سوري تأخرت بالرد .. بذكر كل الأفلام اللي حبيتها خلال 2015 + اللي قاعد تنافس بالمهرجانات حاليا
أنت عاد شوف التريلرز وحدد شنو على مزاجك
Room The revenant Spotlight The danish Girl Carol Brooklyn The martian Mad Max Steve jobs ex machina Straight Outta Compton Creed The Hateful Eight Inside Out Beasts of No Nation diary of a teenage girl mistress america dope slow west Sicario spy The lobster the end of the tour i'll see you in my dreams Tangerine 45 years ( ماشفته للحين بس الريفيوز كثير ايجابية .. بس ماتوقع نزل أونلاين ) Me and Earl and the Dying Girl Joy
وفي كم فيلم بعد بس مانزلوا أونلاين !
راضية عن سنة 2015 سينمائيا بس الله يستر من 2016 .. مادري متى نفتك من أفلام السوبر هيروز
صارلنا فترة لام كل سنة عشرات الأفلام من هالنوع
[ ديسمبر 25, 2015, 04:22 PM: تم تحرير المشاركه من قبل: Angie_S ]
مرسله في
دخلت أمس فيلم room حبيته وايد حلو خصوصا تمثيل الولد رهيب
بس الفيلم توقعته أقوى شوي وايد أحداث ناقصه أحس
الممثله ببعض المشاهد تنرفز مادري هي لأنها بارعه بالتمثيل أو لأنها مليغه وماتنبلع لول مو عارف شلون أشرحها المهم تبط الجبد شوي
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
كنت متوقعه مايعجبي بس صار العكس .. عجبني كثير والبركة بتمثيل ايدي واليسيا , خصوصا اليسيا !!! مو معقولة شكثر موهوبة هالبنت .. كنت أحس بمعتة وأنا أشوف مشاهدها وطبعا الدور رئيسي 100٪ لكن متوقع تروح للسبورتنق ومن اللي شفته هي وروني أحق ثنتين بالمجسم الذهبي .. ايدي مع إني أحسه أوفر ريتد بس تمثيله هني ممتاز ويكسر الخاطر ومشاهده مع اليسيا روعة تحس فعلا اثنين يحبون بعض ويخافون على بعض .. استمتعت بالفيلم كثير ورحت قريت أكثر عن ليلي وحياتها .. وضاق خلقي لما قريت عن غيردا حياتها تعيسة ونهايتها تعور القلب ... يقولون ماتت ماعندها ولا فلس بعد ماباقها زوجها الثاني .. اصلا كافي صدمتها في زوجها الأول ووفاته بهالطريقة الحزينة - وعلى طاري غيردا , مافي فنانة من الـA-list ماقالوا راح تمثل الدور ومنهم شارليز ثيرون و اوما ثيرون وغوينيث بالترو ما اتخيل الدور على وحدة غير اليسيا .. وترى ببداية التحضير للفيلم كانت الاسطورة نيكول كيدمان المفروض تمثل دور ليلي
Room
الفيلم ممتع وحبيت انه كان عكس المتوقع .. مو طول الفيلم بالروم وهالشي كان مفاجأة حلوة وخدم الفيلم ! بس بصراحة أوفر ريتد .. اللي ميز الفيلم هو تمثيل الكاست .. بري كانت رائعة ولها أكثر من مشهد روعة خصوصا مشهد الانترفيو وأغلب مشاهدها بالروم بس ماتستاهل تكون الـfront runner للأوسكار - هي الأقرب للفوز حسب كلام النقاد وشبه أكيد اصلا هي الفايزة .. تمثيلها جميل وعطت الشخصية أبعاد وماطلعتها بصورة سخيفة ومبالغ فيها وتستاهل الترشيح أكيد لكن الفوز لأ .. مفاجأة الفيلم هو الطفل جاكوب ( جاك ) كان رااائع وعفوي وشي مدهش طفل بعمره يطلع منه كل هالاحساس ! وأشوفه هو بطل الفيلم مو بري ودوره أساسي مش supporting - ماراح أزعل لو ترشح بس أتوقع في افضل منه .. وحتى جون كانت ممتاز وحضورها جميل بالفيلم
Joy
الفيلم بصراحة so messy والمشاهد لازقه ببعض بدون ترتيب وتحسونه سريع بزيادة بس ككل الفيلم زوين وكان ممكن يصير أفضل بكثييير لو ديفيد شغل مخه شوي - الفيلم بشكله النهائي طالع كأنه فيلم تلفزيوني من lifetime أو abc family .. ونقطة الضعف الثانية بالفيلم انه كل الكاست حضورهم بارد وباهت ماكأنهم نجوم , محد بين وبرز بالفيلم الا لورانس وديان - حبيت وجود ايزابيلا .. وخلكم حقانيين يالهيترز لورانس قدمت strong perfotmance كالعادة وفي أكثر من مشهد كانت راااائعة فيهم وظلم لو ماترشحت .. وديان كان حضورها دافئ وطالعه فعلاً جدة حنونة وعلى قلة مشاهدها بس كانت مؤثرة .. بس عيب الفيلم هو الفوضى والسرعة .. حسافة صج كان ممكن يطلع أفضل بكثير بس ماضبطت مع ديفيد هالمرة
Creed
The most emotional movie هالسنة بالنسبة لي .. صحيح الفيلم تقليدي وببعض المطارح مثل مايقولون cheesy بس التمثيل كان قوي ورفع الفيلم كله .. تمثيل مايكل + سلفستر + تيسا كان جميل والكمستري بينهم حلوة .. تيسا موهوبة جداً بس أحس قاعد تنظلم بالـcasting لأنها بلاك .. تستاهل أكثر .. حبيتها كثير بالفيلم .. كريد أشوفه بمستوى الفيلم الأول Rocky 1977 ويمكن أحلى بعد
Carol
M A S T E R P I E C E
راااائع .. الكمستري بين روني وكيت لا توصف - فيلم ساحر من اخراج لسينماتوغرافي للأزياء للموسيقى , من افضل أفلام السنة باختصار .. وبعد ماشفت تمثيل أغلب المنافسات على البست أكترس فأقدر أقول كيت بدون منازع الأحق بالفوز . لكن ماراح تفوز للآسف .. تمثيل كيت شي رائع بسيط واقعي نظراتها بروحها تستاهل أوسكار - في كم مشهد كانوا روعة مع إنه بس تطالع فيهم أو تقول كم كلمة .. مهما حاولت ماقدر أحطها بمقارنة مع باقي المرشحات - هي الأفضل .. وطبعا روني كانت تهبل وإذا راحت للسبورتنق فهي الأحق بالفوز أكيد .. ما أتخيل أحد يمثل الدور غيرها طالعه مترددة بسيطة حساسة ما كأنها نفس الانسانة اللي مثلت في the girl with the dragon tattoo , وماصدق هذي الموهوبة الخفيفة على القلب هي أخت ثقيلة الدم Kate Mara وعلى فكرة اخراج تود كالعادة رائع ومختلف .. تود مميز وله نظرة مختلفة بس للآسف أحس فرصته بترشيح الاوسكار أضعف من الباقي .. لكن يستاهل الترشيح
+
المشهد الأخير على هالمشهد بس كل وحده فيهم تستاهل أوسكار