونها بطريقه غبيه
علوووش
حبيت وش السالفه اثر فيك منتدى اقلاع .. خخخ
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
|
|
علوووش
عضو متميز
رقم العضويه 17300
|
مرسله في
نصور لا عادي بس من السالمية كمان صرت أدردش خليجي لوول
ما تابعت جديد أفلام؟؟؟؟
--------------------
المشاركات: 37010 | من: Australia | تاريخ التسجيل: أغسطس 2004
|
|
|
علوووش
عضو متميز
رقم العضويه 17300
|
مرسله في
خليفة انا من أسبوع محمل Schindler's List
بس ناطر الوقت المناسب 3 ساعات مو قلال لوول
--------------------
المشاركات: 37010 | من: Australia | تاريخ التسجيل: أغسطس 2004
|
|
|
[ L.O.V.E.R ]
سوبر مصمم
رقم العضويه 3004
|
مرسله في
علوووش
لول الخليجي طالع منك مثل العسل والله
وانا شفت افلام وااايد باخر فتره لكن عيزان اكتب عنهم كلهم
عشان جذي بحاول اكتب اللي اقدر عليه
اول امس شفت فيلم حربي اسمه بن حور حبيته وايد وللحين مشاهده عالقه براسي من روعته
اللي حاط صورته بتوقيعي
بحاول اكتب عنه بالرد الياي انشالله عشان تشوفونه لانه صج روعه !!
ولا تخافون مب حارق شي
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
|
|
[ L.O.V.E.R ]
سوبر مصمم
رقم العضويه 3004
|
مرسله في
Ben-Hur
واحد من اروع الملاحم اللي شفتها واللي اشك اني بشوف مثلها
فيلم اسطوري ألهم صناع الافلام الحربيه اللي نشوفها بهالوقت وخاصه غلاديتور ..
متأثر بهالفيلم بشكل ماتتصورونه ..
تدور احداث الفيلم في القدس
لما كانت الديانه اليهوديه المتسيده في ذاك الوقت ..
وكانت توها مريم العذراء والده ابنها المسيح عيسى عليه السلام .. وكان وقتها شاب يافع للحين مابدا بنشر رسالته ..
بهالفتره كان في شخص اسمه يهودا بن حور .. امير يهودي شاب عايش مع امه واخته ..
معروف بحسن اخلاقه اللي كان يشيد فيها الجميع ..
في احد الايام تقتحم الجيوش الرومانيه القدس عشان تحتلها .. وكان الجيش بقيادة شخص اسمه ماسيلا ..
ماسيلا كان اعز صديق ليهودا بن حور بطفولته
ويعتبر اهل يهودا مثل اهله
المهم كان يهودا مستاء من غزو الروم .. فكلم ماسيلا وقاله ان اليهود معصبين وماراح يخلونكم تحتلون القدس بسهوله
فقاله ماسيلا انزين ليش ما تكلمهم ؟ اليهود يحترمونك وكلمتك مسموعه عندهم
قال كلمتهم لكن في بعضهم ماوافقوا .. فعصب ماسيلا وقال شلون يتجرأون يوقفون بوجه اعظم قوه بالعالم !!
ولانه يهودا رفيج طفولته قاله لاتخاف انت واهلك لكم معامله خاصه لانكم بحسبة اهلي
ماراح نعذبهم ولا نأسركم
لكن يهودا وقف في ويهه وقال اللي بيصير لقومي بيصيرلي ..
فعصب ماسيلا
وقاله بس هذي اوامر الحاكم الروماني ولازم ننفذها .. فقاله يهودا اشدعوه ليكون حاكمكم رب
قاله اي احنا نعتبره الرب لانه مافي اقوى منه ..
المهم صار بينهم هالصدام العنيف بوجهات النظر .. اللي خلت كل واحد ياخذ بخاطره على الثاني ..
وفي اثناء مرور موكب الشخص الروماني اللي بيحكم القدس
اسقطت اخت يهودا بالغلط قطعة قرميد وهي تطل من فوق السطح .. واصابت الموكب
فيأمر ماسيلا الجيوش بإقتحام البيت
انه الفزعه يعني جدام الحاكم .. ويلقي القبض على يهودا واهله !!
وعلى الرغم من توسلات يهودا وامه واخته لماسيلا وانه هالحادث كان عرضي ومب قصدهم !!
الا ان ماسيلا ما استجاب حق توسلاتهم ..
وامر الجنود بحبسهم .. بالرغم من انه كان يعرف انهم مب مذنبين !!
فصار يهودا واحد من العبيد اللي يجذفون بالسفن الحربيه .. واخته وامه انسجنو بسجن قذر ..
وتوعد يهودا بأنه راح يرجع مره ثانيه وياخذ بثاره من ماسيلا بأي ثمن
فيلم ملحمي رهيب احس مهما تكلمت ماراح اوفيه حقه
واللي استغربه انه بالرغم من طول الفيلم ( 4 ساعات تقريبا ) الا اني ماحسيت بأي لحظه بالملل
الاحداث تصاعديه وتشدك معاها ..
والاهم انك تشوف قصه متكامله .. الاثاره والدراما كلهم على خط واحد مافي واحد فيهم اقل من الثاني
فيلم موزون بكل معنى الكلمه يخليك تعيش تجربه مذهله
الصوره تبهر العين
خاصه بمشهد الام والاخت لما صادهم مرض الجذام
طريقة اخفاء ملامح الوجه والظلال كانت تحفه !!
طريقة تصوير سباق الاحصنه في الحلبه كانت تحبس الانفاس !!!!!
على الرغم من الامكانيات المحدوده المتاحه لهم في الخمسينات الا ان النتيجه بالفعل صاعقه !!
احتقرت افلام هالايام اللي تعتمد على الجرافيكس خخ
حسيت انها تقتل الواقعيه ..
الموسيقى التصويريه كانت بالفعل رهيبه
والاحلى ان المخرج استغنى عن الموسيقى التصويريه بأشد المشاهد اثاره
بحيث انه يخلي الصوره بروحها تتكلم ..
والنقطه الاهم واللي تحسب للمخرج
انه ماطلع وجه وصوت سيدنا عيسى .. بس نشوفه من ظهره وهو يمشي
حسيت انه اكثر مخرج اجنبي احترم عيسى عليه السلام ..
وترى قصة يهودا مب صجيه .. بس الفتره اللي صارت فيها القصه صجيه ..
انا ماعرفت الا لما شفت الـ bonus
يعتبر هالفيلم ثاني اكثر فلم في التاريخ حاصل على الاوسكار بعد التيتانك
والله من قلب انصحكم تشوفون بن حور بأقرب وقت .. عشان تعيشون تجربه سينمائيه عمركم ماراح تنسونها
بارجع اكتب عن افلام ثانيه بعدين .. لاني للحين والله متأثر بهالفيلم
[ أغسطس 04, 2007, 06:25 PM: تم تحرير المشاركه من قبل: [ LOVER ] ]
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
|
|
Kuwaity^Cool
عضو فعال
رقم العضويه 10667
|
مرسله في
اي Bee Movie شكله جنان هالفيلم .. التريلر روعه
بس DreamWorks شكلهم بايقين فكرة الصداقه بين الانسان والحيوان من فيلم راتاتوي
بس برافو عليهم اختاروا حشره ماأستهلكت وايد في افلام الأنيمي
شفنا افلام وايد عن الفيران والأسود و البطاريق والسمج والقطاوه لووول
الا النحله
--------------------
المشاركات: 6194 | من: k u w a i t | تاريخ التسجيل: أغسطس 2003
|
|
|
« SPIRIT »
عضو فعال
رقم العضويه 58958
|
مرسله في
طلبتكم
ابي افلام درامه من الجيل الحديث مافي ملل ترى ما احب الافلام التاريخية
وابي فلم كوميدي حلو مافي ملل
وابي افلام رعب حلو
ياله
-------------------- SPIRIT « The way I feel » _ ____ _
I deserve to be Happy and to be myself
المشاركات: 5278 | من: eMiRaTes | تاريخ التسجيل: أبريل 2006
|
|
|
randomly
Smart Star 2
رقم العضويه 13811
|
مرسله في
[ LOVER ]
حتى Ben-Hur أنا بعـدني ماشفـته لوول
جـدامي 3 أفلام إيطالية وفيلم ألماني وراح أخم Ben-Hur / Barry Lyndon إن شاء الله
المشكلة إني أفضل ماأعرف قصة إي فيلم قبل لا أشـوفه عشان جذي تفاديت
شرحـك للقصـة مؤقتاً إلين أشـوف الفلمين بس قريت رايك عن الفيلم من الجانب التقني
وفعلن الأفـلام الكلاسيكية أوريجنل من كل النواحي وهالشي الي يخلي الواحد يدمن عليها
Empire of the Sun روعــة بالنسبة لـ Schindler's List أقولك من الحين مالك إلا التورنت خخخخ
أما عن Bee Movie شفت التريلر في السينما وفيه مشاهد كوميدية زريفة
وفي إنتظـار ردودك عن الأفـلام الي شفتها بعد
.
علوووش
حبيبي خذها مني نصيحـة أبد لاتحط طول الفيلم عائق
أنا أقولك شوفه في أي وقت وجان عالـ 3 ساعات صدقني راح يطوفن بسرعـة البرق
إنته تأجـل شوفة فيلم عمرك ماراح تشوف مثله
--------------------
المشاركات: 7100 | من: || Dubai || | تاريخ التسجيل: فبراير 2004
|
|
|
ALTENNEEN
Smart Star 2
رقم العضويه 42513
|
مرسله في
عالسريع تريلر فيلم Rendition
Here
بطولة
Reese Witherspoon
Jake Gyllenhaal
Meryl Streep
Alan Arkin
يبين عليه رووووووووووووووعة
--------------------
المشاركات: 3426 | من: .ıllıllı. U.A.E .ıllıllı. | تاريخ التسجيل: أكتوبر 2005
|
|
|