الفيلم تجربة فريدة على قولتهم .. الحوارات قليلة بس المعنى كبييير والأحساس بيطلع من الشاشة لول .. يعني بيعوركم قلبكم على والي أول شي وراح تحسون بشي أكيد .. بتعرفون قيمة وايد اشياء .. يعني على إنه بداية الفيلم مافيها حوارات اللي جم مشهد وما يعتبر حوار بين أشخاص ( لما تشوفون الفيلم بتعرفون قصدي ) .. المهم اللي بقوله على قلة الكلام اللى إنه بتحسون بكل شي وبعمق بعد .. صج اللي قالوا الصورة عن آلف كلمة
وعلى فكرة ربعي راحوا له أمس وما عجبهم لول .. والسبب ماكو حوارات واايد والفيلم ميت .. بس صدقوني لأ .. الفيلم كله حياة وفكرته يديدة ووالي بيكون أسطورة وبتشوفون ... يعني حاجته للحب وشلون عنده إستعداد يحب من قلب .. شي يدش القلب صج
-ليش شبهت الفلم بالحلم ؟
لول .. شعوري لما طلعت جنه حلم .. قلت لك يدش القلب وتحس قلبك يضحك ويحزن على كل شي يصير .. وتحس صج بالفضاء .. يعني عنصر الفضاء ساعد .. ما أدري شلون أشرح إحساسي بس حسيت بشي مميز ما حسيت فيه واايد من قبل والفيلم أكيد أكيد شي يديد لبكسار
-بداية الفلم شلون ؟
أول 60 دقيقه ليش صنفوها كأفضل ما انتجته بيكسار ؟
ياخي ابي اعرف كل شي ..
بداية الفيلم مافيها ولا كلمة .. أول شي يطلع حوار بس دعاية ( حاول تفهم عاد لول ) ... وأعتقد صنفوها كأفضل عمل لأنه فيها واااايد معاني وبتحسون بواااالي حيييل ... ولما تدخل شخصية ايف راح يحلو الفيلم أكثر .. البداية من أذكى ما شفت وصج تعتبر مجازفة بس والله برافو .. انا حبيتها حييل .. ما أدري شلون أقولك ناصر .. بس فيها كمية إحساس غريب وبيكسر خاطرك والي لدرجة ودك تدش وتلمه لول .. وبيضيق خلقك على الأرض والحياة .. طلعوها بصورة تمس القلب صج
- Sigourney Weaver أدت صوت الكمبيوتر مثل ماقريت
لها دور كبير يعني ؟
ناصر من صجك هالعيوز السنين اللي طافت قامت تمثل أي شي .. ما أدري ليش تسوي جذي
بس بوالي نسمع صوتها لول بس مالها دور .. يعني مو شخصية .. بس تكون الكمبيوتر اللي بالسفينه .. صوت السيستم يعني لكن مو شخصية لها روح .. وترى ما يتكلم بالفيلم غير خمس أشخاص .. يعني كلام مو بس جم كلمه مثل ايفا ووالي
على فكرة أحلى قصة حب بالتاريخ بين ايف ووالي
سامحنا على التأخير والرد اللي مخربط شوي
على فكرة ثانية لول الفيلم القصير اللي أول شي تووووووحفة لول
[ يوليو 03, 2008, 08:15 PM: تم تحرير المشاركه من قبل: __ Khaled __ ]
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
وترى والي أحسه من النوع اللي يا تحبينه يا تكرهينه .. يعني ربعي قالوا ممل لأنه مافيه سوالف وكلام .. بس ترى والله الفيلم عمييق .. فيلم للقلب ( أنا اللي مطلعها لول .. حطوها عنوان )
--------------------
Silkwood - 1983 The Greatest Living actress
المشاركات: 4930 | من: Q8 & QTR | تاريخ التسجيل: أكتوبر 2005
|
الله ياخذ ابليسكم يا بيكسار ! .. شلون تجرأتو تسوون مثل هالفلم ؟ .. يا ناس والي أعجوبه سينمائيه .. صار خاطري أجرب الحب .. بس مع وحده تشبه إيف
جد يعني وبعدين مع بيكسار ؟ .. ابداعهم مايعرف حدود ؟ .. ترى بديت احقد عليهم .. ابداع متواصل .. تحفه ورا تحفه .. يا عالم شهالفلم العبقري و الساحر ؟ .. فلم غني بالمشاعر والاحاسيس !! .. مابالغ لما أقول اني عشت تجربه فريده من نوعها .. تجربه تشبه الحلم .. والي اثبت ان لغة الجسد والنظرات أعمق واقوى من لغة الحوار .. طول الفلم وانا سارح في براءة والي .. وطريقته في التعبير عن حبه ( لحواء الالفيه الثانيه ) إيف
طول الفلم وانا مبتسم بطريقه ماعرف كيف اوصفها .. أضحك بسبب او بدون سبب .. والي يجنن !!
الكوميديا اللي بالفلم بريئه وبسيطه .. نابعه من سذاجة وبرائة والي .. مش بالقفشات الكوميديه ولا بالحوارات
حركاته تجنن .. خصوصاً لما يخاف ويتقوقع على نفسه ويصير مكعب لول .. قسم بالله تمنيت اني ادخل الشاشه وألمه .. واحلى شي محاولاته البريئه عشان يبين حبه لايف لما جات للارض
مت من الضحك على التمثال المعوق اللي سواه على شكلها .. ولما ماعطته ويه تضايق ورفس البيبات بريوله جان يطيحون عليه خخخ .. وحتى لما جابها بيته تميت أضحك عليه .. انه يعني يستعرض اغراضه جدامها .. يراويها لمبه و شوكه لول .. أغراضه سخيفه .. والله اني كنت اضحك وبنفس الوقت منبهر من تركيبة شخصيته .. ولا لما الصرصور كان يبي يلحقه .. هاوشه وأشر على الارض .. بما معناه انثبر مكانك لول
ترى فعلاً مثل ماقالوا النقاد واتفق معاهم فيه .. الساعه الاولى من الفلم أروع وافضل وانضج ساعه انتجتها استديوهات بيكسار ليومنا هذا .. بحيث اني تمنيت ان ايف ووالي مايطلعون من كوكب الارض !!
وبخصوص الشخصيات البشريه بالفلم .. هممم .. حبيت فالبدايه فكرة ادخالهم لممثلين حقيقين .. بس بعدين لما شفت اشكال البشر في السفينه الفضائيه صار عندي ارتباك شوي .. على العموم اشكال البشر بالانميشن تحفه .. بس تميت اقول بقلبي شلون كانوا يتكاثرون طول هالـ 700 سنه اذا كل واحد خامر بكرسيه ؟ لول .. واصابعهم شكلها كيوت على فكره .. طول الوقت وانا اتأمل فيهم
على العموم الرسم بشكل عام بوالي مبهر وفعلاً متعه بصريه مالها مثيل .. تصميم ايف والازرار اللي موجوده بجسمها عن طريق اللمس تحفه وتذكرنا بانتاجات شركة أبل .. إضائة العين ذكيه .. اما تصميم والي ابداع مابعده ابداع .. كأنه من نفس جيل الاتاري والمسجلات القديمه
حبيت غرفة والي .. عجيبه .. خاطري انبش فيها .. حسيت انها نفس غرفة أريل بفلم حورية البحر .. اللي فيها مقتنيات من عالم البشر .. شوك وملاعق واشياء مالها قيمه لول .. وبخصوص الفلم اللي بفضله والي عرف شي اسمه حب ورقص وغنا .. تحمست اشوفه الصراحه .. لولا هالفلم ماتكونت شخصية والي الرومانسيه .. تخيلوا 700 سنه وهو مجابله !!
الفلم عباره عن فيضان من المشاعر والاحاسيس .. ماراح تتأكدون من مقولة الصوره اصدق من الكلام الا بعد ماتشوفون هالفلم .. والي من الافلام اللي بكل بساطه راح يتذكرها التاريخ .. وبيصير علامه بارزه تمثل روعة هالفن !!
وبخصوص فلم الساحر والارنب اللي اعرضوه قبل والي ..
من اروع الافلام القصيره اللي شفتها لبيكسار .. الرسم كيوت .. المسرح رهيب .. الفكره ذكيه ومبتكره .. ستايل البدايه والنهايه روعه .. نفس ستايل الافلام القصيره اللي كانت تنتج بالأربعينات والخمسينات .. أحيو ذكرها بطريقه رهيبه
استمتعت لاقصى درجة اليوم وانا بالسينما .. حسيت انه يوم بيكساري على أصوله
ألف شكر لبيكسار وديزني على هالانتاجات الراقيه .. تمنيت ان هاليوم مايخلص .. لدرجة اني قعدت بروحي بالسينما اشوف تتر النهايه للاخير .. لول حللت فلوس التذكره عدل
مع انهم افتحوا الليتات وكانوا يبوني اطلع .. بس تميت قاعد على قلبهم
[ يوليو 03, 2008, 08:34 PM: تم تحرير المشاركه من قبل: [ LOVER ] ]
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
ناصر استناك .. الفيلم اللي كان والي يشوفه هو Hello Dolly حق بابرا ستااريساند ووالتر ماثيو .. فيلم كوميدي/رومانس/ميوزيكال .. ما استغرب ان والي تأثر فيه لوول ..
--------------------
"The Greatest Living Actress"
المشاركات: 2671 | من: الخـبــــر ,, | تاريخ التسجيل: يوليو 2006
|
إرسال هذه الصفحه لصديق!
لطباعه هذا الموضوع
![[help]](graemlins/help.gif)
![[Smile]](smile.gif)
![[applause]](graemlins/applause.gif)
![[Frown]](frown.gif)
![[Cool]](cool.gif)
![[Wink]](wink.gif)
![[heartpump]](graemlins/heartpump.gif)
![[Big Grin]](biggrin.gif)
![[nut]](graemlins/nut.gif)
![[Embarrassed]](redface.gif)
![[Mad]](mad.gif)
؟ ( بغير الموضوع لول )
![[Eek!]](eek.gif)
!!
![[Razz]](tongue.gif)
![[rose]](graemlins/40.gif)
![[crazy]](graemlins/crazy.gif)
![[kiss]](graemlins/kiss.gif)
