طلع وصرح بأنه مصدر إلهامه وهو يكتب الفيلم كان فيلم حورية البحر من ديزني
حبيت انه ماخجل من هالتصريح واعترف
مو مثل غيره اللي يقتبس من افلام ديزني ويكابر
رد مقتبس: “The story as I see it is The Little Mermaid, specifically Disney’s incarnation,” he says. “This is a woman who has been raised in a very protective, sheltered life, she’s curious about what life is like outside and she wants to have her own experience. She wants to be where the people are.”
والله احنا فانز ديزني العرب ماعندنا حظ ابدا صدق ناصر لما قال افلام هوليوود متبهدله اخرررر بهدله بالشرق الاوسط ومافي اي احترام لذكريات الناس مع الدبلجات الاصليه القديمه
ماهو زي ما يكون في اخبار حلوة لازم ماتجي قنبلة كبيييييييرة تنكد علينا
استنو الاخبار من مازن او من ناصر
ديزني اريبيا مافيش منهم امل
--------------------
المشاركات: 193 | من: طرابلس / ليبيا | تاريخ التسجيل: نوفمبر 2015
|
مشكووور جمعة ع خبر الايتونز . . كشخة والله لحقت اخذلي كم فلم من اللي ما خذتهم . . احيد الايتونز كل عيد ورمضان يسوون مثل هالتخفيضات بس انا المشكلة نسااي ودوم تفوتني هالعروض
-----------------------------
اسوء خبر من ديزني سمعته للحين يعني اذا الجزيرة ولا ماجد عرضوا النسخة الفصحى بالطقاق ما هموني هالقناتين بس قناة ديزني الرسمية تجي الحين وتعتمد نسخة تعبانة وغير رسمية على قناتها!! ولا بعد مب اي فيلم . . شركة المرعبين المحدودة اللي دبلجتها من اتقن وافضل دبلجات ديزني المصرية اللي معظم طاقمها من النجوم الكبار هذي اكبر حركة استفزازية سوتها ديزني لجمهورها ومعجبينها، وبصراحة هذي غلطة لا تغتفر. ديزني نست كل التعب والحملات اللي سووها الجمهور اللي تحمل وصبر كل هالسنين عشان ما يتم تشويه اعمال ديزني وبالاخير تكافئهم بهالطريقة!!! المشكلة ان فيلم شركة المرعبين من سنين وهو ينعرض بالدبلجة المصرية الاصلية شو اللي خلاهم يعرضونها هالمرة بالفصحى!!!!!! اتمنى ان هذي اول واخر مرة يتم استبدال الدبلجة العربية الرسمية بدبلجة تعبانة غير رسمية
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
الصراحة خبر عرض شركة المرعبين المحدودة بالفصحى يضيق الخلق لا والمشكلة على القناة الرسمية !
قسم بالله اللي يسوونه حرام .. وديزني الشرق الأوسط بعد هاذي الحركة بينت أنها ما تهتم بالجمهور العربي ومطنشته لأبعد حد !
يعني لا حملات فادت ، ولا مطالب .. ليش كل هاللخبطة ؟ يعني آخر فلمين ضفتوا اللهجة المصرية ومقاطع من قناة أميرات ديزني دبلجت بالمصري لأول مرة حتى صار عندنا أمل أن القادم بيكون أحسن
تاريخ ونجاح للهجة المصرية في أفلام ديزني + مشاركة أكبر النجوم كله راح عشان دبلجات أقل شي نقدر نقول عنها أنها زبالة أعزكم الله لكن صج الواحد ما ينتظر شي من هالإدارة الحقيرة
وعشان هالشي .. أنا انتهى اشتراكي مع OSN من أسبوع لكن ما راح أجدد الاشتراك خلااااص .. حتى مع إضافة قناة ديزني بيكسار والقناة اللي بتفتح السنة الجاية
إلا إذا رجع كل شي مثل قبل .. مع أني خلاص فقدت الأمل
وألف الحمدلله أني جمعت تقريباً كل الأفلام اللي تدبلجت بالمصري واحتفظت فيهم ، لأني ماراح استغرب إذا صارت الإصدارات الملموسة للأفلام القديمة بالفصحى في المستقبل !
...
[ يونيو 04, 2017, 05:29 AM: تم تحرير المشاركه من قبل: DisneyQa ]
--------------------
المشاركات: 63 | من: Qatar | تاريخ التسجيل: أغسطس 2016
|
خلاص ملينا كلمناهم اكثر من مرة و مليون الف تعليق فالايتونز و فالتويتر و غيره بس لا حياة لمن تنادي !!!!
المشاركات: 41 | من: UAE | تاريخ التسجيل: أكتوبر 2016
|
رد مقتبس:المرسل الأصلي هو howtodeal: اذا بتسوون حملات أو أي شي ضد OSN خبرون بشارك معاكم.. ما قدرت أدخل على موقع فيرجن القطري كل ما أدخل يحولني عالاماراتي مره ثانيه...
بالضبط وهذا اللي حاولنا نسويه الامس مع الشباب ادهم ومحمد انيس ومازن
عملنا ايفنت عالفيس بوك قدرنا نجمع فيه لحد هاللحظه 16 الف شخص مؤيد ومستعد لاي توجيهات ممكن نقولها لهم .. وهذا عدد قوي بالنسبة لحمله صايره بنص رمضان وتوقيت زفت وميت وبدون اي دعم من ولا اي فنان مشهور او وسيله اعلامية مثل الحمله الاولى ديزني لازم ترجع مصري .. ويارب العدد يزيد اكثر واكثر ..
بهالحمله الجديدة ركزنا على فكرتين
بما ان ادارة ديزني العربية في دبي مو معبرتنا ولا معطتنا وجه وحاطين كل تركيزهم على القنوات التلفزيونية "الزباين الهوامير" قررنا ما نتواصل معاهم بشكل مباشر وبدلاً منهم نتوجه حق مراكز القوى اللي ممكن تأثر عليهم ..
1- osn
2- ديزني بريطانيا المسؤوله عنهم
بالنسبة لـ osn هي شبكة تلفزيونية همها الاول والاخير رضاء العميل اللي يدفع مقابل الخدمات اللي تقدمها .. وديزني اريبيا همها الاول والاخير هي رضاء osn عليها خصوصاً بعد اضخم صفقه جمعتهم مع بعض .. لذلك طلبنا من الكل يروح ويكتب بهذا البوست على صفحتهم الرسمية بالفيس بوك انهم راح يقطعون اشتراكهم في حال استمرت قناة ديزني ببث هالدبلجات الفصحى المقززه بدل المصرية الرسمية:
وبنفس الوقت استغلينا الفيديو الاعلاني اللي حطوه لقناة بيكسار الجديدة اللي راح يفتحونها بعد اسبوعين عشان نخوفهم بقطع الاشتراك وطلبنا من osn انها تضغط على ديزني عشان توقف هالمسخره:
ثاني خطوه سويناها حطينا ايميل ديزني بريطانيا وطلبنا من الجميع انه يرسل لهم ايميلات .. بما ان الجهة المسؤوله اللي ماسكه المكتب العربي هي ديزني بريطانيا فكلمتهم فوق كلمة اكبر شخص هناك .. والاجانب ماعندهم لعب .. اراء الناس مهمه مش مثل ربعنا العرب ماخذين السالفه عناد وخلاص .. والحمدلله من وقتها وديزني بريطانيا مو ملحقه عالايميلات اللي تشتكي من فيلم شركة المرعبين المحدودة اللي انعرض على القناة بالفصحى .. الكل تفاعل وماقصر .. كأقل تقدير مش اقل من 100 شخص معانا بالايفنت ارسل لهم ايميل بظرف 24 ساعه .. وهالعدد كافي مبدئياً عشان يلفت نظرهم بأن في مشكله جديه صايره مع جمهور ديزني وهالدبلجات ..
اللي حاب ينضم معانا للايفنت ويساعدنا في نشره بأي صفحة كبيره ومهمة ياليت مايتردد
كل الشكر لادهم ومحمد ومازن وجمعه وعمر واحمد وباقي الشباب اللي شاركوا بالحمله ومازال عندهم امل ان الوضع ممكن يتعدل .. اول ماصارت هالمصيبه قلت للشباب انا اعتزلت ديزني وشليت ايدي منها .. لكن كلامهم وحماسهم خلوني اغير رايي واواصل معاهم هالطريق ويارب كل هالجهود تجيب نتيجة ..
[ يونيو 04, 2017, 07:04 PM: تم تحرير المشاركه من قبل: [ L.O.V.E.R ] ]
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[applause]](graemlins/applause.gif)
![[heartpump]](graemlins/heartpump.gif)
![[Big Grin]](biggrin.gif)
![[crazy]](graemlins/crazy.gif)
![[crying]](graemlins/crying.gif)
![[eyelove]](graemlins/eyelove.gif)
![[help]](graemlins/help.gif)
![[Embarrassed]](redface.gif)
![[Mad]](mad.gif)
![[Frown]](frown.gif)
كل ما أدخل يحولني عالاماراتي مره ثانيه...
![[worried]](graemlins/worried.gif)
![[Roll Eyes]](rolleyes.gif)
![[rose]](graemlins/40.gif)
