شوفوا بس شحلاتها فرحانه بالدور .. المفروض مثل هالصور والاهتمام يكون من ديزني نفسها .. مش كارمن تروح وتصور من نفسها او الفانز يقولون لها شنو تسوي ولا ماتسوي .. لكن طول ما هالادارة اللي نايمه بالعسل موجودة عمرها ديزني ماراح ترجع مثل ماكانت قبل .. ولا فيلم كلاسيكي مهممممم وجديد توه مترشح لاوسكارين وفيه نجمة مثل كارمن سليمان ينزل عالايتونز ويكتفون بس ببوست واحد يلوع الجبد على صفحتهم بالفيس بوك!!
كل طاقتهم ونشاطهم خلوها حق ست الحسن والدلال هبه طوجي وكليبها السخيف
......
عشان تعرفون قيمتي بس
فديتها جيهان الناصر والله
هالانسانه اقسم بالله ذهب ذهب .. تخيلوا نفسكم مكانها .. اكثر نقطة رافعه من مستوى الفيلم هي كارمن .. بدل لا تحتفظ بهالكريدت لنفسها تروح وتكتب قدام العالم كله ان اللي اقترح ترشيحها هو واحد عادي من الفانز .. لو غيرها كان نسب هالموضوع لنفسه ومحد كان راح يعتب عليه .. لكن جيهان فعلاً اصيله وذوق .. واكبر خسارة اللي صار معاها .. خبر انسحابها من مصرية ميديا محتاج رد بكبره .. اسبوع كامل ماكان عندنا غير هالموضوع بالفيس بوك
حاولت انزل عنها بوست بعيد الام بصفحة ديزني بالعربي عشان اوريها حب الناس لها لكن المسكينة واضح انها ما اتخذت هالقرار الا لانها فعلاً مجروحه وزعلانه .. ماقول الا الله يصلح الاحوال ويرجعها لمصرية ميديا مره ثانية .. بجد كانت مثل ام لنا كلنا .. جيهان اسطورة ماتتكرر ومن مؤسسين ديزني العربية المهمين اللي مازالوا مستمرين لليوم ومن القلائل اللي تتواصل مع الفانز وتسمع لهم وتاخذ رايهم وتشاورهم .. ام حقيقية بكل معنى كلمة
[ مارس 26, 2017, 09:51 AM: تم تحرير المشاركه من قبل: [ L.O.V.E.R ] ]
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
جد جد والله بقدر ما فرحت ما حبيت 👎 على الرغم اني فرحان انهم وأخيراً تكلموا عن مؤدي من نسخ ديزني العربية لأول مرة في صفحتهم واللي تعتبر خطوة مهمة وتقدم للأمام لكن صراحة تضايقت شوية لاني شفت تجاهلهم التام لباقي الممثلين اللي بمصر ... خصوصاً ان مؤخراً شاركوا اسامي معروفة زي نسمة محجوب في ملكة الثلج ومؤخرا كارمن سليمان في موانا .. يعني حتى لو قالوا صوروا هبة لانها اسم معروف مالهم اَي تبرير ... وما اعتقد هبة بتكون مشهورة اكثر من نسمة او كارمن بس ولا شفناهم تكلوا عن الموضوع او حطوا بوست وخلوا الموضوع يمر مرور الكرام فخور بهبة ودخولها عالم ديزني ولكن حركة أبدا ما حبيتها وواضح فيها التحيّز لانها لبنانية. وهادا بعد مسلسل حق ديزني جونيور ماحد داري عنه بينما موانا الكل جالسين يتكلموا عنه وعن كارمن وولا عبره واتحدى اصلا اذا هبة نفسها اهتمت بالموضوع او فرحانة عليه والله متاكد لولا انهم حطوا بوست وفيه تاج لصفحتها ما كانت تكلمت ولا ذكرت الموضوع حتى بينما كارمن اللي راحت عند الشاطئ وصنعت ملابس ومجداف موانا عشان تتصور زيها من سعادتها بالدور وبأنها شاركت في فيلم لديزني ولا نسمة محجوب اللي وين ما تروح من فرحتها بدور إلسا تغني الاغنية في اَي لقاء او برنامج تطلع فيه وفِي النهاية ولا ذكروا اسمهم ديزني
--------------------
المشاركات: 794 | من: ¥Under The Sea¥ | تاريخ التسجيل: ديسمبر 2012
|
مرسله في
توني أجوف ردك عن جيهان ، بعد ماحطيت ردي اللي طاف
والله هالإنسان ذهبة ، فعلاً إنسانة والله العظيم لو نرمس عنها من اليوم لباجر مابنوفيها حقها ، وهالشيء بالذات اللي قالته يثبت إنها مختلفة تمام الإختلاف عن باقي اللي يشتغلون ف مصريا ميديا، وما شاء الله عليك يا ناصر طلعت سميع وتعرف تختار الأصوات المناسبة عدل ، الصراحة أهنيك عاللي صار وأنت إنسان ذويق ما شاء الله عليك وتستاهل كل خير الصراحة ، يعني أنت السبب الأساسي في قدوم كارمن سليمان وعملها لأغاني الفيلم ، الصراحة ماتخيلهم بصوت لوما لوول ، بس فعلاً ناصر أنت أحد الجنود المجهولين خلف نسخ ديزني بالعربي رغم وجودك فمكان بعيد تماماً عن الدوبلاج ، لكنك تسوي المستحيل عشان الشيء اللي تحبه وهالشيء جداً أحبه فيك
[ مارس 26, 2017, 09:55 AM: تم تحرير المشاركه من قبل: {( ديزناوي ماسي )} ]
مرسله في
هذا زمني اللي نزلت من فترة كانت فضيحة .. مستانس انه ديزني اداركوا الوضع و أعادوا تسجيلها لأنه المغنية اللي كانت تغنيها كانت سيئة جدا و تنشز .. مع اني كنت مستعد أنبهر لأني من القلائل اللي حبيت جدا مقدمة إلينا بصوت هبة.. انصدمت شوي من المستوى و أحس المشكلة في كلمات الأغنية أكثر من هبة و أدائها... عموما.. تطور كبير من ديزني و أتمنى مثل ما قلتوا انهم ينزلون أغاني موانا...
-------------------- [ المشاركات: 7335 | من: الامارات | تاريخ التسجيل: يوليو 2003
|
نااااصر ما راح ازيد على كلامك كثير بخصوص جمال موانا لكن بتكلم عن تجربتي مع موانا بشكل سريع
امس كنت بدبي وشفت موانا بالسينما والقاعة كانت فللل من اول صف لاخر صف وكانت هذي المشاهدة الثانية لي ..
المرة الاولى كانت بشهر ديسمبر اللي راح ، وكتبت رايي عنه بالتغطية وصحيح حبيت وعشقت الفيلم بس بعد ما استوعبته بالشكل المناسب بسبب ان القاعة كان كلها اطفاااال مزعجييين اللي يصيح واللي يصارخ والى اخره
لكن المرة الثانية اصريت اني اتعمق واركز بالفيلم وكانت النتيجة .. خرااااافية موانا لما تحمست له كان حماسي له مش عادي كنت حاط كل امالي فيه انه يرجع لنا بالافلام اللي تعودنا عليها زمان لانه لنا فترة طويلة ماشفنا فيلم بهالمواصفات والحمد لله ما خاب ظني ابدا
الفيلم اقسم بالله يجننننننننننن وبالراااحة احلى من رابونزل وفروزن وكل الافلام اللي بعدهم ومهما قلت ما اقدر اوصف جماله الفيلم وانا اشوفه عطاني شوي من جو علاء الدين على هرقل مدري كيف وطبعا هذي من افلامي المفضلة
وفي شي حبيته كثييييييييير وقت الفيلم ، كل الاطفال اللي بالقاعة كانوا يرددون الاغاني وحافظينها صمممممم ومو بس الاغاني حتى المشاهد حافظينها لوول كييوت وطبعا القاعة كان فيها كبار بعد مو بس اطفال وداخلين بروحهم بعد وفي ناس من عمري واكبر والاحلى ان الكل كان يتفاعل مع المشاهد واكثر شي مشهد الزحف على قول احمد القاعة كلها صارت في صمت ، وانا مع اني اوريدي شايف المشهد قبل بس والله جسمي قشعر له ..! مابوصفه ولا بقول شي عنه لانه اكيد في ناس لسة ما شافته
لكت اللي اقدر اقوله ان موانا هو الفيلم اللي كنا ننتظره من ديزني من فترة طويلة ومنتظر البلوراي اليوم قبل بكرا ويكون بايدي
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
مرسله في
قاعد اشوف موانا للمرة الرابعة !! هالفلم تحول ادمان الاغاني تذبح كلها حلوة انعن شكنهم ديزني
المشاركات: 44721 | من: الـكـويـت | تاريخ التسجيل: أكتوبر 2003
|
رد مقتبس:المرسل الأصلي هو طبيعي: قاعد اشوف موانا للمرة الرابعة !! هالفلم تحول ادمان الاغاني تذبح كلها حلوة انعن شكنهم ديزني
انا للحين شايف الفيلم مرتين بس بالسينما والمرة الثانية كانت فرررررق عن الاولى وحبيت فيها الفيلم اكثرررر ومتاكد المرة الثالثة والرابعة بتكون احلوى واقوى ، احب الافلام اللي بكل مشاهدة تجذبني وتخليني احبها اكثر وهالشي اخر مرة صارلي ايام رابونزل
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
احلى شي ان كارمن سبق وسوت كاستنق لدور آنا بفيلم فروزن لكن انرفضت .. والحين صارت موانا .. بالضبط مثل ادينا منزيل اللي سوت كاستنق لدور رابونزل وانرفضت .. وبعدها خذوها لفيلم اهم واكبر .. احب هالقصص لما تصير بكواليس الافلام ..
ومع ان الفيلم نزل وخلص وسمعنا صوت كارمن فيه .. لكن والله للحين مو مستوعب ان هالشي صار .. كارمن سليمان تشارك بفيلم كلاسيكي لديزني .. وتحط صوتها على موانا .. فخووور بنسختنا العربية .. واغنية المجهول يناديني بالعربي عالقة براسي بشكل مو طبيعي هالايام وكل شوي ادندنها .. خصوصاً هالمقطع: "اعرف ان سكان الجزيرة يهنئون بحياة كل شي فيها مرسوم / اعرف ان كل فرد منهم له عملاً يهواه ولي دور به اقوم / اتزعم شعباً فنقوى معاً، افخر بأداء الدور اذاً، لما لا يصمت همس بقلبي.. يناديني"
وبخصوص الفيلم نفسه ..
صدقوني هالفيلم مع الوقت بيكون من الكلاسيكيات القريبه للقلب اكثر من فروزن وهيرو ورالف .. وهالشي مب غريب على الثنائي الذهبي اللي اخرجوه .. رون وجون .. فعلاً اثبتوا انهم هم التعويذة السحرية لاي فيلم يشاركون فيه .. وجودهم بأي فيلم حتى لو مرسوم بالكمبيوتر يعطيه سحر خاص
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[eyelove]](graemlins/eyelove.gif)
![[Cool]](cool.gif)
![[heartpump]](graemlins/heartpump.gif)
![[Frown]](frown.gif)
![[help]](graemlins/help.gif)
![[Eek!]](eek.gif)
![[worried]](graemlins/worried.gif)
![[rofl]](graemlins/rofl.gif)
![[Big Grin]](biggrin.gif)
![[applause]](graemlins/applause.gif)
![[crying]](graemlins/crying.gif)
![[nut]](graemlins/nut.gif)
![[rose]](graemlins/40.gif)
![[dancer]](graemlins/dancer.gif)
