مبروك علينا عودة الدليل وان شاء الله الرجعة تكون اقوى من اول وبدايتها مع علاء الدين و ان شاء الله الجاي يكون افضل و افضل و بيكون لي مشاركات ودور كبير باذن الله وحاااب اشكرك ناااصر و وعد مني بتشوف اشياء تبيض الويه
زو تروبوليس من يوم اللي اعلنوا عنه وانا مو حاب فكرته لاني اوريدي ماحب افلام الحيوانات بس لما نزل الاعلان الاول حبيت العبط اللي فيه من الحيوان الكسول
ومع الاعلان الثاني حسيت كاني اشوف شووي من اعلان فيلم دريم ووركس وبالعكس ناصر احس الاغنية لطيفة بس مقدر احكم الا لما اسمع النسخة الكاملة
..........
وبما انك قلت ان الديناصور اللطيف مر مرور الكرام ... هالفيلم بالذات متحمسله اكثر من انسايد اوت (( ماشفت الاثنين للان )) تقريبا من وقت الاعلان عنهم وفيه شي غريب اغلب اللي اعرفهم وشافوه كانت ردة فعلهم باعجابهم بالفيلم اقوى من انسايد اوت اللي حطم شباك التذاكر بارقامه وقدر ياخذ مكانة قوية بين افلام بيكسار و اولهم احمد !! وللامانة نجاح انسايد اوت مش واصلني مدري ليش
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
مرسله في
ألف مبروك الدليل الجديد إن شاء الله يكون عامر بالأخبار الحلوة
ما حبيت ينفتح دليل جديد بدون ما يكون لي فيه مشاركة ولو بتبريكة متواضعة. فألف مبروك لكم، و أخص أخوي و صديقي العزيز علي جداً جداً ناصر على جهوده الرائعة، صار الدليل عبارة عن موسوعة ضخمة للإصدارات العربية. ألف شكر لك على كل اللي تسويه عشان يطلع الدليل بهالصورة. و الشكر موصول لكل من شارك، و كل من بيشارك و يساهم بأبسط شي ممكن يقدمه للدليل.
تحياتي و إمتناني، و عام جديد سعيد على الكل.
[ يناير 02, 2016, 09:21 AM: تم تحرير المشاركه من قبل: [ L.O.V.E.R ] ]
--------------------
.
.
المشاركات: 5990 | من: Saudi Arabia | تاريخ التسجيل: أغسطس 2007
|
مرسله في
الحمد لله!!! والله وحشت لدا الدليل، متشرف جدا.
+
المهم، الموضوع اللي كنت أستنى نشروا لكم:
كلنا طفشنا من تفاحة ديزني المسمومة اللي اسمها الجزيرة للأطفال (صاحبة قناة "تلفزيون ج" وبراعم) ومن طريقة بثها لأفلام ديزني ومسلسلاتها كمان،
وأخاف انها تبث مواسم جديدة من مسلسلات ديزني زي صوفيا الأولى قبل قناة ديزني العربية، كدا بتشكل كارثة،
بالله عليكم مين يرضى للتحريفات والتقطيعات تصير لأي من أعمالوا الفخرية؟! سواءً كانت أفلام أو مسلسلات؟! دا عار على ديزني وعلى كل الفن! بس ديزني ما تبغى تعترف أبـداً !!!
عشان كدا لازم نقاطع العقد بين ديزني والجزيرة للأطفال
أيه رايكم لو نسوي عريضة نطالب لديزني (بأدب طبعاً ) تلغي العقد بينها وبين الجزيرة للأطفال، زي ما سوَّى الديزناوي (السوبر معجب بديزني) ناصر الكواري عريضة تطالب بإرجاع اللهجة المصرية، حالياً عندي أختبارات وما أقدر أسويها بس أن شاء الله لما أخلص أنا بعملها، بس اذا عملتوها قبلي، أنا بكون مشكور مرة.
مرسله في
كل سنة وانتم طيبين ويارب السنة دي تبقى سنة سعيدة علينا كلنا انا مش مصدق نفسي واخيرا علاء الدين نزل بالعربي ياااااااااااه انا بقالي سنين طويلة وانا بدور عليه وماكنتش لاقيه وشوفته على ديزني مرة وعلى MBC3 مرة تانية وكل مرة كانوا مقطعين مشاهد ومرة تالتة شوفته على ج وحسيت بالقرف تقطيع وتحريف وحاجة تشل انما النهاردة انا فعلا فرحت صحيح اني انا بصراحة مش بحب ال iTunes لكن احسن من انزله من على النت او اشوفه متقطع ودي بشرى حلوة لسنة الجديدة عقبال ماديزني تنزله في اصدراتها المنزلية بأذن الله وفي انتظار الديناصور اللطيف
[ يناير 02, 2016, 10:28 AM: تم تحرير المشاركه من قبل: Mohab Nawras ]
الليلــة عيد وكرنفـال . . . افــراح ولا في الخيــال
كل عام وانتم بخير . . . وعساها تكون سنة خير علينا أجمعين اطول مدة مرت علي من دون الدليل . . الدليل صار ضمن حياتي الروتينية لازم ادخل واقرآ المشاركات بشكل يومي ولو اني ما اشارك وايد
احلى خبر في بداية السنة واخيراً علاء الدين نزل بشكل رسمي هذا وانا ادخل الايتونز بشكل اسبوعي ولا ادري انه نازل هذي هي نعمة الدليل
زوتروبوليس !! مب مقتنع بهذا الاسم بصراحة مع اني مب متحمس لفلم زوتوبيا للحين الا اني ما اظن انه يمر مرور الكرام . . . ديزني كثفت اعلاناته بشكل كبير بس مستحيل يصمد امام موانا
[ يناير 02, 2016, 10:41 AM: تم تحرير المشاركه من قبل: ديزناوي ]
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|