معقولة حضرت الفيلم لوول >> مب جني مسوي دعاية لكم لين يوم الدعاية الصراحة جفتني كنت منسجم حتى مع الدعايات لول عشت في جو ثاني مع كل ثانية من الفيلم وانا معاك ماما اووودي عجيييبة
بس الحمد لله انه عيبك
وعن كلاسيكات ديزني قبل أنا معاك انها حلوة لكن اي فيلم يديد ينزل تحن حق الي قبله وهو مب احلى منهم او هم احلى عنه لكن هو مختلف نوعاً ما لانه غير عن القصة الحقيقة ..
عني أنا حنيت حق هاي الافلام
للحين ما قلت لكم رايي بالفيلم لكن انا متهيء حق رد طويل يستحق لفيلم عحيب شراته
رسميا ديزني عادت لمسارها الصحيح .. الفلم كتلة من الابداع الكلاسيكي وتحفه ماتقل عن افلام ديزني السابقه .. تجمعت فيه كل العناصر اللي نحبها .. فلم ساحر وملهم ويمدك بشعور ايجابي واحساس مليان بالطاقه بعد انتهائه .. انا عن نفسي ماقدرت استحمل من غير ماصفق بعد المشهد الاخير من الفلم .. وطلعت من السينما وانا امشي بخطوات سريعه لدرجة اني ماقمت احس بالارض تحتي .. والله العظيم من غير مبالغه هذا كان احساسي بعد ماخلصت الفلم .. يمكن لاني عاشق مو طبيعي لعوالم وافلام ديزني فحسيت ان الفلم عطاني اللي ابيه بالضبط ..
بداية من الافتتاحية الساحره على ضوء نجمة الامنيات العامل المشترك بأغلب افلام ديزني ووصولاً الى الكردت يحطنا الاميره والضفدع في اطار عالم خيالي محكم الصنع .. عالم مليء بالالوان البراقه والشخصيات المحببه والاغاني الحلوه والخلفيات المرسومه بعنايه فائقه .. قصة الفلم فاجأتني لاني ماخليت سنيك بيك عن الفلم الا ماشفته .. فظنيت اني عارف كل شي وحرقت على عمري اشياء كثيره .. لكن تفاجأت لما لقيت ان القصه خذت منحنى اخر تماما وكان في مفاجأت كثيره غير متوقعه .. وعلى الرغم من ان الفلم ساحر وملهم ويحرك المشاعر .. الا ان فيه لحظات حزينه تعور القلب واعتقد اول مره تصير بفلم من افلام ديزني .. وفيه لحظات مخيفه راح تثير فيكم الرعب .. لاتستهينون بكلامي لاني عارف شقول .. وهي المشاهد المتعلقه بالجن ..
تيانا اقوى اميره ظهرت من اميرات ديزني .. شخصيتها وطموحها العالي اللي مايحده سقف ارفعتها بمراحل عن باقي اميرات ديزني .. تيانا تبي تحقق حلم ابوها وتفتح المطعم لكن بنفس الوقت كان كل تركيزها منصب على هالهدف وناسيه امور ثانيه اهم بالحياه لازم تلتفت لها .. طريقة رسم تيانا مش طبيعيه .. طالعه كأنها نسخه سمره عن بيل .. ولاحظت ان ديزني وايد دلعت تيانا وخلتها تكشخ بأكثر من لوك ..
ونافين اعتبره من اقوى امراء ديزني .. وعلى الرغم من انه مرح ومنطلق وطائش ومغرور حبتين لكنه يملك قلب طيب مدفون بأعماقه .. تحول نافين من مرحله لمرحله ووقوعه بحب تيانا اشوفه من اجمل الامور اللي صارت بالفلم .. والثنائيه اللي شكلوها نافين وتيانا من اجمل الثنائيات اللي شفتها على الاطلاق بعد علاء الدين والاميرة ياسمين .. طول ما هالاثنين بطريقهم لماما اودي وانا مستانس على حواراتهم والمشادات الظريفه اللي بينهم .. وصعب اختار مشهد واحد مفضل عندي لان في مشاهد كثيره ..
حبيت شلون نمت العلاقه بينهم خصوصا لما كانت تعلمه شلون يقطع الفطر لشرائح وشلون بعدها الكل تجمع حوالين الشوربة اللي اعدتها تيانا على ضو القمر في الغابه .. الجو كان فظيع وحسيت بدفا حواليهم وتمنيت اكون معاهم بهاللحظه
الشخصيات الثانويه بالفلم من اروع الشخصيات وامتعها على الاطلاق .. شارلوت هالبنت الرهيبه اللي تخش ورى دلالها قلب طيب وحنون حرام ماتشل فلم كامل .. طول ماهي موجوده عالشاشه انسى كل اللي حولها واركز عليها هي بالذات .. شخصية تلفت الانتباه وتموت من الضحك ومسويه جو حلو .. اكثر مشهد ضحكني لها مشهدها مع الامير نافين في الحديقه .. وشخصية التمساح لويس ينتمي بقوه لتايب الشخصيات الكلاسيكيه القديمه .. قريب للقلب ودايما مفهي .. وعنده حلم انه يصير انسان عشان يقدر يمارس هوايته المفضله بالعزف على البوق .. بس هل راح تتحقق امنيته ويتحول انسان ؟ شوفوا الفلم واكتشفوا الاجابه بنفسكم
شخصية اليراعه المضيئه راي اللي ماتوقعت ابدا اني راح احبها من الدعايات اكثر شخصية ثانويه فاجأتني .. ترك اثر كبير فيني واحس تأثيره وسحره مايقل عن الجندب اللي بفلم بينوكيو او حتى بطريقة ما مش عارف كيف اوصفها بتينكر بيل .. خصوصا بعد اللي صار له بأخر الفلم .. اغنية ايفانجلين حبيتها وادمنت عليها بعد ماشفتها بالفلم .. واخلاصه ووفائه لحبيبته ايفانجلين كان جدا مؤثر الصراحه ..
الشرير فاسيلير من اقوى واكثر اشرار ديزني اللي حقدت عليهم بالفلم .. اشتقنا نشوف اشرار لذيذين مثل فاسيلير .. تركيبة شخصيته وتعامله مع الجن او اصدقائه من الجانب الاخر عطى شخصيته هيبه مخيفه كأحد اشرار ديزني .. ونهايته فعلا مؤثره .. لكن تمنيت لو عطو شخصيته مساحه اكبر بالفلم وعطونا تفاصيل اكثر عن ماضيه وشلون بدت علاقته مع الجن .. في حدث مهم راح يصير بأخر الفلم خلاني اكرهه واحقد عليه ..
الاغاني كلها مميزه وراندي نيومان استطاع انه يقدم اغاني تمشي مع احداث القصه من غير ماحس انها دخيله او مالها لزمه .. والفلم مرسوم بفخامه مثل افلام ديزني الكلاسيكيه الراقيه اللي احس انهم منسوجه على سجاد حرير .. او مرسومه بلوحات زيتيه فخمه .. الباك جراوند للفلم فظيع وماينوصف .. السينماتوغرافي مذهل من المنظر الليلي الساحر بالغابه الى مدينة نيو اورلينز وتحويلها الى مدينة ساحره العربات اللي تجرها احصنه بكل مكان والحفلات التنكريه والقصور الفخمه ومنظر البيوت المتواضعه للعمال البسيطين وحتى مشهد تجمع الحيوانات في الغابه لحظة القبله السحرية .. شي ساحر بمعنى الكلمه
وجدا حبيت استخدام اليراعات المضيئه بمشاهد الغابه .. اشكالهم عطت الفلم جمالية من نوع خاص وخلت الجو يكون مبهج ومبهر .. وعجبني جداً ستايل الرسم العريض اللي استخدم بمشاهد اغنية الموست ذير .. حلوه وفنيه جداً ..
لحظه نسيت اتكلم عن ماما اودي .. انقهرت لان مشاهدها كانت قليله بالفلم بس وايد حلوه وتركت فيني اثر كبير .. احلى شي التساؤل اللي طرحته لتيانا ونافين عن الشي اللي نحتاجه والشي اللي نريده .. فالبدايه كلامها كان مبهم كون اللي نحتاجه ونريده يشابهون بعض .. لكن بعد مانتهت المغامرة استفدنا وايد من حكمتها وعرفنا الفرق بينهم .. وقبل لا انسى من اكثر المشاهد اللي ظلت بذاكرتي المواجهه الاخيره اللي كانت بين تيانا والشرير فاسيلير .. الاخراج كان جداً رائع ووصلنا احساس تيانا وعشنا معاها صعوبة اللحظه .. شدتني طريقة عرض المواجهه والرسم المتقن اللي فيها .. شي رائع وساحر .. وحتى الطريقه اللي ختموا فيها الفلم جداً رائعه ..
الاميره والضفدع فلم كلاسيكي على اصول ديزني .. لو والت ديزني عايش عندي احساس انه راح يكون فخور بالصوره اللي طلع فيها العمل .. الفلم قدم لي وجبه دسمه كنت انتظرها من سنين طويله .. وهالنوع من الافلام لو اظل اشوفها مليون مره مستحيل امل منها .. احس لما سوو الاميره والضفدع حطو في بالهم ان الفلم يكون مخصوص لي انا لول .. لو باحط الفلم بمكان معين ضمن افلام ديزني المفضله ماراح ينزل عن التوب 10 لافضل الكلاسيكيات اللي شفتها على الاطلاق .. روحوا شوفوه ولاتتردون .. لانه حتى لو ماكان من النوع المفضل لكم راح يرضيكم ويخليكم تطلعون وانتو مستانسين ..
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
حنينا يا ديزني لايام الكلاسيكات أيام سنووايت و سندريلا و علاء الدين و حورية البحر ألخ ..)
أيام حلوة و ذكريات رائعة حبها الصغير و الكبير
كنت البارحة أحضر فيلم من روائع ديزني الاخيرة وليست الآخرة في السينما كنت في الموعد قبل الفيلم قبل نص ساعة حجزت أنا و مجموعة من ربعي من مختلف الاذواق و العقليات جمعنا شي واحد و هو انه نرجع يهال شرات قبل و نعيش في عالم القصص و الخيال ..
بداية الفيلم رهيبة باغنية روعة عن نجمة الامنيات بصووت تيانا الساحر أتكلم بشو و لا شو خلفيات الفيلم أكثر من روعة عشنا في أيام العشرينات أيام القصور الكلاسيكية .. حبيت الامل و الطموح الي تعيشه عايلة تيانا .. القصة ككل روعة و مختلفة عن القصة الصجية .. حبيت تسلسل القصة و راكبة على جو مدينة نيو اورليند الي القصة حاصلة فيها .. أميرة أمريكية سمرا في مدينة معاصرة ما حسيت القصة تركب لكن طلعت و لا أروع
لما عرفت ان مستر راندي الي بيسوي الاغاني و عرفت انه نفسه الي سوه الاغاني لـToy Story انصدمت و قلت انه ما راح يضبط اغاني قصة كلاسيكية .. لكن بعد ما عرفت انه الفيلم في ايام العشرينات و في مدينة امريكية تطمنت انه الاغاني راح تناسب جو الفيلم ..
قلت رايي من قبل في الاغاني لكن Almost there رهيبة عالشاشة ..
وحبيت اغنية ماما أودي واايد ..
أغنية البداية الي تتكلم عن نبو اوريلند رهيييبة وايد أحلى أغنية حسيت بحماس كبير يوم سمعتها
حبيت شخصية Charlotte واااايد شخصية مررحة و طمااعة بس بطريقة حلوة الكاركتر مالها فظيع و ما توقعته جذي
تيانا شخصيتها قوية و عزيمتها أقوى حبيت لبسها ما عاد انه مالي خص باللبس و موضة البنات لكنت في اللقطة الاخيرة كانت أميرة باناقتها لول
الامير نيفين شقي و طيب
ماما أودي مكانها فالقلب هالمخلووقة عجيييبة
رجل الظل الشرير اممم شو اقول عنه اكثر من انه حتى الشر يخاف منه لول
ري
بدخل علطول في الي ما عجبني لانه الفيلم عاجبني بالاساس .
1- ما عجبني التفريط الرهيب بالشخصيات الثانية وايد شخصيات انظلمت وخذت اقل من حقها
2- تيانا و نيفين طولو بالغابة يعني لو غيرو بالاماكن خلوه بكذا مكان غير الغاية كان بيكون أحلى الغابة جابت شوية ملل بالمشاهد
3- الشرير مثل ما ذكرت لوفر المفروض نعرف عنه أكثر دش بالمشاهد علطول لول
4 - (( ماما أودي عمية ))
الاغاني 9\10
الصورة 10\10
القصة 10\10
المشاهد 9\10
الشخصيات 10\10
المجموع 48 \ 50 = 96%
ونصيحة للكل الفيلم ما يتفوت و اعتقد انه من الافلام الي راح تعيش وما تنمل وانا مستعد اجوفه مرة ثانية
رغم الافلام القوية الي نازله الا انه يعتبر منافس لاقوى الافلام هالسنة منها فيلم Nine ..
هالفيلم بيدوم لبعدين و بيبقى في ذاكرة العاالم مثل الي صار في فيلم حورية البحر كانت ارباحه عادية في البوكس أوفيس لكن بعد سنوات رجعو الناس يهتمون فيه وصار من أفلامهم المفضلة من كلاسيكيات ديزني
مشكورين روح ديزني و ناصر على الريفيوات.. ان شالله بحطلكم رأيي أول ما أشوف الفلم الاسبوع الياي.. ترقبوني مادري اذا حد منكم شاف البرنامج الخاص باحتفال ديزني لاند بالكريسمس.. اذا ما شفتوه لحقوا عماركم وشوفوه الحين عموما.. الحفل كان فيه فقرات استعراضية من نجوم كبار مثل ستيفي وندر و سيلين ديون و الجوناز براذرز.. وأحلى فقرة في الحفل كانت استعراض الاميرة والضفدع مع أنيكا نوني روز و نجوم Dancing with the stars شيريل ( ما حصلوا غيرها؟ ) و توني دافالاني..
رد مقتبس: شو تتريا روح الحين ليش الاسبوع الياي لول
ان شالله باجر بشوفه.. مضبط المنبه عالساعه 10 الصبح علشان ما يأذوني الصغارية
يزيد و باربي جيرل.. نااااااطرين رايكم
رد مقتبس: إن شاءالله ما يقطعون عنا ديزني بأفلام كلاسيكيه من فتره لفتره
خلف.. مع إدارة ديزني اليديده توقع أفلام محترمه وقوية من الان فصاعدا.. مادري اذا لاحظتوا بس Enchanted و بولت و الأميرة والضفدع كلها أعمال أقوى بمراحل من اللي كنا نشوفه في السنوات اللي قبل..
رد مقتبس: بس حرام الفيلم لازم يحصل بيزات اكثر فالبوكس اوفيس لأنه يستاهل اكثر
انا في البداية كنت متضايق من سالفة البوكس أوفيس بعد.. بس لا تخاف على ديزني.. بيطلعون فلوس الفلم من مليون مكان ثاني.. على فكرة مبيعات أميرات ديزني تدخل للشركة 4 بليون (مب مليون) دولار في السنة..
إرسال هذه الصفحه لصديق!
لطباعه هذا الموضوع
![[Smile]](smile.gif)
لوول >> مب جني مسوي دعاية لكم لين يوم الدعاية الصراحة جفتني كنت منسجم حتى مع الدعايات لول عشت في جو ثاني مع كل ثانية من الفيلم وانا معاك ماما اووودي عجيييبة 
![[rose]](graemlins/40.gif)
![[eyelove]](graemlins/eyelove.gif)
![[Frown]](frown.gif)
![[heartpump]](graemlins/heartpump.gif)
![[crying]](graemlins/crying.gif)
وحلم المطعم 
![[Big Grin]](biggrin.gif)
![[Mad]](mad.gif)
![[worried]](graemlins/worried.gif)
) و توني دافالاني..
![[dance]](graemlins/dance.gif)
...
![[girlie]](graemlins/girlie.gif)
![[battingeyelashes]](graemlins/battingeyelashes.gif)
![[Razz]](tongue.gif)
![[super]](graemlins/super.gif)
![[Roll Eyes]](rolleyes.gif)
![[nut]](graemlins/nut.gif)
![[bgrlaugh]](graemlins/bgrlaugh.gif)
