الموضوع مولع الصراحه .. ماشاءالله عليكم .. انا واحد من الحريصين على متابعة الموضوع اول بأول .. باربي وباباراتزي .. ردودكم متـعه .. تنين .. كان يقولي ماجد وعن ولعك بسلسلة هاري بوتر بس ماتصورت انك تحبها لهالدرجه .. رسكس .. من شفت كتاب اغلي بيتي وانا غاسل يدي منك هههه .. احس ماتدري وين الله قاطك
عالعموم بالنسبه لكتب الفانتازيا .. بالنسبه لي ماشفت ولا ارح اشوف سلسلة خيالية احلى من مذكرات عالم نارنيا .. هالعالم الآسر اللي داعب خيال العديد من الاجيال .. انا الحين وصلت للرواية القبل الاخيره .. وبحاول قد ماقدر اني أخفف من سرعة قرائتي عشان ماخلص السلسلة كلها واندم .. جد يا جماعه اللي ماقرا نارنيا .. ماظن ذاق طعم الخيال الحقيقي .. من فتره حطيت رايي بأول ثلاث كتب بأحد المنتديات وبارجع الحين احطه بهالموضوع ..
_______________________________________
من فتره طويله كنت ابحث عن نسخه معربه من سلسلة روايات سيد الخواتم ومذكرات عالم نارنيا .. لكن للاسف ماعثرت على اي ترجمه كامله لهم .. لين مارحت الفيرجن ولقيت بوكس كامل من 7 كتب لسلسلة رويات عالم نارنيا .. طبعا طرت من الفرح لاني اخيراً باستمتع بقراءة احد اشهر وانجح القصص الخيالية اللي طالما ألهمت اجيال كثيره .. وسلسلة نارنيا الوحيده اللي كانت تنافس بذاك الوقت سلسلة سيد الخواتم .. بالرغم من ان توجهها كان للاطفال اكثر .. لكن نارنيا طبعا تصلح لكل الاعمار والسلسله فازت بجوائز عالميه مهمه بمجال الكتابة مثل جائزة ميدالية كارنيغي اللي تمنح للتفوق والبراعه .. المثير بعالم نارنيا هو الاسقاطات والرموز الهامه اللي اسقطها المؤلف كليف ستابلس لويس على بعض الاحداث والشخصيات بشكل غير مباشر بالديانة المسيحية .. وكانوا عشاق الروايات دايماً يناقشون بعض هالرموز الخفية اللي ساهمت بشكل مباشر بنجاح هالسلسله .. حيث ان الأسد "أسلان" يرمز لفكرة ظهور المسيح وعودتة لحكم الأرض بعد مايعم الفساد والدمار والقتل .. وهالرأي سبب مشاكل كثيره للكاتب .. لانه فكرة ظهور المسيح غير موجوده عند المسيحين ..
رواية: "عالم نارنيا: إبن أخت الساحر" المؤلف: سي أس لويس
الامس بديت بقراءة اول كتاب من السلسلة وكانت بعنوان ( إبن اخت الساحر ) .. وخلصتها بنفس اليوم من كثر ماكانت روعه وتشد من اول صفحه لاخر صفحه .. تتكلم الروايه الاولى عن النشأه الاولى لعالم نارنيا الساحر من العدم واللاوجود وكيف ظهر هالعالم خطوه بخطوه .. يعني صدقوني مهما وصفت ماراح اقدر اعلق على الطريقه اللي وصف فيها الكاتب لظهور كل صغيره وكبيره بهالعالم بدءاً من ظهور الكواكب والنجوم مروراً بظهور النبات والشجر وتفجر الانهار والبحيرات ونهايةً بولادة الحيوانات اللي تسكن هالعالم .. وصف ساحر ومذهل بكل معنى الكلمه
وابطال الروايه الاولى لنارنيا هم طفلين ساكنين بنفس الحي .. بنت اسمها بولي وولد اسمه ديغوري .. بعد مايتعرفون على بعض يقررون انهم يستكشفون العلية الموجوده بالبيت القديم .. عشان يوصلون للبيت الفارغ المهجور الموجود على بعد مسافه قريبه منهم .. لكن تعم الصدمه على وجوهم لما يكتشفون انهم وصلوا لغرفة عمل اندرو .. عم الولد ديغوري .. فينتهز الفرصه ويمسكهم ويجري على البنت بولي إختبار غريب جعلها تختفي عن العالم .. ومن هاللحظه تبدأ سلسلة الاحداث الغريبه والعجيبه اللي بتقودنا لعالم نارنيا السحري ..
بداية مذهله لنارنيا وشخصيات ولا اروع .. حبيت شخصية الملكه الشريرة واحلى جزء لما انتقلت بالخطأ لبريطانيا وتجولت فيها بالعربة وسط ذهول الناس .. حبيت بعد مشهد الظهور المهيب لأسلان وفكرة اللحن الساحر اللي خلق نارنيا .. المشهد عباره عن صوره خياليه جميله .. اذا قبل كنت احب هالسلسله من خلال الفلمين اللي شفتهم فأنا الحين صرت اعشق هالسلسله اكثر واكثر .. ومتشوق وايد لقراءة الروايه الثانيه .. مع اني شايفها كفيلم .. بس حاس ان تجربة قرائتها بتكون اجمل وامتع ..
رواية: "عالم نارنيا: الأسد والساحرة وخزانة الملابس" المؤلف: سي أس لويس
ثاني رواية من سلسلة عالم نارنيا .. وافضلهم على الاطلاق بإجماع من النقاد والقراء .. هالروايه كانت الانطلاقه الفعليه لسلسلة روايات نارنيا .. ومن خلالها وضع المؤلف سي اس لويس قواعد وقوانين ومخلوقات هالعالم الفنتازي الساحر .. اللي ابتدعه المؤلف لنفسه عشان يهرب من قسوة عالمنا ويلجأ له ..
الروايه تتكلم عن اربع اطفال اخوه .. بنتين وولدين .. ينتقلون بطريق الصدفه لعالم نارنيا الساحر من خلال خزانة ملابس سحريه .. موجوده في القصر الريفي اللي تم ارسالهم له للحمايه من الغارات الجويه الخطره في لندن ايام الحرب العالمية الثانيه .. كانت نارنيا لحظة وصولهم واقعه تحت لعنة الشتاء الابدي من قبل الساحره الشريرة اللي ما أن علمت بوصول الاخوه الاربعه لأرض نارنيا حتى خافت على نفسها من ان تتحقق النبوءه القديمه .. اللي تقول بأنه راح يجي زمن راح يحكم عالم نارنيا ولدين من اولاد ادم وبنتين من بنات حواء .. وراح يعم الامن والسلام في نارنيا طول فترة حكمهم .. فتقرر الساحره انها تتخلص منهم بوضع خطه خبيثه تقتضي بضم احد الاخوان بصفها .. عشان تقتله بالنهايه !!
سي اس لويس طرح معاني فلسفية كبيره واسقاطات دينيه كثيره تخص الديانه المسيحيه مستحيل ان الاطفال الصغار يفهمونها .. لدرجة ان بعض المنظمات المسيحيه مازالت تحارب الروايه للان بسبب الاشارات العقائديه الواضحه اللي ضمنها الكاتب بأحداث الروايه .. حيث ان لويس جعل من الاسد اسلان إلاه مقدس في نارنيا .. و رمز بإشاره واضحه بالجزء الاخير من الروايه بأنه اسلان هو المسيح نفسه .. ( حرق للاحداث : الجزء المقصود متمثل بمشهد الذبح ومفهوم التضحيه .. لما اسلان ضحى بنفسه عشان يخلص شعبه من الألم والعذاب ) .. ماعتقد راح احب جزء من سلسلة نارنيا كثر ماحبيت هالجزء .. قصه ممتعه وخيالها جامح لابعد الحدود .. وفيها العديد من المفاهيم الانسانيه الجميله ..
رواية: "عالم نارنيا: الحصان وصبيه" المؤلف: سي أس لويس
عودة لاجمل سلسلة مغامرات خيالية قرأتها على الاطلاق واكثرها متعه وخيالاً .. سلسلة عالم نارنيا .. ارض ما وراء عامود الإنارة !!! .. تقع احداث الروايه هالمره في فترة حكم الاخوه الاربعة بيتر وسوزان وادموند ولوسي لعالم نارنيا .. الاخوه اللي رافقناهم في رواية الأسد والساحرة وخزانة الملابس ..
بطل القصة هالمره ولد فقير اسمه شاستا عثر عليه احد الصيادين وهو رضيع على متن سفينة مع رجل ميت .. ومن ذلك الوقت والصياد الفقير يعتني فيه .. كان شاستا ولد مطيع بالرغم من المعامله السيئه اللي كان يتلقاها من ابوه الصياد في بعض الاحيان .. وكان دايماً يحلم انه يغادر المكان اللي عايش فيه ويعرف شنو موجود ورى التلال عند المنطقة الشمالية .. بأحد الايام يزورهم رجل غريب من الجنوب واضح من شكله انه غني وكان اول مره يشوف شاستا انسان يشبهة .. وبعد ماقاموا بطرد شاستا عشان ينام بالحضيره كالمعتاد مع الحمار .. جلس شاستا يسترق السمع لهم .. ولا يتفاجأ بأنه الغريب كان يساوم الصياد عشان يشتريه منه !! .. وبالصدفه سمع شاستا قصة عثور الصياد علية لما كان رضيع بأحد السفن .. واكتشف ان الصياد مش ابوه .. وبعد مارجع للحضيره وجلس يواسي نفسة بصوت مسموع بشأن سيده الجديد وأنه احتمال يكون رجل طيب ومايقسوا عليه .. تفاجأ بصوت الحصان اللي يملكه هالرجل الغريب وهو يكلمه ويحذره من قسوة صاحبة !! .. ومن هاللحظه يقررون شاستا والحصان التمرد والهرب من المصير اللي ينتظرهم .. ومن هاللحظه تبدأ مغامرات الجزء الثالث
ارفع القبعه لسي اس لويس .. مستحيل هالانسان .. الرواية ابداع ومتعه مالها حدود ابداً .. قصه مكتوبه بعناية وسرد يعيشك بقلب الحدث .. شلون خلق هالعالم وحببني فيه لهالدرجه .. عطاني صوره كامله عن أهله وناسه وطبيعته الخلابة وقلاعه الضخمه .. المغامره هالمره ممتعه من قلب .. وذكرتني شوي بقصة سيدنا موسى لما القي بالبحر .. مستمتع جداً برحلتي لنارنيا .. وناطر بشوق رحلتي القادمه لهم ..
_______________________________________
من فتره بسيطه خلصت كتاب الامير كاسبيان ورحلة جوابة الفجر .. انشاءالله اول مايسعفني الوقت راح اكتب عنهم
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
انتهيت من فتره من قراءة الارض الطيبة للكاتبة بيرل باك .. روايه ساحره .. جميله .. ملحميه .. باختصار أحد اجمل الروايات الكلاسيكيه اللي قرأتها .. الصفحات تطير طيران انا اقراها .. كل ماقول راح اوقف القى نفسي انتقل للصفحه اللي بعدها .. عشت مع كل شخصيه وكأني قاعد معاهم واعرفهم .. احزن لحزنهم وافرح لفرحهم .. رواية ممتعه انكتبت بإسلوب ساحر وبسيط وكل حدث فيها يطلع منها القاريء بدرس مهم .. بيرل باك استحقت بكل جدارة الفوز بجائزة نوبل عن هالعمل الابداعي اللي قدمته بالارض الطيبه ..
تستعرض الرواية رحلة كفاح عائلة صينيه في بلاد الصين بالقرن الـ 18 .. وبطل الروايه هو فلاح فقير مايملك الا قطعة أرض وحده ورثها عن اجدادة .. يزرعها ويحصد منها عشان يعتاش منها هو وابوه المسن .. تبدأ احداث الروايه بيوم زواج الفلاح من احد الجاريات اللي تملكها أحد العوائل الغنيه .. تكبر عائلة الفلاح وينجب اولاد وبنات .. وكان يظن انه راح يعيش حياة هاديه خاليه من المفاجأت والمصاعب .. لولا الموسم الصعب اللي مر عليهم حيث جفت الارض وتوقفت الامطار عن النزول وصاروا الناس ياكلون لحم بعض عشان يبقون على قيد الحياه .. فيضطر الفلاح انه ياخذ اهله ويرحل فيهم للمدينة .. المكان الصاخب اللي ماعتادوا العيش فيه .. فتتقاذفهم الحياة بين يوم حلو وعشره مر .. لين مايبتسم لهم الحظ بيوم من الايام ..
الارض الطيبه رواية رائعه ومؤثره عن الصبر والكفاح .. رواية تصور لنا الحياه بكل معانيها .. كل صفحه عباره عن بساط سحري تاخذنا معاها للصين لاجوائها واساطيرها الساحره .. باعتقادي الروايه كلها تتلخص بالجمله التالية اللي قالها الفلاح لابنائه ( نحن من الارض جئنا وإليها يجب ان نعود .. إنكم إذا تشبثتم بأرضكم ضمنتم حياتكم ) ..
رواية: "ماذا لو كانت واقعية" المؤلف: مارك ليفي
من امتع الروايات اللي قريتها مؤخراً .. من كثر مانشديت لها خلصتها بيوم واحد .. احداثها متلاحقه وسريعه .. وحوارتها واقعيه وتلامس المشاعر .. والاهم ان فكرتها غريبه !!!
تخيل لو رجعت البيت بأحد الايام ولقيت امرأه غريبه قاعده بعقر دارك .. اول ماتبادر وتسألها من تكونين ؟ .. ترد عليك وتقولك انا شبح امرأه جسدها ممد بالمستشفى .. وداخلة في غيبوبة دائمة !! .. شنو بتكون ردت فعلك ؟ .. بتصدقها ولا بتروح لدكتور نفسي ؟!! .. هذا اللي تدور حوله احداث "ماذا لو كانت واقعية" .. فبعد مايكتشف بطل الرواية الشاب المهندس أرثر بأنه هو الوحيد اللي بإمكانه التواصل مع روح الشابه الجميله لورين عبر مشاهدتها ولمسها كأي انسانه عاديه .. يصبح على عاتقة انه ينقذها من قرار امها بوقف الاجهزه الطبية عنها بناءاً على طلب المستشفى بعد مافقدوا الامل بعودتها حية مره ثانيه !!
رواية ممتعه لدرجة مو طبيعيه .. وترى في لها جزء ثاني بس للحين ماقريته اسمه "وجدتك" .. يمكن لاني اكتفيت بنهاية هالجزء وأشوف ان النهايه اللي وصلت لها نهاية مثالية .. المهم الرواية ايضاً تحولت لفيلم سينمائي معروف اسمه "Just Like Heaven" بطولة ريز ويذرسبون .. ومع ان الفلم مقتبس من الرواية إلا انهم مغيرين اشياء كثيره .. مع الحفاظ على الخطوط الرئيسيه المهمه
كتاب: "على ضفاف بحيرة الهايد بارك" المؤلف: مرام عبدالرحمن مكاوي
غربة الدراسة صعبة ومايحس فيها الا اللي ذاق مرها .. لكن على الرغم من صعوبتها إلا انها تعلم الواحد خبرة حياتية مضاعفة الكل يحسده عليها ..
وهالكتاب اللي ينتمي لادب الرحلات من كتابة طالبة سعودية اسمها مرام .. تحكي لنا من خلاله عن تجربتها خلال عام واحد .. اثناء دراستها في بريطانيا للحصول على شهادة الماجستير .. الكتاب عبارة عن مجموعة اوراق من مذكرات هالطالبة .. تصف فيها شعورها من اول ماوطأت قدمها للاراضي البريطانية للاقامه فيها .. تاخذنا مرام برشاقة اسلوبها بغربتها بكل مافيها من لحظات مفرحه وحزينه .. في مكان ابعد مايكون عن ناسها واهلها اللي عاشت معاهم واعتمدت عليهم بكل حياتها ..
الكتاب يستعرض مشاعر المغتربين منذ لحظة وصولهم الى تأقلمهم مع ظروف البلد الغريبة اللي عايشين فيها .. ويجاوب ايضاً على حشرية الناس اللي ماخاضوا تجربة الغربة الدراسية
رواية: "فتاة البرتقال" المؤلف: جوستاين غاردر
سيمفونية حالمة تشابكت خيوطها وكونت احداث هالرواية .. هذا اكثر وصف مناسب اشوفه ينطبق على اجواء وفكرة فتاة البرتقال .. واللي كل صفحه منها تفوح بعبق ورائحة البرتقال ..
بعد 11 سنة يتفاجئ الشاب جورج بوصول رسالة من والده المتوفي .. رسالة وداع مؤثرة يخاطب فيها جورج ويقولة عن قصة اخفاها عن الجميع .. قصة حبة لفتاة البرتقال .. من خلال هالرسالة نرحل مع جورج للماضي اثناء ماكان ابوه طالب جديد في كلية الطب بأواخر السبعينات .. ونسترجع معاه احداث قصته العجيبة مع فتاة البرتقال .. والغرض من هالرساله هو سؤال واحد مهم راح يوجهه الاب لابنه جورج عند الانتهاء من قرائتها ..
على الرغم من بساطة الاحداث إلا ان الرواية جميله ومؤثره لابعد درجة .. تدعونا للتأمل بهالكون العجيب والاحساس بسحره .. وتفجر فينا الكثير من الافكار والاسئلة عن الموت والحياة .. وتفتح عيونا على جمال الفضاء واسرارة المثيرة ..
كتاب: "الأمير" المؤلف: ميكيافيلي
كتاب ميكيافيلي الشهير اللي توالت علية العديد من القرون ومازال من اكثر الكتب اثارة للجدل بسبب الافكار اللي ناقشها عن العلاقة بين الحاكم والمحكوم .. الكتاب يخاطب القاريء على اساس انه حاكم دولة .. ويقدم له النصائح اللي يشوفها ميكيافيلي بأنها صحيحه بحكم خبرته وتجربته عشان يوصل اي حاكم لهدفه ..
وايد ناس عارضوا افكار ميكيافيلي .. وظل الكتاب يحارب وتم تجاهله لفتره طويله نحو قرابة الثلاث قرون .. واحرق الكتاب ومنع من دخول دول كثيره .. لكن ما ان سلط الضوء علية من جديد بالقرن التاسع عشر حتى رجع للاضواء مره ثانيه .. وبدت افكار ميكيافيلي منطقية ومرحبه من قبل غالبية الانظمة بالعالم .. وحالياً ومن بداية القرن العشرين ليومنا هذا اغلب الافكار اللي تتعلق بالحاكم والمحكوم اذا مب كلها مستمده من كتاب ميكيافيلي ..
سواء كنت مع او ضد افكاره فيجب علينا احترام عقلية هالانسان لانه كان يشوف لبعيد .. على فكرة ميكيافيلي هو صاحب العبارة الشهيرة الغاية تبرر الوسيلة .. وهو صاحب فكرة ان الحاكم يجب علية انه يجعل العلاقه بينه وبين الناس علاقة خوف لا علاقة محبة ..
كتاب: "وراء كل ديكتاتور طفولة بائسة" المؤلف: مجدي كامل
ماهي الاسباب اللي تخلي اي انسان يتحول الى مصاص دماء ويتجرد من كل المعاني الانسانية ويتحول لشخصية تدميرية ؟ .. هذا اللي يحاول يجاوب عنه الكتاب عن طريق استعراض مشوار حياة عدد من الطغاه الدتكاتوريين اللي جروا المصائب والابتلائات لشعوبهم
يرجع فينا الكتاب لماضي هالشخصيات ويسلط الضوء على طفولتهم والبيئة اللي تربوا فيها عشان نعثر على مفتاح شخصيتهم .. فبعضهم كانوا ضحايا لاسر مفككه .. والبعض الاخر ضحايا نبذ المجتمع لهم .. والبعض الاخر ضحايا الفقر الشديد او التدليل المفرط .. فمثلاً يبين لنا الكتاب ان القائد النازي هتلر كان طفل يعشق الرسم وحاول كثير انه يصير رسام بالمستقبل لكن مالقى التشجيع اللي كان ينتظره .. وبين الكتاب ايضاً سبب كرهه الشديد لليهود وهو بسبب المعامله القاسية اللي كانت تتلقاها امه من التاجر اليهودي اللي كانت تشتغل خادمه في بيته .. كذلك وضح الكتاب طفولة جورج بوش وعقدته من الدائمه من ابوه وكرهه له .. وبين الكتاب ايضاً بعض الجوانب من طفولة صدام حسين البائسه بالقريه اللي ولد فيها وكيف انه كان انطوائي ووحيد وكان قلبه متعلق دايماً بأمه اللي كانت تعمل وتسترزق من مهنتها كعرافة !!
الكتاب يوضح لنا اهمية السنوات الاولى بعمر اي انسان .. لانها السبب في تشكيل هويته وشخصيته لما يكبر .. شخصيات كثيره لما قريت عن طفولتهم حزنت على الحال اللي وصلوا لها ..
كتاب: "المحاضره الاخيره" المؤلف: راندي بوتش
المحاضره الاخيره للدكتور الجامعي راندي بوتش صاحب المحاضره الشهيره اللي أثرت وألهمت قلوب الملايين حول العالم .. الكتاب جداً رائع ومؤثر .. يسرد فيه راندي بوتش ايامه الاخيره مع مرض السرطان والتجربه القاسيه اللي مر فيها بعد مابلغه الطبيب ان امامه فقط ست اشهر قبل مايفارق الحياه .. تملكني شعور مثير وانا اقراه لاني باقرا لشخص عارف انه بيموت لامحاله بعد وقت قصير .. تتخيلون اللي عارف انه بيموت راح ينطق بأمور مالها معنى ؟ ماظن .. وهذا اللي لمسته بكلمات راندي بوتش اللي حسيتها صادقه وطالعه من القلب .. راندي بهالكتاب اختصر مشوار حياته وقدمه بقالب مليء بالسعاده والامل لكل شخص يملك نعمة الحياه .. كانه يقول للقارئ بهالكتاب عيش يومك واستمتع بحياتك لاخر لحظه حتى وانت عارف متى بتموت .. كان يركز كثير على نقطة تحقيق الاحلام وكان يقول مافي شي مستحيل بهالحياه .. دام الانسان وصل القمر فأي حلم مهما بلغت صعوبه نقدر نحققه .. وضرب عدة امثله من حياته مثل حلمه وهو صغير العمل بشركة والت ديزني وركوب مركبة فضائيه والكثير غيرها .. شخصية راندي الرائعه ألهمتني كثير مثل ما ألهمت الملايين حول العالم
الكتاب مرفق معاه سي دي لمحاضرته الاخيره بجامعة كارنجي ميلون مع الترجمه العربيه .. محاضره مؤثره ورائعه راح تتمالكون نفسكم بصعوبه وانتو تشوفون هالانسان الواقف امامكم كيف يتكلم بسعاده ومرح وحيويه ويحكي لنا تجاربه والعبر والحكم اللي استفادها من حياته وهو عارف انه بيموت بعد ايام قليله .. للاسف راندي بوتش مات بعد فتره من طرح كتابه
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
أول شي ... ولكم باك ... و بعدين جد جد سوري إذ طحت في توايلايت وايد ...
so please don't take offence
بس جد كان ودي إني أقرا هالسلسلة ... خصوصا إني انا من الـHuge Fans حق هاري بوتر ...
فمريت فترة ما ادري شنو أقرا ... و توايلات كان alame disappointment
بسيظل الناس أذواق ... !! و انا مفكر أشوف الفلم ... يمكن يتغير رايي ... !!
رد مقتبس: انا كنت اقصد انه روايات هاري بوتر أفضل بمراحل من الافلام
أنا أوافق تماما ... جد جد جي كي رولينج من أكبر أغلاطها ... أنها فكرت تعطي الحقوق للكتب علشان ينعملون أفلام ...
كل فلم أخيس من الثاني بالمقارنه مع الكتب ...
و الفلم الأخير ... The Half-blood Prince
مع إنه مكسر شبابيك التذاكر العالمية ... س انا برايي انه اللم فشل فشل فشل ذريييع ...
و بعدين تدري انه قبل ما تاخذ Warner Bros. خقوق الفلم ... كانت الحقوق عند ديزني ...
و كان ستيفن سبيلبيرغ أهو إللي ناوي يسوي أول فلم ...
بس لسوء حظنا ... صار خلاف ... و فلوا الفكرة من أصلها ... !!
أنا هاري بوتر إدمااان ... إدماااان ... لي ألحن أعيد قراءه كتب منه ... و لي ألحين لما أسافر ...
لازم زاحد من كتب السلسلة معاي بجنطة اللابتوب ...
!!!!!
رد مقتبس: اما دافنشي كود .. شكلي بسمع كلام باربي .. احسه في الترجمة يتحفظون على بعض كلمات عشان القارئ العربي
انا عبالي انت ما تقرا انجلش ... مدامك تقرى انجلش ... زين على زين ...
ليش شريت الكتاب بالعربي أصلا ... !!
بس ارجع اقول لك .. أخوي قاري الكاب المترجم ... و حب الكتاب وايد ...
بمعنى الترجمه مش بطالة ... !!
رد مقتبس: بالنسبة لـ نارنيا فاعتقد اني ببدأ فيه .. بس ابا اسأل كل جزء له بطل صح .. ولا هم نفسهم في كل جزء .. كازبيان هو بطل ... و لا يتغيرون من جزء لجزء
خاصة اني من عشاق الافلام .. تتوقع اكره الافلام .. ولا العكس
واااااو ... أبدا ما اتوقعت إنه فيه احد مهتم بنارنيا كثركم ... يالله بانتظار تقراه ... و نقعد نتناقش ...
راح تحبه مدامك تحب هاري بوتر ... (بس أنا متعصب مع هاري بوتر أكثر)
و على سؤالك لنارنيا ... لا ماكو أبطال اساسيين في السلسلة ...
البطل الأساسي في كل السلسلة ... الأسد "أزلان"
و فيه أبطال تتكرر .. إللي أهم أطفال عايلة "بيفينزسي" إذا ما ني غلطان بالأسم ... و إللي أهم ...
(بيتر - سوزان - إدموند - لوسي)
كلهم موجودين بكتابين بس ...
و بعدين إندمود ... و لوسي عندهم كتابين بروحهم زيادة على إللي فوق ...
و فيه بولي و ديجوري ... لهم كتاب ...
و شاستا ... له كتاب ...
كاسبيان يمكن يطلع بـ2 أو ثلاث كتب ...
و فيه شخصيات وايد تتكرر ... !!
و على أفلم نارنيا ... أهو فيه أفلام سووهم البي بي سي ... بس ما شفتهم ...
بس إذا قصدك عن الأفلام اليديدة ملوت ديزني ... فأقولك ... إنهم ... منااااح ... إلى حد ما ..
مو مثل أفلام هاري بوتر ...
لا لا ... اهني أهم متمسكين بالكتب ... اكثر ...
فلم ... the lion the witch and the wardrobe
كان حلووو ... و انا منه عرفت الكتب ...
اما Prince Caspian
ما كنا ذاك الزود ... بس يظل نسخة تقدر ترجع لها ...
و الفلم كان ممل شوي بالنسبة لي ... !!
بس نصيحة أقرى الكتب أول ... و لاحق على الأفلام ... !
المشاركات: 516 | من: Kuwait / Scotland | تاريخ التسجيل: نوفمبر 2008
|
و ترجع لنا فجأة ... و معاك كت الدنيا ... ما أدري على شنو أعلق ... و لا شنو أخلي ... !!
رد مقتبس: الموضوع مولع الصراحه .. ماشاءالله عليكم .. انا واحد من الحريصين على متابعة الموضوع اول بأول .. باربي وباباراتزي .. ردودكم متـعه ..
عاد اكسب فينا أجر و تعمق معانا بالمناقشات ... و الردود ...
!!
رد مقتبس: تنين .. كان يقولي ماجد وعن ولعك بسلسلة هاري بوتر بس ماتصورت انك تحبها لهالدرجه
حدك عاد عن فااانز هاري بوتر ...
ما ادري إذا انت قريتها و لا لأ ...
بس إذا ما قريتها ... يعني فاتك نص عمرك ...
رد مقتبس: عالعموم بالنسبه لكتب الفانتازيا .. بالنسبه لي ماشفت ولا ارح اشوف سلسلة خيالية احلى من مذكرات عالم نارنيا .. هالعالم الآسر اللي داعب خيال العديد من الاجيال .. انا الحين وصلت للرواية القبل الاخيره .. وبحاول قد ماقدر اني أخفف من سرعة قرائتي عشان ماخلص السلسلة كلها واندم .. جد يا جماعه اللي ماقرا نارنيا .. ماظن ذاق طعم الخيال الحقيقي .. من فتره حطيت رايي بأول ثلاث كتب بأحد المنتديات وبارجع الحين احطه بهالموضوع ..
جد جد جد ... ما ألومك على نارنيا ... صج ساعات ... احس إني متخلف لأني ما قريت الروايات ... و انا بسن أصغر من جذي ...
احنا العرب ... طفولتنا متأخرة ... !!
هذا انت لي ألحين ما خلصت السلسلة ... عيل شنو بتسوي لما تخلص آخر فصل ... جد جد راح تبجي من الإبداع ...
The Last Battle
هالتاب هو الاخير بالسلسلة ... بس جد على كثر ما حبيته ... لانه قصته وايد واو ...
و على كثر ما كرهته لأنه آخر كتاب ...
و النهايه ... تقدر تقولعنها ... (شبه مفتوحة)
ما أبي أخرب عليك ... بس
buckle your seat belt
لانه النهايه ... تبجي ... !!
حبيت الريفيوز ملوتك عن الكتب الثلاث الاولى ... (على حسب الترتيب الزمني للأحداث)
SPOILERS
The Magician's Nephew
الكتاب كان حلو ... حبيت وايد مشاهد فيه ...
منها لما غنى أزلان ... و أنخلق العالم - عالم نارنيا- ... إلي أنت ذكرته ...
تصوير العالم ... إللي يت منه الـWhite Witch
كان الفصل رووووعة ... و لما خذت عامود النور من لندن ... و غرسته في نارنيا ...
واااااو ...
و فيه الفصل إللي لما أول ما يلبسون الخاتم و يروحون الغابة للي فيها بحيرات ...
كان مشهد عجييب ... كان ودي لو الكتاب سوو قصص ثانية عن عوالم ثانية ...
و بعد مهمة بولي و ديجوري ... بأنهم إييبون تفاحة الحياة ...
كانت مبدعة ... !!
The lion , the witch and the wardrobe
كان تحفه فنية ... حبيت اول القصة ... و قصة أبوهم لما كان بالحرب ...
خصوصا أنه الكتاب نفسه متأثر بالحرب العالمية لأنه حارب فيها ... !!
فصل إدموند مع الساحرة ... كان واااو ...
لوسي ... مع الـFaun
السيد تومنس ... كان عجيب ... قصته و شلون خانها ...
(جد حقدت على الكاتب لما موت مستر تومنس)
و الفصل إللي أزلان ضحى بنفسه علشان نارنيا ...
تصدق حسي بالضيق لما سوى الكاتب هالشغلة المتعمدة علشان يربطها بالمسيحية ...
خصوصا لما ودع سوزان ... و لوسي قبل ما يموت ... !!
و لما شفت الفلم ... جد جد ... قلبي انقبض لما يه هالمشهد ... !!
The Horse and His boy
هالقصة قريته بعد فترة من لما قريت الكتابين الأوليين ...
و جد ... يمكن اهو احلى كتاب بالنسبة لي في السلسلة ... !!
و الشخصيات إللي فيها وايد تعلقت فيهم "شاستا" ... و الحصان "بري" ... و البنت إللي تعرف عليها بعدين " أرافيس" ...
و بعدين ... و أنا أقرا الكتاب حسيت أنه الكاتب قاعد يلمح بتلميحات ... عن العرب ...
يعني ... بلاد الـ "Archenland" سكانها سمر البشرة ... و يلبسون عمامات ...
و نظام الحكم عنهم ... أمير و وزير ... و الي و سلطان ...
و القصر الحاكم ... وايد تخيلته مثل قصر علاء الدين في فيلم ديزني... !!
رد مقتبس:من فتره بسيطه خلصت كتاب الامير كاسبيان ورحلة جوابة الفجر .. انشاءالله اول مايسعفني الوقت راح اكتب عنهم
يا ريت عاد ما تطول ... لاني جد أبي أشوف رده فعلك ... بما انك صرت من عشاق عوالم نارنيا ... !!
المشاركات: 516 | من: Kuwait / Scotland | تاريخ التسجيل: نوفمبر 2008
|
بس شكلها كلاسيك بحت ... دامها رابحة جائزة نوبل ... !!
ما اتوقع اقراها هالجم يومين ... لأنه مزاجي مو كلاسيك ...
ما ادري ليش يه على بالي ثيم Gone With The Wind
و سكارليت أوهارا ... تذكرت لما يهاجمون عليهم اليانكيز ...
و سكارليت ... مع خواتها ما يلقون غير ارض مزرعتهم ... إللي بالأخير نجتهم من الفقر و التشرد ... !!
رد مقتبس:
رواية: "ماذا لو كانت واقعية" المؤلف: مارك ليفي
...... المهم الرواية ايضاً تحولت لفيلم سينمائي معروف اسمه "Just Like Heaven" بطولة ريز ويذرسبون .. ومع ان الفلم مقتبس من الرواية إلا انهم مغيرين اشياء كثيره .. مع الحفاظ على الخطوط الرئيسيه المهمه
تصدق من كثر ما حنيت على ربعي علشان أدش هالفلم ... أحس إني مشؤووم ..
لدرجة إني لي ألحين ما شفته ... و لا حتى شريته دي في دي ...
زين ذكرتني فيه ... و توني ادري ان الفلم أصله رواية ... بس حبيت الفكرة ...
و شكله الكتاب الثاني همن حلو ... ليش منت قاريه ...
؟؟
مع إنه اسلوب الكاتب عجبك ؟؟
رد مقتبس:
كتاب: "على ضفاف بحيرة الهايد بارك" المؤلف: مرام عبدالرحمن مكاوي
شايف هالكتاب من قبل ... و ابدا ما فكرت إني أقراه ... و لا راح أفكر ...
تقدر تقول إني حرمت أقرى حق حق هالنوعية من الكتب من بعد "بنات الرياض" ...
لأني دايما أقارن ... و الأفكار دايما دايما ... إذا ما هي متشابهه ... متقرابة ...!!
رد مقتبس:
رواية: "فتاة البرتقال" المؤلف: جوستاين غاردر
حبيت وصفك لأجواء الرواية ... و شكلي بجربها ... !!
من كلامك ... شكل الكتاب من الكتب إللي بعد ما تقراها ...
ما تحس إنك قاري كتاب ... !!
و العنوان صراحة يشد ... !!
رد مقتبس:
كتاب: "الأمير" المؤلف: ميكيافيلي
كتاب: "وراء كل ديكتاتور طفولة بائسة" المؤلف: مجدي كامل
ما احب هالنوع من الكتب ... بس عجبني التنوع بقراءاتك ... !!
رد مقتبس:
كتاب: "المحاضره الاخيره" المؤلف: راندي بوتش
قبل جم يوم كنت بفيرجن ... و لفتني هالكتاب ... من قبل لا أشوف ردك ...
و سبحان الله ... دشيت الموضوع ... و لقيته ... !!
حبيت الفكرة ... و شلون الكتاب نفسه ابصر النور ...
و شكله كتاب مؤثر ... و يحث على التفاؤل ... !!
=========================================
لوفر ... جد جد .. حبيت أختياراتك ... و مبين انك تنتقي الكتب ... بطريقة معينه ...
لا تبخل علينا بريفيوز ثانيين ...
Keep Posting
[ أغسطس 13, 2009, 10:53 AM: تم تحرير المشاركه من قبل: Paparazzi ]
المشاركات: 516 | من: Kuwait / Scotland | تاريخ التسجيل: نوفمبر 2008
|
ALTENNEEN نفسى اشوف الفيلم و كان نفسى اروحه سينما بس ما زبطت متحمسة اشوفه عشان رومانسى...بس الكتاب فعلا شكله كتاب مراهقين..
يالنسبة لدافنشى...اختى قرته بالعربى و عجبها..بس انا عند رأيى ان الكتاب يتقرى بلغته الاصلية احسن..لما تقراه قلنا ايه رأيك فيه...
انا عمرى ما قريت كتاب عن الفمبايرز...الحلو فى الموضوع ده اننا بتعرف على اتواع كتيرة مت الكتب..
يعنى انا معظم قراءاتى دراما , القصص اللى بتتكلم عن اعمق اعمق مكنونات الانسان-حلوة مكنونات دى-...
الانسان بعقده و تناقضاته و افكاره و صراعاته...
من كتر ما بقرا الحاجات دى نسينت ان فيه انواع تانية من الكتب ممتعة برضه و تدى نظرة تانية للحباة..
رد مقتبس: لول .. انا من كثر ما قريت كتب .. ابا الكتاب يكتوب عني رواية حلوة لول
دايما اتخيل نفسي في الراوية .. و دايما الشخصية الطيبة اللي تموت .. اتمنى اكون مكانها [crazy]
احب الناس اللي يصيحون على الشخصية اللي تضحي بنفسها عشان غيرها [Big Grin]
لووووووووووووول...و اشمعنى الشخصية الطيبة اللى بتموت؟؟؟...خليها الشخصية الطيبة اللى بتعيش و تنبسط فى اخر الرواية...
Paparazzi
رد مقتبس: خلاص عيل لازم نسوي حزب جديد ... ِAnti-Twilight Saga Party
لول انا موافقة ...بس كده لازم اقراه و اتفقع منه عشان ابقى anti من قلب
بالنسبة ل"أحمد خالد توفيق" ...صراحة بقيت محرجة ..واضح انه جامد مع انى كنت بحس ان كتاباته للمراهقين-بما ان كل اللى اعرفهم قروله فى المرحلة دى-...فعمرى ما اهتميت صراحة انى اقراله..
عامة انا هنزل كتبه من على النت...اعرف مكان ممكن انزل منه لما انى طبعا مش هلاقى السلسلة فى المكتبات
رد مقتبس: واااااو ... زين فيه وايد ناس حابين يقرون السلسلة ...
انا شخصيا متحمسة جدا رغم انى مكنتش حطاه فى اللست.. .بس بجد طالع فى دماغى اقرا النوع ده من الكتب...و خاصة ان رأيك انت و ناصر حمسنى اكتر و اكتر انى اقراه...
رد مقتبس: و بعدين عاد نسوي حزب الـNarnians لوووول ... انا ما ادري اشفيني على الاحزاب اليوم ... !!
لووووول مش عارفة صراحة ايه موضوع الاحزاب معاك النهاردة...
بس انا لو حبيت الكتاب زى ما حبيته انت و ناصر ...اضمنلك انى هبقى من الحزب و متعصبة كمان... زى كده ""The kite runner و "the blood of flowers"----- < بدأنا النق
مرسله في
لووووووووووووووووول ريسكى...اوكززززز هنخليك تستمتع ب twilight...و اهم حاجة انك حبيت القراية
رد مقتبس: بس مستغرب تكرار الكلمات بشكل ينرفز
امبارح و انا بشترى حاجة رمضان مع الفاميلى...لقيت مكتبة سألت فيها عن نارنيا...لقيت الكتب كلها فرحت بس يما انى مفلسة قررت استنى شوية لما اقبض ...بس ناوية اجيبه لازم لازم لازم..
المهم لقيت يالصدفة "1984" -لجورج اورويل ...اشتريته طبعا الكتاب كان عندى بالليست من زمان بس مكنتش لاقياه...
المهم متحمساله طبعا سامعة عنه كلام روووعة...كفاية انه على سنة ميلادى لووول...
Paparazzi كل سنة و انت طيب باباراتزى و كل اهل السالمية بخير...
انا عارفة انى مقصرة فى الموضوع...بس الكسل و عمايله
رد مقتبس:
على العموم ... سألتي شلون القراية برمضان ... !!
منيييحة ... بس مو مثل الأيام العادية ... أكيد ...
نفس الموضوع عندى مع الاسف...الكام سنة اللى فاتوا كنت بقرا بكمية رهيبة فى رمضان لان مكنتش بشتغل...بس الشغل واخد كل الوقت + حاجات رمضان
رد مقتبس: الليست مالتي ... زادت يمكن شي 6 كتب ... [nut]
جد جد ... ماادري شنو بسوي بالكتب إللي عندي ...
لووووووووووووووول...انا بتجنن من الموضوع ده و بكتئب كمان لانى مببقاش عارفة هخلص كل الكتب دى امتى
رد مقتبس: و على فكرة من ضمنهم ... كتاب ... The Blood of Flowers
مستنياك تقراه و نتناقش فيه
رد مقتبس:
"ذاكرة الجسد" ... و"فوضى الحواس" ... و "عابر سرير" ...
بديت في "ذاكرة الجسد" ... و بكل صراحة ... أنا في حالة صدمة من العيار الثقيل ...
ذاكرة الجسد وهميييييييييييييييييييييييييييييييية ...من احلى الكتب اللى قريتها فى حياتى...متوقعة ان صدمتك تكون ايجابية لان الرواية مش طبيعية...هستنى لما تخلصها و نتناقش فيه.... انا قريت كمان "فوضى الحواس" و فاضلى "عابر سرير"...
The Life Of Pi على اللست بتاعتى كمان من بعد ما ناصر كتب ريفيو عنه...بس لسه ما جبته
انا بدأت امبارح فى "1984" ...و الحمدلله خلصت منه صفحة ...
يا رب يطلع الكتاب حلو و يشدنى لانى بقالى فترة طوييييييييييييييييييلة مقرتش كتاب ممتع...
صحيح..سألت فى المكتبة على جين اير بس مالقيتهوش ...كانت طالبة معايا رومانسية و كابه
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[Big Grin]](biggrin.gif)
.. رسكس .. من شفت كتاب اغلي بيتي وانا غاسل يدي منك هههه .. احس ماتدري وين الله قاطك ![[Razz]](tongue.gif)
![[heartpump]](graemlins/heartpump.gif)
.. بالنسبه لي ماشفت ولا ارح اشوف سلسلة خيالية احلى من مذكرات عالم نارنيا .. هالعالم الآسر اللي داعب خيال العديد من الاجيال .. انا الحين وصلت للرواية القبل الاخيره .. وبحاول قد ماقدر اني أخفف من سرعة قرائتي عشان ماخلص السلسلة كلها واندم .. جد يا جماعه اللي ماقرا نارنيا .. ماظن ذاق طعم الخيال الحقيقي .. من فتره حطيت رايي بأول ثلاث كتب بأحد المنتديات وبارجع الحين احطه بهالموضوع ..
![[dance]](graemlins/dance.gif)
![[happy.]](graemlins/happy.gif)
![[rose]](graemlins/40.gif)
![[iwantattention]](graemlins/iwantattention.gif)
![[crying]](graemlins/crying.gif)
![[nut]](graemlins/nut.gif)
![[Roll Eyes]](rolleyes.gif)
![[pleased]](graemlins/pleased.gif)
![[applause]](graemlins/applause.gif)
![[Wink]](wink.gif)
![[Smile]](smile.gif)
![[super]](graemlins/super.gif)
![[Frown]](frown.gif)
![[worried]](graemlins/worried.gif)
![[help]](graemlins/help.gif)
![[bgrlaugh]](graemlins/bgrlaugh.gif)
![[nerd]](graemlins/nerd.gif)
![[Mad]](mad.gif)
![[eyelove]](graemlins/eyelove.gif)
...من احلى الكتب اللى قريتها فى حياتى...متوقعة ان صدمتك تكون ايجابية لان الرواية مش طبيعية...هستنى لما تخلصها و نتناقش فيه....
