والاخت العزيزه رزان كان رايها ان الكلام هذا مكانه بالموضوع الاصلي بالعامه
بس حبيت اقولها ان الموضوع الاصلي الي بالعامه مغلق
هذا كان ردي الي كتبته :
رد مقتبس:مع احترامي لرأي الجميع
انا اشوف ان الاخت Moonchild في جزء كبير من كلامها صحيح
الإعتداءات على الكويتين وإهانه الكويت والكويتين والنظره السلبيه جدا لبعض الشعوب العربيه للوطن والشعب الكويتي اكيد إنه ماصار من فراغ
لابد إن له اسباب وتراكمات خلت الشي هذا يتكرس ويتأصل في نفوس الكثيرين من العرب
طبعا انا بأي حال من الاحوال ماابرر بكلامي هذا التجاوزات والاهانات الي تصير ضد الكويت والكويتين من قبل البعض في بعض البلدان العربيه
لكن طريقه ردة الفعل الكويتيه الشعبيه واحيانا الرسميه تخدم هذا التوجه المعادي للكويت
اليوم ومن بعد ماكان الي يكرهون الكويت سنه 90 ممكن احصائهم في تنظيمات او احزاب واو قيادات معينه لاسباب سياسيه واقتصاديه
اليوم زاد عدد المعاديين للكويت والي يكرهون الكويت والكويتين
انا اشوف ان موضوع مثل هذا يحتاج توقف وتفكير عميق بالاسباب وسبل علاجها
لان الكويت إن طال الزمان او قصر سوف تبقى في محيطها العربي ويجب إن تحل المشاكل بين الكويت ومن يعاديها من العرب بطريقه تحفظ حق الجميع
الحقيقه ماعندي تصور معين لحل هالمشكله
لكن اشوف إن احنا بهالطريقه كل يوم نكسب اعداء جدد
واحب ازيد عليه
عزيزتي رزان
ترى بطريقه تعاملج مع الي اختلفتي ونختلف كلنا ككويتين معاهم على هالنقطه صورتينا على انا احنا الي بموقف الضعف وان احنا الي غلطانيين
وصرنا احنا الي نغلط واحنا الي نسب واحنا الي نعتدي
انا مااتهم اي احد من الاخوه الاعضاء الي عندنا بالمنتدى وعلى اختلاف جنسياتهم بإنهم يكرهون الكويت او يكرهون الكويتيين
لكن التهجم عليهم وعلى بلدانهم وشعوبهم بطريقه التعميم راح تخلينا نخسرهم ونكسبهم كأعداء
مااقصد خسارتهم بالمنتدى كثر مااقصد خسارتهم وجعلهم اعداء لبلدنا الكويت
ومثل ماقلت لج بردي الاول اختي رزان ترى احنا بالكويت مو بحاجه لكسب اعداء لنا ولبلدنا
احنا بالاول وبالاخير عرب وعايشين في محيطنا العربي ومانستغني على اخواننا العرب والمفروض نكسبهم بدل مانفقدهم ونعاديهم
الي يغلط بحق الكويت احنا قادرين ان نرد عليه بالحجه والمنطق وإما ان نقنعه بخطأه ونكسبه بصفنا او على اقل تقدير نعريه امام من يدخل للمنتدى ويقرء هذا النوع من المشاركات
هذا النوع من المواضيع اختي رزان سلاح ذو حدين
إما ان يكون موضوع تكون نتيجه النقاش فيه تصب لصالحنا ككويتيين إذا عرفنا شلون ندير النقاش ونتكلم بطريقه عقلانيه نبين فيها الاسباب الي خلت البعض يسيئون للكويت الي ساعدتهم وماضرتهم وبنفس الوقت يسيئون لبلداهم الاصليه
او ان ننجر للاسلوب الشوارعي الي راح يكون ضدنا وبالنتيجه يصير حالنا من حال الكتاب البذيئين الي يسبون الكويت بالطالعه وبالنازله ولابد إن لهم اهداف من هالسياسيه هذي واهم اهدافهم هو تشويه صوره الكويت والكويتيين
اتمنى ان يكون كلامي واضح وتوصل الفكره لج اختي رزان
بالنسبه للباقيين او للطرف الثاني وخصوصا اختنا مس جوردن من الاردن
ايضا اقولهم إن اسلوب التهجم والسب ترى يضر فيكم وبسمعه بلدانكم وماينفعكم
يعني وحده مثل مس جوردان كان المفروض منها بالاول وقبل لاتدخل بهالمهاترات الي مانها فايده ان تستنكر بطريقه واضحه وصريحه سلوك بعض المنظمات والافراد الاردنيين الي يسيؤون للعلاقات بين البلدين
والاستنكار هذا لو صار منها كان راح يكبرها بعينا ككويتيين ويثبت بإن سلوك بعض المنظمات والافراد بالاردن هو سلوك فردي ولايمثل الشعب الاردني
الشعب الاردني انا اعرف بإنه شعب عربي اصيل وعندي اصدقاء اردنيين من خيره الناس داخل الكويت واعرف ايضا من خلال اصدقاء يدرسون بالاردن بإن لهم اصدقاء بالاردن ايضا من خيره الناس
لكن المطلوب هو تبرئهم من من سلوك من يسيء للعلاقات بين البلدين وبين الشعبين
انا طبعا اتكلم عن الشعب الاردني الي كثير منهم مااسائوا للكويت ولايقبلون بالإسائه لها
اما الحكومه الاردنيه فرأيي واضح فيها وموقفها من الكويت اثناء الغزو وبعده واضح والحديث فيه ماراح يضيف اي جديد
ونفس الكلام موجه لباقي الاخوان من الجنسيات العربيه الثانيه
وبالنهايه كلامي هذا يعبر عن رايي الشخصي كمواطن كويتي مستاء من الي حصل واساء لنا ككويتيين
واتمنى من كل من يقرء كلامي هذا ان يتمعن فيه قبل لايعطي راي متسرع
--------------------
صــدق ظــني
المشاركات: 13441 | من: الــــKــويـــت | تاريخ التسجيل: أبريل 2001
|
بس المن موب زييين وحرام والفلوس اللس تدفعها الكويت هي استثمارات تعود ارباحها للكويت المسأله بزنس ...مثل السعودية واليمن والامارات والسودان هذا شغل مبزنس واستثمارات يعني موب صدقه
--------------
رزان قلبها طيب وبالها طويل هي تشعر انه لو صار
حرب مابياكلها غير الكويت والكويتين وتحس انه محد بيوقف معاهم لول هذا هووس وهذا من باب الخوف والحرص على الكويت والكويتييين واحييها على هالشي واذا صرات حرب أصلا الخليج كله بيروح وطي لول
بس لازم نتكل على الله ونتفائل بالخير احسن ...لانه مابيدنا شي نحن الشعوب ...
مرسله في
اتمنى من احد الاعضاء ويكون يمثل ملتقى نوال الزغبي يرسل لي رساله خاصه مختصره بالمشكله الحاليه وسبب الخروج من المنتدى وانشالله تنحل المشكله باقرب وقت
[ يوليو 14, 2007, 03:00 AM: تم تحرير المشاركه من قبل: salmiya ]
-------------------- مــــراقـــب منتـــدى الســالميــه المشاركات: 1815 | من: kuwait | تاريخ التسجيل: أغسطس 2002
|
مرسله في
يعني فهموني بس شو دخل نوال ياللي صار خخخ اكيد ملتقى نوال ما رح يتسكر و نوال اهم شي بالسالمية بالنسبة للموضوع ... هذا اول مضووع بالعامة ما اشوفوا لووووووووول تصوروا وانا بنظري لازم يتغيرو كل المشرفين لان لو كان مشرفين ما كان وصلنا اللي وصلناله
--------------------
vive la France Laique
المشاركات: 7652 | من: εκκλησία | تاريخ التسجيل: مايو 2007
|
مرسله في
اخوي سالمية لو تلاحظ مو بس اعضاء ملتقى نوال اللي انسحبوا ..
كل الاعضاء اللي من الاردن و كم عضو من باقي الدول لانهم تهزأوا و محد اخذ لهم حقهم
لما مشرف او مشرفة يصف دولة بالمرتزقة و الدناءه ، ما نقدر نقول راي شخصي و انما تعدي على دولة بكاملها و شعب يشاركون معانا بالمنتدى ..
ماعتقد انك ترضى اي عضو يقول هالكلام عن الكويت ولا انا ارضى ، سو اللي ما نرضاه لنفسنا ما نرضاه لغيرنا ..
حتى لو ما كنا نتفق مع حكوماتهم او البعض منهم ، هالشي ما يعطينا الحق ان نسبهم مع ان في كثار منهم يشاركون معانا بالمنتدى و عمرهم ما غلطوا على أحد ..
طبعا عزيزي سالمية هذا مو السبب الرئيسي لكنه سب من الأسباب ..
السبب الرئيسي اللي خلى الأعضاء يبدون استياءهم ، ان رزان تحذف الردود اللي تكون ضدها حتى لو ما كان فيها شي ، و دايما تبرر حذفها للردود انها خرجت عن مسار الموضوع و هالشي غير صحيح ..
و بامكانك تتأكد من ردود الاعضاء بهالموضوع ، و حتى في أعضاء كويتيين قالوا ان رزان غلطانه لانهم واقفين مع الحق ..
عزيزي سالمية باختصار هذي هي سبب المشكلة ، ان رزان تقمع اراء الأعضاء اذا ما كانت على هواها ، و ما تسمح لغيرها يرد ردود بنفس اسلوبها ..
لما انتقدت الأردن ، بعض الأعضاء الأردنين انتقد الكويت ، قامت حررت ردودهم
انا كويتي و ما ارضى على الكويت ، لكن بنفس الوقت الله راح يحاسبني بعدين اني ما وقفت مع الحق ..
و الحمدلله انا اكتب ردي هذا و ضميري مرتاح ، و بالنهاية القرار للمراقبين