ودعاً فيفا .. وأهلاً بشوتنغ ستارز أحدث الأخبار والمستجدات عن إصدارات ديزني العربية في أسواق الشرق الأوسط!
خلال أيام بسيطة راح نبدا مغامرتنا مع خامس شركة توزيع لديزني في الشرق الأوسط بعد الخيول وفاميلي هوم انترتينمنت وروتانا وفيفا .. شركة شوتنغ ستارز .. واللي مثل مانعرف انها اشترت فيفا خلال منتصف 2016 بعد ما افلست ..
شوتنغ ستارز راح تكمل مسيرة باقي الشركات اللي سبقتها وراح تضمن لنا استمرارية طرح افلام ديزني بأسواقنا باللغة العربية
لكن هل فعلاً شوتنغ ستارز مثل ماوصلنا ماراح تطرح الافلام القديمة؟ وهل فعلاً بلوريهات ديزني راح تكون مستبعده؟ وشنو العناوين اللي راح تنتظرنا خلال الفترة القادمة؟ كل هالاسئلة عرفت اجوبتها الامس من مصدر موثوق بالشركة وطبعاً حبيت اشارككم فيها عشان اعرف انطباعكم ..
(1)
مصير أفلام ديزني القديمة .. مثل سنووايت وبينوكيو
الكلام اللي سمعناه قبل شهرين مش صحيح .. الحمدلله ان شوتنغ ستارز راح تستمر بطرح افلام ديزني القديمة .. لكن للاسف راح تكون فقط على ديفيدي .. اما البلوراي فتم إلغاء طرح اي فيلم قديم على هالصيغة .. وطبعاً الحمدلله شي احسن من ولا شي بالنهاية .. لكن بعد شي يزعل .. خصوصاً بعد ماصرنا اليوم بعصر الجودة الخارقه وبدا العالم يتطور ويوصل للفور كي ..
ولما سألتهم عن السبب قالوا لان بلوريهات ديزني القديمة مبيعاتها ضعيفه ..
وعناوين الافلام اللي راح تنزل هي نفسها اللي سبق ونزلت من فيفا وروتانا قبل .. سنووايت وبينوكيو وحورية البحر والأسد الملك وفروزن وبريف والكثير غيرهم .. الشي الوحيد اللي لاحظته ومادري اذا سبق ونزل عندنا ولا لا هو علاء الدين وملك اللصوص .. اللي اعرفه ان فيفا نزلت ديفيدي علاء الدين الجزء الاول وكان بدون دبلجة .. فمادري اذا شوتنغ ستارز راح تنزلهم هالمره بدسكات عربية او نفس القديمين ..
(2)
شنو مصير فيلم زوتروبوليس؟ معقولة راحت عليه؟
للاسف زوتروبوليس انحسب ضمن لستت الافلام القديمة السابقة .. وراح ينزل فقط على ديفيدي .. يعني اللي مالحق واشترا نسخة البلوراي اللي نزلته فيفا قبل اربع شهور راحت عليه عشرة صفر .. هالفيلم يعتبر اغرب فيلم نزل بالسوق .. البلوراي ماله اختفى وتحول لإصدار نادر بنفس سنة طرح الفيلم بالسينما .. يعني جديد ما يمديه!!
(3) موعد إنطلاق توزيع شوتنغ ستارز
إنطلاقتهم الاولى مع ديزني راح تكون بعد ايام قليلة جداً .. في 9 نوفمبر 2016 .. خلوا عينكم على المحلات .. او اذا تأخروا المحلات بإمكانا نشتري من هالمواقع بنفس اليوم:
ماشاءالله جداً استمتعت وانا اقرا أخبارك ومفاجآتك الحلوة يا ناصر
يعني صج الحمدلله أن هالموزع الجديد موجود مادري شنو كنا بنسوي بدونهم !
الشي الحلو أنهم راح يستمرون في طرح الأفلام القديمة والسلبي أن بيكونون على ديفيدي بس ، مثل ماقلت
ماكان فيه مجال تناقشهم؟ وتقول لهم أن للحين فيه ناس يدورون البلوراي ومستعدين يسوون أي شي عشان يحصلونهم!؟ امممم ياريت لو تكون بالطلب عشان مايخسرون وايد على النسخ ..
لكن هالخبر ليش عجبني ؟ الحين أي واحد ماحصل على كتاب الأدغال الأنيميشن نفسي ، وأخيراً راح يقدر يحصله مع الموزع الجديد! أخيييراً والله والشي اللي أتمناه يصير أنهم ينزلون الأنيميشنات اللي نزلت عندنا بدون دبلجة يرجعون ويضيفون لها الدبلجة العربية مثل: حياة حشرة/ حياة كرونك الجديدة/ علاء الدين وملك اللصوص/ مزرعة في خطر وغيرهم ..,.. وبعد أتمنى أن قيادة الأسد الحارس يكون مدبلج ..
بالنسبة للآيتونز أنا أحاول قد ما أقدر أعطيهم تعليقات سلبية ^^ ونجمة وحدة لو فيه 0 كان حطيت ههههه وابشر إن شاء الله الكل نبي همتكم يعني للحين فيه فرصة إن شاء الله لفيلم موانا أو على الأقل يكون 20% نفس دوري
وطبعاً دوري باخذ نسخة الآيتونز وكل صيغ الأقراص إذا نزل أن شاء الله .. ما تتخيلون شكثر متحمس للدبلجة
--------------------
المشاركات: 63 | من: Qatar | تاريخ التسجيل: أغسطس 2016
|
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
حرام والله ما ينزلون الافلام الجديمة ع بلوراي ع الاقل لو ينزلون كميات قليلة انا متأكد انهم بينباعون كان ودي اكمل كل افلام بيكسار كلها ع بلوراي وناقصني كم فلم وكنت اتريا ع اساس انهم بيرجعون وينزلونهم مرة ثانية يلا . . الحمدلله ع كل حال
---------------------------
العيون كلها ع فيلم دوري بما ان اللوجو معرب ورسمي من ديزني اكيد بتتكرر حركة ديزني مع فلم الديناصور اللطيف ظهور اللوجو العربي بداية الفيلم، والله اتمنى هالشي هذا من غير الحوارات المصرية + الكاست القديم بإستثناء عبلة كامل مافي شي يمنع هالفيلم بالذات انه يكون افضل فيلم من ديزني من بعد قرار الفصحى
---------------------------
على طاري الفصحى ومراجعات الايتونز كتبت قبل شوي مراجعتي بالانجلش وبالعربي بس استغرب ليش الستور الاماراتي مراجعاته لافلام ديزني الفصحى عالية ويطلعون هالناس اللي يبون الفصحى ويخربون الدنيا . . اف منهم يبالهم ضرب
---------------------------
والف الف الف شكر ناصر والله اسعدتني واسعدتنا كلنا بدون استثناء تسلم يالغالي وعسى الله يسعدك ويفرحك يارب ان شاء الله تكون هالشركة باب خير علينا
---------------------------
عامر توقيعك خطيييييييييييييييييييييييييييييييييييير
[ أكتوبر 28, 2016, 02:28 PM: تم تحرير المشاركه من قبل: ديزناوي ]
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
هالتوقيع شغل محمد انيس الله يعطيه العافية اتعب وانا اقول هالبني ادم موهوب
.........
ناصر
احس لازم نسوي حملة او اعلان لدعم الاصدارات الجديدة لتحقيق مبيعات حلوة .. ونحاول نذكر نقطات بيع الافلام بكل بلد عشان يكون الناس عندها علم وهالكلام كله ممكن يكون ببوست بسيط عالانستا والفيس
[ أكتوبر 28, 2016, 03:07 PM: تم تحرير المشاركه من قبل: A M I R ]
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
ماشاءالله غبت ساعتين ولا احصل الصفحة مليانه وكل اللي احبهم رادين
رد مقتبس:المرسل الأصلي هو O M A R:
و ماعليك ان شاء الله الكل يتحمس و يكتب فالآيتيونز
هذا اللي اتمناه والله يا عمر
لو ماشدينا حيلنا بمراجعات دوري بالذات معناته كل تعبنا خلال الشهور اللي فاتت راح : (
رد مقتبس:المرسل الأصلي هو DisneyQa:
ماكان فيه مجال تناقشهم؟ وتقول لهم أن للحين فيه ناس يدورون البلوراي ومستعدين يسوون أي شي عشان يحصلونهم!؟ امممم ياريت لو تكون بالطلب عشان مايخسرون وايد على النسخ ..
بلا جمعة .. قلت لهم ان السبب الرئيسي اللي يخلي الناس ماتشتري بلوريهات ديزني هي ان اغلبها كانت تنزل بدون دبلجة عربية .. يعني اصدار نازل الشرق الاوسط وفيه لغات اشكال والوان .. الا العربي!! .. طيب كيف راح يشترونه الناس؟ .. فقالوا هذا من ديزني احنا مالنا شغل بمحتويات الدسك ..
رد مقتبس:المرسل الأصلي هو DisneyQa:
لكن هالخبر ليش عجبني ؟ الحين أي واحد ماحصل على كتاب الأدغال الأنيميشن نفسي ، وأخيراً راح يقدر يحصله مع الموزع الجديد! أخيييراً والله
مابي احطمك بس النسخة اللي راح ينزلوها من كتاب الادغال هي نفسها نسخة 2014 الماسية اللي نزلت بدون دبلجة ..
رد مقتبس:المرسل الأصلي هو DisneyQa:
بالنسبة للآيتونز أنا أحاول قد ما أقدر أعطيهم تعليقات سلبية ^^ ونجمة وحدة لو فيه 0 كان حطيت ههههه وابشر إن شاء الله الكل نبي همتكم يعني للحين فيه فرصة إن شاء الله لفيلم موانا أو على الأقل يكون 20% نفس دوري
كفووو زين تسوي
رد مقتبس:المرسل الأصلي هو A H M A D: توني أمس أسولف مع حمدان عالواتس أقول له شنو مصير دوري وكابتن أمريكا وكتاب الأدغاب مالنا غير نطلبهم من برا
فديتك والله يا احمد
عاد الوحيد فيهم اللي اشتريته من برا كان كابتن امريكا .. خذت نسخة الستيل بوك .. بس اكتشفت ان دسك الثري دي مو مترجم .. فشكلي راح اخذ نسختنا .. بس الله يعينا هالشهر شكلنا راح نفلس كل هالافلام نازله دفعه وحده
رد مقتبس:المرسل الأصلي هو A M I R:
يالله !!!!!
تقريبا كنت متوقع هالخبر لكن هالمرة رجعلي امل وبقووووووووة حسيت بشعور نفس ايام اول مدري شلون اوصفه بالضبط المهمممممم انا فرحااااااااان قد شعر راسي
ان شاء الله دوووم فرحان
رد مقتبس:المرسل الأصلي هو A M I R:
احس لازم نسوي حملة او اعلان لدعم الاصدارات الجديدة لتحقيق مبيعات حلوة .. ونحاول نذكر نقطات بيع الافلام بكل بلد عشان يكون الناس عندها علم وهالكلام كله ممكن يكون ببوست بسيط عالانستا والفيس
فكره روعه وراح تساعد ناس وايد
اللي لاحظته بالانستا ان اغلب الناس حابه تجيب افلام ديزني على نسخ اصلية .. لكن مش عارفين وين يروحون ..
محلات الفيديو خلاص انقرضت .. مو نفس قبل
اذا بتساعدوني بهالمهمة وكل واحد راح يجيب لي اسامي واماكن المحلات اللي بمنطقته راح احط هالبوست
بنكون عملنا خدمة كبيره للناس قبل ديزني
رد مقتبس:المرسل الأصلي هو ديزناوي:
حرام والله ما ينزلون الافلام الجديمة ع بلوراي ع الاقل لو ينزلون كميات قليلة انا متأكد انهم بينباعون كان ودي اكمل كل افلام بيكسار كلها ع بلوراي وناقصني كم فلم وكنت اتريا ع اساس انهم بيرجعون وينزلونهم مرة ثانية
غريبه محمد بيكسار الاستديو الوحيد اللي كل افلامه نزلت بالعربي على بلوراي .. ومازالت بعض هالاصدارات موجودة بكثرة بالمحلات
عطني اسامي الافلام اللي ناقصتك يمكن احصلهم لك عندنا
رد مقتبس:المرسل الأصلي هو ديزناوي:
على طاري الفصحى ومراجعات الايتونز كتبت قبل شوي مراجعتي بالانجلش وبالعربي بس استغرب ليش الستور الاماراتي مراجعاته لافلام ديزني الفصحى عالية ويطلعون هالناس اللي يبون الفصحى ويخربون الدنيا . . اف منهم يبالهم ضرب
بالضبـــــط
مراجعات الستور الاماراتي صارت تخوف من ايام زوتروبوليس!!
كنت انقهر لما ادخل واشوف مقابل كل مراجعه تنزل مع المصري .. مراجعه ثانيه تقابلها مع الفصحى
مادري من وين طلعوا لنا فجأة هالمناحيس!!
عشان جذي ضروري الفانز الاماراتي بالذات يشد حيله هالمره مع دوري
خصوصاً وانه يعتبر اهم ستور مع السعودي والمصري
رد مقتبس:المرسل الأصلي هو ديزناوي:
والف الف الف شكر ناصر والله اسعدتني واسعدتنا كلنا بدون استثناء تسلم يالغالي وعسى الله يسعدك ويفرحك يارب ان شاء الله تكون هالشركة باب خير علينا
حبيبي والله انتو اللي اسعدتوني بردودكم
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
مرسله في
هيه هاذي الأخبار اللي تفتح النفس والله تسلم نااصر ماتقصر يعلني أفدااك فرحتني وفرحتنا كلنا بهالأخبار السنعة عاد مافي غير إن نتريا ونشوف اللي بيصير وااايد متأمل خير بالشركة اليديدة وإن شاء الله شغلهم يكون عدل ويستاهل ، وبخصوص دوري أتمنى الكل يشد حيله فالردود بالآيتونز لإن حرام شغل ربعنا فالحملة يضيع عالفاضي ويروح هباءً منثوراً ، أنا عن نفسي بشد حيلي وبكتب أكثر من رد لإني فعلاً مقصر واايد بهالخصوص ، وربي بينصرنا إن شاء الله ونرجع اللهجة المصرية ١٠٠ ٪