هو صح كلامك ان موضوع التهجين هذا قبيح ومقزز بس حلو انهم زادوا نسبة اللهجة المصرية فيه واستوديو الدبلجة اليديد حاول يرجع الكاست القديم وفعلاً خسارة ان خالد الصاوي ما رجع لدور صبحي شبار مع انه أكد انه بيرجع بس مادري شو صار وغير رأيه . . لكن الاحلى ان رشا ابو الريش رجعت لدور مطاطية ود. محمود ناجي بعد رجع لدور العميل رمزي مع ان دوره وايد بسيط في الفلم . . لكن بشكل العام النتيجة ممتازة . . مع اني بصراحه ما شفت الا كم مشهد لكن حبيت النتيجة وان شاء الله بتابع الفلم هالويكند بس خلني ارتاح من عوار ضرسي
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
مرسله في
راحوا انستقرام بحساب ديزني العربي الي يدره لوفر
هو اول كان يهاوشهم ليش سولهم جروب بالواتسب بس اخيرا خضع مسكين للسوشل ميديا واندثار عالم المنتديات
المشاركات: 44721 | من: الـكـويـت | تاريخ التسجيل: أكتوبر 2003
|
بس لازال هذا الموضوع في المنتدى له جوهه الخاص يختلف عن السوشال ميديا وين ايام المراجعات والتغطيات والحصريات ومشتريات الانترنت التفاعل بدا يقل تدريجياً في الدليل لين ما انهجر بس ان شاء الله ترجع الشلة ويرجع التفاعل للدليل مثل قبل
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
والله انا معاك محمد المنتديات مالها عوض ومستحيل مثلاً احب السوشال ميديا اكثر من الدليل .. هنا الواحد يقدر يأرشف ويوثق اي مرحلة بالتفصيل الممل بالصور والفيديوهات واللنكات .. نقدر نرجع لهالاحداث بسهولة ونقراها .. بالسوشال ميديا الموضوع معقد اكثر لانها معمولة لاحداث سريعة وتروح بسرعه ..
رد مقتبس:المرسل الأصلي هو طبيعي: راحوا انستقرام بحساب ديزني العربي الي يدره لوفر
هو اول كان يهاوشهم ليش سولهم جروب بالواتسب بس اخيرا خضع مسكين للسوشل ميديا واندثار عالم المنتديات
مو موضوع خضعت ههه بس بدر زهقت بصراحه .. باخر فترة كنت اشارك بروحي تقريبا والتفاعل خف لدرجة ان ما الاقي الا تعليقين ثلاثه بالاسبوع الواحد .. صفحة ديزني بالعربي مفتوحه من 2009 .. شوف كم سنه مرت وانا اشارك بالمكانين .. فلاتلومني لوم الشيوخ الكسلانين اللي مالهم خلق يكتبون نفس قبل
مالت عليج يا ديزني هذا اللي ناقص مع اني انصعقت من الخبر لكن للاسف الشي مب مستغرب ديزني صارلها سنة ساحبة على الترجمة العربية في افلام اللايف اكشن ومنها افلام كبيرة مثل الجميلة والوحش اللايف اكشن وافلام مارفل "بإستثناء ثور راجناروك" لكن توصل المواصيل انها تسحب على الدبلجة بكبرها من بلوراي فيلم انيمشن يديد عمرها ما صارت من قبل الا الحين والله يستر من الياي . . اتوقع تسويها ديزني وتحط اكبر X على الشرق الاوسط وتكتفي بالديجيتال الحين منو بيعوضنا خسرنا فلم الخارقون ٢ ع بلوراي غير شورت دانا وعدنان اللي كنت اترياه ينزل ع بلوراي مدبلج والله يستر ع الافلام الياية
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|
مرسله في
لو انا من ديزني خلاص اضيف اللغة العربية دبلجة وترجمة في النسخ الاوربية وخلاص الي يبي مثلا يشتري من امازون البريطاني او الاسباني او او وانتهينا
والصراحة دزني ماتنلام الشعوب العربية خلاص صارت مدمنه نت فليكس وايتونز ستور محد يروح يشتري
انتوا متخيلين دولة كاملة بسيادتها وحكومتها مافيها محل واحد بيع دي في دي وبلوراي أصلي ؟؟؟
هذا اهو الكويتي لول
[ نوفمبر 17, 2018, 08:52 AM: تم تحرير المشاركه من قبل: طبيعي ]
المشاركات: 44721 | من: الـكـويـت | تاريخ التسجيل: أكتوبر 2003
|
مرسله في
خلكم من الدبلجة بالديسك .. اوكي ديزني حابة تخلينا عالدفيدي و يمكن شوي و يرجعونا لاشرطة الفيديو و الفيديو سيدي
بس ابي افهم شي واحد .. متعبين روحهم و طابعين قرص بلوراي و منزلينه ليش ؟
شوتينج ستار وينهم ؟ شلون ياخذون اصدار و يطرحونه وهو مايحتوي لغة المنطقة اللي بيتوزع فيها ؟
هم لو شركة كفو والله لينشبون لهم و يطلعون عينهم على هالقلة الحيا و المسخرة اللي تسويها ديزني !
يعني اذا هم حابين يخلونا نتجه للديجيتال ليش للحين ينزلون اصدارات بالسوق من الاساس ؟ بس عشان يحرونا ؟ احس الموضوع انتقام مدري شلون
ها رح ننزل اصدارات بالسوق بس مافيها لا ترجمة ولا دبلجة يلا خذوا
يعني اوريدي متعبين نفسهم و معربين القوائم و مسوين ترجمة و دبلجة للفيلم ماقدروا يحطونها بهالديسك اللي حجمه 50 جيجا ومافيه غير 3 لغات ثانية ؟
احس الموضوع متعمد
و بخصوص الدفيدي ؟! هالفورمات الغبي مو راضي يموت ؟ الناس برا راحت للفوركي و احنا لسه ينزلون لنا دفييييدييي !! اقسم بالله ذاك اليوم شغلت دفيدي كنت بشوف شغلة انصدمت
قلت احنا شلون كنا نشوف افلام بهالكواليتي ؟! كان خاطري امسك كل الدفيديز اللي عندي و اقطهم بالزبالة
العالم تتطور و تعيش المستقبل و احنا نتخلف و نرجع لورا .. لا و ذاك اليوم اقول لناصر اذا ديزني رح تبدا تنزل افلامها فور كي مدبلجة رح تدعم الصيغة دعمة قوية خخخ
هذول لو بإيدهم يرجعونا لاشرطة الفيديو ما يقصرون
ياليت لو احد يرسل رسالة لشوتينج ستارز يشرشحهم فيها و يقولهم استحو على وجوهكم و افسخو هالعقد و وفروا تعبكم و وقتكم الثمين .. قال منزلين لي دفيدي قال تفوو
شركات هوليوود اللي كانو ما يعبرونا بإصدراتهم قامو يحطون الترجمة العربية بكل اصداراتهم الجديدة بلوراي و فوركي !! و ديزني اللي طول عمرها كانت الرائدة بهالموضوع قامت تنحط بهالشكل
الحين بضطر اروح اركب دبلجة الايتونز على نسخة بلوراي "مقرصنة" عشان اقدر اشوف الفيلم بجودة انا متعود عليها و خلي ديزني تنبسط بمبيعات الدفيدي مبروك عليهم
مرسله في
ماشاء الله شنو هالأخبار هاذي أغيب سنتين عن الدليل وأرجع على قرف مثل هالقرف
قرف إلي يقرف شركة شوتنغ ستارز إلي لا كرامه ولا عزة نفس ياخذون إصدارات للشرق الأوسط وهي مافيها لا ترجمه ولا دبلجه ... ليش منزلينها عندنا عيل ؟
هذا مو عذر إن الشرق الأوسط محد يشتري ومبيعات واطيه هاذي الهند محد فيهم يشتري بلوراي ولا حتى ديفيدي بو دينار كوبي
بس مع ذلك دبلجاتهم بكل فلم
ماقول غير الله يلعن من كان السبب وأشوف فيهم يوم عيال الحرام
سلام ناصر آي لوف يو دارلنغ
--------------------
When the evening falls And the daylight is fading From within me calls ? Could it be I am sleeping For a moment I stray Then it holds me completely Close to home, I cannot say Close to home, feeling so far away
وسيم للاسف شوتنج ستار ما بإيدها شي دام المبيعات عندنا وايد متواضعة عسب جي ما بتهتم بالموضوع . . هم عليهم بس توزيع هالاصدارات، واولريدي توزيعهم وايد تعبان اول ما نزل بلوراي كوكو اتصلت فيهم عسب استفسر عن بلوراي 3D وانه ما نزل عندنا بالرغم ان الدبلجة موجودة بدسكات الـ 3D وقالوا لي ان خلاص من اليوم ورايح ديزني ما بتنزل دسكات الثري دي ابداً بسبب مبيعاتها الضعيفة
---------------------------------
بس اتفق وياك . . دام ديزني ناوية تنسحب من سوق الشرق الاوسط جان ما نزلت اصدار البلوراي العادي مثل ما سوت بالثري دي بدال ما تنزله بدون دبلجة مع ان الدبلجة اولريدي متوفرة . . هالحركة ابداً مب حلوة من ديزني بس ما نقدر نلومهم اذا فعلاً المبيعات تعبانه والتوزيع تعبان سؤال بس . . هل بلوراي Avengers Infinity war نزلت بعد بدون ترجمة؟
---------------------------------
ياريت لو كلنا نكلم شوتنج ستار ونحتج على اللي صاير وما نسكت عسب يحسون ان شي ناس عرب يشترون ويتابعون ويهتمون لهالامور وان شاء الله نقدر نوصل لنتيجة
Shooting Stars Office 705, U Bora Tower Bldg., Business Bay, Dubai, UAE +971 (4) 422 5828 | +971 (4) 422 5829 Email address: info@shootingstarsuae.com
---------------------------------
يحليلنا والله . . نحن اكثر فانز لديزني يكسر الخاطر لا دبلجات ولا اصدارات عدلة واكبر سحبة ع الفانز وصفحة الفيس بوك اللي وجودها والعدم واحد . . والله محد غير الفانز اللي يحاتي ويهتم لهالامور
--------------------
المشاركات: 161 | من: الإمـارات العـربيـة المـتــحــدة | تاريخ التسجيل: أغسطس 2014
|