لا نمت شوي وقعدت على الفجر عشان أصلي واشوف الحلقة , بالدوام كنت تقريبا نايمه LOL مادري شلون قدرت أقاوم ولما رجعت البيت راح النوم , بس يلا أحسن عشان أنام اليوم مبجر
بالنسبة للحلقة شفتها وبقول رايي بعد ماتشوفونها , بس بشكل عام توقعتها أحلى لكن كالعادة الحلقة مليانة أحداث ومفاجآت جديدة
استمتعت فيها بس كنت أتوقع بتكون أحلى خصوصا إنها عن ماضي ريجينا في شي باط جبدي بقوله لكم بعد ماتشوفون الحلقة
بس من قبل لايبدا السيزن 2 وانا اكثر حلقه متحمس اشوفها هي الحلقة الثالثه
كلام سنو بالمقابله اللي حطيتيها ذاك اليوم حمسني لها @@
الهبله بدال لاتحمس العالم للبريمير درعمت وحمستهم للحلقه الثالثه لول
كانت راح تنفجر من الحماس من كثر ماهي فرحانه فيها
انقهرت من جينيفير لماقالت جذي عن الحلقة الثالثة , يعني الناس ميتين يبون يشوفون البريمير والاخت بكل نذالة تقولنا متحمسة للثالثة وحمستنا وياها عالعموم يله ماباقي شي أسبوع ونشوفها
...................
شباب حد يعرف موقع يعرض الحلقة أونلاين بالتزامن مع وقت عرضها بأمريكا , من كثر الحماس حاب أشوف الحلقات بوقتها لول
..................
******** SPOILER ALERT سبويلر**********
اليوم شفت الحلقة وكنت حدي متحمس خاصة لما عرفت أنها تتكلم عن ماضي ريجينا , وكعادتهم المؤلفين مايخلونا نشوف الحلقة ونخلصها إلا وعندنا ألف سؤال محيرنا من بعد ماشفناها وهذا اللي يميز المسلسل ذكاءه وغموضه اللي يحس فيه كل من شاف المسلسل , الحلقة كانت ممتعة جداً ومشوقة , وأحداثها كانت تجري على نار , خاصة مشاهد ريجينا مع أمها , تفاجأت لما عرفت أنه رامبل له علاقة بالشر اللي بأم سنووايت , جد رامبل هو بطل المسلسل بلا منازع , ويفاجأني كل مرة أكثر وأكثر ويصدمني وبقوة بعد , مثل ماياب السحر لأمها يابه لها بعد , خاطري أعرف شو هدفه بالضبط , لأنه أفعاله بالغالب تكون وايد غامضة ومانعرف أسبابها , أم ريجينا كنت دايماً أحس أنها ممكن تكون ملكة القلوب مادري ليش هالإحساس بس حاس أنه ممكن يكون صح , لما مستر غولد عطى ريجينا كتاب السحر مالاحظتوا أنه ماطلب منها مقابل ؟! غريبة , وبعد لاحظت أنه ريجينا لما كانت تدور على الكتاب في متجر غولد , قالها الكتاب موجود في المكتبة اللي تحت برج الساعة واللي أغلقتيها لما كانت عندج القدرات ؟؟!!! هل هذا معناه أنهم أول ماوصلوا ستوري بروك الملكة كان مازال عندها قدرات سحرية وتقدر تستخدمها وبعد المشهد اللي طلع فيه بينوكيو كان بعده خشب فهل هذا ياترى يلغي الاحتمال اللي يقول أنه هو أرسل الرسالة للشخص الغريب في بداية الحلقة الأولى ,, ومن الأشياء اللي حيرتني شو صار لأم ريجينا بعد مادخلت في المنظرة , واللي فاجأني أكثر ظهورها بالمشهد الأخير في عالم الفيري تيل , ياترى ليش اللعنة ماحلت عليه وشنو صار لها طول الوقت من دخلت المنظرة ,, متحمس أعرف أكثر وأكثر عن قصتها ,,, والله حدي متحمس ,, فديت هالمسلسل
من بداية الحلقة و قصة ريجينا مع امها وصراعهاالداخلي بكره سنو وايت و براءه ريجينا اول ما اترفت على رامبل تضحك قمة الأدب و في النهاية الشر كلو طلع من رامبل و طلعت هي الغلبانة ما حبيت تلميحهم انو ريجينا بنتو مسخرة
و نوصل لأكتر مشهد epic في الحلقة
دخول خرافي
no need for a fuss it just little old me ~
u rock Ur queen is back
و أخيرًا مشهد ريجينا مع هنري أكيد هادي لعنة ريجينا بس المفروض انها انكسرت أجل بعد هادا الكلام الا يقطع القلب و كل هادا الحب
و في الأخير و لا كلمة حلوة من هنري حتى ما عنقها !!
و فالح يجري ورا الا رمته للتبني
في هاد المشهد ريجينا كانت كدا
و في الأخير أكتشفت شيء رامبل و ريجنا يكفوا و يوفوا ما لاحظت و لا حسيت بغياب ايما و سنو وايت
ايش يصبرني للحلقة الجاية بسس
[ أكتوبر 09, 2012, 08:42 PM: تم تحرير المشاركه من قبل: _LEENA_ ]
-------------------- المشاركات: 1178 | تاريخ التسجيل: يوليو 2011
|