مرسله في
توني أعرف إنه في موضوع للمسلسل أمس شفت الحلقة 20 وكانت حلوة كالعادة بس يعني ماكان فيها ذاك الحماس اللي بباقي الحلقات , أهم شي عرفنا منو أوغست وشلون يعرف كل شي عن اللعنة وليش موجود ألحين في ستوري بروك , الكتاب يبهروني بكل حلقة باهتمامهم بأدق التفاصيل اللي يمكن محد يلاحظها , ومن أحلى الأحداث بالحلقة لما اوغست ورا ايما رجله الخشبية بس ماشافتها حبيت الحركة , ايما ماتبي تصدق سالفة الكيرس والسحر لأنه ماتبي تبتلش بالقرية وباللي فيها لوول يمكن تحس إنها ماتقدر تنقذهم , وعلى فكرة ترا قناة abc دزت حق الايمي ترشيحاتها حق emmy awards 2012 ومن ضمنهم OUAT وفي أكثر من فئة فإن شاءالله يترتشح لجم شغلة مع إنه مايهمني وايد
ألحين ودي أعرف ولد مستر غولد وينه ؟ إذا موجود بعالمنا أكيد راح يطلع بالحلقات الجاية , أو يمكن راح عالم ثالث بعد ؟ وراح يصير في ثلاث عوالم بالسيزن الثاني ؟ يسوونها مثل ما ألعبوا بمخنا أيام لووست LOOL وللحين ماعرفنا منو ملكة القلوب ؟ وشصار على أم رجينا ووين اختفت ؟ يقولون إنه باربرا وقعت بس حق حلقة وحدة كضيفة بس يمكن ترجع في الفينالي أو حتى تكون شخصية أساسية في السيزن الثاني , هالكلام صحيح ؟ صج وايد أسئلة بالمسلسل بس قاعد نعرف شوي شوي اجابات بعضها ,, وتعالوا من مثلي يحب رجينا المكلة الشريرة ويتعاطف معاها ؟ لول تكسر خاطري ولما عرفت ماضيها وليش كرهت سنووايت كسرت خاطري صج وسنووايت الصغيرة تقهر الصراحة يعني شهالدلع الماصخ ؟ قعدت تصيح وبغت تموت لأنها شافت رجينا مع ولد الأسطبل المهم رجينيا بالنسبة لي هي شيخة المسلسل بالذات لما تطلع بعالم الفيري تيلز وإذا كانت مشاهدها قليلة بأي حلقة تحسونها ناقصه شي مهم..
الحلقه 20 جامده آخر حاجه من اروع حـلقات المسلسل من البـداية للنهايه ماكنش مستواها الا بالعـالي
ومحـور القصه لهالحلقه كـان عن شخصية بينوكيو , والصراحه الأخراج كان جدا مقنع لما صـور لنا بينوكيو الخشبي وقـت اللي تعرض فيه مع ابوه لعاصفه شديده , وهـجوم الحـوت عليهم ..
كل شيء بهالمشهد كان بيرفكت وخص نص الإحتـرافيه اللي كانت بالإخـراج هالمشهد علقـت عليه من روعته ومن جماليته وكل شوي اعيد وازيد فيه ..
--------------------
المشاركات: 10059 | من: R i y a dh | تاريخ التسجيل: فبراير 2008
|
المسلسل باين انه يعتمد اعتماد كلي على اللعنه وهاللعنه مـاراح تنفـك الا بعـد كم سيـزون بعـد ما نقـرف المسلسل ونـزهق منه وينحـرق كـرته ويقولوا القناة هتكنسله ..
سـاعتها كلمة القرف والسخافه بتكون في محـلها
انا شخصياً ما عندي مانع وحاب ان المسلسل يمتد لكم سيزون بس اهم شيء يقفلون السيزون الأول كقصه ويفتتحـون السيزون الثاني بقصه جديده ومختلفه كلياً , بـلاش شغـل التعليق الماصخ ورفعة الضغـط
[ مايو 01, 2012, 01:07 PM: تم تحرير المشاركه من قبل: T u r k i ]
--------------------
المشاركات: 10059 | من: R i y a dh | تاريخ التسجيل: فبراير 2008
|
مادري بصراحه كيف يقفلوه .. بس اهم شيء لا يعلقونا معاهم الواحد مش ضامن عـمره انه بيتابع كل المواسم .. السيزون الواحد نفسه ما عندك ضمانات في انك تتابعه بالحلقات فما بالك بالمواسم ؟!
بتمنى حال المسلسل يكون شبيه لـ مسلسل AHS الموسم الأول تقفـل والموسم الثاني راح يعتمد على فكـر جديد ..
--------------------
المشاركات: 10059 | من: R i y a dh | تاريخ التسجيل: فبراير 2008
|
مرسله في
missing تخطى المعقول بالسرعه في الأحـداث ! انا كنت ومـازلت ضـد هالسـرعه تحـديداً الـواحد حـلو يمسك العصـا من النـص لا يعجلنا وبنفس الـوقت ما يأخـرنا ..
--------------------
المشاركات: 10059 | من: R i y a dh | تاريخ التسجيل: فبراير 2008
|
وفعلا مشهد بينوكيو وجيبيتو مع الحوت كان ابداع .. وانا كنت استغرب على فكره من اللي يقول ان الجرافيك المستخدم بالمسلسل بالحلقات اللي فاتت كان ركيك .. انا اشوفه روعه .. وخير دليل هالحلقه .. طريقة تصميم بينوكيو كلعبه خشبيه وتحريك القارب والبحر الهايج والحوت كان بيرفكت ..
واخيراً عرفنا هوية اوغست
وطلع مش شخصيه عاديه وبس .. طلع من اهم شخصيات المسلسل ..
قصة الخزانة الخشبيه روعه وحبيت كيف المؤلفين خذونا للاحداث اللي صارت بالحلقه الاولى لكن من جانب اخر وخلونا نشوف قصة صنع هالخزانه السحرية وظروفها .. ماتوقعت وقتها وانا اشوف الحلقه الاولى بأن وراها سالفه هالخزانه!!
ومع انها حركه جداً تقهر من جيبيتو لما أصر انه يرسل بينوكيو بالخزانه .. لكن مالومه لانه اللي صار له ابداً ماكان يتصدق .. يصير اب بهالعمر ومن غير زواج .. وهالولد يكون هو اللي صنعه بيده وبعدها يتحول لولد حقيقي!! .. اكيد راح يتمسك فيه بكل قوته
بس الله يسامحه لو ما ارسل بينوكيو وكانت سنووايت هي اللي رافقت ايما كان الموضوع كله انحل وراح نخلص المسلسل بسيزن واحد وتتحقق بعدها رغبة عمرو علي لول
يعني لازم تكره جيبيتو الحين يا عمرو
ومع اني مثل هالناس اللي ماكله حصى على ايما لانها مش راضيه تصدق وتؤمن بكل الكلام اللي قاله اوغست .. الا اني مالومها .. حطوا نفسكم مكانها بس .. تخيلوا لو يجيكم احد ويقولكم انتوا تنتمون لعالم الفيري تيلز ولازم تنقذنا وتحررنا من العالم الواقعي اللي عايشين فيه .. بقوله اكيد الاخ مضيع
وفوق هذا عشان يثبت لكم انه هو صادق بكلامه يكشف عن رجله وتشوفونها رجل عاديه .. يعني حتى الدليل اللي عنده يخليكم تحسون بأنه مجنون او فيه شي بعقله!!
المهم انا اتوقع بعد ان ايما راح تؤمن بكلام اوغست وولدها هينري قبل لاينتهي السيزن الاول .. لانها كانت منهاره عالاخر بالحلقه وشكلها تبي تصدق كلامهم لكن مش قادره والمنطق مو مخليها تصدق ..
وبخصوص ريجينا لووول مسكينه احسها صارت ملطشه بهالحلقه .. محد معبرها حتى البرنس شارمنغ نفر منها .. بس جد جد شتحس فيه لما قربت منه عشان تبوسه .. مع ان شكلها كان يعور القلب لما شافت ورقة هينري قبل لا شارمنغ يقبل دعوتها عالغدا .. بس تستاهل الحقيره ساس البلا ..
المسلسل روعه روعه روعه مش قادر اخفف حماسي له .. كل حلقه احلى من الثانيه
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
مرسله في
لوفر الورقه اللي شافتها رجينا ماكانت فاضية ؟ حسبالي تمثل وتبي تكسر خاطر ديفيد عشان يقعد يتعشى معاها .. وعلى فكرة أنا مع استمرار المسلسل لأكثر من موسم , مدام الكتاب شطار شالمانع إنه يستمر ؟ المسلسل فيه وايد وايد من أسلوب لوست , بكثرة الشخصيات والغموض والأسرار والخيال الكبير والفلاشات الكثيرة اللي توضح لنا ماضي الشخصيات وتخلينا نفهم الأحداث أكثر وهالتشابه في الأسلوب مو شي غريب مدام نفس اللي ورا لوست قاعد يشتغلون على OUAT ولوست استمر لأخر موسم بنفس الحماس والذكاء في الأحداث (حسب رايي ) فإن شاءالله مسلسلنا الحالي يكون مثله أتمنى استمراره لسنوات LOL