أي أكيد من شفت التريلر وأنا ودي أشوفه .. شكله عبيط ويونس .. أصلاً الأسابيع الياية في وايد أفلام متحمس لها
ودي أشوف شي يشدني .. مو شرط يكون قوي بس أبي لما أطلع أكون مستانس لي نص الفيلم وأزهق .. بـ 21 الأسبوع اللي طاف طلعت على آخر الفيلم لأنهم مصصخوها
واليوم كنت بروح the ruins بس راحت علي نومة .. مشتاق لهنوعية من الأفلام .. شكلي باجر بروح له .. حياك معاي ؟ ( يعني أنا بأمريكا وعندي كل الأفلام أول بأول )
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
حمود The Mist و بينيليبي ليش تشوفهم بدوني؟ بما انهم عجبونك ان شالله بشوفهم قريبا.. واذا بعدهم عندك لا تمسحهم بليز شفت مجموعة أفلام حلوة في الفترة اللي طافت من أهمهم..
فلم موسيقي مستوحى من أغاني البيتلز .. يتكلم عن شاب اسمه جود هاجر لأمريكا علشان يلتقي بأبوه اللي رفض انه يدخل حياته بعد كل هالسنين.. فيقرر جود انه يستقر في أمريكا ويعيش مع شلة موسيقيين في نيويورك.. في نيويورك تصير علاقة حب بينه وبين أخت واحد من اللي عايش معاهم.. باقي الأحداث شوفوها بروحكم أحداث الفلم صارت في أواخر الستينات أيام حرب فيتنام.. أغاني البيتلز ما يحتاج أتكلم عنهم وأعتبر اللي اشتغلوا على الفلم محظوظين لانهم قدروا يختارون من هالأغاني لفلمهم.. كل المشاهد اللي ابتعدت فيها المخرجة عن البساطة برأيي خربت الفلم خاصة لو قارناها بمشهد ايفن ريتشل وود بأغنية If i fell كان وايد بسيط و معبر .. تعلمت من هالفلم اني ما أحكم على الأفلام قبل ما أشوفها لاني أذكر اني كنت معصب لما الفلم ترشح للجولدن جلوب بدال Knocked up و Once.. طلع أحلى منهم بوايد
شفته بعد ما قريت رد سبارك.. ما خيب ظني أبدا.. قصة مشوقة والأحداث ما تملل أبدا, تقريبا سارقين فكرة الزومبيز بس بطريقة لطيفة شوي عمري ما تخيلت نيكول كيدمن في فلم زومبيز
ما حبيت هالفلم.. حسيته تجاري زيادة عن اللزوم.. ما حبيت بعد فكرة انهم تقريبا يستعرضون أجسام بعض الناس طول الفلم.. يعني يكونون الممثلين الثانيين لابسين ملابسهم ما عدا ماثيو .. داهن جسمه وحالته حاله آخر ثلث ساعه من الفلم لما طلعوا الكنز كانت أحلى فقرة عموما عودة غير موفقة لكيت وماثيو ومادري ليش أحس انه كيت لو ترجع للدراما أحسنلها بوايد.. ما أحس الأفلام الكوميدية تناسبها كثر الدراما
مادري من وين ديايبين هالممثلة بس دورها رووووعة بدونها الفلم ولا شي
فلم كوميدي مهضوم.. وايلا فيشر تشبه ايمي آدمز بشكل خيالي
[ أبريل 07, 2008, 12:16 PM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
شفت الدعاية من زمان بس مب متذكر كيف كانت خليفة الخيال كله حاطينه في الأغاني.. يعني نص الاغاني تصويرهم على ستايل أغاني شيكاجو مثلا لو تذكر كيف خلوا مشهد المحكمة كأنه سيرك يمكن ما يعجبك الفلم بس أضمنلك انه ما يشبه أي فلم من الافلام اللي نزلت مؤخرا.. ماثيو يقولون انه ريحته خايسة على فكره وأبدا ما يحط مزيل للعرق كيت كانت مبدعة في Almost Famous و The Skeleton Key وحتى فلمها مع ماثيو كان حلو.. بس لو تكمل على الدراما وايد بتبدع.. تخلي الكوميديا حق ريس وذرسبون وساندرا بولوك والشلة الطيبة
-------------------- [ المشاركات: 7335 | من: الامارات | تاريخ التسجيل: يوليو 2003
|
رد مقتبس: Camp Rock is a 2008 Disney Channel Original Movie starring the teen pop sensations the Jonas Brothers. It began production in August 2007. [1] The musical is written by Julie Brown, Paul Brown, Regina Hicks and Karen Gist. The movie is directed by Matthew Diamond and produced by Alan Sacks. [1] On January 25, 2008, during the commercials for Minutemen it was announced that Camp Rock would debut in June 2008.
On Disney Channel Latin America, in the Latin American version of Happy U Year, titled Celebtratón 2008, it showed many scenes of Camp Rock, and the song, "We Rock", with scenes of other Disney Channel Original Series and Disney Channel Original Movies as Phineas and Ferb, J.O.N.A.S., The Cheetah Girls One World among others.
Certain scenes were filmed on location at Camp Wanakita and Camp Kilcoo in the Haliburton Highlands, Ontario, Canada.
Previews of Camp Rock started being shown on April 6, 2008 during the Wizards of Waverly Place marathon. The music video for "We Rock" will be shown on April 19, 2008 as a part of Disney's Night of Premieres.
Brenda Song has a cameo as "Girl Near Lake", similar to Miley Cyrus's cameo in High School Musical as "Girl At Pool".
شكله كوبي بيست من هاي سكول ميوزيكال.. ناطرينه مع انه وايد باقي عليه, قناة ديزني صايرة حقل تجارب هالأيام.. بعد ما ينجح عليها أي فلم أو مسلسل على طول ياخذونه للشاشه الكبيره
-------------------- [ المشاركات: 7335 | من: الامارات | تاريخ التسجيل: يوليو 2003
|