ليش هالخربطة الحين..؟؟ جان كملوا السيزن الاول ع الاقل بالنسخة الاولى وبعدين دام اولريدي ديزني اعتمدت النسخة الاولى المفروض ما تغير وتعتمد نسخة غيرها حتى لو كانت النسخة الثانية احلى وافخم بس بصراحة نسخة الدكتورة جيهان فخمة ومرات اسمعها من وقت لوقت الكورال عجيب واداء رنا ممتاز اما نسخة اسامة الرحباني صج تعبانه . . الـ "عرب" ع قولة ناصر خرب وشوه الاغنية ولا كأنها اغنية لاتينية . . الكورال ميت ولا له صوت اصلاً صوت هبة حلو وقوي وانا متأكد لو اشتغلت مع جيهان بتطلع النتيجة ولا اروع
بصراحة كلمة حق تنقال ومب مجاملة . . ديزني بدون الدكتورة جيهان . . ولاشي
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
فيلم دوري المفروض ينزل بيوم 16 يعني بكره الاربعاء ..
وعطوه كم يوم تأخير زيادة عشان لاتتحطمون لول
رد مقتبس:المرسل الأصلي هو HolyAngemon: لبنان فيها مواهب تجنن بس دايما التنفيذ فقير ومافيه خبرة و احترافية
متخيل شلون بتطلع النتيجة لو المواهب اللبنانية راحت تسجل بمصر
طبعاً وسيم متخيل .. تتذكر اللبنانية رنين الشعار مالت سوبر ستار لما جابتها جيهان الناصر لفيلم بولت؟ النتيجة كانت احلى حتى من الانجليزي .. مصر بالفن محد يتفوق عليها .. عندهم اسرار صناعة خلق النجوم والقدره على توجيه اي فنان من اي بلد وتوصيله بأحلى شكل للجمهور .. هالكلام من عمر الدنيا .. من ايام صباح لحد اليسا .. مواهب لبنانية قوية كانت راح تندفن لو ظلت لبنان .. ماتميزت الا لما راحت مصر واشتغلت هناك ..
هبه صوتها خارق وكلنا شفنا كيف ابهرت لجنة حكام ذا فويس الفرنسي .. لكن اخراج اسامه الرحباني وتنفيذه للاغنية بهالشكل السيء دمر كل شي وظلمها ..
رد مقتبس:المرسل الأصلي هو howtodeal: ياريت لو عطوها دور الينا.. بيكون شي رائع لأنه أغاني الينا محتاجة مطربة شاطره مثل هبة..
احس صعب على اي فنان معروف سفراته كثيره وعنده شغله الخاص مثل هبه انه يلتزم بتسجيل حلقات كثيرة وبفترات مو متقاربه ومسلسل راح يستمر سنوات .. هالمسلسلات تحتاج لفنانين دوبلاج متخصصين مفرغين نفسهم تفرغ تام لهالادوار ..
رد مقتبس:المرسل الأصلي هو DisneyQa: احس انهم ماسمعوا الاغنيه الانجليزيه مافيها هالتأليف في العرب رنا غنتها بشكل مميز واحلى حسافه انهم غيروها
بالضبط جمعه احس انهم عطوا اسامه الرحباني النسخة اللي سوتها جيهان وقالوله عيدها .. فحب انه يعمل اختلاف ويحط بصمته وتركها تسوي عرب براحتها .. كان الاولى انه يسمع النسخة الانجليزية وعلى اساسها يسجل ..
وصح رنا صوتها مو بقوة هبه لكن انا اشوف انها مناسبة اكثر للاغنية ..
رد مقتبس:المرسل الأصلي هو ديزناوي:
بصراحة كلمة حق تنقال ومب مجاملة . . ديزني بدون الدكتورة جيهان . . ولاشي
مو بس ديزني حتى مصرية ميديا بدون جيهان ولا شي .. والله ترى جيهان هي الكل بالكل .. محد فاهم اغاني ديزني وشلون تطلع بالعربي غيرها ..
اذا بنعتبر رتيبة الحفني اسطوره لانها اول مخرجه غنائية استلمت فيلم لديزني وتعاملت معاه "سنووايت" فجيهان ماتقل اهمية عنها ابداً .. لانها استلمت ديزني وبدت موضوع الاخراج الغنائي من الصفر بعد انقطاع 20 سنه عن تجربة رتيبة .. في الاسد الملك كانت هي المخرجة الحقيقية .. هي اللي تولت توجيه كل المطربين والمجاميع وشاركت معاهم بالكورال .. لكنها احتراماً منها لصديقها المخرج التركي اللي اشتغل معاها رفضت ان اسمها ينحط حتى كمخرج مساعد .. اعتبرت نفسها تقدم خدمة لصديق .. وجيهان تموت ولا انها تخذل انسان تعزه وتحترمه او انها تستغل ضعفه او جهله وتبرز هي على ظهره .. وهالكلام اقوله بعد ماعرفتها شخصياً .. عشان كذا بعد الاسد الملك ديزني اعتمدتها كمخرجة غنائية على طول بكل افلامها الجايه .. 101 مرقش وحكاية لعبة وفيلم بندق وبوكاهونتاس واحدب نوتردام وهرقل الخ ..
جيهان مو بس كانت مخرجه وخلاص كانت ايضاً خلاقه وتبتكر حلول مختلفه عشان تظهر افضل ماعند الفنانين .. كانت اول من يعتمد طريقة نسخة الجايد .. تسجل اغاني الفيلم كله بصوتها وتخليهم يغنون وراها .. هالانسانه داهيه اقسم بالله .. اليوم لما نقول عائشه سليم وياسر شعبان وعصام سيد وغيرهم مستحيل مانقول بينهم جيهان الناصر .. هالانسانه وحده من اهم مؤسسين نسخ ديزني العربية على الاطلاق ..
حتى بعد 20 سنه مازالت تفاجئنا .. فيلم فروزن "كأصوات عربية" ماكان راح يطلع بهالجمال لو ما جيهان هي اللي اختارت صوت إلسا وآنا وهانز .. اي فيلم غنائي قبل لايبدئون مرحلة الكاستنق فيه يطلبون من جيهان انها تختار مش من مخرج الحوار !! عشان كذا حرام ومو حلوه منهم يتعاملون مع نسختها بهالطريقه ويعتمدون نسخة الرحباني بس لان هبه شاركت فيها ..
وهبه عاد ديزني الام يحبونها وجايبينها من قبل كم شهر لالبوم منوعات فرنسي لاغاني ديزني ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
يعني فعلاً نزلوا في ١٦ نوفمبر آخ بس منظرهم أحمد حبيبي لو شريتهم ياليت تصورلنا النسخ من ورى نبا نشوف شعار شوتينغ ستارز من ورى وتسلم حبيبي عالبشارة الحلوة
انا خذته و الحمدلله الدبلجة هي نفسها الي فالايتونز بس لاحظت ان العبارات فالفلم مب معربة نفس الي فالايتونز ! يمكن لاني خذت النسخة العادية ما خذت نسخة الثري دي
اذا حد ماخذ نسخة الثري دي يفيدنا مستعد اخذها لعيون التعريب ملاحظة: الاضافات الي فالبلو راي حدها روعة مابي احرق عليكم
[ نوفمبر 16, 2016, 03:19 PM: تم تحرير المشاركه من قبل: O M A R ]
المشاركات: 41 | من: UAE | تاريخ التسجيل: أكتوبر 2016
|
انا خذته و الحمدلله الدبلجة هي نفسها الي فالايتونز بس لاحظت ان العبارات فالفلم مب معربة نفس الي فالايتونز ! يمكن لاني خذت النسخة العادية ما خذت نسخة الثري دي
شهالمصيبه اللي طلعت لنا بعد
يعني البلوراي نازل بدون تعريب للوجوهات ولا الكتابات؟
شهالعبط
يعني دام انكم عربتوا الفيلم بالكامل خلاص نزلوه بالبلوراي مثل مانزلتوه بالايتونز!!
+
سألت عمر عن طريقة وضع اسامي الممثلين بالنهاية
وقالي نفس طريقة الايتونز!!
مش مجرد لوحات سودا بالنهاية .. لا .. حاطين اسامي الممثلين بالتتر نفسه اثناء الاغنية
يعني مستخدمين نفس الفايل اللي صمموه بيكسار في تتر النهاية!!
يعني مافي سبب لغياب باقي الفايلات اللي صمموها وعربوها
+
احتمال نسخة الثري دي تكون مختلفة .. صارت قبل اتوقع مع شركة المرعبين
اللي عنده هالدسك يتاكد لنا بليز
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
محد اخذ منكم نسخة الديفيدي؟ لأن أنا للأسف ما أقدر اشتري البلوراي وخصوصًا إن ما عندي جهاز أشغل فيه أقراص البلوراي من جدي أبغي أعرف أي شي عن نسخة الديفيدي
--------------------
المشاركات: 182 | من: البحرين | تاريخ التسجيل: يناير 2015
|