كالعادة تبهرني بانطباعاتك و وصف ااجواء الفيلم تخليني ادخل بين السطور واعيش جو بالكلام اللي تكتبته لكن والله استمتعت بكل سطر مع انه فيه شوية حرق بسيط جدا
وحبيت انك اعطيت الفيلم حقه برايك بدون ما تزود او تنقص منه
بس عندي كم سوال كذا ..
- هل ممكن انجلينا تترشح جولدن جلوب على الاقل بسبب هالدور ؟!
لانك قلت دور ماليفسنت كانت من افضل الادوار لها بجانب جيرل انترابتد وشانجلينج
- هل مليفسنت كان عودة مناسبة و قوية لانجلينا بعد 4 سنين غياب ؟
- هل من بعد ماليفسنت ممكن يقوم سوق Robert Stromberg كمخرج وينافس مستقبلا ؟
- هل تعتبر ماليفسنت واحد من افضل افلام السنة اللي شفتها بغض النظر عن الحذف اللى صار لكن اقصد ككل ؟
وشكرا
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
عامر حبيبي تسلم والله .. وتطمن ولاتعتبر اللي قريتهم حرق بمعنى حرق لول .. البلاوي الاكبر ناطرتكم بالفيلم
بخصوص عيال انجلينا .. من لاحظهم بالفيلم؟! .. طلعوا بمشهد القاء اللعنة لول .. الكوري الصغير مادري شسمه والخاله اللي اسمها زهارا
كانوا من بين المدعوين وكانوا ميتين خوف من مالفسنت
رد مقتبس:- هل ممكن انجلينا تترشح جولدن جلوب على الاقل بسبب هالدور ؟!
اكيد ممكن .. دام ايمي ادمز ترشحت لافضل ممثلة رئيسية بالجولدن غلوب عن دور الاميرة جيزيل قبل كم سنه ليش انجلينا ماتتترشح؟ .. الفيلم كله شايلته انجلينا على ظهرها .. بالنسبة لي اشوف ان اللي قدمته انجلينا بمالفسنت يوازي اللي قدمته ايمي بانتشانتد اذا مش اكثر .. والفلمين والدورين ينتمون لنفس النوعية والجلوبز تلفت نظرهم مثل هالادوار بفئة الميوزيكال كوميدي ..
رد مقتبس:- هل مليفسنت كان عودة مناسبة و قوية لانجلينا بعد 4 سنين غياب ؟
انجلينا نجمة بوكس اوفس .. وراجعه بفيلم مليان زخم وشايل اسم ديزني وبفترة الصيف .. يعني اكيد رجعة حلوة وقوية لها ..
رد مقتبس:- هل من بعد ماليفسنت ممكن يقوم سوق Robert Stromberg كمخرج وينافس مستقبلا ؟
الرؤية مازالت ضبابية بخصوص مسيرته كمخرج .. ديزني تعذبت معاه في مالفسنت واعادت تصوير الجزء الاول من الفيلم مع مخرج ثاني .. معناته للحين محتاج يشتغل على نفسه .. لكن صورته تجنن ومن حظه ان اول فيلم اخرجه هو مالفسنت .. فيلم يشبه عمله الاساسي قبل لايصير مخرج .. مليان مؤثرات ومشاهد جمالية .. وهذا اللي يبرع فيه .. هالنقاط خلتني احب النتيجة اللي شفتها .. ويمكن ديزني ظلمته بعد لانها شالت نص ساعه كامله من الفيلم ..
رد مقتبس:- هل تعتبر ماليفسنت واحد من افضل افلام السنة اللي شفتها بغض النظر عن الحذف اللى صار لكن اقصد ككل ؟
لحد هاللحظه يس .. يمكن لاني ماشفت بس الا ثلاث افلام لول .. ومالفسنت احلاهم
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
مرسله في
ما اصدق في فانز لديزني ممكن تعجبهم هالنتيجه الفاشلة !! الفلم مهزلة بكل معنى الكلمة على هالقصة الي مسوينها لا هدف ولا معنى كنت زعلان على المشاهد الي ينقال انحذفت احين اقول الفلم بكبره كان لازم ينلغي
الحسنة الوحيدة شوفة أنجلينا وتمكنها في مشاهدها حتى الجرافيكس ما استمعت فيه من تفاهة القصه طبعا Omg اليوم اول عرض بأوقات طبيعية والسينما فااااااااااااضيه وشكله بيتم على الوضع الكم واحد كانوا طالعين يتذمرون
[ مايو 29, 2014, 07:44 PM: تم تحرير المشاركه من قبل: R Y A N ]
--------------------
المشاركات: 4196 | من: قطر وكلي فخر 3> | تاريخ التسجيل: يوليو 2011
|
بدر سر نحافة انجي المرعبة انها تسد حلقها وماتاكل وهالشي اشتكى منه براد خخخخخ وعلى سالفة جمالها هي اساسا جميلة واكيد النحف بياثر على شكلها لكن وقت البريمر والمناسبات المهمة تاخذلها شوية بوتكس مؤقت زيها زي باقي الفنانات
--------------------
المشاركات: 1978 | من: K.S.A - Jeddah | تاريخ التسجيل: أغسطس 2011
|
Box Office: 'Maleficent' Soars in U.K., Bigger Than 'Captain America 2'
. . .
Angelina Jolie's live-action fairy tale also did double the business of "Oz the Great and Powerful" on its opening day.
. . .
Disney's Maleficent cast a powerful spell on the U.K. and Irish box office, where it opened to a stellar $2.5 million on Wednesday.
That's ahead of the first-day earnings of fellow Disney release Captain America: The Winter Soldier, and marks the biggest opening day ever for Angelina Jolie in those markets, as well as in Italy and the Philippines.
اي امس العرض فعلا كان إقباله رهيب ربعي راحوا وقالوا لي وهالشي مافيه شك فلم لديزني + أنجلينا من بعد سنوات هذا الشي الطبيعي بس نهائيا ماتوقع هالشي يستمر دش موقع q-tickets طالع الاقبال الضعيف على الحجز من اول يوم بالعرض الطبيعي
و تعليقي على الي يحبون أفلام ديرني السموحه , ردي طالع aggressive وايد =b بس من زود الحره مو مصدق الي مهببينه وبعدهم عن مستوى افلام ديزني او السحر الموجود على الاقل مثل Oz و أليس عشان جي قاعد اعبر على غير العاده
عليلو
انا كنت متابع اخبار الفلم اول بأول ومتشوق له , مع ان الحماس كان عندي يقل مع كل تريلر لكن الموضوع مو تهيئ نفسيه لان السلبيات في تفاهة الحبكه والكلشيات الي بالقصه نفسها مو سالفة ان مليفيسنت مطلعينها كريمة مختار وبس خخخ بالاخير طلعت شخصية مشوشه مافيها روح لا طيبه ولا شريرة ماسوو فيها خير بهالفلم عشان تنحب او تنكره وفوق هاي سرد القصة ماله طعم ومايرتفي لفلم مستواه جيد مافي شي مبني على شي مجرد لقطات فيها احداث قاعده تصير ومو واضح وين ماشي
حتى الكوميديا الي فيه عاديه وطالعه كانها لقطات extra تلقاها زياده بديفيدي او شي
بس المهم استمعتوا بالفلم انتوا
--------------------
المشاركات: 4196 | من: قطر وكلي فخر 3> | تاريخ التسجيل: يوليو 2011
|
رد مقتبس:المرسل الأصلي هو A H M A D: وبخصوص الإكستيديد إيديشن أي أعرفها أكيد
لكن قصدي إن مستحيل نص ساعه ترجع للفيلم ولا حتى في نسخة البلوراي
هذا المونتاج خلاص بيكون للسينما وكل شي أظن
احمد لا تجلطني ان شاءالله النسخة بتنزل تذكر فيلم الكساندر نزله 4 نسخ لين الحين وكل مره يضيفوله شي يديد
ناصر ردك واو مفصل بشكل قلت كل الي فخاطري
مبروك اول نجاح للفيلم ننتظر البوكس اوفس الامريكي
اليوم الظهر رحت اشوفه توقعت انه بيكون فاضي خصوصا انه الظهر بس القاعه كانت تقريباً كامله
حبييته صح حبكته الدرامية شوي ضعيفه ومخربطه بس احس بسبب القص واللصق الي مسوينه
مليفيسنت الطفله روووعه وتدخل القلب ومشاهد انجلينا كل لقطه اروع من الثانية كل وحده تحس انها تنفع غلاف مجلة او بوستر او انها تنرسم انجلينا ماشالله عليها جمال ساحر ادائها جداً رائع تقريباً شفت كل التعابير والاحاسيس في ادائها مره حزينه مره سعيدة مره حاقدة مره تضحك فعلاً ابدعت هالمره , حركاتها نظراتها وكل شي كان فيها يقول واو خصوصا مشهد اللعنه للاسف المشاهد كانت سريعه والواحد يحس انها مقطوعه ومب كامله خصوصا مشاهد الجنيات الثلاث فعلاً غباء ومالهم لزمه وماتحس انهم كاملين الاخراج كان شوي ضعيف في شوية اماكن , كـ اول اخراج رائع بس لو ركز حبتين زيادة بيطلع الفيلم بيرفكت
مشاهد القتال والمشهد الاخير احلى مشهدين طبعاً مع مشهد اللعنة وسط الفيلم مع ارورا كان ممل و ارورا مالها لزمه اي ممثله كانت ممكن تأدي دورها بس يمكن اختاروها لسنها والخلفيات والاماكن تاخذ العقل ماعرفت اركز على انجلينا ولا على الخلفيات الروعه
حبيت ان هالصوره طلعت في مشهد عالاخر وحبيت بعد انهم شرحوا كيف لقت العصا وكيف تعرفت على الغراب مع انه ماكان شي مهم بس عجبني انهم مانسوا هالتفاصيل واكثر شي عجبني في الغراب انه مهما تحول لكائنات ثانية فيه شي من شكل الغراب يكون موجود فيه
الموسيقى التصويريه جد روعه اول مره سمعتها امس ما اندمجت معاها بس بعد ماسمعتها في الفيلم حبيت بعض المقطوعات
الي ماحبيته ان الفيلم مقطع للاسف ياريت ينزل كامل لان فعلاً هالحركة خربته والي اكثر شي قهرني اني دخلت الفيلم 3دي ومن بدايته لحد مشهد اللعنه كنت ماشوف اي 3دي وفجأه توقفت الشاشة وفتحوا الانوار وبعد خمس دقايق رجعوا شغلوا الفيلم وعدلوا ال3دي يعني فاتني بداية الفيلم كاملة بال3دي فاتتني مشاهد الطيران وماحبيت مشهد ان كل شوي تنومهم وتسحبهم
بعد في شغله مافهمتها
ليش الاجنحه طول الوقت ماكانت تتحرك شمعنى يعني على الاخر رجعت فيها الروح وبعد اذا ملفيسنت عندها سحر وقدرت تحول الغراب لتنين ليش ماقدرت انها تدافع عن نفسها الحديد يحرقها مايوقف قدراتها السحرية
مشهد تحطيم الزجاج
[ مايو 30, 2014, 12:17 AM: تم تحرير المشاركه من قبل: Orphen ]