اللي عرفته و شفته من الصوره ان البطل شايب بس شو سالفته ؟
اسمحلي بندر توني متذكر ردك
الفلم بينعرض في 29 مايو 2009 .. وراح يكون اول فلم يعتمد على تقنية 3D بتاريخ بيكسار .. الفلم من اخراج Pete Doctor ( مخرج MONSTERS, INC ) .. فلم بيكسار الجديد UP يروي لنا قصة الشايب كارل .. اللي يقوم بأداء صوته الممثل المخضرم Edward Asner
( راح احرق عليكم بداية الفلم .. فاللي مايحب يخرب على نفسه لا يقرا )
يفتتح الفلم ببكرات عرض سينمائيه .. تصور طفولة الشايب كارل لما كان طفل صغير في الثلاثينات من القرن الماضي .. كارل كان طفل متين وكيوت .. وكان يحب يكون عنده اصدقاء وايد وهو صغير .. وحده من صديقاته اللي كان يحبها وايد اسمها ايلي .. كانت ايلي كتلة من البرائه .. حلمها الوحيد هي انها تروح مع بطلها المستكشف بمغامراته في البراري .. ايلي كان ودها تشارك كارل بغرض معين .. بس قبلها حلفته انه مايعلم احد .. وفعلا حلف كارل انه مايعلم احد .. فقامت وطلعت له كتاب مغامرتها .. كتاب عليه قصاصات صور من الاماكن اللي زارها بطلها المستكشف .. كانت تقوله انها لما تكبر بتروح للاماكن اللي راح لها بأمريكا الجنوبيه .. وكان كارل مايعرف ان في امريكا جنوبيه .. فكانت ايلي تقوله : هي نفس امريكا اللي احنا فيها بس جنوبيه .. عشان توضح له .. وكان عندها بالكتاب رسومات لشلالات مائيه .. كانت تقوله انها بتعيش هناك في يوم من الايام .. هالشلالات اسمها شلالات الجنه .. باقي الصفحات تعمدت تخليهم فاضيين وقالت انها بتخشهم عشان تسجل فيهم مغامراتها لما تروح هناك
بس المشكله الوحيده انها ماتعرف شلون تروح هناك .. وكارل كان عنده بالونات في غرفته .. فجأت قالت ايلي "لقيتها .. انت تقدر تاخذنا بالمنطاد .. بس احلف انك راح تاخذنا هناك لما نكبر !" .. وبعد ماحلف كارل قالت "ترى خلاص مالك عذر!"
نظرات الاعجاب اللي كانت ظاهره بعيون كارل لهالبنت كانت كبيره وايد .. وقع بحب روحها وحماسها لدرجة انه كان بالكاد يتكلم وهو يشوفها .. في هاللحظه نشوف مونتاج من غير حوار .. بس موسيقى .. ايلي وكارل تزوجوا .. وعايشين حياتهم بسعاده .. كارل يبيع البالونات عشان يبني بيت الزوجيه بفلوسه .. والسنين تمشي .. وهم مازالوا شباب يافعين .. وحبهم كل ماله ويزيد ويكبر .. وهم طالعين يتمشون بالطبيعه يشوفون السحاب ويتأملون بأشكال الغيوم المختلفه .. يقوم كارل ويأشر على صورة غيمة تشبة بيبي صغير .. ومن هاللحظه وطالع تبدأ ايلي ماتشوف الا هالغيمه والابتسامه مرسومه على وجهها .. بعدها نشوفهم قاعدين بمكتب الدكتور .. الدنيا صار لونها اسود على رمادي .. ايلي حاطه يدها على وجهها وهي تصيح .. والدكتور يأشر بيده وكأنه يقول لا ( اللي يروي الاحداث ماذكر ليش الدكتور حرك يده بالنفي !! هل لانه البيبي اللي في بطنها مات .. او انها عاقر وماتجيب اطفال ؟ ) المهم تجلس ايلي في حديقة منزلها حزينه وضايق خلقها .. ويجيها كارل عشان يرفع معنوياتها وهو ماسك بيده كتاب المغامرات القديم .. فترجع ابتسامتها مره ثانيه ..فيصنعون كارل وايلي حصاله خاصه بشلالات الجنه عشان يحطون فلوس فيها .. وشوي شوي تنترس الحصاله .. لكن الظروف الصعبه ماخلتهم بحالهم .. وبدوا ينفقون فلوس هالحصاله عشان تستمر حياتهم .. سيارة كارل توايرها انفجرت .. سقف البيت محتاج تصليح بعد ماضربته العاصفه .. الخ
الحين كارل وايلي صاروا عجائز وكبار بالسن .. والحصاله فاضيه مافيها ولا قطعه .. فنسوها خلاص .. كارل وهو شيبه يحب زوجته ايلي اكثر من اي وقت ثاني ويحب يشوفها كعيوز تهتم في بيتها وامورها المنزليه .. اما ايلي فهي سعيده بحياتها .. لكن بيوصلكم احساسها بأنها حزينه لانه كارل ماوفى بالوعد اللي وعدها فيه .. في هالاثناء كارل يشوف الرسومات اللي كانت راسمتها ايلي بالطباشير في كتاب مغامرتها لشلالات الجنه .. وهو يخطط في هاللحظه انه ياخذها هناك .. وبعد ما اكتمل تخطيط كارل وحصل على تذكرتين لشلالات الجنه .. خش التذكرتين في السلة اللي ياخذونها معاهم في النزهات عشان يفاجئها .. وحط السله في اعلى التل .. وجهز كل شي هناك لرحله مثاليه .. ولما هم يمشون بالطريق تنهار ايلي وتطيح .. ويركض كارل صوبها عشان ينقذها .. بعد هالمشهد ننتقل للمستشفى .. كارل واقف وهو حزين .. ايلي تمسك كتاب مغامرتها وتحاول تدفعه لكارل .. وتطلب منه انه يقسم بشغله .. بعدها نشوف ايلي لابس اسود بأسود .. وقاعد بوسط ألاف البالونات .. واسم ايلي مكتوب عليهم كلهم
طبعاً هذي البدايه بس وبتكون بدون حوار .. بس موسيقى .. مستوعبين يا ناس شمسويه بيكسار بهالفلم .. القصه روعه وحزينه ولون جديد كلياً على افلام الانميشن ..
هذي كم صوره من UP
[ يوليو 05, 2008, 04:15 PM: تم تحرير المشاركه من قبل: [ LOVER ] ]
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
اعلنت شركة Pixar عن اطلاق فيلمها الجديد Wall- E ويحكي قصة ربورت آلي يعيش على الأرض ويقوم بجمع النفايات التي خلفها البشر بعد رحيلهم عن الأرض ومن الغريب بالفيلم انه يبدأ كفيلم صامت لمدة 30 دقيقة
وتراهن الشركة المنتجة على الفيلم بأنه منافس قوي خلال هذا الموسم ولقد استخدمت الشركة تقنيات تستخدم لاول مرة في فيلم كرتوني بالاضافة الي تقنيات اصوات جديدة، واستعانت الشركة بمؤلف فيلم Toy Story ومخرج فيلم (Finding Nemo) ليتولى اخراج هذا الفيلم، وتتميز شركة Pixar بانتاج العديد من الافلام الكرتونية الناجحة مثل Toy Story Cars, وكذلك Ratatouille.
[ يونيو 30, 2008, 02:09 AM: تم تحرير المشاركه من قبل: Kuwaity CoOol ]
أنا رحت Wanted يوم الجمعة من أحلى الأفلام اللي شفتها بحياتي , جمع بين الخيال والإبداع وبين القصة الحلوة والتصوير المميز , حتى wall-e كان مميز ’ بس Wanted أجمل
--------------------
جـــــــــــــــاري التحــــــــــــميل
I can't live If living is without you
المشاركات: 2189 | من: بعيد جدا ً | تاريخ التسجيل: أكتوبر 2007
|
مبرووووووك والي.. يستاهل عاد الأسبوع الياي بتكون عطلة قوية في أمريكا ولا تستغربون اذا رجع دخل رقم قوي في البوكس أوفيس.. و نصور ليش وايد رابطين نجاح Wanted بانجلينا.. أحب الممثلة بس الفلم نجح لأنه من أفلام الأكشن اللي تنفذت بطريقة صح والنقاد والجمهور حبوه.. لو علشان انجلينابالدرجة الاولى جان أفلامها الثانية كلها دخلت 51 مليون في أول ويك اند بس الفرق انه Wanted بينزلون وراه 3 أفلام أكشن أما والي بياخذ راحته وبيجمع فلوس في الأسابيع اليايه.. ما أعتقد فيه وايد أفلام عائلية مهمة بتنزل هالفترة UP شكله أسطوره مب بس قصة بسيطة.. ناطرينه أكيد
-------------------- [ المشاركات: 7335 | من: الامارات | تاريخ التسجيل: يوليو 2003
|