كلام كثير تقولينه وما منه فايدة.. وكوني أوجه كلام مطنزة وقاسي تجاه فنانتج هذا ما يعتبر ذريعة إنج تهينيني وما أعتقد حد يخالفني في هالشي.. وأنا أنقل كلام أشوفه .. وإذا ما أنتقد فنان آخر بنفس الطريقة فهذا شي راجع لي ومالج حق أبدا توقفين عليه لأنه راجع لي .. ليش إنتي ناوية بعد تتحكمين منو ننتقد ومنو ما ننتقد ؟ لووول.. هذا إللي ناقص بعد..
والناس إللي تحترم كانت ردت علي بشي يقنعني إن النقد إللي قلته غلط .. ما تروح تسبسب فيني !! .. شهالعقلية ؟ .. أنا مب مصدق إنج لين ألحين قاعدة تناقشيني في الموضوع لوووول .... أنا كثير إنتقدت فنانين .. مثل الفنانة نوال الكويتية .. بس محد ياب سيرتي .. الكل كان يوجه كلامه للفنانة أحلام .. وهذا إللي تعودنا عليه... والعضو روح روحي شاهد كون هالنقاش كان بيني وبينه من سنين .. وما عمر أي واحد فيني ياب سيرة الثاني .. أنا أقول شي عن نوال .. وهو يقول شي عن أحلام ... لا قلت عنه مضطهد ولا قلت عنه يتغابى ولا قلت عنه تافه !
واعترفي إنج غلطتي .. وبلاش كلام فاضي وحجج مالها دخل في الموضوع
[ سبتمبر 11, 2004, 03:08 PM: تم تحرير المشاركه من قبل: ولــد دبـــي ]
--------------------
K h a l o o d i e s SALMIYA ARTIST
--------------------
المشاركات: 6371 | من: - دبـــــي - | تاريخ التسجيل: يوليو 2002
|
مرسله في
انا اولا ما هنتك ... انت هنت حالك... باسلوبك بالتعاطي مع الناس... ثانيا اذا الكلام عن نوال احلام شدخلها بالموضوع... ليش انا عقلي صغير حتى اقعد اعاير المعجبين بفناناتهم ... لا ولد دبي اسلوب الحوار ما يكون بالهواش اللي انتوا متعودين عليه... وللاسف اللي م عنده مبرر منطقي يقول بكيفي... وهذا دليل ضعف مو قوة ... اذا حد سب الثاني هوة انت مو انا...
اخر مرة راجعت القاموس كلمة مضطهد ما كانت مسبة ... اعتقد الكلام بالموضوع ما راح يوصلنا لنتيجة... لان مثل ما قلت من البداية بعض الناس ما تتناقش حتى توصل لنتيجة ولا يمكن تعترف علنا بانها غلطت او اساءت التصرف...
وكونك توجه انتقادك لفنان معين هذا يثبت انك متقصد ... ويثبت انك كنت تستفز... ويثبت انك كنت تستحق الانذار اللي توجهلك ...فبالتالي I rest my case
لانك اعترفت بكل شي انا انتقدت عليه معناها انا كان احساسي صح وما ظلمتك
وما دام كيفك ... ما حد له عندك شي بس بدك تتحمل ردود الناس
لان انت مو فوق القانون... وانا ما احب ادخل فنانك المفضل بنقاشي انا احب اناقش منطقك... لان انا مو قاعدة اكلم احلام انا قاعدة اكلم ولد دبي... وولد دبي مسؤول عن كلامه... مو احلام.. لماتصير احلام تكتب بالمنتدى اصير اناقش احلام
تحياتي مي
المشاركات: 10791 | من: Lebanon | تاريخ التسجيل: يوليو 2002
|
رد مقتبس: ومبرر واقعي (مشرف الفان كلوب) لتصرفات مي انها هييه تخدم المنتدى وانها هييه اتسويله دعايه ... اذا كانت اهانه اعضاء المنتدى هي اجره لهاي الدعايات فانا اقوول للاخت مي مشكووره وكفايه لحد هنييه ...ترا موقع السالميه صار اليوم من اشهر المواقع خليجيا وعربيا وهذا قبل ما تكون فيه اصلا مي عضوه ....
اما بالنسبه للاخ واقعي فانا احب اقوله كلمه انته ما تنتبه لغير الردوود الي تخص نوال الزغبي اتعرف ليش لانك مشرف باكثر من منتدى وهذا امر راجعلك لكن الي يبرر عدم انتباهك الا على الردود الي تخص نوال الزغبي انه وقتك المحدود ما يخليك تهتم الا بالمواضيع الي تختص بمطربتك المفضله نوال بنت الزغبي...
لو كنت ادش مواضيع نوال بس ، هم أحسن من غيري
واقعي
--------------------
Omar Alismail
Follow me on twitter and instagram @omar_alismail
المشاركات: 19485 | من: UAE - Dubai | تاريخ التسجيل: يناير 2002
|
إذا أنا مضطهد يا مي .. إنتي مستبدة ودكتاتورية وما في إسمه ما أتكلم عن نفسك أتكلم عن حالك لووووول وايد فرقت يعني ؟ وأنا ما أشمي حسب قاموسج.. المهم إني ما تقبلت الكلمة.. وإنتي لو عقلج كبير من البداية إعتذرتي
وإنتي تقولين عقلج مب صغير .. عيل تسبين الناس ونحن نناقش شي فني مب صغر عقل ؟
والحمدلله إسلوبي تعاطي مع الناس الكل يعرفه.. ومب إنتي إللي تتكلمين عنه لأنج أصلا ما تعرفيني .. مب تيي وحدة توها ما صار لها يومين تشارك تقعد تصنف الأعضاء على كيفها ! هذا مضطهد وهذا تاقه وهذا غبي الخ
رد مقتبس:وكونك توجه انتقادك لفنان معين هذا يثبت انك متقصد ... ويثبت انك كنت تستفز
الظاهر المراقبين نسوا هالنقطة في القوانين ... القانون إللي يقول ما يصير حد ينتقد فنان لوووووووول .. عيل إذا ما الناس لو ما تنتقد ليش فاتحين ساحة فنية ؟.. وأنا من حقي أقول أخطاء نوال الزغبي .. هي عاملة عمليات تجميل مبعشتنها .. وسارقة أفكار كليباتها وألحانها مسروقة .. هذا يتعبر نقد عادي ينقال في كلللللللللل المنتديات إللي على النت .. دشي أي منتدى وشوفي .. يمكن خبرتج في المنتديات قليلة .. فما ألومج.. والإستفزاز الحمدلله مب من طبعي .. إذا أبا أستفز أعرف شو أقول ما بقعد أنغز.. وأنا عندي خصلة إسمها الصراحة وأي شي في خاطري أقوله وما أتردد.. سواء عن نوال الزغبي ولا غير نوال الزغبي...
--------------------
K h a l o o d i e s SALMIYA ARTIST
--------------------
المشاركات: 6371 | من: - دبـــــي - | تاريخ التسجيل: يوليو 2002
|
واقعي هذا وإنت دايما تقول في المسنجر أنا أحسن مشرف في الفنية وأنا أكثر واحد مجتهد وأكثر واحد يرد على المواضيع وأكثر واحد مسيطر على الساحة.. لوووول
عيل إذا نطاقك مواضيع نوال الزغبي بس وما تشوف إلا الخروح عن نسق المواضيع إلا في مواضيعها.. ولا تقعد تلوم بعض المشرفين الباجين على كسلهم وتلوم الإدارة لأنها ما تصنفك الأول على الساحة بين المشرفين.. وتقعد تمدح نفسك !
ولو نطاقك مواضيع نوال الزغبي وما تحب المشاركات إللي ما تكون نطاق الموضوع ليش ما حررت رد فيصل الأخير في موضوع كليب نوال الزغبي ؟...
كلام متناقض وتبررون بشكل غريب... هذا وأنا أكلم مشرفين بعد
[ سبتمبر 12, 2004, 04:26 PM: تم تحرير المشاركه من قبل: ولــد دبـــي ]
--------------------
K h a l o o d i e s SALMIYA ARTIST
--------------------
المشاركات: 6371 | من: - دبـــــي - | تاريخ التسجيل: يوليو 2002
|
مرسله في
هذا سابقا ، ما اتوقع احد ينكر انه بفترة من الفترات دامت شهور محد كان موجود بالفنية من المشرفين غيري ، لا انت ولا همس المشاعر ولا اي مشرف من المشرفين
لكن حاليا بنفسي ودايما اقول لناصر ( لوفر ) ، ثاني أقل مشرفين الفنية نشاط من بين الـ 7 أنا . مو عشان شي
لاني انا مابي اكون أهم مشرف بالفنية حاليا وبعدين انت عارف يومها انا كنت اقول الكلام ليش
واقعي
--------------------
Omar Alismail
Follow me on twitter and instagram @omar_alismail
المشاركات: 19485 | من: UAE - Dubai | تاريخ التسجيل: يناير 2002
|
مرسله في
المحترم يا ولد دبي محترم مع نفسه ومع الاخرين انت تفسر على كيفك... ومفهومك للنقد عجيب ... ولما تنتقد تعصب... الكلام وياك ضايع لان مو حاب تفهم... لان الكلام مو على مرامك
المشاركات: 10791 | من: Lebanon | تاريخ التسجيل: يوليو 2002
|
devil_mind
عضويه مشطوبه
مرسله في
س الموضوع صار بايخ ولد دبي قال اللي يبي ومي ردت وقالت اللي تبي قاعدين تدورون اب دائرة ماراح تخلص يا أنا توقفون يا أنا ولد دبي برد الليديد يقول أهو شنوا يبي يوصله ومي تقول شنو تبي بس ترا دائرتكم صارت كئيبة وكلها كره عيب
|
devil_mind
عضويه مشطوبه
مرسله في
يعني ليش انتوا تجو السالمية؟؟ عشان تمضو وقت حلو تطلعوا على أراء الناس وتقولو رأيكم ليش يتعكر الجو اللي بالسالمية من يوم ما بديتوا بديت أشمأز كل ما أدخل حرام عليكم لتخربون جو السالمية بالكره بليز لو مو مشان مي ولا مشان ولد دبي مشاني أنا وباقي الأعضاء شكراً بدر
|
devil_mind
عضويه مشطوبه
مرسله في
وبلا تقولو هيدا المشرف مقصر ومابعرف هداك هيك بس بس بس دخيلكم بس ليش تخلو كل هيدا حقد بقلبكن ترفعوا عن هيك أشيا بليز شوفو عيوب نفسكم قبل عيوب الغير بس هيدا المشرف يقول لهداك انت مقصر ويرد عليه الثاني و الثالث يقول بس بالمدة هي وليش عيب بحقكون عيب
|
Moonchild لما تنتقدين فنان غير لما تنتقدين واحد قاعد يتنافش في موضوع جدامك... عيزت وأنا أفهم
يا ديفيل .. هذا موضوع نقاشي.. ما يصير تكتب رد تقول خلاص سكتوا لووول
بس يمكن ديفيل معاه حق.. والموضوع طال.. والحمدلله إن كثيييييير من الأعضاء أيدوني في كلامي وكثييييير كلموني في المسنجر وقالولي نشكرك على شجاعتك ونحن معاك وإنت قلت كلام كان ودنا نقوله من زمان بس مب قادرين.. والحمدلله إني كسبت هالمحبة من هالموضوع
[ سبتمبر 13, 2004, 07:10 PM: تم تحرير المشاركه من قبل: ولــد دبــي ]
--------------------
K h a l o o d i e s SALMIYA ARTIST
--------------------
المشاركات: 6371 | من: - دبـــــي - | تاريخ التسجيل: يوليو 2002
|
مرسله في
وربيي ما يسوى تتهاوسون عشان فناانه لا راحت ولا يت...وتخسروون بعض عشان اراء مختلفه حوولها...المفرووض تكونون اكبر عن جييه كل شخض حر براايه ولولا اختلاف الاذواق لبارت السلع..ماله معنى تجرحون ابعض عشان فـــنانه ...كذا شخص خسر ربعه على وحده ما تسوى ...
المنتدى ما انطرح الا حق ان كل شخص يبدي براي ووجه نظر ومب مجبوور يتبع وجهة نظر شخص ثااني ... فماله دااعي التجريييييييييح..
السمووحه بس انصدمت باللي قاعد يصير...
[ سبتمبر 13, 2004, 07:38 PM: تم تحرير المشاركه من قبل: Dan_Dana ]
مرسله في
مصدومة من مستوى التفكير لبعض الاعضاء بهالمنتدى...
ولد دبي: انا اللي عجزت افهمك انه احترام الناس (كل الناس) واجب وابداء الراي لا يعني التجريح... لانه الشخص الناس تحكم عليه من اسلوبه بالحديث عن الاخرين... وانت تفقد السيطرة على نفسك اذا عصبت ... انت حر اذا شايف كلمة مضطهد مسبة... وانا وضحتلك المقصد منها... واعمل ما بدالك... اما قصة الشجاعة ... اللي يسمعك يقول رايح تحارب بفلسطين ويه المجاهدين...
خلونا نكون اكبر من هيك المسألة مو مسألة نوال او غير نوال المسألة مسألة سلوك عام ومبدأ ... واذا باقي المنتديات تقبل باسلوب غير متحضر في الانتقاد مو بالضرورة السالمية يمشي على نفس المنهج... احنا المفروض ناس كلنا متعلمين واولاد عوائل .. وطريقتنا بالمخاطبة سواء مع بعضنا او تجاه الفنانين يفترض انها تعكس تربيتنا...
انتقدت كليب بعينك ولقاء زهرة الخليج باسلوب متحضر وحلو .. حد منا هاجمك أو حاول يقلك غلطان او يقنعك بغير ما انت شايف؟ حد من المشرفين حررلك رد...؟
هذا المقصد.. وهذا اخر رد لي بالموضوع لان اعتقد اسهبت اكثر من اللازم بالشرح واللي كان حاب يفهم المفروض فهم من زمان.
المشاركات: 10791 | من: Lebanon | تاريخ التسجيل: يوليو 2002
|
إرسال هذه الصفحه لصديق!
لطباعه هذا الموضوع
![[Smile]](smile.gif)
![[help]](graemlins/help.gif)
![[crying]](graemlins/crying.gif)
