مرسله في
السلام حبيت اشارك معاكم بما اني هالايام رديت على القراءة من بعد فترة طويلة وانا مثلكم كنت مدمنة روايات اجاثا كريستي بس هالايام اقرا روايات للمؤلف الكويتي المبدع عبدالوهاب السيد وايد أسلوبه الصراحة يشد الواحد من الرويات الي قريتهم : - في الجانب المظلم - زيارات ليلية - رسائل الخوف والحين أقرا حكايات من العالم الأخر وهي عبارة عن 25 قصة وانصحكم تقرون له وايد حلو أسلوبه
وبعد عندي قصص لمؤلفين غير بس للحين ما قريتهم
--------------------
المشاركات: 2876 | من: البحريــن | تاريخ التسجيل: نوفمبر 2007
|
مرسله في
^ خليفة كلهم حلوين ما ادري أقرا في الجانب المظلم عجبتني ترى في بعد روايات ثانية ما اشتريناها بس هو على ما أعتقد مؤلفاته ما تنباع إلا في الكويت احنا زين حصلنا كتبه في معرض الكتاب إذا عندك أحد في الكويت قوله يشتري لك
--------------------
المشاركات: 2876 | من: البحريــن | تاريخ التسجيل: نوفمبر 2007
|
رد مقتبس:المرسل الأصلي هو Dreamy Girl: السلام حبيت اشارك معاكم بما اني هالايام رديت على القراءة من بعد فترة طويلة وانا مثلكم كنت مدمنة روايات اجاثا كريستي بس هالايام اقرا روايات للمؤلف الكويتي المبدع عبدالوهاب السيد وايد أسلوبه الصراحة يشد الواحد من الرويات الي قريتهم : - في الجانب المظلم - زيارات ليلية - رسائل الخوف والحين أقرا حكايات من العالم الأخر وهي عبارة عن 25 قصة وانصحكم تقرون له وايد حلو أسلوبه
وبعد عندي قصص لمؤلفين غير بس للحين ما قريتهم
وعليكم السلام أهلا وسهلا دريمي جيرل
آنا اعرف وحده حيل تتكلم عن عبد الوهاب السيد وكله تقرا له
لا تختفين مثل باربي بين فتره وفتره طلي علينا بهالموضوع وشاركينا باي شي تقرينه
-------------------- ================================= فديت كل ذرة من ترابج ياكويت أحبج يابلادي المشاركات: 1311 | من: Kuwait | تاريخ التسجيل: أكتوبر 2003
|
Hiii i know i haven't posted anything here in months even though every once in a while i read all the reviews i've missed
i've read A LOT of books (about the only thing i do lately ) but i feel like whats the point of me writing if its going 2b 1 post every few weeks or so,,
Paparazzi لا تخاف,, في كائن حي قاعد يقرى إللي قاعد تكتبه
[ مايو 09, 2010, 01:50 AM: تم تحرير المشاركه من قبل: -BrOken DreamS- ]
المشاركات: 777 | تاريخ التسجيل: أغسطس 2004
|
كل ما أبي أكتب رد إييني أحباط ... قرّاء السالمية ينامون ينامون ... و يصحون مرة بالشهر (وبالحظ بعد)...
Dreamy Girl
حياج الله معانا ... و إنشالله ما تصيبج عدوى الأختفاء إللي منتشرة مع الأعضاء إللي يدشون الموضوع ...
بالنسبة لعبدالوهاب السيّد ... قريت له جزء من أول كتاب له "الأبعاد المجهولة" ... و قصه قصيرة من مجموعته "17" على ما افتكر ...
رايي عنه ... جد مو حاب أحبط أحد ... بسالكاتب هذا بالذات أحس شهرته و خصوصا عندنا بالكويت بين القرّاء الشباب صايره موضه ...
بس ممكن أشفع له ... لأنه يكتب عن شي مختلف "الرعب و الخيال العلمي" ... بس للأسف أهو وااااايد متأثر و بشكل مو طبيعي بكتابات الكاتب د. احمد خالد توفيق ...
و اهو في أحد اللقاءات ذاكر هالشي ... و أنا كوني عاشق لأحمد خالد توفيق ... أبدا ما قدرت اتقبل اسلوب عبدالوهاب السيد ...
+ إنه فيه وايد أفكار بكتبه مكررهم من سلسلة "ما وراء الطبيعه" ... و همن من أفلام رعب أمريكية مشهورة ... !!
يقولون إنه كتبه الاخيره تحسن مستواها ادبيا ... بس صراحة ... أبدا مو قادر أقتنع فيه ... !!
يا ريت ما تاخذين رايي على محمل شخصي ... بس جد من زمان كنت حاب أقول رايي بهالكاتب الذات ... لانه كتبه مو وايد مشهورة عربيا ... اللهم الكويت ...
و يا ريت نشوفج أكثر بالموضوع ...
randomly
رد مقتبس: ماشاء الله عليك. أنا راس مالي كتابين الرحيق المختوم و11 دقيقة خذوا مني وقت حتى وهم داخلين مزاجي
أنا بعد أحط في بالي عالأقل أخلص فصل وإذا كتاب كل فصل فيه 4 صفحات أخلص 20 أو 30 صفحة
شلون طريقة القرايه عندك ... يعني معقوله هالكتابين بس أهم إللي قريتهم بالعربي ... ؟؟؟
و لا تاخذ فكرة ... أنا كسول بالقرايه و بطيء بشكل ... بس مستحيل أقطعها ... !!!
يعني لا يغرك ...
رد مقتبس: لوول لاتحبط معنوياتي .... أنا خذت كتاب أورهان لأنه فايز بالنوبل وحبيت الغلاف (ردينا على طير يالي)
-
عطني ترجمة مئة عام من العزلة بالعنجريزي عشان أدور عليه بالغوغل, يمكن أتذكره من صورة الغلاف
أنا حالتي مع الكتب إللي رابحة جوائز نوبل مثل ما قلت لك ... أحط إيدي على قلبي ...
لأنه لما أسوي سيرج على الريفيوز عليها بالنت ... تلقى آراء ... شي يوصلها سابع سما ... و شي يشدخ فيها بالقاع ...
و هذا إللي صار معاي ب"مئة عام من العزلة" ... او "One Hundered Years of Solitude"... الكتاب مشهور بأكثر من غلاف ... بس أكيد مار عليك ...
بس جد لي ألحين عندي آراء متضاربه عليه ...
حتى باربي مرة قالت بتقراه ... مدحت لها إياه بنفس الوقت قلت لها ... أقريه و مزاجج رايء ... لأنه الكتاب طويل
و بنفس الوقت قصته معقده ... و ملخبطة على بعض ... + الشخصيات بالكيلو فيه ... و كل واحد أسمه مثل الثاني ...
أنصحك إذا بتقراه أشتر النسخة غللي فيها مخطط العايلة و منو يصير حق منو ...
رد مقتبس: بالأفلام, المسلسلات وهم الكتب .... شو بيصير إذا عطيت وقتي لشغلة وطلع مش لين ذاك الزود ؟؟
يعني ضيعت وقتي على شي فاضي وكنت أقدر أستثمره بشي أفضل
فبالتالي نتج عني هوس بالإختيار وإنه لازم يكون مناسب وأدور على محتوى يبطل عيوني على شغلات أجهلها
وعادة الكتب المشهورة يكون محتواها ترفيهي مثل سلسلة تويلت وغاري بطر وغيره
تقريبا أنا عندي مثل وجهه نظرك ... بس المشلكة ...
إنه مو كل شي شعبي أو ماخذ جوائز ... يكون عليه القيمه ... و بنفس الوقت مو كل شي محد يدري عنه ... عليه القيمه ... !!!
إهني أنت تضيع ... يمكن شوي الكتب واضحه الرؤية أكثر من المسلسلات و الأفلام ...
لأنه الناس جمهور الكتب يختلف عن جمهور الأفلام و غيرها ... كعدد و طريقة التفكير ... أظن ... (إلى حد ما) ...
بس مع هذا أقول لك ... إني ساعات أشتهي كتب خفيفه ما فيها عقد وايد ... و بسيطة ... من جذي اتجه لكتب الأطفال الخياليه ...
بالنسبة لتوايلايت ... مع احترامي لكل المعجبين ... عار على الكتب ... حرام فيه الحبر و الورق ... !!!
أنا ما عندي مشاكل يكون الكتاب عنده شعبيه ... بس على الأقل يحترم عقول الناس ... و عقول إللي ناويه تقرى ... !!!
بغض النظر إنه موجهه حق فئه المراهقين و الهرمونات ... و الرومانس ... بس أكييد أكييد ككواليتي أدبي ... صفر ... !!
من جهه ثانية ... "غاري بطر" على قولتك <<< ساعتين إلين ما استوعبت الأسم عبالي قاط بدليه ... لووول ...
هاري بوتر حاله ثانية ... أول شي الشعبيه مالته حلوة و مو حلوة ... أيام الكتب لما ننطرها واحد ورى الثاني ... و التحليلات و النظريات ... كان شي مو طبيعي ...
الافلام ... الله يلعنهم ... جد خربت الصورة مالته ... حتى فيه ناس كانوا حابين الفكرة بس من الصبغة التجارية إللي سوتها الأفلام تغيّرت نظرتهم ...!!
و تعليقا على سالفه إنه ترفيهي .. ماهي القرايه بنسبة كبيرة تعتبر ترفيه ... و هاري بوتر ماهو أستثناء
زياده على جذي هاري بوتر ... لما تقرى الكتب ادبيا ... و طريقة الحبكه فكل كتاب و شلون مرتبطة بالحبكة الأساسية للسلسلة ... الشخصيات و تطورها ...
حتى ذاك اليوم قاعد أسولف مع رفيجي عن هالشغله ... فيه وايد كتب طلعت بعد هاري بوتر تعتمد على نفس أنماط الشخصيات ... بغض النظر عن العالم السحر و تعاويذ
"البطل يكون محدود القدرات - شخصية رئيسية مساعده تكون ذكية و موسوعه متنقله - شخصية رئيسية مساعده تكون مضحكة و فكاهيه و الكوول"
و يمكن فيه ناس تقرى الكتب من الاول و تحس إنه بسيطة .. لانه الكتب من الأساس موجهه للأطفال ...
بس بعدين مع كل كتاب يديد ... تزيد جرعه التdarkness و التعقيد بالحبكة ... حتى على مستوى الشخصيات ... أول كتابين أطفال ... و يكبرون تتغير تصرفاتهم ... كمراهقين ...
طريقة تفكيرهم ... حتى اهتماماتهم و اهدافهم ...
فإللي يقراها عمره 12 .. أو 13 ... غير عن إللي عمر مثلا24 أو 25 ... أو يمكن أكبر ...
بس أؤكد لك إنك إذا ما قريت الكتب ... توقع إنك ما راح تقرى شي ترفيهي و نقطة على السطر ... !!
^^^
رجعت قريت إللي كتبته و حسيت روحي متحيّز ... بس جد لا إراديا ... الكتب لهم عشرة معاي ... و لحد ألحين أرجع اقراهم ...
BrOken DreamS-
صباح الخيير ... وينك مختفي ؟؟؟
رد مقتبس: i've read A LOT of books (about the only thing i do lately ) but i feel like whats the point of me writing if its going 2b 1 post every few weeks or so,,
... بالضبط نفس حالتي ... فيا اخي تلحلح جود تشجعني أكتب ريفيوز مثل قبل ... ايام باربي هانم ...
1 post every few weeks or so ... نعمه ... و الله نعمه ...
بالله بانتظار الريفيوز ...
المشاركات: 516 | من: Kuwait / Scotland | تاريخ التسجيل: نوفمبر 2008
|
خلصت الرواية في يوم واحد تقريباً .. ذكرني بجوني حق هاري بوتر
احلى شي فالرواية انها بعيدة عن الرومانسية اللي اغلب قصص المراهقين عنها .. الرومانسية تعتبر جزء ثانوي من القصص و بشكل حلو و معقول .. و هالشي اللي افتقدته في توايلات
حماسك يزداد اكثر فاكثر مع مجريات الرواية .. عيبه انك احيانا تمل مع الوصف الزايد عن حد شوي .. يمكن لأني كنت وايد متحمس حق اللي بيصير
الحلو فالقصة طريقة ربط البطلة للاحداث الواقعة للذكرياتها و اهلها .. عن جد هالشي اللي كان يرسم الابتسامه في ويهي
كنت متخوف من شي واحد و هو triangle love اللي بدت تطلع من تحت الارض فاغلب الروايات .. بس اهني عجبني شوي لانه اختلف شوي . و الشكر كله للبطلة
ما اعتقد اني راح اكمل قراية الجزء الثاني .. لاني بديت اصدع و ما احب اقرا و انا لابس نظارة
عشق الروايات الخيالية .. مع انه الخيال مب عامل اساسي .. بس فظيع و في محله
ناقص الحينه شي واحد و هو انه كاتبة هاري بوتر تكتب لنا شي
ابا رواية يديدة بنفس المستوى و احسن
--------------------
المشاركات: 3426 | من: .ıllıllı. U.A.E .ıllıllı. | تاريخ التسجيل: أكتوبر 2005
|
Eleven Minutes - Paulo Coelho The Zahir - Paulo Coelho Winner Stands alone - Paulo Coelho The Alchemist - Paulo Coelho Beaufort - Ron Leshem veronica decides to die - Paulo Coelho The fifth Mountain - Paulo Coelho
now I am reading Warrior of the light - paulo coelho
PAULO COELHO the best writer ever
TO BE CONTINUED...............
[ أغسطس 23, 2010, 11:23 AM: تم تحرير المشاركه من قبل: OsSyNa Na ]