مرسله في
بانتظار باقي آراء عشاق لوست وين اختفيتوا والا هذا تأثير الصدمه آنا بعد من بعد ماشفت الفاينل قعدت افكر وحالتي حاله تعقدت وفوق هذا كله ابد ماتوقعت الفاينل بيكون جذي
حسافه لوست خلص حاله حال بريزون والنهاية كانت وحده بموت دكتور شيبرد ومايكل سكوفيلد
أروع مشهد بالفاينل كله القتال بين فلوك وجاك واو شي مبهر والجو نفسه كان عاصف وقوي
عندي استفسارات كثيره بس اول ناطره راي زاك باباراتزي وينك طولت شنو من تأثير الصدمه صح
[ مايو 26, 2010, 02:24 PM: تم تحرير المشاركه من قبل: Dr.SaRa ]
-------------------- ================================= فديت كل ذرة من ترابج ياكويت أحبج يابلادي المشاركات: 1311 | من: Kuwait | تاريخ التسجيل: أكتوبر 2003
|
مرسله في
فيه خبر بقول انه الالغاز اللي ما توضحت رح تتوضح بالDVD الخاص بالموسم 6 و بينزل بشهر 8 بالنسبة الي .. انا راضي تماما عن النهاية لكن كان بامكان الكتاب انهم يتجنبوا نقد كبير لو انهم عرضوا (مثلا بحلقة across the see) شغلات مبسطة عن الدارما و الدبب القطبية و سبب موت الحوامل و امور من هالنوع اللي المشاهد ما رح يقدر يستنتجها لوحده .. اما امور جيكوب و السموكي فانا بفضل تبقى غامضة
-------------------- المشاركات: 2510 | من: Palestine and Germany | تاريخ التسجيل: يناير 2006
|
مو مهم نفهم الألغاز .. مو مهم نفهم الكهرومغناطسيه .. مو مهم نفهم الفلاش باك والفلاش فوروورد
المسلسل أكبر من جذي .. المسلسل عن حالات إنسانية بالدنيا يلقون بعض بالدنيا الثانيه .. آآآخ على المؤلفين آخ
معقوله فيه مخ جذي ؟
كلام كريستيان آخر شي فهمني كل شي ..
خل أشرح لكم اللي فهمته بالتبسيط .. راح أقسم لكم المسلسل أجزاء :
1- الجزيرة : كل الأشياء الغريبه اللي كانت تصير بالجزيرة من أيام جيكوب وأخوه والتأثيرات اللي تصير فيها كلها بسبب قلب الجزيرة " النور " يقصدون فيه الخير والشر .. جيكوب كان يمثل الخير .. وأخوه يمثل الشر .. على ألوانهم أشقر وأسمر
2- أوشيانيك 815 : سقوطهم بالجزيرة حقيقي .. الأشياء الغريبه اللي كانت تصير كلها حقيقيه .. وطبعا كلها من تأثير قلب الجزيرة
3- بن وجماعة دارما : علماء موجودين في الجزيرة من زمان ايون و يروحون الجزيرة متى ما يبون بالغواصه ويدرسون ظواهر الجزيرة واللي يمولهم تشارلز ودمور
وصارت حرب أهلية بين دارما و بين الناس الموجودين قبلهم بالجزيرة ( ريتشارد وجماعته ) يعني عطيناهم أكبر حجمهم بسيزون 3 عبالنا انهم شي مهم لول
3- أوشيانيك 6 : الستة اللي طلعوا من الجزيرة .. كلهم رجعهم جيكوب ( لما كان يزورهم واحد واحد ) شاف انهم الوحيدين انهم يقدرون ينقذون الجزيرة الحقيقيه و وضح سبب اختياره لهم ( شافهم وحيدين لما ارجعوا المدينة وكل واحد حياته صارت أسوأ )
4- السفر عبر الزمن : هذا بسبب القوة المغناطيسيه اللي بالجزيرة .. لما حاولوا يطلعون من الجزيرة ويرجعون لها مره ثانيه .. ضرب مخهم صار كل واحد يتذكر أشياء قديمه .. أو يرجع فيه الزمن لي ورا .. أو صار العكس .. يشوفون المستقبل
5- الزمنين : لما كانوا كل مجموعة بزمن مختلف .. بعد سقوط طيارة أجيرا لما قرروا يرجعون الجزيرة هم هذا بسبب التأثير نفسه .. الجزيرة فصلت الزمنين عن بعض بنفس الوقت .. وخلتهم كلهم يعيشيون بنفس اللحظة بس بزمنين مختلفين .. مجموعة تعيش الزمن القديم ومثلا يصورون الصورة الجماعيه مع دارما .. وبالزمن الحقيقي مثلا صن تشوف الصورة الجماعية من الزمن القديم وتلقى فيها ربعها كلهم.. وكل هالمعمعه انتهت لما فجروا القنبلة وتعدّل الزمن
6- موت جون لوك : جون لوك مات بالمدينة قبل لا يرجعون الأوشيانيك 6 الجزيرة مره ثانيه ( تذكرون لما بن قتل جون لوك لما كان يبي يشنق نفسه عشان يقنعهم يرجعون ؟ ) هني جون لوك مات صج .. ولما رجعوه الجزيرة الوحش أخذ جسده
7- جولييت فجرت القنبلة ( مع حمد قلم ) : الانفجار هذا كان على اساس انهم يعيشون حياة " بدون سقوط الطيارة " وهذا كان يفسر سبب الانفصال بين حياتهم بالجزيرة وان ما صار فيها أي تغيير.. والحياة الثانية اللي لو ما طاحت الطيارة وما يعرفون بعض ( هذي حياتهم وهم ميتين ) قبل لا يتذكرون بعض و الحياة الحقيقيه اللي عاشوا بالجزيرة نرجع للواقع اللي هي الجزيرة .. من بعدها بدت الحرب مع الوحش وأكيد اللي فهمها عدل ما يحتاج أشرح
الجزيرة كان فيها شوي تأُثير من الحياة ما بعد الموت .. كانوا يشوفون ميتين مثل مايكل وكريستيان شيبرد وغيرهم .. هذا بعد بسبب تأثير قلب الجزيرة اللي هو النور
يعني أي شي روحاني بالجزيرة يكون تأثيره النور الموجود في قلب الجزيرة .. وأي تأثير فيزيائي يكون تأثيره الكهرومغناطيسيه اللي كان طمعان فيها ودمور
الحياة ما بعد الموت : هذي الحياة اللي تكون الطيارة ما طاحت .. كل شي كان مبين لنا انه عادي .. كلهم عايشين فيها .. ما يعرفون بعض .. بس بعد ما يموتون بالحياة الحقيقيه و يتذكرون كل المواقف اللي صارت لهم بالصج ! راح يكتشفون انهم ميتين و راح يتذكرون كل شي عاشوه مع بعض يعني كل الفلاشات اللي يتذكرونها باللمس حقيييقيييه ولو تلاحظون كانوا مركزين على الاشياء الحلوه بس
الكنيسه : اهو المكان اللي اتفقوا يلقون بعض فيه بعد ما يموتون .. مو مهم متى أو وين ماتوا .. المهم لما يموتون يلقون بعض بمكان واحد
ملاحظة مهمه : لو تلاحظون الحياة بالجزيرة .. وحياة ما بعد الموت تتشابه وايد بالمواقف اللي تصير
أما بالنسبة للي مو موجودين بالكنيسه وهم ميتين .. مثل مايكل !! الوسخ أحسن ما كان معاهم جان خرب المشهد الأخير لول
هذا يفسر كلامه حق هيرلي لما قاله أنا اقترفت خطأ وعالق في الجزيرة .. قصده عن قتله أنا لوسيا وليبي
يعني مو كل من مات لازم يكون في الكنيسه .. الكنيسه بس حق اللي عاشوا مع بعض و حبوا بعض واختاروا بعض ( كل واحد مكوبل صارت couples آخر شي لول ) ولو تلاحظون .. بس الزينين و اللي يمونون على بعض لول كانوا موجودين بالكنيسه
يعني كل الفلاشات اللي شفتوها لما يلمسون بعض اهي حقيييقييييه .. لو تلاحظون فلاشات جون لوك فيها اشياء قديمه وزينه ..علشان جذي يحبونه بالكنيسه .. هذا يعني ان جون لوك الأصلي ميت من زمان و هذاك ماخذ شخصيته الشريره
الحياة الأخيرة اللي عايشين فيها " للميتين فقط " لو تلاحظون كلهم ميتين .. أو يموتون بعدين .. مو مهم الوقت وحتى الميتين اللي مو موجودين بالكنيسه كانوا موجودين بالحياة الحقيقيه وماتوا .. مثل أنا لوسيا .. وأم العالم الفيزيائي اللي شعرها أبيض نسيت اسمها .. كانت ميته من وهي صغيره بالجزيرة عاشت بالدنيا الثانيه و شيبت وعدم وجودهم بالكنيسه لانهم مو ضمن مجموعة اوشيانك
يعني مؤلفين المسلسل قصدهم يوصلون رسالة ان فيه حياة ثانيه انت تختارها حق نفسك و تختار اللي تبيه
وسلامتكم
يالسلماويين مشكورين على كل شي .. حبيت المتابعة معاكم حتى لو ما كنت أشارك وايد .. كافي السيزون الرابع كنت معاكم أول بأول و استانست معاكم وايد
إرسال هذه الصفحه لصديق!
لطباعه هذا الموضوع
![[Roll Eyes]](rolleyes.gif)
![[Eek!]](eek.gif)
![[worried]](graemlins/worried.gif)
![[help]](graemlins/help.gif)
![[eyelove]](graemlins/eyelove.gif)
![[Frown]](frown.gif)
![[crying]](graemlins/crying.gif)
![[Wink]](wink.gif)
![[Cool]](cool.gif)
وين اختفيتوا والا هذا تأثير الصدمه ![[cleverman]](graemlins/cleverman.gif)
![[super]](graemlins/super.gif)
![[heartpump]](graemlins/heartpump.gif)
![[crazy]](graemlins/crazy.gif)
![[rofl]](graemlins/rofl.gif)
![[Razz]](tongue.gif)
) : الانفجار هذا كان على اساس انهم يعيشون حياة " بدون سقوط الطيارة "![[Big Grin]](biggrin.gif)
عاشت بالدنيا الثانيه و شيبت ![[kiss]](graemlins/kiss.gif)
