أمس حضرت الفلم أخيرًا .. من غير أي نقاش .. الفلم من أوله لآخره عجيب الأنميشن التحريك القصة الرسومات الألوان كل شي كل شي من الآخر حلو هالمرة تقييمي أعطيه 10 على 10 الفلم كان مزيج من المرح والحزن والضحك أنا وصديقي أستانسنا عليه عدل .. كنا نبغي نقعد لين يخلص الكردتس بس السكيورتي كان واقف على راسنا وما قدرنا نقعد الفلم ذكرني في ليلو وستيتش من ناحية الرقصات والأشكال باختصار الفلم ما يتفوت .. وما ندمت لأن دخلته أكثر أغنية حبيتها في الفلم How far I'll go .. فيها طاقة حماسية رهيبة! وبس هذا تقييمي للفلم ما أبغي أحرق شي
-------------------- المشاركات: 182 | من: البحرين | تاريخ التسجيل: يناير 2015
|
مب من حقهم يطلعونكم من السينما، أنتوا دافعين مبلغ معين عشان تدخلون السينما وتشوفون الفيلم من بداية الإعلانات لحد السواد بعد الكريدتس، تدري إن صارت معي مرتين بفروزن لما دخلته للمرة الثانية وجامعة المرعبين لما دخلته للمرة الأولى، كلهم كان فيهم مشهد بعد الكريدتس وتخيل قطعوا العرض بنص الكريدتس جنهم يقولون لنا اطلعوا بطريقة غير مباشرة، طبعاً اللي وياي قالوا يله نطلع إلا هو مجرد مشهد، وأنا مارضيت قسم بالله رحت ورى وكلمتهم ورجعوا شغلوه لي بس عشان أوصل للمشهد ويلست وجفته والناس اللي حاجزين للعرض اللي عقبه كانوا يدخلون ونحن بعدنا، المهم ماخليتها بخاطري غير إن هالشيء أساساً من حقي
واخيراً قدرت استمتع بآخر كلاسيكيات ديزني الساحرة اول امس رحت السينما مع اثنين مالهم علاقة بأفلام ديزني وكانوا ماخذين فكرة عن موانا على انه فلم يهال واشكال الشخصيات عبيطة لكن بعد ما شافوا الفلم تغيرت ارائهم ١٨٠ درجة!! بداية الفلم حسيت انه طويل وممل شوي والاحداث بطيئة لكن التشويق يبدأ بنص الفلم وقتها تقدر تعدل يلستك وتتابع بحماس واهتمام الاغاني هي احد عناصر الجمال بهذا الفلم خصوصا How far I'll Go و I Am Moana كانوا توب التوب اغنية Shiny كانت حلوة بالفيلم والشخصية اللي تغنيها ذكرتني بأرسولا مادري ليش واحد من اللي دخلت معاهم ما حب الاغاني وعلى رأيه انها مضيعة وقت وكثرتها بالفيلم تخرب القصة ويشوف انها مالها داعي لكن بإستثناء اغنية How far I'll Go اتفق معانا انها من اجمل اغاني الفيلم الافتتاحية المصاحبة لقلعة ديزني روووعة تخليك تغوص بعالم الجزر والبحار شي بعض المشاهد من الفيلم حسيت انها مستوحاه من افلام ديزني الكلاسيكية القديمة مثل طرزان ومولان . . مادري اذا حد فيكم حس بهذا الشعور. اوه صح نسيت ما تكلمت عن الشورت فيلم اللي قبل الفيلم . . الفلم حلو وفيه رسالة جميل واحسها فعلاً تعبر عن واقع الحرب بين العقل والقلب. كان بودي اكمل لين بعد الكريدتس عشان اشوف اذا شي مشهد بعد الكريدتس ولا لا لكن اللي طالع وياهم مب قادرين ينتظرون خمس دقايق هل هو فعلاً شي مشهد بعد ما يخلص الكريدتس ولا؟ هل يمهد لجزء ثاني؟
للحين شفت الفلم لمرة وحدة بس واحسها ابداً مب كافية، محتاج اشوف الفيلم للمرة الثانية والثالثة ويمكن اغير رأيي بعدها، بس بشكل عام الفيلم رائــع ومن اجمل كلاسيكيات ديزني واتمناله جايزة الاوسكار كأفضل فيلم انيميشن وافضل موسيقى
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
^ ^ ^ حسبالي بس أنا تخيلته أرسولا طول الأغنية وأنا أقول يذكرني فيها
......
وعن كلامك أخ {( ديزناوي ماسي )} .. ترى أنا استغربت من السالفة .. لأن أول مرة تصير ليي في هالسينما .. يعني أذكر كل مرة أقعد لين النهاية .. يمكن الموظف جديد ما يدري أو متملل يبغينا نطلع علشان يصكون لأن كان آخر الوقت
-------------------- المشاركات: 182 | من: البحرين | تاريخ التسجيل: يناير 2015
|
صراحة مدري ايش اقول بالضبط ... لانه بصراحة حاس اني ماشفت الفيلم عدل لان القاعة للاسف كان فيها ازعاج اطفال مقزز اللي يصارخ واللي ويصيح واللي ياكل وغيرهم وهذا غير انه راحت علي اول 5 دقايق من الفيلم تقريبا بس ما كان في مجال اني اطلع من العرض لاني كنت مسافر بس ويك اند و وقت العروض محدودة
لكن مع هذا كله طلعت بتجربة جميلة جميلة جداااااااا بقول رايي عالسريع وبشكل مختصر عشان ما احرق شي واصلا باقي الشباب ما قصروا برايهم بالفيلم
موانا بالراحة من افضل الافلام اللي نزلت اخر كم سنة احلى من فروزن ورالف وبيج هيرو وزوتوبيا
القصة :
مافيها شي جديد وعادية وشفناها قبل كذا بس طريقة تقديمها كانت جميلة وهالشي مو جديد على ديزني الافتتاحية صح ماشفتها كاملة بسبب انه راحت علي جزيئة بسيطة منها بس اللي شفته كان حليو بالذات لما يستعرضون طفولة موانا وطبعا الثلث الاخير من الفيلم ما يحتاج اعلق عليه حاب اذكر تفاصيل اكثر والله بس بتكون حرق ، فالافضل اخليها لبعدين لما الكل يشوفه
الاغاني :
صحيح مش بمستوى فروزن كقوة لكن جميلة وخصوصا اغنية ماوي واغنية موانا هالاثنين معلقين ببالي للحين وباقي الاغاني يخدمون الفيلم وحلوين
الشخصيات :
بالنسبة لي موانا وماوي بس باقي الشخصيات للاسف للنسيان وهالشي اشوفه نقطة ضعف ولو بسيطة
الرسوم :
باختصار شديد جداً .. موانا بشكل عام متعة بصرية
وبالاخير الفيلم عبارة عن قطعة فنية ويستاهل ياخذ اوسكار بعد وبانتظار النسخة العربية اكيييييد
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
مرسله في
أمس قريت خبر عن موانا حبيت أشارككم فيه.. موانا كان الفلم الأول في البوكس أوفيس في فرنسا لسنة 2016... يعني تفوق على ستار وورز وكل أفلام مارفل و الأفلام الفرنسية وحقق أعلى أرباح لسنة 2016.. استغربت شوي من الخبر بس شي حلو انه كسر الدنيا في فرنسا
-------------------- [ المشاركات: 7335 | من: الامارات | تاريخ التسجيل: يوليو 2003
|
إرسال هذه الصفحه لصديق!
لطباعه هذا الموضوع
![[applause]](graemlins/applause.gif)
![[eyelove]](graemlins/eyelove.gif)
![[Embarrassed]](redface.gif)
![[rofl]](graemlins/rofl.gif)
![[iwantattention]](graemlins/iwantattention.gif)
![[heartpump]](graemlins/heartpump.gif)
![[Big Grin]](biggrin.gif)
![[Mad]](mad.gif)
![[crying]](graemlins/crying.gif)
![[happy.]](graemlins/happy.gif)
![[Confused]](confused.gif)
![[crazy]](graemlins/crazy.gif)
![[super]](graemlins/super.gif)
![[dance]](graemlins/dance2.gif)
عاشوووووووووووووو 
![[rose]](graemlins/40.gif)
