No Country Becomes the Highest Grossing Coen Brothers Movie
The neo-western thriller “No Country For Old Men” has crossed the 45.55 million dollar mark, becoming the highest grossing Coen Brothers film of their careers, surpassing the box office success “O Brother, Where Art Thou?” (final gross $45,506,619). Academy Award®-winning filmmakers Joel and Ethan Coen directed and adapted the acclaimed novel by Pulitzer Prize-winning American master, Cormac McCarthy
--------------------
المشاركات: 7100 | من: || Dubai || | تاريخ التسجيل: فبراير 2004
|
الفيلم ابدااااااااااااااااااااااااااااع في ابدااااااااااااااااااااااااااااع
الفيلم مب معقوووووووول
فعلا أقوى فيلم نزل هالسنة بدون منازع
خافيير بدون منازع شال الفيلم فوق ظهره .. صدق هالانسان مرعب .. من بداية الفيلم خوفني يوم ذبح الشرطي و بكل بساطة
قلت يابوا لنا واحد مينون في الفيلم
مشهد يوم انتون يكلم راعي المحل في المحطة صدق مرعب والله لو انا مكانه كنت شردت مثل الحصان .. ملامح ويه تخوف
و بعد يقوله ليش تسكر الحينه هذا مب وقت التسكير
اللي يشوف ويع يطلع ما يسكر شي و يخليه بروحه في المحل
لما يلحق موس شي ولا بالاحلام الحلو انه الاثنين متمسكين بموقفهم .. و كل واحد فيهم يعاند الثاني و يبا الفلوس
موس غلطته الوحيدة انه رجع حق الريال عسب يعطيه الماي.. و يا ريته ما فكر في هالشي
موس حسيته ذكي و هو يشرد مع البيزات و يعرف كيف يدبر نفسه .. مثل ما قالت زوجته ما يحب حد يساعده
و اللي اسمه كارسون على ما أعتقد .. حسته غبي شوي مع انه افعال تبين انه ذكي .. هو عرف مكان البيزات بس ليش ما خذهم .. أحس انه كان يبا موس بنفسه ايي عنده عسب يرجع البيزات
انتون هالانسان أحس انه شخصية معقدة و عندها حالة نفسية .. يذبح الناس بكل بساطة .. و استغرب من شوي واحد انه ما ذبح الدبة اللي ما سوت له سالفة ... هالموقف محير بس يمكن لأنه حس انه في ناس في مكان فما ذبحها
طريقته في فتح الباب حلوة .. مع اسلحته اللي تخوف
نرجع للأحداث اللي صارت خاصة المكان اللي أحسه هو اللي خلى الفيلم الافضل هالسنة
أخر نص ساعة تقريبا
الشريف يمشي في الشارع و يشوف ناس تركب الشاحنة و تشرد
اهني الموقف صار مرعب بالنسبة لي .. منو هايله و شو صار اهناك و هذا نفسه المكان اللي كان في موس اخر مرة
و فجأة موس ميت .. شو صار؟
بعدها الاحداث تتحرك بسرعة .. بس ما فهمت شي .. لين ما الشريف يرجع للمكان اللي مات فيه موس و القفل مب موجود .. أول ما شفت انتون قلت أكيد مب هو اللي ذبح موس .. و قلت انه الشريف بيموت
الا اشوف الشريف يدخل الغرفة و ما في حد قلت أكيد انتون ورى الباب .. بس اللي استغربت منه انه ما صار شي .. و الشريف يمشي في الغرفة كأنه محد فيها
أما ما شفت العملة في الارض عرفت انهو فتحة التهوية مفتوحة عرفت انه المخرجين قصوا علي .. حركة حلوة منهم انه يخلونا نفكر انه انتون في الغرفة .. يمكن هالشي هو نفسه اللي كان يفكر في الشريف يوم شاف القفل مب موجود
بعدين مشهد زوجة موس ترجع البيت و يوم ترجع تلقى الجامه مفتوحة .. فعلا استغربت من ردة فعل الزوجة و عيبتني الصراحة فوق ما هي خايفة بس استحملت و كلمته بشجاعة الصراحة
قالها انه انا اتفقت مع زوجج انه بتموتين ( هالانسان مع عنده احساس )
انا من ناحيتي أظن انه انتون ذبح زوجة موس لسبب واحد و هو انه لما طلع انتون من البيت شاف الجوتي من تحت .. اعتقد انه لما شاف الجوتي كان يبا يعرف اذا في دم عليه و لا لأ .. و فوق كل هذا هو انسان مينون ما تمشي عليه كلمتين من الحرمة
و سبحان الله و هو يمشي في الشارع تيي سيارة و تدعم سيارته .. توقعته مات بس هو قطوة بسبع ارواح ..ما يموت
و الشريف يوم كان يرمس مع اعرف منو و بعد هالكلام يرونا في البيت يالس مع حرمته و هو متقاعد عرفت شو علاقة الفيلم باسمه
و سالفة الحلم الصراحة هي الوحيدة ما فهمتها الا يوم قريت رد خليفة و اتضحت السالفة
الفيلم الكلام فيه شوي و وايد احداث تفهمها بدون حوار و هالشي الحلو في الفيلم
الاخراج فظيع و التصوير و كل شي
أنا من ناحيتي .. أقول انه أفضل فيلم هالسنة و قدر يتفوق على اتونمنت بشوي
لو بايدي بعطيه أفضل فيلم .. أفضل مخرج بعطيه حق جو رايت احسه الافضل
--------------------
المشاركات: 3426 | من: .ıllıllı. U.A.E .ıllıllı. | تاريخ التسجيل: أكتوبر 2005
|