مرسله في
خبر حلو مثلك مازن بس كان بودي ينعرض على قناة ديزني اتش دي و ترى فنفس الوقت اهو موجود في الاو اس ان ستور و الحمدلله لحقت اخذه من الخيول وقتها دي في دي
حط في بالك اذا عتبت عالم تجميع الفيجرز ماراح تطلع منه بسهوله الا وكل راتبك طاير بنص الشهر
وفوق هذا اذا ماعندك مكان راح تتوهق فيهم
السنه اللي فاتت من كثر التماثيل اللي وصلتني حطيتهم بكراتينهم بنص الصاله لحد ماتراكموا فوق بعض
لين ماجاتني امي تصيح تقولي ضااااق صدري من منظر الكراتين لول تصرف شيلهم ولا بحذفهم انا
بس المشكله ان في اشياء نادره تنزل ومرات بأسعار مجنونه وحلوه وودك ماتفرط فيها عشان ماتندم بعدين
المهم بعد ماقعدنا انا وامي نفتح الكراتين عشان نرتب البيت من العفسه اللي صارت
ماقدرت تتحمل جمال تحف ارماني وخذت نصهم [Razz]
Click for fullsize image
حلاتين على اللي جايبه قشها معاها [Big Grin]
مادري ليش ايتونز احس ديزني شنغهاي مقارنه بغيرها جداً باهته وحتى افتتاحها باهت [thinking]
ناصر
شنغهاي ما حسيت لها صيت .. و انا شخصيا اشوف حلاة ديزني في مطونها الاصلي .. بالنسبة لي رحت ديزني فرنسا و ديزني اولارندو .. طبعا اورلاندو هي ديزني لاند الأم .. و لا يعلى عليها .. اسبوع الله وكيلك ما كفتني اروح حديقتين بس من اصل خمس او ست حدايق
لكن فعلا عالم فضيع فضيع لا يمل منه
اما اللي يفتحونها في دول شرق اسيا مادري احس جنهم يجذبون علينا كله موظفين اسيويين - مع احترامي لكل الاعراق - لكن حلاته ديزني بجنسيتها الاصلية (الامريكية)
عموما انا افرح دايما لما تفتح ديزني بأي مكان بالعالم .. و أمنيتي انها تفتح في الشرق الاوسط .. حتى لو كانت كلها عبارة عن حديقة مغلقه شنو المشكله بالعكس .. لو ديزني ذكيه راح تطلع ذهب من ورانااحنا العرب و الخليجيين تحديدا لأن نفتقر للوناسه و فلوسنا وايد و راح يطلعون من ورانا ثروه لأجيالهم القادمه
--------------------
المشاركات: 547 | من: Kuwait | تاريخ التسجيل: أبريل 2015
|
مرسله في
أنا مب قاهرني الا هذا اللي شاد حيله و يبي الدبلجة الفصحى وقاعد يرد على تعليقاتكم... أحسه من اللي يشتغلون في ديزني العربية ومن اللي يحاولون يرقعون للدبلجة الفصحى لأنه الوحيد اللي شاد حيله .. أنا بعد شاركت و حطيت رايي واحس انهم في ماجد حياديين ومب هامتنهم وايد سالفة الدبلجة الفصحى و المصرية ويبون يرضون الجمهور بالدرجة الأولى،، دبلجة نيمو وال13 ممثل فضيييييييحة
[ يوليو 05, 2016, 03:01 AM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
لا والاسوء ان الممثلين مايبذلون اي جهد بتغيير نبرة صوتهم
يعني شي أرف عالاخر
ويارب القناة تستجيب لطلب الناس
بتكون ضربة معلم لو افلام ديزني بدت تنعرض بالمصري على قناة مفتوحه
بتاخذ الاضواء كلها
عاد ماجد واورفن بما انكم اماراتيين ماتعرفون احد بقناة ماجد تكلمونهم؟ لول
شوفوا لنا واسطه
وفعلاً مبين على ادارتهم انهم مهتمين باراء الناس ومو ماخذين السالفه عناد مثل الجزيرة ..
اتذكر الجزيرة لما كنا نكلمهم اول مابدو يعرضون هالافلام بالفصحى كانوا يردون علينا ردود اعوذ بالله
ويقولون بما معناه لا تحاولون مافي امل نغير نظام القناة ونعرض شي بالمصري
عكس ماجد وردهم الحلو علينا في بوست نيمو:
رد مقتبس: Majid ماجد: اللهجة المصرية في الكرتون بالتأكيد رائعة واللغة العربية الفصحى لها مذاقها الخاص والمميز في بعض الأعمال.. يسعدنا دائماً الاستماع لكم فيما نقوم بإنتاجه و نتعاون مع الشركاء والموزعين لاختيار ما يناسبكم ويناسب أطفالكم .. سنضع ملاحظاتكم في الاعتبار .. مشاهدة ممتعة وعيد سعيد لكم جميعاً
عالاقل عطونا امل ..
--------------------
المشاركات: 27179 | من: ~ NeverlanD ~ | تاريخ التسجيل: يوليو 2002
|
مرسله في
ناصر.. ان شالله يستجيبون و ردهم فعلا يبين انهم متلخبطين في سالفة الدبلجة... بالنسبة للBFG انا بعد أشوف انه التوقيت غلط.. أولا ديزني ميانين.. 4 أفلام بميزانيات عالية جدا في فصل الصيف؟؟ يعني كانوا متوقعين مثلا انه الأربعه ينجحون ويكسرون الدنيا؟؟ أنا أشوف انهم كان المفروض ينزلون فلمين هالصيف.. دوري و معاهم واحد من الأفلام الثلاثه اللي حاطينها لهالصيف.. و أتوقع لو نزل هالفلم وقت Pete's Dragon بيكون أحسن.. أحس شغل هالفلم و نجاحه بيكون في البوكس أوفيس العالمي.. ننطر و نشوف.. أنا شخصيا متحمس للفلم و أحس اني بستمتع فيه.. Pete's Dragon اذا كان عليه القيمه و محترم عنده فرصة انه ينجح أكثر بوايد لأنه المنافسة خفيفة شهر 8 ..
-------------------- [ المشاركات: 7335 | من: الامارات | تاريخ التسجيل: يوليو 2003
|
لا تطووفكم المفاجآآآت وخصوصاً الدوبلاج اقدر اقول انه افضل دوبلاج من بعد قرار الفصحى دوبلاج فصحى + مصري واضح ان ديزني غارت من الضجة اللي سوتها سوني والحملة اللي صارت اكيد يابت نتيجة ولو بسيطة انهم يرجعون للدوبلاج المصري يلا عقبال ما ترجع للمصري وبعدها ديزني بتصير بيرفكت
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
فيديو كواليس البحث عن ضوري خلاني ادمع مشاعري تلخبطت بالبدايه .. فيه مصري لكن فصحى .. لكن مصري ! .. ونص الممثلين رجعوا لكن نصهم مو موجودين
ماعرفت ايش اقول وقررت اختار صف السعاده واكون مبسوط بالتقدم الملحوظ بالمستوى في دوبلاجهم للاعمال عودة المخرج العظيييييم اللي اخرج نيمو ! هذي لحالها حفله
واضح اني نسيت اسم المخرج ؟ اظن كان اسمه احمد مختار
و محمود اللوزي ياحبيبي هالانسان لطيف بشكل ومتوااااااضع ! اذكر تواصلت معاه قبل اكثر من سبعه سنين, ورد علي بكل تواضع وخلال النقاش اللي دار قال ان البحث عن نيمو كان من اكثر الاعمال اللي استمتع وهو يشتغل عليها
مبسوط بعودته
النكت المصريه وعودتها لديزني .. اول شي ابغى اشكر Empire Movies ولو ان مالهم اي يد في ديزني, لكن جرأتهم بطرح الفكرة من الاساس في الافلام اللي يوزعوها فتحت لديزني الباب انهم يجربوا هم كمان ! حقيقي مبسوط اليوم وماحد يقدر يعكر مزاجي حتى لو جيتوني وقلتوا ان ديزني لازالت بالفصحى
بقولكم الباب انفتح وحطينا رجولنا عليه .. وفييييه امل
حبيت ممثلة ضوري الجديده, هي نفسها ديدي (بطوطه) اول مره اشوفها تتحرك كذا من ورا شاشه, بالعاده بس صور, لول صوتها فيه من طبقة عبله كامل الحمدلله خصوصاً بالمصري .. مش نفس الروح لكن مقبول و حبيت
سموّه عبدالله يعلن رسمياً ان هذا اول فيلم لديزني يتحمس لدبلجته من سنة 2012 وشكراً
و كل عام وانتوا بخيييييير
--------------------
المشاركات: 34 | من: saudi | تاريخ التسجيل: فبراير 2016
|