مرسله في
قبل ما أقرا ردودكم قريت بعض اكاونتات الاخبار الفنية السينمائية في تويتر عن ايرادات الفيلم
وااااااااو شي خيال و مفاجئ ما توقعناه
معلومة قريتها : في روسيا الفيلم حقق اعلى نسبة دخل كفيلم كرتون في تاريخ روسيا .. شي مفاجئ الصراحه
ما كنت حاط في بالي الأولوية للفيلم بإني أشوفه لكن بعد هالإنجاز متحمس حيل اشوفه والله و حطيته ضمن قائمتي و لكن كالعاده راح انطره ينزل بلوراي علشان اشوفه براحتي
صاير مالي خلق اروح السينما هالايام كلش
مبروك يا الديزناويين
--------------------
المشاركات: 547 | من: Kuwait | تاريخ التسجيل: أبريل 2015
|
مرسله في
الفلم بسهولة أخذ المركز الأول للأسبوع الثاني في أمريكا.. 50 مليون دولار هالويكند.. يعني في أسبوعه الثاني دخل أكثر عن بيج هيرو 6 و ريك ات رالف في أسبوعهم الأول .. في الصين بعد قفز قفزة قوية ودخل في أسبوعه الثاني أكثر من اللي دخله في أسبوعه الأول.. للي ما يعرف.. الصين حاليا أرباحها صارت تعادل أرباح أمريكا في البوكس أوفيس وينحسبلها ألف حساب .. والظاهر ان الآراء الايجابية خلت الناس تروح تشوف الفلم عندهم و متوقعيله يكون أنجح فلم أنيميشن في تاريخ الصين اذا كمل بهالقوة.. لين الحين عالميا صار مدخل 431 مليون دولار.. يعني اذا بنقارنه بأفلام ديزني الأخيره خلال 10 أيام دخل أكثر من بولت و The Good Dinosaur و الأميرة و الضفدع في طول فترة عرضهم.. وبعدنا بأول المشوار... أتمنى يكمل بهالنجاح و ما تغطي عليه الأفلام الضخمة اللي بتنزل الأيام الياية.. ما أعتقد بيوصل لأرقام فروزن الخيالية بس يمكن نجاحه يكون قريب من نجاح Finding Nemo و Inside out ويمكن حبتين أعلى
[ مارس 13, 2016, 09:45 AM: تم تحرير المشاركه من قبل: howtodeal ]
-------------------- [ المشاركات: 7335 | من: الامارات | تاريخ التسجيل: يوليو 2003
|
مرسله في
أمس جفت الفلم أخيرًا بعد انتظار مو طويل رحته ويا صديقي وكان حده حلو وما يخلو من تنوع الاحداث بس صدق عجبني الفلم وما ندمت لأن حضرته كنت بكتب رايي فيه امس بس رجعت متأخر وقلت بكتب اليوم
--------------------
المشاركات: 182 | من: البحرين | تاريخ التسجيل: يناير 2015
|
مرسله في
اضافة لردي السابق كنت بعلق على جودي هوبز الارنبة حق الا جافوا الفلم.. احد لاحظ وجه الشبه بينها وبين آنا في فروزن؟ من ناحية الملامح والاسلوب والشخصية والتصرفات؟ ما ادري اذا لاحظتون هالشي وله بس انا يعني حبيت اتشارك وياكم بهالشي حتى لو ذكرتون هالشي وانا ما انتبهت بس الفلم كان صدق خرافي ومن جد حبيته
--------------------
المشاركات: 182 | من: البحرين | تاريخ التسجيل: يناير 2015
|