مرسله في
خربت الريجيم لول .. بس رديت الجيم .. أحس جذي احسن .. أقول عندي سؤال .. لو شخص عاش على الماي بس .. يضعف ؟ .. انا جني قريت إنه يزيد وزنه لول .. ياريت اللي يعرف يقولي
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
على طاري الماي اعرف رجيم انجليزي طبقوا خالتي وزوجها من موقع انجليزي واسم الرجيم اهو غسل الجسم مده الرجيم 40 يوم فقط
40 يوم كلا ماي تخيلوا ..والوجبه الرئيسيه خضره مقطعه مغموسه في ماي حار وملح معين شروا من الصيدليه يشربونه هذا يعني وجبه دسمه!!
المهم عقب اربعين يوم دشوا بيت يدتي والله قمنا انتراكض منهم من كثر ماصاروا يخرعون من الضعف شي يخرع خالي اهو متين بس كان عنده كرشه كلا رحات ويه سااااح حتى خالتي نتخيلها هيكل عظمي لما تتكلم ...ضحكتها تغيرت لما تضحك نحس ويها كلا يضحك من كثر ماضعفت
بس الرجيم وايد صعب تقول خالتي اول 4 ايام ماتطلع ولما يرن التلفون ماتكلم احد حتى الكلام صامت عنه ..ولما خلصوا الاربعين يوم كل واحد قطله 15 او 20 كيلوا مع انهم مو متان بس متبتين كانوا وصاروا ضعاف
المشاركات: 44721 | من: الـكـويـت | تاريخ التسجيل: أكتوبر 2003
|
مرسله في
خذها مني فويس نوال الماي كل ماكثرت منه كل ماكان زين اشرب على قدر ماتقدر مع رجيم او بدنه خله شي اساسي بحياتك ولو تقدر اخذ البطل وين ماتروح
المشاركات: 44721 | من: الـكـويـت | تاريخ التسجيل: أكتوبر 2003
|
مرسله في
بذبح عمري ياناس .. وقفت الريجيم وبجم يوم رديت الخمسة كيلوا اللي نزلتهم .. أحس جسمي يمتن بسرعة .. مع إنه أكلي طبيعي .. يعني مثل الناس .. شكلي من باجر بس بشرب ماي لول .. والله صج متنرفز
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
مرسله في
في ريجيم خاص بفصيلة الدم قولي شنو فصيلتك وانا بطلع لك من كتاب عندي شنو يمتنك و شنو ما يمتنك
في ناس يمتنها الخبز و العيش و المعكرونيات و في ناس تمتنها اللحوم و ما يأثر فيها الخبز و هالسوالف ..
ما يصير جذي تسوي ريجيم ماي بس مو زين .. 100% بتدوخ و ماراح تقضي يومك طبيعي حتى المخ يوقف !
مو زين اسمع مني .. لازم تاكل بس يبيلك احد يقولك شنو تاكل .. كمية اللي تاكلة مو مهمة ولا لها علاقة .. اهم شي تعرف ان شنو قاعد تاكل ؟ و شنو مكونات هاللي تاكلة ..
صج اني قلت بسوي ريجيم لول بس ترى انا ما احتاج له .. لاني قلت بسوي ريجيم جذي تجربة بشوف عندي ارادة ولا لا .. و منها اكسب اني انزل لي 3 ولا 4 كيلوات ==> لعبة
انا وزني 73 ألحين .. وطولي 170 تقريباً .. مشكلتي إني قبل من خمس سنين يمكن كنت حيييييل متين .. وزني كان بالـ 90 يمكن لول .. بس بآخر الثانوية ضعفت شوية .. ولما تخرجت من الثانوية صارت لي مشاكل صحية خلتني أوقف دراستي سنة ومنها نزلت واااايد .. يعني صرت هيكل عظمي .. بعدها زاد وزني شوية بس كان حيل حلو .. أعتقد كان 62 .. وبسبة إني نزلت على طول وبدون رياضة .. من المرض .. صار فيني ترهل .. يعني جسمي مو مشدود .. وماكان مسموح لي أركض (طبياً يعني ) .. فماسويت اي رياضة .. المهم لما رحت أمريكا زاد وزني .. ومن سنتين و وزني بين 70 و 75 .. بس لو أضعف 12 كيلو وشوية رياضة خلاص .. صج ودي أضعف .. لأنه جسمي مخليني أبين صغير لول .. مو متين وايد .. بس كشكل مو حلو .. وعن فصيلة دمي فأنا+O أعتقد
وعن الماي لول .. ترى صج بديت فيها .. بس ما ادري ليش أحسها ماراح تنفع .. بس يلا بجرب جم يوم ونشوف انزل او لأ .. لأني بعد أقل من اسبوعين برد أمريكا وهناك طول الوقت مطاعم .. وانا عاد عندي إدمان على Taco bell ... فيومين بس وبزيد 5 كيلو
بدر أنا أبي شي يخليني أضعف بسرعة .. الريجيم هذا جربته وصج بجم يوم نزلت 4 كيلو بس بعدها ماقام ينزل وزني .. وقف على 69 ... ألحين رد زاد وزني
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
هي اول ظهور للبشر في أفريقيا و هناك بدأ تطور البشرية و كانت فصيلة دم الإنسان الأول O و هي اختصار لكلمة old و تعني قديم ..
كان الإنسان الأول صيادا ماهرا ممتازا .. و كان غذاؤه الأساسي اللحم أي البروتينات و في هذه المرحلة بالذات بلغت فصيلة الدم O أوج التعبير عن خصائصها .
شكلت اللحوم الغذاء الأساس في تلك الآونة لذلك تعلم الإنسان بسرعه كيف يصطاد ما يستطيع يسطاده و كثر الناس الذين ينبغي إطعامهم فزاد التنافس على الطرائد فبدأ الإنسان هجرة جديدة : كانت مجموعات الصيادين تسافر إلى مناطق بعيده بحثا عن اللحوم ==> وحوش لول بدأ الإنسان رحلة الخروج من أفريقيا إلى اوروبا و آسيا ، و بدأ البحث عن نوع آخر من الغذاء ، فبدأ الزراعة و تغير نظامه الغذائي من حيوانات الصيد إلى النباتات و الحيوانات الصغيرة .
و مع انتقالهم شمالا أصبح لون بشرتهم فاتحا أكثر و أكثر و البشرة البيضاء الفاتحة تقاوم أكثر من البشرة الداكنة تأثير الصقيع و الجليد ، و تستطيع تحويل فيتامين D الناتج عن أشعه الشمس بشكل أفضل ..
ادري مالك خلق تسمع قصة حياة هالفصيلة لول عشان جذي بقولك الاغذية المفيدة و الضارة من كل مجموعه غذائية ..
بسم الله نبدي :
الأسماك و الحيوانات البحرية : هذه الأطعمة مناسبة جدا لفصيلة الدم O و تعتبر حيوانات البحر المصدر الثاني - بعد اللحوم - للبرتينات المركزة و خاصة من هم أصل آسيوي .. - الأسماك المدهنة الغنية بالزيوت السمكية : ( سلمون - سردين - رنجة + ماكريل => مادري شنو يعني ) و التي تعيش في الماء البارد ممتازة لهذه الفصيلة - فصيلة الدم O تعاني من عدم انتظام الغدة الدرقية الأمر الذي يعرضها لمشاكل في عملية التمثيل الغذائي .. عشان جذي لازم تاكل سمج لان مفيد لك
- الاسماك تحميك من الامراض و خاصة متاعب القولون و زيادة الوزن
كاتبين بالكتاب انواع اسماك ما اعتقد انها موجوده عندنا لول اخطبوط و مادري شنو مخربطين لوول انت عاد اكل سمجنا المعروف
...................
الحليب و مشتقاته و البيض : اذا كنت من فصيلة الدم O يجب عليكم ان تحدوا من استهلاككم للألبان و الأجبان فأجسامكم لا تستطيع ان تخضع هذه المأكولات لعمليات التمثيل الغذائي بشكل فعال . لذلك إحذر الألبان
يمكنكم استبدال حليب الحيوان بحليب الصويا و جبن التوفو المصنوعه منه => شنو توفو فهي مفيده جدا و تشكل مصدر ممتاز للبروتين ..
البيض : يستطيع اصحاب الفصيلة O من غير الأصل الأفريقي الاسود تناول 4 ==> 5 بيضات في الاسبوع و كمية قليلة من الاجبان و الألبان لكن هذه الأصناف لا تمنحهم نوعية البروتين الجيدة التي يحتاجونها ..
نصيحة لـ فصيلة الدم O خاصة للنساء .. بأخذ مكملات غذائية من الكالسيوم يوميا ، لان الالبان و الاجبان افضل مصدر طبيعي للكالسيوم الذي يمتصه الجسم بسهولة
تجنبوا : حليب الماعز - الجبن الامريكي - الجبن المشلله - المخيض ( اللبن الذي يبقى بعد نزع الزبد منه ) الآيس كريم وك وك وك خخخ الحليب كامل الدسم - جبن بالقشدة
..................................
الزيوت و الدهون الزيوت مفيدة لفصيلة الدم O لانها مصدر هام للتغذية و هي تساعد على التخلص من الفضلات السامة التي تترسب في الجسم و يفضل : زيت الزيتون - زيت بذور الكتان - لان لها تأثير ايجابي على القلب و الشرايين و يمكنها تخفيض معدل الكوليسترول بالدم ..
مصدر جيد للبروتينات النباتية المكملة ، لكن لا يجب ان يحتل هذا النوع من الغذاء مكان اللحوم الغنية جدا بالبروتين . لانها غنية جدا بالدهون لذا ينبغي عدم الافراط فيها لانها تزيد الوزن و عليكم ان تختاروا منها ما يناسبكم فقط و من المؤكد ان عليكم تجنب تناول المكسرات و البذور اذا كنتم تريدون ان تصبحوا نحفاء ==> نقطة مهمة
امضغوا المكسرات جيدا لانها تسبب احيانا بعض المشاكل الهضمية و يستحسن ان تأكلوها على شكل زبد
مسكرات و بذور مفيدة : بذور اليقطين - الجوز
مكسرات و بذور غير ضارة : اللوز - زبد السمسم - الصنوبر - الكستنا - البندق - الطحينة
البقوليات و الحبوب : لا تتناسب البقول مع فصيلة O ==> اختي فصيلتها O اذا كلت بقول اتدوخ .. لان قبل كان فيها تكسر بالدم و الحين حمدلله مافيها شي
انواع البقول المفيدة قليلة و تساعد على تقوية جهاز الهضم و على شفاء القروح المعوية و هاتان المشكلتان تعاني منها فصيلة الدم O بسبب ارتفاع نسبة الحموضة في المعده و رغم كل ذلك يجب ان لا ينقطعوا عن تناول البقول إنما يأكلونها باعتدال و كطبق مرافق لا اساي
بقوليات و حبوب مفيدة : اللوبيا ام عين سوداء - فاصوليا اسبانية - فاصوليا بيضاء ذات النقطة السوداء
فاصوليا و بقول غير ضارة : المكسيكية - فول الصويا الأسود - فاصوليا الكلى الخضراء الفول - الحمص الفحلي - الفاصوليا البيضاء
تجنوا : الفاصوليا الحمراء الكلوية - الترمس - العدس الاصفر - فاصوليا بيضاء صغيرة الحبة ..
............................
تعبت وانا اكتب اقرى الحين و برد ثاني بكتب لك باقي المجموعات .. و شنو الاشياء اللي تزيد وزنك
--------------------
أبشرك قلبي نسى طعم الآلام .. نموت لكن ما تموت الكرامه دامك نويت الصد فالوعد قدام من يومنا حتى تقوم القيامه ....
ياللي تقول في غيبتك حدي أيام .. و يرد قلبي يشتكي من غرامه بهديك للهجران عام ورى عام .. لا عاش راسي لو رجع في كلامه
.. حــبوبہ ..
المشاركات: 14858 | من: كو المحبة يـــت | تاريخ التسجيل: يوليو 2003
|