بس بعد سنتين تقريبًا حينزل الجزء الثاني فيا ليت لو يوقفوا شورتات علشان توحشنا الشخصيات و نتحمس للفيلم
و لاحظتوا إن هادي أول مرة ينعرض شورت من ديزني أنيميشن قبل فيلم لبيكسار ؟ شكلهم يبوا يعوضونا علشان ما حينزلوا فيلم كلاسيك هادي السنة خخخ
و بالنسبة للدبلجة أتمنى يسلموا إخراج الأغاني لإيهاب الشاوي بما إن جيهان ما حتكون موجودة إيهاب إخراجه حلو و هو حاليًا ماسك إخراج بعض مسلسلات ديزني زي إلينا من آڤالور
و أتمنى كمان يحافظوا على الأصوات و ما يغيروها ما أتخيل إلسا و آنا بدون نسمة محجوب و شروق صلاح
و بالمناسبة بما إن ديزني في الفترة الأخيرة دبلجة أفلامها صايرة مكس فصحى مع مصري ... تتوقعوا نسمع شخصيات فروزن تتكلم مصري هادي المرة ؟
لأنه لو تلاحظوا حتى شورت موانا اللي نزل في البلوراي ضافوا له لهجة مصرية
و اللي جد حتكون مفاجئة قاتلة لو دبلجوا أغنية الشورت بالمصري
--------------------
المشاركات: 635 | من: Disneyland | تاريخ التسجيل: يوليو 2011
|
مرسله في
هدى حسين راح تجسد شخصية السا بالعيد بس المسرحية موقصة فروزن لا يعني مشهد فروزن ماراح يتعدى ربع ساعة وبتكون هدى فيه السا طبعا راسلوني عشان اجسد شخصيه اولاف بس ماوصلنا لنتيجة لأني طلبت يحطون لي اغنيه صبوحة ارقص عليها
المشاركات: 44721 | من: الـكـويـت | تاريخ التسجيل: أكتوبر 2003
|
و لاحظتوا إن هادي أول مرة ينعرض شورت من ديزني أنيميشن قبل فيلم لبيكسار ؟ شكلهم يبوا يعوضونا علشان ما حينزلوا فيلم كلاسيك هادي السنة خخخ
صح هذا يعتبر اول فيلم قصير من انتاج ديزني انميشن ينعرض بمقدمة فيلم طويل لبيكسار .. بينما فيلم "طوكيو ماطم" يعتبر اول فيلم قصير لبيكسار والوحيد اللي انعرض قبل فيلم طويل من انتاج ديزني انميشن "بولت" ..
الغريب ان فيلم فروزن القصير مدته مش بسيطة .. 22 دقيقه .. يعني مدة حلقة تلفزيونية كاملة .. عكس الشورتات المعتاده اللي تكون اقصاها 7 دقايق .. وطبعاً هالشي صار لان الفيلم اساساً كان مصمم للعرض التلفزيوني في ليلة راس السنة على قناة abc .. في فانز يقولون ان ديزني خايفه من فشل كوكو .. على انهم سوقوا للفيلم قبل نزوله بفترة طويلة جداً وكذا اعلان صار نازل الا ان الناس مو متحمسين معاه بالشكل الكافي .. وجود فروزن مع الفيلم راح يعطيه دفعه تسويقية قوية ..
لكن هل ممكن الناس والاطفال يصمدون لاكثر من ساعتين ونص الى ثلاث ساعات كاملة على كراسي السينما؟ نص ساعه كامله لفروزن قبل الفيلم الرئيسي يعتبر اوفر ومده طويله .. هالشي ماصار الا مره تقريباً لما ديزني عرضت فيلم ميكي والمسكين اللي مدته نص ساعه قبل فيلم المنقذون 2 في 1990 .. يعني احنا اليوم امام تجربة فريده من نوعها سينمائياً وديزناوياً ماتتكرر كثير ..
........
فيلم كارز 3 شكله روعه ويستحق المشاهدة بالسينما .. كنت ناوي اسحب عليه لكن بعد اللي قريته تحمست .. في فانز اجانب اثق برايهم شافوا الفيلم وقالوا بأنه جداً حلو وقريب من مستوى الاول .. وان الفيلم ضحكهم وبكاهم وكان تجربة رائعة ..
........
الاصدار الموقع القادم بيكون الاسد الملك .. بينزل على نهاية شهر اغسطس .. يعني قريب جداً .. وطبعاً تم استبعاد نسخة الثري دي من هالاصدار .. وبكذا يكون الثري دي نازل حصرياً فقط مع الاصدار الماسي القديم .. اتمنى بس هالمره بهالنسخة انهم يصلحون مشهد ظهور موفاسا بالغيم .. كانت في مشكلة تقنية بالاصار الماسي في هالمشهد بالتحديد بسبب تحويله لثري دي ..
وبخصوص الكلام عن الاصدار الموقع .. في خبر صغير عن بامبي اللي توه نازل .. ديزني قامت بإرجاع لوحة RKO اللي ظهرت بافتتاحية الفيلم وقامت بترميمها بعد ما هاللوحة كانت محذوفة بالاصدار الماسي .. وهي اسم الشركة اللي تولت توزيع الفيلم بالسينما في الاربعينات .. اضافة حلوة وتاريخية ومهمة .. حتى لو كانت صغيرة ..
........
بالنسبة لي خبر منتظر ولا اروع .. ديزني قررت تكمل مجموعتها الفاخرة "ذا لاجسي كولكشن" بعد ما اعلنت عن توقف هالخط قبل سنتين
اخيراً راح ينزل الارشيف الغنائي الكامل لفيلم روبين هود في شهر يوليو .. هالفيلم يعتبر من الافلام المنسيه مع انه روعه .. وهالساوندتراك بيكون شي منتظر عند كل الفانز ..تخيلوا اغاني هالفيلم بنسخته الانجليزية مانزلت لحد اليوم بشكل نظيف .. الاغاني المتوفرة حالياً للفيلم بعضها الصوت فيها مشوش ورايح فيها والبعض الثاني مأخوذ من الفيلم نفسه مع اصوات المؤثرات .. وهالفيلم عاد اغانيه تعتبر اوسكارية ومهمة .. في بينهم اغنية ترشحت للاوسكار .. عشان كذا حرام مايكون متوفر بمكتبة الناس بشكل مرتب ..
قبل شوي طلعت من السينما بعد ما جفت فيلم كارز ٣ ، والفيلم كان ممتع ماتوقعته جيه الصراحة ، خاصة بعد جرعة الملل اللي كانت موجودة بالجزء الثاني ، لكن هالمرة شفنا منعطف آخر بسلسلة بسيطة مثل كارز ، منعطف عاطفي يدخل القلب وتحسون إن نحن قاعدين نعيشه بعصرنا الحالي مع التطور الرقمي لمختلف مجالات الحياة. الفيلم فيه شخصيات جديدة تنحب خاصة سيارة لونها أصفر وايد ضحكتني وحبيت نكتها ، وهالشيء أضفى روح فكاهة خفيف ومب ثقيل عالقلب. واللي حبيته أكثر إن الفيلم تحسون فيه وايد من روح الجزء الأول وايد وايد بعد مب شوي ، وهاللي خلاني أستمتع فيه أكثر . وبصراحة أتوقع إن اللي سووه بالفيلم الثالث هذا أقصى مستوى ممكن يوصلون له بسلسلة مثل كارز ، فالمفروض خلاص يكتفون ومايسوون أجزاء زيادة ، لإن السلسلة ما تستحمل أكثر عن جيه. الفيلم كان فيه بعض الملل في أواخر الثلث الثاني ، لكن غير جيه كان عمل ممتع مب وااو وأولالاه لكنه ممتع وينشاف.
مرسله في
صح بعد كان في فيلم قصير قبل الفيلم ، بس الصراحة مستواه مب لين هناك شيء عادي كان وايد عادي ، وتوقعت شيء أفضل لإن اللي جفته مب مستوى ديزني بيكسار أبداً ، فكرته حلوة بس أحس إني جايفنها من قبل لبيكسار فعنصر الإبداع والإبتكار نقص بسبة هالشيء
إرسال هذه الصفحه لصديق!
لطباعه هذا الموضوع
![[eyelove]](graemlins/eyelove.gif)
![[super]](graemlins/super.gif)
![[heartpump]](graemlins/heartpump.gif)
![[kiss]](graemlins/kiss.gif)
![[pleased]](graemlins/pleased.gif)
![[nut]](graemlins/nut.gif)
![[sick]](graemlins/sick029.gif)
![[worried]](graemlins/worried.gif)
