هالموضوع بيكون متواكب مع عمليه شد البطن انشاءلله بكل تفاصيلها ولين اطلع من المستشفى ولي الاسابيع اللي بعدها لين تنتهي كل اثار العمليه فيني انشاءالله
المرحله الاولى
رحت مستشفى البابطين الحكومي شهر ديسمبر 2009 وفحصوني وسالوني اساله وبعدها حطيت اسمي مع اللسته الخاصه بالعمليه وقالولي لانه وزنك نازل كثير جدا راح نحطك قريب لانك تحتاج العمليه بشكل كثير فرحت واستانست قلت اكيد 4 اشهر او اكثر شوي واسوي العمليه ..وبدت عمليه النطره لول
المرحله الثانيه
لما اصبت بمرض الام اس بعيد الشر عنكم رحت المستشفى عشان ابلغهم بالتطوورات ورحت شهر يونيو ودخلت على الدكتور وقتله ترى صار فيني جذي وجذي وجذي ...قالي يب لنا تقريرك الطبي وريبت التقرير وقالي خلاص انت اسمك باللسته وماكو شي راح ينلغى انشالله
المرحله الثالثه
رحت شهر اغسطس الحالي وقلت اشوف واجرب طولوا والصراحه حماسي للعمليه كل يوم يزيد ابي اسويها وافتك ورحت ودخلت على الدكتور وقتله يامعود الترهل ماذيني وانا وراي طريج طويل 3 عمليات شد واحنا للحين مابدينا بالاولى قالي خلاص دش على دكتوره منيره بن نخي والصراحه دكتوره ممتازه وانسانه بدرجه كبيره المهم دخلت وعرفت حالتي وكل شي وطلبت مني كالاتي:
1-موافقه من طبيب الاعصاب الخاص بالتصلب بالعمليه وانه الابر ماتعارض مع عمليه شد وشق بطن وجذي
2-زياره دكتور التخدير والفحص علي ويكتبلي ورقه الموافقه على العمليه
وقالتلي دكتوره منيره انه لو يبت هالاوراق خلاص راح تحط لي موعد العمليه
وفعلا رحت ويبت الموافقات وكل الفحوصات سليمه واني جاهز للعمليه وكنت من اول الناس بالمستشفى اللي واصلين الصبح بس عشان اعطي الدكتوره الاوراق واعرف متى اسوي العمليه
ودخلت وعطيتها الموافقات وقالت لي خلاص راح اندق عليك ...انا انصدمت حسبالي خلاص بتعطيني موعد مو ارد باللسته من اول
قتلها شلون يعني حتى ماعرف متى العمليه؟ جان تقول انت خلك يم التلفون راح اندق عليك ...شوي ارتحت ..قتلها يومين يعني؟
جان تطالعني بابتسامه كانها تقول من صجك لول
قتلتها انا احسب باجر تصدقين
جان تسكت جان اقول سبوع؟ جان تقول اي سبوع انشالله
وهذا انا ناطر واخز التلفون وشلت الميوت عنه الصراحه متلهف اشوف جسمي
من غير ترهل البطن مليت منه خلاص
وانشالله اي جديد راح اقولكم عنه قريبا في هالموضوع وانشاءالله اقولكم لما
يدقون علي
[ أكتوبر 22, 2010, 09:08 AM: تم تحرير المشاركه من قبل: طبيعي ]
المشاركات: 44721 | من: الـكـويـت | تاريخ التسجيل: أكتوبر 2003
|
مرسله في
الله يسهلك يارب يا بدر و تقوم من العمليه بسلامه مش مهم الشكل المهم تطلع سالم وانشءالله تطلع بلنتيجه يلي تبيها
المشاركات: 16430 | من: London | تاريخ التسجيل: مايو 2005
|
إرسال هذه الصفحه لصديق!
لطباعه هذا الموضوع
![[Big Grin]](biggrin.gif)
![[heartpump]](graemlins/heartpump.gif)
![[Smile]](smile.gif)
![[crying]](graemlins/crying.gif)
![[rose]](graemlins/40.gif)
![البريد الإلكتروني [ عبـد الـعزيـز ]](http://salmiyaforum.net/ubb/email_ubb6.gif)
![[Frown]](frown.gif)
![[Razz]](tongue.gif)
![[Wink]](wink.gif)
![[cleverman]](graemlins/cleverman.gif)
![[rofl]](graemlins/rofl.gif)
