مرسله في
قبل شوي رجعت من الفلم .. قمة الوناسة وخفة الدم وفعلا الرسايل اللي فيه قوية جدا ومناسبة لهالوقت والزمن اللي نحن عايشين فيه... جودي كنا عارفين انها بطلة الفلم ومتوقعين انا بنموت في دباديبها بس اللي فاجأني نيك ... تطور شخصيته كان رائع والصداقة اللي تشكلت بينه و بين جودي ذكرتني وايد ببولت وميتنز .. يعني نيك ميتنز و جودي بولت الوحيدة اللي حسيت ما شفنا منها كفاية هي غزال .. روعه شخصيتها وتحسونها نجمة بس عندها مبادئ و أغانيها الها هدف وبنفس الوقت تبي ترقص و تسعد الناس.. القضايا الاجتماعية اللي ناقشها الفلم ناقشها بوضوح و بعيد عن التلميحات.. يعني اللي يشوف الفلم توصله الفكرة على طول وماشي لف و دوران فيها .. حتى قضايا حقوق المرأه وهالسوالف تحسون قدمها الفلم وبنفس الوقت قدم فكرة مغايرة تماما.. ما أقدر آخذ راحتي عشان ما أحرق الفلم بس حبيت هالتناقض جدا جدا وحسيته في محله تماما.. نصيحة شوفوا الفلم... فلم خفيف وحلو و بيعيش سنين وسنين لقدام .. شخصيا أحطة في خانة بولت و ريكيت رالف بس أضل أفضل كلاسيكيات الفيري تيلز الموسيقية من ديزني مثل فروزن و تانجلد ...
-------------------- [ المشاركات: 7335 | من: الامارات | تاريخ التسجيل: يوليو 2003
|
رد مقتبس: لكن ما حسيت انك انبهرت مثل انبهارك بانتشانتد او تانجلد
يمكن انبهاري بهالأفلام سببه انها فيها سحر ديزني و قصصهم الخيالية اللي ديزني بخيلة شوي في انتاجها.. لكن هالشي ما يقلل من قيمة هالفلم ناصر... قصة قوية و شخصيات تدخل القلب والابتكار اللي فيه يتفوق على تانجلد وانشانتيد .. كفاية بس المدينة نفسها اللي بروحها تعتبر شخصية من شخصيات الفلم..
رد مقتبس: تتوقع هالاستقبال النقدي والجماهيري الكبير للفيلم شنو سببه؟
الذكاء اللي قاعد الفلم يطرح فيه هالقضايا الحساسة .. العنصرية، تقبل الغير، حقوق المرأة كلها مواضيع صعب جدا تتقدم في فلم أنيميشن.. تذكر فلم Tomorrowland؟ اللي أنا برأيي قدم مواضيع بعد قوية و سياسية عن تغير المناخ و العلم ومستقبل الكرة الأرضية وغيرها .. الناس نفرت منه لأنه كان فيه خطابات و تحس قاعدين يعطونك محاضرة .. هذا الفلم العكس تماما يوصلك هالأفكار بسلاسة من خلال قصة جريمة و تحري بوليسية و كوميدية فيها ألغاز و أسرار.. بس بغيت أقول اني على فكرة حبيت Tomorrowland والأفكار اللي فيه و أحسه انظلم وايد ناطر رايك بالفلم
[ مارس 03, 2016, 01:15 PM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
عامر مايقصد ان مستواهم واحد .. يقصد ان الفيلم يتصنف بنفس الخانة معاهم ..
ماجد ردودك تحمس اللي مايتحمس
رد مقتبس:كفاية بس المدينة نفسها اللي بروحها تعتبر شخصية من شخصيات الفلم..
فعلاً ولاحظ ان هالشغله تكررت مع اغلب افلامها الاخيرة
التركيز على بناء مدينة خيالية متكاملة مليانه تفاصيل تشيب شعر الراس من الالف للياء
مدن فريدة وغير مألوفه
مثل سانفرانسوكيو وآرنديل والحين زوتروبوليس
رد مقتبس:الذكاء اللي قاعد الفلم يطرح فيه هالقضايا الحساسة .. العنصرية، تقبل الغير، حقوق المرأة كلها مواضيع صعب جدا تتقدم في فلم أنيميشن..
ماتحس هالنقاط سبق وتطرقوا لها ولو بشكل سريع بالاميرة والضفدع؟ حقوق المرآة والعنصرية؟
رد مقتبس:تذكر فلم Tomorrowland؟ اللي أنا برأيي قدم مواضيع بعد قوية و سياسية عن تغير المناخ و العلم ومستقبل الكرة الأرضية وغيرها .. الناس نفرت منه لأنه كان فيه خطابات و تحس قاعدين يعطونك محاضرة ..
ماتدري شكثر فرحت وانا اقرا هالسطر بالذات
اخيراً في واحد بهالساحه يتفق معاي ان تومورولاند فيلم عبقري!!
--------------------
المشاركات: 27170 | من: ~ NeverlanD ~ | تاريخ التسجيل: يوليو 2002
|
مثل ما قال ناصر قصدي انهم ينحطون في نفس الخانة. خاصة انه أبطال هالأفلام دايما يكونون ثنائي بطل و بطله.. حد منهم يكون شاد حيله و عنده هدف معين والثاني مخادع و مكار.. يكرهون بعض في البداية لكن بعدين يصيرون أعز الأصحاب
رد مقتبس: مدن فريدة وغير مألوفه
مثل سانفرانسوكيو وآرنديل والحين زوتروبوليس
سان فرانسوكيو رائعه و شخصيا المفضلة عندي .. بس زوتروبوليس مشتغلين عليها أكثر و الحلو انه الحيوانات مب كلهم بحجم واحد.. يعني الزرافة بحجمها الطبيعي الها شاحنات خاصة فيها.. الفيران الهم مدينة بروحهم بحجمهم، المدينة مقسمه على حسب ظروف معيشة الحيوانات يعني عندك القطب الشمالي و الغابات الاستوائية والصحرا .. التفاصيل فظيعه..
رد مقتبس: ماتحس هالنقاط سبق وتطرقوا لها ولو بشكل سريع بالاميرة والضفدع؟ حقوق المرآة والعنصرية؟
بشكل سريع فعلا .. لكن مب محور أساسي في الفلم.. هذي المواضيع في زوتروبوليس هي قصة الفلم و تحسها في المقدمة و يتعاملون معاها بنضج .. حتى الأطفال ما أعتقد بيحللون الفلم مثلنا نحن.. و أحس ديزني عارفين هالشي و فيه رسايل موجهينها للأهالي اللي يايبين عيالهم السينما.. شي يضحك وجود هالفلم اللي يشجع تقبل الآخر و العيش بسلام و في نفس الأسبوع ينزل فلم اسمه London has fallen من الدعاية مبين انه العكس تماما.. مجموعة ارهابيين واضح كل الوضوح انهم من الشرق الأوسط قاعدين يحاولون يدمرون لندن و يسيطرون عالعالم ... هالشي يخليني أفتخر اني ديزناوي
رد مقتبس: ماتدري شكثر فرحت وانا اقرا هالسطر بالذات [applause]
اخيراً في واحد بهالساحه يتفق معاي ان تومورولاند فيلم عبقري!!
اذا شفت انه Tomorrowlandعبقري عيل خلاص اطمن انك بتحب هالفلم لا بل بتعشقه
متى ناوي تشوفه؟؟ يله وينكم فانز ديزني.. اللي في السعودية ما عندكم عذر روحوا البحرين وشوفوه
-------------------- [ المشاركات: 7335 | من: الامارات | تاريخ التسجيل: يوليو 2003
|
إرسال هذه الصفحه لصديق!
لطباعه هذا الموضوع
![الملف الشخصي لـ [ L.O.V.E.R ]](http://salmiyaforum.net/ubb/profile_ubb6.gif)
![[Eek!]](eek.gif)
![[super]](graemlins/super.gif)
![[eyelove]](graemlins/eyelove.gif)
![[heartpump]](graemlins/heartpump.gif)
![[applause]](graemlins/applause.gif)
![[nut]](graemlins/nut.gif)
![[bye]](graemlins/bye.gif)
![[worried]](graemlins/worried.gif)
![[Big Grin]](biggrin.gif)
![[Mad]](mad.gif)
![[Smile]](smile.gif)
![[crying]](graemlins/crying.gif)
![[iwantattention]](graemlins/iwantattention.gif)
