مرسله في
من الصبح و التحميل مش راضي يزبط كان في خلل بجهازي و لهلا مش قادر احضر الحلقة ... الليلة اللي خططتلها من اشهر خربت ... بشوف الفينالي بكرة الصبح او بالليل مع انه عندي دوام
--------------------
المشاركات: 2510 | من: Palestine and Germany | تاريخ التسجيل: يناير 2006
|
مرسله في
SPOILERS الفينالي بنظري جرعة حزن بتكفي لاسابيع و شهور .. المشاهد الاخيرة من الحلقة عن جد قمة الابداع في التمثيل .. و الاكشن اللي حصل و شغلة تدمير الجزيرة و العاصفة كلها كانت قد طموحي و توقعاتي .. قتال جاك و لوك رعبني من الخوف كنت متوقع لوك يفوز .. النهاية كانت بالمجمل سعيدة لولا موت جاك .. يعني مثل ما صار بPrison Break البطل مات بعد ما عمل كل جهده ينقذ التانيين ... الله يستر ما يموت جاك باور كمان الليلة بفينالي 24 بتصيبني عقدة و بحياتي ما بحضر مسلسل .. كيت و سوير و الباقي غادروا الجزيرة بواحد من افضل مشاهد المسلسل ان شاء الله يعيشوا بساعدة و بدون تانيب ضمير ... هيرلي و ديزموند و حتى بين كسروا خاطري و خاصة هيرلي المسكين شو عمل لا يتحمل هالهم مشهد الكنيسة بالنهاية اله علاقة بفلسفة الكتاب بالحياة و عجبني الشباك بالكنيسة اللي عليه رموز الديانات .. و من ضمنها الاسلام للرد على المرضى النفسيين اللي قالوا انه لوست بحاربنا فكريا .. مشهد موت جاك بالنهاية افضل مشهد ممكن ينتهي فيه المسلسل لانه تماما عكس اول مشهد بالمسلسل و الله ابداع ... المشكلة انه الناس منقسمين بالاراء من معجب بشدة و ناقد بشدة بسبب قلة الاجوبة .. لكن بعد تفكير و اعادة مشاهدة رح يستوعبوا انه هالاجوبة مش مهمة و اغلبها ممكن يوصله الواحد بالتفكير الذاتي ... شكرا لوست على الدراما المميزة اللي استمرت 6 سنين من الابهار و الابداع ... بوعدك لوست اني اضل اتابعك دائما و اخبر ولادي عنك
--------------------
المشاركات: 2510 | من: Palestine and Germany | تاريخ التسجيل: يناير 2006
|