انا صارلي سنتين اراسلهم على الايتونز ولا حياة لمن تنادي
حتى طرشت للمسؤوله عن اغاني البومات ديزني وراسلتها كم مره بس ماترد
maria.kleinman@disney.com
المشكلة هم ما جربوا يسوون هالحركة الا مرتين و حتى لمن ادور ع الساوندتراكس ما تكون موجودة فالمحلات ف مادام ان الاشرطة انباعت ليش يقولون ان التجربة فشلت ؟؟؟
شي يحير الصراحة!!
المشاركات: 41 | من: UAE | تاريخ التسجيل: أكتوبر 2016
|
بغض النظر عن نوعية الافلام ... سنة 2019 بتكون تفجييير لـ ديزني : حكاية لعبة 4 فروزن 2 الاسد الملك ( اللايف اكشن ) ستار وارز الجزء الاخير
كلها افلام لها جمهور ضخم وترقب كبير جدا ..!
+
اغلب الظن الفيلم الايف اكشن الثاني بيكون علاء واتمنى فعلا وبعد بحكم انهم شغالين على التجهيزات الخاصة بالفيلم واختيار الممثلين من الحين والتصوير شهر 7 يعني بعد شهرين
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
شباب تتذكرون اول مابدت شوتنغ ستارز توزع افلام ديزني عندنا؟
تحطمنا لما عرفنا انهم ماراح يوزعون الافلام القديمة مثل الاسد الملك وسنووايت وغيرها على بلوراي .. وانهم راح يكتفون بطرحهم على ديفيدي بس نظراً لان مبيعات البلوراي كانت قليلة ايام توزيع فيفا وروتانا ..
بس قبل شهر وقبل لا ينزل موانا صارت مفاجأة غير متوقعه!!
بدت شوتنغ ستارز تعيد طرح بعض العناوين القديمة على بلوراي .. مثل اصدار الاسد الملك الماسي .. متخيلين
وحتى البلوريهات الثانية مثل زوتوروبوليس وفروزن وبيق هيرو وغيرهم .. رجعوا نزلونهم بعد ماكانوا مقررين ان اي بلوراي سبق ونزل مع شركات ثانية ماراح ينزلونها وراح يكتفون بس بالعناوين الجديدة اللي تنزل لاول مرة ..
الصور من فيرجن الامارات من تصوير صديقي العزيز عمر
شباب هالخطوه جداً مهمة ولا يستهان فيها .. لانها راح تفتح لنا باب كبير بخصوص عودة ديزني لطرح كلاسيكياتها القديمة على بلوراي مدبلجين بالعربي بأسواقنا .. والله صرت مو مستبعد اشوف بأي لحظة بلوراي علاء الدين او مولان نازلين بالعربي فجأة .. خصوصاً وان ديزني سوت لهم اعلانات مدبلجة ..
سوق البلوراي اليوم صار وايد قوي عندنا وماعليه خوف نفس قبل كمبيعات
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
والله فرحان أكثر شي على بلوراي زوتروبوليس لأنه كان منقرض تمامًا بس الحمدلله دحين رجعوه
بس على قد ما فرحت بالخبر على قد ما أنا مقهور لأني عارف إنه ولا شي حيوصلنا في جدة :/
تخيلوا كل المحلات حتى فيرجن شالوا أقسام الأفلام من عندهم
مستحيل الأفلام ما تجيبلهم أرباح ولا ما كان أحد راح لتجار الإنستقرام و دفع مبالغ مجنونة علشان ياخذهم
ناس كثير من هنا صاروا يشتروا من تجار الإنستقرام علشان مو محصلين محل واحد ياخذوا منه أفلام
+
بالنسبة لدبلجة موانا التاهيتية .. أولاً هادي لغة أي بلد ؟
ثانيًا أيًا كانوا نفسي أعرف شعورهم دحين بعد أول فيلم لديزني مدبلج رسميًا بلغتهم أحس نفس شعور اللي كانوا موجودين أيام ما ديزني دبلجت الأسد الملك بالعربي
+
إعلان سيارات خرافي و أنا اللي كنت مبهور بجرافيكس الجزء الثاني ؟ الجرافيكس هنا واضح حيكون شي خرافي و واضح قدامنا قصة حلوة و ملحمية
بالمناسبة لاحظتوا وجود " تَنْك تاني " في الإعلان ؟ السيارة الخضرة عدو برق بنزين و اللي بهدل الملك في الجزء الأول ؟
واضح حيكون هو مدرب السيارة الجديدة " جاكسون ستورم "
كل أملي في الدبلجة العربية من الفيلم .. أتمنى من قلبي يدبلجوه بالمصري بالكامل .. تخيلوا ماطم يتكلم فصحى مو صعيدي ؟
+
دريتوا بالخبر ؟ قناة الكويت اليوم عرضوا حكاية لعبة الجزء الأول بدبلجة الجزيرة اللي بالفصحى
والله مصيبة لو كل القنوات المهمة صارت تعرض القرف هادا
--------------------
المشاركات: 635 | من: Disneyland | تاريخ التسجيل: يوليو 2011
|
قناة الكويت وصلنالهم راينا اليوم بالانستغرام وان شاء الله خير .. يارب يعطونا وجه مو يسحبون عينا مثل ماجد والجزيرة ..
اما كارز 3 اكثر شي خايف منه هو دبلجته العربية .. ياخوفي ادارة ديزني الجديدة تلغي سالفة النص مصري ونص فصحى معاه بعد ما امتصت غضب الجمهور بدوري وموانا .. غير اني خايف بعد انهم يكررون نفس غلطة زوتروبوليس وتخلي الاسامي اللي لها معنى بالانجليزي مثل لايون هارت وغيره .. اللي كان يميز كارز الاول والثاني هو ابداع عمرو حسني باختيار اسامي الشخصيات .. برق بنزين وماطم وجن مصور .. الاسامي اللي لها معنى يضحك بالانجليزي ضروري يحطون لها مقابل عربي عشان المشاهد يفهم النكته من ورا اختيار هالاسم للسيارة .. ولا بتكون دبلجة بيض وترجمة غوغل مش اكثر ..
وبخصوص الاصدارات اكثر شي مفرحني الصراحه الاسد الملك والكلاسيكيات القديمة .. تجار الانستغرام استغلوا نفاذ هالكميات خلال الفترة اللي فاتت ورفعوا اسعار اللي تبقى منهم بشكل مرعب .. من يومين لقيت واحد يبيع فيلم الاسد الملك نسخة الثري دي على 250 ريال .. فايدته ضعف السعر الاصلي بالضبط .. استغلال وجشع مرعب .. اوكي استفيد من السلعه اللي تبيعها وضيف لها مبلغ اضافي لكن بشكل معقول .. 10 ريال زيادة .. ياخي خلها 50 ريال زيادة .. لكن مش ضعف المبلغ @@
ان شاء الله اعادة طرح هالبلوريهات تخليهم يهدون اللعب شوي ويرحمون الناس من هالاستغلال اللي يمارسونه عليهم ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
بالنسبة للإصدارات خبر حلو والله ان البلوريهات شوية شوية جالسة ترجع عقبال مولان وكل اللي جا بعده يعيدوا اصدارهم مع دبلجة بما ان الدبلجات جاهزة عندهم
---------------
حالياً انا بدبي فطبعا جالس استمتع بنعيم الاصدارات اللي انحركنا منه في السعودية فيرجين حق الإمارات مول قسم الافلام فيه لحاله اكبر من فيرجين حقنا بكبره
كمان للاسف عندي خبر مو حلو دوفليكس رحتله عشان صور أورفن حمستني وقتها وكان واصل حماسي لاعلى حد وبعدها خيبة أمل رحت المول حقه حصلتهم سكروا المحل ونقلوه لمول J3 والفرع الجديد اللي في مول J3 صغييييييييير جداً وما عندهم شي البلوريهات كلها بح الا اللي جا بعد انسايد أوت وكل تركيزهم على الديفيديز
خسارة ما لحقت على القديم
--------------------
المشاركات: 794 | من: ¥Under The Sea¥ | تاريخ التسجيل: ديسمبر 2012
|
إرسال هذه الصفحه لصديق!
لطباعه هذا الموضوع
![[heartpump]](graemlins/heartpump.gif)
![[eyelove]](graemlins/eyelove.gif)
![[worried]](graemlins/worried.gif)
![[sick]](graemlins/sick029.gif)
![[nut]](graemlins/nut.gif)
![[help]](graemlins/help.gif)
![[crying]](graemlins/crying.gif)
![[Eek!]](eek.gif)
![[happy.]](graemlins/happy.gif)
![[thinking]](graemlins/thinking.gif)
![[Big Grin]](biggrin.gif)
![[Frown]](frown.gif)
![[rofl]](graemlins/rofl.gif)
